28
1 ယဟိဝၩအလူလၩ့ဘၪဒီၭယၧၩတၭ, စံၭဝ့ၫဒၪ,
2 ၦၡၩအဖိၪခွၫဧ့, စံၭလၧတဲအၫအၦဒိၪဖၭဒိၪနီၪ,ကဆါ ယဟိဝၩစံၭဘဲၫယီၩ, မွဲနၥၭအီၪထၪ့ထီၫတၭ, နစံၭ ယူၭ,ယမွဲယွၩလဂၩ, ယဆၧၫ့နၩ့လၧယွၩအလးဆၧၫ့ နၩ့လၧမၫဆမံၭအၥၭကျၩနီၪတၭ, နအီၪက့ၪနၥၭဘဲၫ ယွၩလဂၩအၥၭလါနၫ့တၭး နမွဲၦၡၩလဂၩတၭ,မွဲယွၩ
3 လဂၩအ့ၬ.- ယိခွါ,နအီၪက့ၪနၥၭကိၪ့ၥ့ၪနဲၪ့ဒံၭစဒၫ့န အ့လၭတၭ,ဆၧအီၪၥူၪအီၪကဒုၩလၧနၧၩနးမံၩ့အ့ၬ.
4 လၧနထူၭထၪ့လၧၫ့ထၪ့လၧနဆၧကိၪ့ၥ့ၪကိၪ့ဘၪဒဲနၥုၪ့ ဆၭၥၭဆၭအကၠီၩ့တၭ, နအီၪလၧထီၫ့ဒဲစ့ၩလၧနအီၪ
5 က့ၪကီၪ့ဆၧအလးဖၧၩ့လီၫ.- နမၩအၪထၪ့နဆၧထူၭ ဆၧလၧၫ့ လၧဆၧကိၪ့ၥ့ၪကိၪ့ဘၪဖၭဒိၪ လၧနမၩဖနံၬ ဆၧလီၫ. နမၩထၪ့ထီၫနၥၭလၧနဆၧထူၭဆၧလၧၫ့အ
6 ကၠီၩ့လီၫ.- မၩအၥၭဘဲၫနီၪတၭ, ကဆါယဟိဝၩစံၭ ဘဲၫယီၩ,မွဲနအီၪက့ၪနၥၭ ဘဲၫယွၩလဂၩအၥၭ အၥိၭ
7 တၭ.- ယိခွါ,ယမိဒုၭဂဲၫဘၪနၧၩလၧၦလခီၫဘၩ့မုးဖိၪ, ၦမၩၥၭမဲၪဆၧလၧၦဆၨၩလဖၪအကျၩ, ဒဲမိထုၭထၪ့ခွံၬ အနၭထၫ့ဒၩ နဆၧကိၪ့ၥ့ၪကိၪ့ဘၪ အဎံၫအလၩတၭ,
8 မိမၩဘၪၥၭလိၪ နဆၧယုၩ့ယဲလီၫ.- တၭအဝ့ၫၥံၪမိ ဆၪ့လၩ့နၧၩလၧဆၧဖၧၩ့တၭ, နမိၥံၫဘဲၫၦလၧအဘၪ ဆၧမၩၥံၫဝ့ၫ လၧမၫဆမံၭအၥၭကျၩ အၥိၭနီၪလီၫ.
9 လၧၦလၧအမၩၥံၫနၧၩ အမ့ၬယၫနီၪ နမိစံၭလၧယမွဲ ယွၩလဂၩနီၪဆ့ဧၪ, အ့ၪမွဲနမွဲယွၩအ့ၬ, မွဲၦၡၩလဂၩ
10 လၧၦလၧအမၩၥံၫနၧၩအစူၪဖၧၩ့လီၫ.- နမိဘၪၥံၫဘဲၫ ၦလၧအလဒိၭဘၪဆၧကူၭတရံၭၥံၫဝ့ၫအၥိၭ, လၧၦလ ခီၫဘၩ့မုးဖိၪအစူၪဖၧၩ့လီၫ. အဂဲးဘဲၫယီၩ ယဝ့ၫဒၪ ယီၩ, ယချဲၩ့ယူၭဆၧယူၭ, ကဆါယဟိဝၩစံၭဝ့ၫဒၪ.
11 လၧနီၪအမ့ၬယၫယဟိဝၩအလူလၩ့ဘၪယၧၩ, စံၭ
12 ဝ့ၫဒၪ,- ၦၡၩအဖိၪခွၫဧ့,ဒုၭအီၪထၪ့ဂၪ့ဆၧယၧၩ့ဆၧ လၧတဲအၫ အစဎွၩအကၠီၩ့တၭ,စံၭအဝ့ၫဒၪ, ကဆါ ယဟိဝၩစံၭဘဲၫယီၩ, ဆၧလၧအလၧၫ့ဎွ့ၩလၧဆၧကိၪ့ ၥ့ၪကိၪ့ဘၪတၭ, လၧၫ့ထၪ့ဎွ့ၩထၪ့ လၧဆၧအဎံၫအ
13 လၩနစဲၩနဲၪ့ထၬဝ့ၫဒၪလီၫ.- နအီၪယူၭလၧအံဒံၫ့ယွၩ အကျိၭအဖၧၩ့း ထၫ့မျါကိၭမံၩ့ဒ့ၭ, မွဲဆၧချႃၬဘံၭနၧၩ, ထၫ့မျါဆၫ့ၥွံၪ, ထၫ့မျါဘၩ့အုၭၥဖၬယၩ, ထၫ့မျါမဟူ ယၩထီၩ့အၥၭ, ထၫ့မျါဘၩ့ယ့ၫ,ထၫ့မျါနကၥွဲၭ,ထၫ့ မျါနံၩလၩ,ထၫ့မျါဝီၩ, ထၫ့မျါတ့မၠၭ,ဒဲထီၫ့လီၫ. ဆၧအ မ့ၬအဖၧၩ့တဲၩ့အၥၭလၧနထၫ့မျါအဂးနီၪ အၪဝ့ၫလၧ
14 နၧၩ,မုလနံၩ လၧနအီၪဖျဲၪနီၪတဲၩ့ဝဲၩအၥၭလီၫ.- နမွဲ ခ့ၫရူၬဒိၭဂုၪအၥၭလဒုၩ လၧအကၭဘံၭထၬအၥၭ, ယအီၪက့ၪနၧၩ လၧယွၩအခိၪလီၩ့ဆံၫ့ဎံၪအလီၩ့လီၫ.
15 နစဲၪ့ဝံၩ့ဝၩ့ဆၧလၧလိးမ့ၪအကျၩလီၫ.- နဘီၪထၪ့ယီၫ ထၪ့လၧနဖၧၩ့ၥၭခီၫလၧနမုလနံၩ လၧနအီၪဖျဲၪထီးဆၧ
16 ဒၪန့ဆၧဒဲၩဘၭလၧနဖၧၩ့လီၫ.- နဎွ့ၩလၧဆၧမၩဆီၪ့ လ့ၬလၧနဆၧဖနံၬလဖၪအၪလ့ၬအကၠီၩ့တၭ, နမၩယူၭ ဆၧဒဲၩဘၭယူၭ, မၩအၥၭဘဲၫနီၪတၭ, ယမိခွံၬၡိၬခွံၬ နၧၩလၧယွၩအခိၪလီၩ့အလီၩ့, ဘဲၫဆၧဘၪၥၭလိၪအ ၥိၭနီၪခ့ၫရူၬ လၧအမၩဘံၭဆၧလဂၩဧ့, ယမိမၩဂၭ
17 ဂီၩ့နၧၩလၧလိးမ့ၪအကျၩလီၫ.- နအီၪက့ၪထၪ့ထီၫန ၥၭလၧနဎံၫနလၩအကၠီၩ့, နမၩဘၪၥၭလိၪနဆၧကိၪ့ ၥ့ၪကိၪ့ဘၪလၧနဆၧယုၩ့ယဲအကၠီၩ့လီၫ. ယမိခွံၬလၩ့ ခွံၬနၧၩလၧဂၪ့ခိၪအဖၫ့ခိၪ, ယမိအီၪက့ၪနၧၩလၧစဎွၩ
18 လဖၪအမ့ၬယၫဘဲၫၥိၭအမိယိဖၧၩ့နၧၩလီၫ.- နမၩဘၪ ၥၭလိၪနလးဆံၫ့ဎံၪလဖၪ လၧနဆၧဒဲၩဘၭအၪမံၩ့အ ကၠီၩ့,လၧနမၩဖနံၬ ဆၧလတီၩလလီၩ့ဘၪအကၠီၩ့လီၫ. တၭယမိဒုၭဂဲၫထၪ့မ့ၪ လၧနၥၭကျၩလၧအမိအၪ့ခွံၬ နၧၩ,ဒဲယမိဒုၭကဲၪထၪ့နၧၩ, လၧဖံၫ့ချၪလၧဂၪ့ခိၪချိၫ့, လၧၦလၧအယိနၧၩလဖၪ အမ့ၬယၫ ထီးအလူၬလီၫ.
19 ကယဲၦလၧအၥ့ၪယၫနၧၩ လၧၦၡၩခမျၧးထီးအလူၬအ ကျၩနီၪမိထီၫမံၫထီၫမၪလၧနကၠီၩ့လီၫ. နကဲၪထၪ့ဆၧ ၥၭမဲၪဖၭဒိၪအလးတၭ, နလအီၪလၧၩ့ဘၪလၩ့ဆိၩ လၩ့ကၠၪလီၫ.
20 ယဟိဝၩအလူလၩ့ဘၪဒီၭယၧၩတၭ,စံၭဝ့ၫဒၪ,
21 ၦၡၩအဖိၪခွၫဧ့, အီၪက့ၪနမ့ၬ ထၫ့ဒုၪဒၩ ဇဲဒၧၫ့တၭ,
22 ချဲၩ့ဆၧလၧမီၪအချိၬထၫ့ဒၩဝ့ၫတၭ,- စံၭ,ကဆါယ ဟိဝၩစံၭဘဲၫယီၩ, ယိခွါ,ဇဲဒၧၫ့ဧ့,ယထၫ့ဒၩနၧၩတၭ, ယမိဒိၭဆၧလၩဆၧဖၩ့လၧနၥၭကျၩတၭ, ထီးယအ့ၪ မၩဆၧစ့ၩရၫ့လၧအဖၧၩ့တၭ, ဆၧမိအီၪက့ၪဆံၫ့ဎံၪ ယၧၩလၧအဖၧၩ့နီၪ, ၦလဖၪမိၥ့ၪယၫဝ့ၫလၧယမွဲယ
23 ဟိဝၩလီၫ.- ယမိအၪ့မၧၫ့လၩ့ဆၧၥံၫချဲၫ့လၧအအီၪ, ဆၧၥွံၪလၧအဖၧၩ့ၥၭဖၧၩ့ ဒဲၦဘၪဆ့ၭမိလၩ့ထံၩဖါ လၧအကျၩ လၧနၭၥံၪဖၩ့ၥံၪ လၧအအီၪဝၬဖီၩ့ထၫ့ဒၩ အဝ့ၫတၭ, အဝ့ၫၥံၪမိၥ့ၪယၫလၧယမွဲယဟိဝၩလီၫ.
24 ဆၧဆူၪလၧအဘၪဆ့ၭဆၧမွဲဂ့ၩ, ဒဲဆၧဆူၪဆၧမဲၪ လၧအမၩဆၫဆၧမွဲဂ့ၩ, အီၪလၧၩ့လၧအံၫစရ့လၭအ ၡၩဂံၪ့ဖိၪ, ဒဲလၧၦလၧအဝၬဖီၩ့ဝ့ၫ ထီးအလူၬအကျၩ လၧအမၩကြၩ့ထမးအဝ့ၫၥံၪအ့ၬ. တၭအဝ့ၫၥံၪမိၥ့ၪ
25 ယၫဝ့ၫလၧယမွဲကဆါယဟိဝၩလီၫ.- ကဆါယဟိဝၩ စံၭဘဲၫယီၩ, ထီးယအ့ၪအၪ့ထုၫ့ကီၪ့ အံၫစရ့လၭအ ၡၩဂံၪ့ဖိၪလၧၦဆၨၩလဖၪအကျၩ ထီးအလးလၧအ အီၪပြံၩပၩလၧအကျၩတၭ, ဆၧမိအီၪက့ၪဆံၫ့ဎံၪ ယၧၩလၧအကၠီၩ့ လၧၦဆၨၩလဖၪအမ့ၬယၫတၭ, မိ အီၪဝ့ၫလၧခးလဘံၪ့အဖၧၩ့ လၧယဖ့ၪလၫ့ယူၭယခ့ၫ
26 ယၡၩစယၫကူၭနီၪလီၫ.- အဝ့ၫၥံၪမိအီၪထီးနီၪအီၪဂုး ခၧၫ့တၭ,မိမၩဂံၪ့ၥံၪဎၫ့ၥံၪ, ဒဲၥုၪ့စဘံၭမုအလးတၭ, ထီးယမၩဆၧစ့ၩရၫ့လၧၦလၧအမၩကြၩ့ထမးဘၪအ ဝ့ၫဝၬဖီၩ့ဝ့ၫထီးအလူၬအလီၩ့တၭ,မွဲမၬ,မိအီၪဝ့ၫဂုး ခၧၫ့တၭ,မိၥ့ၪယၫဝ့ၫလၧယမွဲယဟိဝၩ အဝ့ၫၥံၪအယွၩ လီၫ.