1-2 ၦ ၡၩအဖိၪခွၫဧ့, ချဲၩ့ဆၧလၧမီၪအချိၬတၭ, စံၭ, ကဆါ ယဟိဝၩစံၭဘဲၫယီၩ,အိၩ့ယိၩ့ထၪ့နၥံၪဝ့ၫဆံၭ,မုနံၩ 3 လနံၩနီၪဘၪအၡၪ့ဖီၩၬ- အဂဲးဘဲၫယီၩမုလနံၩနီၪအီၪ ဘူၭထၪ့ယူၭ,ယဟိဝၩအမုလနံၩ အီၪဘူၭထၪ့ယူၭ,မု လနံၩအီၪလၧဆၧအုၪ့း ၦဆၨၩလဖၪအဆၧၫ့အထီဘၪ 4 ယူၭ.- နၭၥံၪဖၩ့ၥံၪမိဘၪ လၧခးအံဇံၭအလီၩ့တၭ,ထီး ၦဘၪဆၧမၩၥံၫဝ့ၫလဖၪ အ့ၪလၩ့ထံၩဖါလၧခးအံဇံၭ အဖၧၩ့တၭ, ဆၧၥၭမဲၪၥၭဖျဲၩ့မိအီၪဝ့ၫလၧကုၡၫအဖၧၩ့ တၭ,ဆၧမိမၩန့ထၪ့ခွံၬအၡၩခမျၧး, ဒဲအခၪ့ထံၭလဖၪ 5 မိလၩ့ဎီးခွံၬဝ့ၫလီၫ.- ကုၡၫ,လံဘၠၫ ဒဲလုဒံၫအၫၦကျီၪ မွံၩအၥၭထီးအလူၬ, ဒဲခၠူၭ, ဒဲကယဲၦခးဖိၪလၧအအုၩ့ လၩ့ဆၧလၧအဝ့ၫအၥိၭ ထီးအလူၬနီၪ,မိလၩ့ထံၩဖါ 6 လၧအၥိၭလၧနၭၥံၪဖၩ့ၥံၪလီၫ.- ယဟိဝၩစံၭဘဲၫယီၩ, ၦၡၩလၧအမၩဆၧၩ့အံၭဇံၭလဖၪ မိလၩ့ထံၩဖါဝ့ၫတၭ, အစီၩ့အမၩ့အဆၧအီၪက့ၪထၪ့ထီၫအၥၭနီၪ, ဆၧမိဆၪ့ လၩ့ဝ့ၫလီၫ. လၧမံကဒီၫလၭဖိးလၧစဲၫအံနံၫနီၪ မိလၩ့ ထံၩဖါလၧနၭၥံၪဖၩ့ၥံၪလၧအဖၧၩ့း ကဆါယဟိဝၩ 7 စံၭဝ့ၫဒၪ,- မိအီၪယူဝ့ၫ လၧခးလၧအအီၪယူဝ့ၫလဖၪ အကျၩတၭ, အဒိၩ့လဖၪမိအီၪဝ့ၫလၧဒိၩ့လၧဆၧမၩ 8 လူၬထူၬဝ့ၫလဖၪအကျၩလီၫ.- ထီးယအ့ၪဆူၭခဲၩထၪ့ မ့ၪလၧခးအံဇံၭအဖၧၩ့တၭ, ၦမၩဆၧၩ့ဝ့ၫမိထီၩ့လၧ ဆၧဂၭဂီၩ့တၭးအဝ့ၫၥံၪမိၥ့ၪယၫဝ့ၫ လၧယမွဲယဟိဝၩ 9 လီၫ.- ဆၧလၧမုနံၩလဖၪနီၪအၥီၫ့လဖၪမိစဲၪ့ထၪ့လၧယ အီၪလၧကဘၩ့ဖၧၩ့ ဘဲၫၥိၭအမိမၩၥၭမဲၪၦကုၡၫဖိၪလၧ အလထီးလၩ့ဘၪအၥၭတၭ, မိဘၪဆၧၥၭမဲၪၥၭဖျဲၩ့ ဘဲၫလၧအံဇံၭအမုလနံၩအၥိၭနီၪလီၫ. အဂဲးဘဲၫယီၩ 10 ယိခွါ,ဆၧဂဲၫဝ့ၫလီၫ.- ကဆါယဟိဝၩ စံၭဘဲၫယီၩ, ယမိဒုၭထုၭခွံၬ အံဇံၭအၡၩခမျၧး လၧဘၭဘလၧၫ့ 11 အစဎွၩန့ၭဘူၫခၭန့ဇၫ အစူၪဖၧၩ့လီၫ.- အဝ့ၫဒၪဒဲ အၡၩခမျၧးအီၪဝ့ၫလၧအၥိၭ, ဆၧမၩၥၭမဲၪဆၧလၧ ၦဆၨၩလဖၪအကျၩနီၪ, မိဂဲၫမၩဂၭဂီၩ့ခးလဘံၪ့နီၪ တၭ,မိထုၭထၪ့ခွံၬအနၭထၫ့ဒၩခးအံဇံၭတၭ, မၩဎွ့ၩ 12 ခးလဘံၪ့နီၪလၧၦဘၪဆၧမၩၥံၫဝ့ၫလီၫ.- ယမိဒုၭလၩ့ ၥံၭခွံၬထံၫမိၡါအထံၫတၭ, ယမိအၪ့ဆၫခွံၬခးနီၪလၧ ၦလတီၩလလီၩ့ဘၪအစူၪဖၧၩ့တၭ, ယမိမၩယူခးဒဲက ယဲဆၧလၧအအီၪဝ့ၫလၧအဖၧၩ့ လၧၦလခီၫဘၩ့မုးအ စူၪဖၧၩ့လီၫ. ယၧၩ,ယဟိဝၩယီၩ, ယချဲၩ့ယူၭဆၧ ယူၭ. 13 ကဆါယဟိဝၩစံၭဘဲၫယီၩ, ယမိမၩဂၭဂီၩ့ဆၧဂၩ့ ဆၧဖၪ့လဖၪယမိမၩလၩ့မါခွံၬ ဆၧဂၩ့ဆၧဖၪ့လၧနီဖၭ အဖၧၩ့တၭ,ၦဒိၪဖၭဒိၪလဂၩ အီၪလၧၩ့လၧခးအံဇံၭ အဖၧၩ့နးဂၩအ့ၬ. တၭယမိဒုၭဘၪခးအံဇံၭလၧအဆၧ 14 ၥၭမဲၪၥၭဖျဲၩ့လီၫ.- ယမၩယူပၫၥြီၭတၭ, ယမိဆူၭခဲၩ ထၪ့မ့ၪလၧဇိအၫ့အဖၧၩ့တၭ,ယမိမၩဆၧစ့ၩရၫ့လၧ 15 နိၫအဖၧၩ့လီၫ.- ယမိဂါလၩ့ယၥၭခဲၩထၪ့လၧဇံၫ့, အံဇံၭအဂဲးအဘၭအဖၫ့ခိၪတၭ,ယမိဒၪ့ထ့ၬခွံၬနိၫအၡၩ 16 ခမျၧးလီၫ.- ယမိဆူၭခဲၩထၪ့မ့ၪလၧခးအံဇံၭအဖၧၩ့ တၭ,ဇံၫ့နီၪမိဝၭၡိၩ့ၡိၬတၭ,နိၫနီၪမိထ့ဖၭတၭ, နီဖၭ 17 မိဘၪဆၧမၩဆီၪ့ဝ့ၫၥံၫ့ၥံၫ့နံၩလီၫ.- အၫဝံၫ့,ဒဲဖံၫဘဲစ့ၭ, အၡၩၥၭဘၪ့နီၪ,မိလၩ့ထံၩဖါလၧနၭတၭ ၦမုၪလဖၪ 18 နီၪမိလ့ၩကဲၪဎီးလီၫ.-လၧတၫဖၫ့ဟ့ၭဆ့မုနံၩမိခံၭလၩ့ တၭ,ထီးယအ့ၪမၩခါခွံၬအံဇံၭအနိၪထိၭဘီၩ့လၧအ ဖၧၩ့,ဒဲအဂဲးအဘၭအၥၭထၪ့ထီၫမိထုၬဝ့ၫလၧအဖၧၩ့ လီၫ. ဆၧအုၪ့မိမၩဘံၭအဝ့ၫတၭ, အဖိၪမုၪလဖၪမိ 19 လ့ၩကဲၪဎီးလီၫ.- ယမိမၩဆၧစ့ၩရၫ့လၧခးအံဇံၭအ ဖၧၩ့တၭ အဝ့ၫၥံၪမိၥ့ၪယၫဝ့ၫလၧယမွဲယဟိဝၩလီၫ.

20 လၧနံၪ့လဆံၫလနံၪ့လၩခၪ့ထံၭ, လၩထၪ့နွ့ၫနံၩလ နံၩနီၪဆၧမၩအၥၭလၧယဟိဝၩ အလူလၩ့ဘၪယၧၩ 21 တၭစံၭဝ့ၫဒၪ.- ၦၡၩအဖိၪခွၫဧ့, ယမၩခါယူၭ အံဇံၭ အစဎွၩဖၫရိၫအစူၪဒူၪယူၭ. တၭ,ယိခွါ,ဆၧဘီၪ့ဘံၭ ထၬဝ့ၫ, ဘဲၫၥိၭအမိအီၪက့ၪ ၥံၪ ဎၥံၪ့ဎွံၭ လၧအလီၩ့ အ့ၬး ဆၧဘီၪ့ဘံၭထၬ အဝ့ၫဘဲၫၥိၭအမိဒုၭဆီၪ့ထၪ့ဝ့ၫ 22 လၧအမိမၩန့နၭအဂးဆ့အ့ၬ.- မၩအၥၭဘဲၫနီၪတၭ, ကဆါယဟိဝၩစံၭဘဲၫယီၩ,ယိခွါ, ယထၫ့ဒၩအံဇံၭ အစဎွၩဖၫရိၫတၭ, ယမိမၩခါအစူၪဒူၪနံၫခီၫ, အဆီၪ့ လခီၫ,ဒဲအဆါလခီၫတၭ, ယမိဒုၭလၩ့ထ့ၬခွံၬနၭလၧ 23 အစူၪဖၧၩ့လီၫ.- ယမိမၩလၩ့ပြံၩလၩ့ပၩၦအံဇံၭဖိၪ လၧၦဆၨၩလဖၪအကျၩတၭ, ယမိမၩလၩ့မုလၩ့ဖၭ 24 ဝ့ၫလၧခးလဖၪအကျၩလီၫ.- အ့ၪမွဲယမိဒုၭဆီၪ့ထၪ့ ဘၭဘလၧၫ့အစူၪဒူၪတၭ, ယမိဒုၭနုၬယနၭလၧအစူၪ ဖၧၩ့လီၫ. ယမိမၩခါခွံၬဖၫရိၫအစူၪဒူၪတၭ, အဝ့ၫမိဂၪ့ အုၩဂၪ့ထိၬ လၧအမ့ၬယၫဘဲၫၦလၧအဘၪဆ့ၭၥံၫအ 25 ဆၧဂၪ့အုၩဂၪ့ထိၬအၥိၭနီၪလီၫ.- မွဲမၬယမိဒုၭဆီၪ့ ထၪ့ဘၭဘလၧၫ့အစဎွၩအစူၪဒူၪတၭ, ဖၫရိၫအစူၪဒူၪ မိလၩ့ဆါဝ့ၫလီၫ. ထီးယအ့ၪဒုၭနုၬယနၭလၧဘၭဘ လၧၫ့အစဎွၩအစူၪဖၧၩ့တၭ, အဝ့ၫဒၪမိယၩ့ထၪ့ဝ့ၫလၧ ခးအံဇံၭအဖၫ့ခိၪတၭ, အဝ့ၫၥံၪမိၥ့ၪယၫဝ့ၫလၧယမွဲ 26 ယဟိဝၩလီၫ.- ယမိမၩလၩ့ပြံၩလၩ့ပၩၦအံဇံၭဖိၪ လၧၦဆၨၩလဖၪအကျၩတၭ, မၩလၩ့မုလၩ့ဖၭဝ့ၫလၧ ခးလဖၪအကျၩတၭ,အဝ့ၫၥံၪမိၥ့ၪယၫဝ့ၫလၧယမွဲယ ဟိဝၩလီၫ.