23
1-2 ၦ ၡၩအဖိၪခွၫဧ့,ၦမုၪနံၩဂၩ,အမိလဂၩဎးအီၪဝ့ၫလဖၧၫ့
3 လီၫ. - တၭအဝ့ၫၥံၪမၩဆၧလဲးဆၧဘျၪလၧခးအံဇံၭ အဖၧၩ့, မၩဆၧလဲးဆၧဘျၪလၧအၥၭဘၪ့အဘိၩ့ဘၭ လီၫ. ထီးနီၪဘၪဆၧဘံၭအနူ ထီးနီၪၦဘံၭဆၫ ၦမုၪ
4 နၩ့အနူခံၫလီၫ.- အဝဲလဂၩအမံၩ့မွဲနးအဟိလၫ, အဖု လဂၩအမံၩ့မွဲနးအဟိလဘၫလီၫ. ကဲၪထၪ့ယဆၧတၭ, ဆီၫ့အီၪန့ဖိၪခွၫလဖၪ, ဒဲဖိၪမုၪလဖၪလီၫ. ဆၧလၧအ မံၩ့နီၪ, နးအဟိလၫမွဲစမ့ရအၫ, ဒဲနးအဟိလဘၫ,မွဲ
5 ယရုစလံၫ့လီၫ.- ထီးအမွဲယဆၧနီၪ နးအဟိလၫမၩ ဒီၩ့ ၦမဲၩဎွဲၩမုၪလီၫ. အဲၪလၧအၥၭလဲးၥၭဘျၪ ၦလၧ အအဲၪအဝ့ၫ, ၦလၧအနဲၩ့ထံၭ,ၦအစံရအၫဖိၪလဖၪ,
6 ကီၩ့ၥိၭဆၧလၫ, ၦၥုၭခိၪၥံၪ,ဒဲၦဒိၪၥံၪ,ၦဖိၪၥၪခွၫလၧ အဘၪၦအၥၭထီးအလူၬ, ၦထူၬကၥ့ၪလဖၪနီၪမွဲလၧ အထူၬကၥ့ၪလီၫ.
7 ဘဲၫနီၪၥိၭမၩဆၧလဲးဆၧဘျၪလၧအဝ့ၫၥံၪ, လၧက ယဲအစံရအၫ အၡၩရွံန့ဖိၪ ထီးအလူၬ, ဒဲလၧကယဲၦ လၧအအဲၪဝ့ၫ လၧအၥၭလဲးၥၭဘျၪ,မၩဘၪၥၭလိၪအ
8 ၥၭလၧအဆၧဂၩ့ဆၧဖၪ့ထီးအလူၬလီၫ.- စဲၪ့ဒၪခွံၬအ ဆၧလဲးဆၧဘျၪဘၪဆဲၫ့လၧခးအံဇံၭနီၪဆ့အ့ၬ. အဂဲး ဘဲၫယီၩအဝ့ၫၥံၪမံၫဎုၬလၧအၥိၭလၧအၥၭဘၪ့အဘိၩ့ ဘၭတၭ, အဝ့ၫၥံၪဘံၭဆၫအမုၪနၩ့အနူတၭ, ဂါလၩ့
9 အဆၧလဲးဆၧဘျၪလၧအလီၩ့လီၫ.- မၩအၥၭဘဲၫနီၪ တၭ, ယဖ့ၪလၫ့ခွံၬအဝ့ၫ လၧၦလၧအအဲၪအဝ့ၫအစူၪ ဖၧၩ့လၧၦအစံရအၫဖိၪလၧအအဲၪဝ့ၫလၧအၥၭလဲးၥၭ
10 ဘျၪအစူၪဖၧၩ့လီၫ.- အဝ့ၫၥံၪနဲၪဖျီၪထၪ့အဆၧအီၪဘိၪ့ လီၫ. မၩန့အဖိၪခွၫၥံၪ,ဒဲအဖိၪမုၪၥံၪတၭ, မၩၥံၫအဝ့ၫ ဒၪလၧနၭတၭ,အမံၩ့အၧၩ့ဂၧၫ့ထၪ့ၥၩလၩ့ဝ့ၫလၧၦမုၪ အကျၩလီၫ. အဂဲးဘဲၫယီၩ အဝ့ၫၥံၪမၩဝ့ၫလၧအဆၧ
11 စ့ၩရၫ့လီၫ.- အထၧၫ့ဖုဝဲမုၪ နးအဟိလဘၫဒၪဘၪဆၧ နီၪလါနၫ့, အဲၪအဆၧလၧအၥၭလဲးၥၭဘျၪ နၭနဲၪ့ဒံၭအ ဝ့ၫလဂၩလီၫ. မၩအဆၧလဲးဆၧဘျၪနီၪ နၭနဲၪ့ဒံၭအ
12 ထၧၫ့ဖုဝဲမုၪအဆၧလဲးဆၧဘျၪနီၪလီၫ.- ၦအစံရအၫဖိၪ အီၪလၧအနဲၩ့ထံၭနီၪ, အဲၪဝ့ၫလၧအၥၭလဲးၥၭဘျၪ, မွဲ ၦၥုၭခိၪၥံၪ, ဒဲၦဒိၪၥံၪ, ကီၩ့ၥိၭဆၧလၧၫ့လၧၫ့ဎွ့ၩဎွ့ၩ, ၦထူၬကၥ့ၪလဖၪနီၪမွဲအထူၬကၥ့ၪ,ၦဖိၪၥၪခွၫလၧအ
13 ဘၪၦအၥၭထီးအလူၬလီၫ.- ထီးနီၪလဖၧၫ့ယဒၪဘၪ လၧအဘၪၥၭလိၪ,လၧၦနံၫဂၩနီၪဖိၬဖၧၩ့ၥၭလဘီၩ့ဎး,
14 လါနၫ့တၭ,- ၦမုၪနီၪမၩအၪထၪ့အဆၧလဲးဆၧဘျၪ လီၫ. အဂဲးဘဲၫယီၩ ဒၪဘၪၦခွၫအဂၩ့ အီၪကွ့ၭအၥၭ လၧဆၧဒီၪ့အလီၩ့, ၦခၫလဒံအၫဖိၪအဂၩ့ ကွ့ၭအၥၭ
15 လၧၥံၪထံၫအဝီၩ,- ခဲးထူၬအယးဒံၩ့လၧခၧၩ့ယး,အီၪ ဝ့ၫလၧအခိၪဖုၪ့ကံၪကဲၩ့ဖျီၪဝ့ၫဘဲၫၦဒိၪဖၭဒိၪထီးအ လူၬအၥိၭ,ဘဲၫၦဘၭဘလၧၫ့ဖိၪလၧခၫလဒံအၫအဖၧၩ့
16 အအီၪဖျဲၪအခးလီၫ.- ထီးအဒၪဘၪဝ့ၫလၧအမ့ၬတၭ, အဲၪဝ့ၫလၧအၥၭလဲးၥၭဘျၪတၭ, အၪ့မၧၫ့အၥီၫ့လဖၪ
17 လ့ၩလၧအအီၪလၧခးခၫလဒံအၫအဖၧၩ့လီၫ.- ဘၭ ဘလၧၫ့အဖိၪခွၫလဖၪဂဲၫဝ့ၫလၧအအီၪ လၧဆၧအဲၪ အလးမံၫဖၧၩ့တၭ,မၩဘၪၥၭလိၪဝ့ၫလၧဆၧလဲးဆၧ ဘျၪတၭ, အဆၧဘၪၥၭလိၪလၧအဝ့ၫ, အၥၭလၩ့ၡၪ
18 လၧအဝ့ၫလီၫ.- နဲၪဖျီၪထၪ့အဆၧလဲးဆၧဘျၪတၭ,နဲၪ ဖျီၪထၪ့အဆၧအီၪဘိၪ့လီၫ.- ထီးနီၪလဖၧၫ့ယၥၭလၩ့ ၡၪလၧအဝ့ၫ, ဘဲၫယၥၭလၩ့ၡၪယူၭလၧအထၧၫ့ဖုဝဲမုၪ
19 အၥိၭနီၪလီၫ.- အဂဲးဘဲၫယီၩမွဲအနၪ့ထၪ့ထဲၩ့အၥၭ ဘၪ့အမုနံၩ ထီးအမၩဆၧလဲးဆၧဘျၪ လၧခးအံဇံၭ အဖၧၩ့အကၠီၩ့တၭ,မၩအၪထၪ့ဆၧလဲးဆၧဘျၪလီၫ.
20 တၭအဲၪဝ့ၫၦအၥံၪဝၩ လၧအဖံၭအယၪ မၩအၥၭဘဲၫ ကၥ့ၪယီၩ့အဖံၭအယၪအၥိၭ ဒဲအဆၨၩအဆၬနီၪ မၩ
21 အၥၭဘဲၫကၥ့ၪအဆၨၩအဆၬအၥိၭနီၪလီၫ.- တၭနနၪ့ ထၪ့ထဲၩ့နၥၭဘၪ့အၥၭလဲးၥၭဘျၪထီးၦအံဇံၭဖိၪဘံၭ ဆၫနနူခံၫလၧနၥၭဘၪ့အနူအကၠီၩ့လီၫ.
22 မၩအၥၭဘဲၫနီၪတၭ, နးအဟိလဘၫဧ့,ကဆါယဟိ ဝၩစံၭဘဲၫယီၩ, ယိခွါ, ယမိထိၪဂဲၩၦလၧအအဲၪနၧၩ ထၫ့ဒၩနၧၩ ၦလၧနၥၭလၩ့ၡၪလၧအဝ့ၫတၭ, ယမိဒုၭဂဲၫ
23 အဝ့ၫထၫ့ဒၩနၧၩဝၬဖီၩ့ဝ့ၫ,- ၦဘၭဘလၧၫ့ဖိၪ,ဒဲၦ ခၫလဒံအၫဖိၪထီးအလူၬ, ဖံကီၭ,ဒဲၡိအၫ,ဒဲကိအၫ,ဒဲ အစံရအၫဖိၪထီးအလူၬအီၪလၧအၥိၭ,အဝ့ၫၥံၪ ထီး အလူၬနီၪမွဲၦဖိၪၥၪခွၫလၧအဘၪၦအၥၭ,ၦၥုၭခိၪၥံၪ ဒဲၦဒိၪၥံၪ, ဒဲၦဒိၪဖၭဒိၪလဖၪ,ၦလၧအမံၩ့ဂၧၫ့ထၪ့ၥၩ
24 လၩ့လဖၪ,အဝ့ၫၥံၪထီးအလူၬထူၬကၥ့ၪလီၫ.- တၭအ ဝ့ၫၥံၪမိဂဲၫထၪ့ထၫ့ဒၩနၧၩ အီၪလၧလဲၪ့ၥုၭၥံၪ, ဒဲလဲၪ့ ၥံၪ,ဒဲၦခမျၧးအဒီၪ့ဖၭဒိၪလဖၪလီၫ. တၭအဝ့ၫၥံၪအီၪ က့ၪထၫ့ဒုၪဒၩနၧၩ လၧထၩ့ဖံၭဖၭဒိၪ,ဒဲထၩ့ဖံၭဖိၪ, ဒဲ ခိၪလူၬၥုၭဝၬဝၬတၭ,ယမိအီၪက့ၪဆၧစ့ၩရၫ့လၧအဝ့ၫ ၥံၪအမ့ၬယၫတၭ,အဝ့ၫၥံၪမိစ့ၩရၫ့နၧၩ,ဘဲၫအဝ့ၫၥံၪ အဆၧစ့ၩရၫ့အထူၫအရူၫအီၪဝ့ၫအၥိၭနီၪလီၫ.
25 ယမိအီၪက့ၪယၥၭကဲၪ့ ထၫ့ဒၩနၧၩတၭ,အဝ့ၫၥံၪမိ မၩနၧၩလၧအၥၭခဲၩထၪ့လီၫ. မိမၩန့ထၪ့ခွံၬနနၫဖူၫဒဲ နနါၥံၪတၭ, နဆၨၩနဆၬမိလၩ့ထံၩဖါလၧနၭလီၫ.အ ဝ့ၫၥံၪမိမၩန့နဖိၪခွၫၥံၪဒဲနဖိၪမုၪၥံၪတၭ, မ့ၪမိအၪ့ခွံၬန
26 ဆၨၩနဆၬလီၫ.- အဝ့ၫၥံၪမိဘဲၪ့လၩ့ခွံၬနကီၩ့နၥိၭ, ဒဲ
27 မၩန့ထၪ့ခွံၬနကယၧၩ့ကယီၫအဎံၫအလၩလီၫ.- ယ မိဒုၭထုၬနၥၭလဲးၥၭဘျၪ ဒဲနမၩဆၧလဲးဆၧဘျၪ ဘၪ ဆဲၫ့လၧခးအံဇံၭတၭ, နစၪ့ထၪ့လၧၩ့နမ့ၬၥၪလၧအခး
28 ဒဲနၪ့ထၪ့ထဲၩ့လၧၩ့အံဇံၭဆ့အ့ၬ.- အဂဲးဘဲၫယီၩ က ဆါယဟိဝၩစံၭဘဲၫယီၩ, ယိခွါ,ယမိဖ့ၪလၫ့ခွံၬနၧၩ လၧၦလၧနၥၭဂဲၫ့ဝ့ၫအစူၪဖၧၩ့, လၧၦလၧနၥၭလၩ့ၡၪ
29 လၧအဝ့ၫအစူၪဖၧၩ့လီၫ.- အဝ့ၫၥံၪမိမၩနၧၩလၧအၥၭ ဂဲၫ့ဆၧတၭ,မိမၩန့ထၪ့ခွံၬ နမၩဆၧထီးအလူၬတၭ, မိ စဲၪ့ဒၪနၧၩလၧနအီၪဘိၪ့တၭ,နကီၩ့နၥိၭအီၪအ့ၬ. နဆၧ လဲးဆၧဘျၪအဆၧအီၪဘိၪ့,ဒဲနၥၭလဲးၥၭဘျၪ, ဒဲနမၩ
30 ဆၧလဲးဆၧဘျၪနီၪမိအီၪဖျီၪထၪ့လီၫ.- ယမိမၩနၧၩ လၧဆၧနီၪလဖၪ လၧနလ့ၩမၩဆၧလဲးဆၧဘျၪ ဖိၬၦ ဆၨၩလဖၪအခဲၫ့အကၠီၩ့, လၧနဘၪၥၭလိၪလၧဆၧဂၩ့
31 လဖၪအကၠီၩ့လီၫ.- နဖိၬနထၧၫ့ဖုဝဲမုၪအဖၧၩ့ၥၭတၭ, ယမိဖ့ၪလၫ့အဝ့ၫဒၪ အလိၫ့လဖျိၪ့လၧနစူၪဖၧၩ့လီၫ.
32 ကဆါယဟိဝၩစံၭဘဲၫယီၩ, နမိဘၪအီၩနထၧၫ့ဖုဝဲမုၪ အလိၫ့လၧအယိၬ ဒဲအဒိၪလီၫ. နမိဘၪကဲၪထၪ့ဆၧ နံဘၪဒုၪဒွ့ၪအလး, ဒဲဆၧမၩကြၩ့ထမး အလးတၭ,
33 ဆၧထီဝ့ၫအၪမၬလီၫ.- နမိဎွ့ၩလၧဆၧအီၩမၧၩ့နၥၭ, ဒဲဆၧၥုၪ့အုၭၥၭအုၭလီၫ. ဆၧထီၫမံၫထီၫမၪဒဲဆၧအီၪ ယူအလိၫ့နီၪ, မွဲနထၧၫ့ဖုဝဲမုၪ စမ့ရအၫအလိၫ့လဖျိၪ့
34 လီၫ.- နမိဘၪအီၩဝ့ၫ,ဒဲအၪ့ဆူၭထၪ့ခွံၬ,ဒဲအဲၪ့ကျိၩလိၫ့ အကဲၩ့အခီၫ,ဒဲထုၭထ့ၬခွံၬနနူဒၪနဝ့ၫလီၫ. အဂဲးဘဲၫ ယီၩ,ယချဲၩ့ယူၭဆၧယူၭ ကဆါယဟိဝၩစံၭဝ့ၫဒၪ.
35 ကဆါယဟိဝၩစံၭဝ့ၫဘဲၫယီၩ,မွဲနၥၭနၪ့ယၧၩ, ဒဲခွံၬ ၡိၭယၧၩလၧနချိၫ့အကၠီၩ့, မၩအၥၭဘဲၫနီၪတၭ, ထိး ဒၪနဆၧလၧနၥၭလဲးၥၭဘျၪ, ဒဲနမၩဆၧလဲးဆၧဘျၪ နီၪဆံၭ.
36 ယဟိဝၩစံၭယၧၩ, ၦၡၩအဖိၪခွၫဧ့,မွဲနမိစ့ၩရၫ့နး အဟိလၫဒဲနးအဟိလဘၫၥံၪဆ့ဧၪ.မွဲမၬ, ဒုၭနဲၪအ
37 ဝ့ၫၥံၪ,လၧအဆၧဘၪၥၭလိၪလဖၪနီၪဆံၭ.- လၧအ အဲၪဘိၩ့မၫအဲၪဘိၩ့ဝၩအကၠီၩ့တၭ, ဆၧၥွံၪအီၪလၧအ ဝ့ၫၥံၪအစူၪဖၧၩ့နီၪး လၧအအဲၪဘိၩ့မၫအဲၪဘိၩ့ဝၩလၧ အဆၧဂၩ့လဖၪတၭ,အၪ့မၧၫ့အဖိၪခွၫၥံၪ လၧအဆီၫ့ အီၪန့လၧယဂးလဖၪ ခၫ့ဂၬမ့ၪလၧဆၧမိအၪ့ခွံၬဝ့ၫအ
38 ဂဲးလီၫ.- မၩဆ့ယၧၩလၧဆၧယီၩ,မၩဘၪၥၭလိၪယ လးဆံၫ့ဎံၪတၭ, မၩကြၩ့ထမးယမးၥံၫအနံၩလဖၪလ
39 နံၩဎးလီၫ.- အဂဲးဘဲၫယီၩထီးအမၩၥံၫအဖိၪအလံၩ လၧဆၧဂၩ့လဖၪအဂးတၭ, ဂဲၫလၧယလးဆံၫ့ဎံၪအ ဖၧၩ့လၧအမၩဘၪၥၭလိၪဝ့ၫလနံၩဎးတၭး ယိခွါ,မၩ
40 ယူၭဝ့ၫဘဲၫနီၪလၧယဂံၪ့အၥၭခံဖၧၩ့နီၪယူၭ.- လၧနီၪ အမ့ၬယၫနၥံၪအၪ့မၧၫ့လၩ့ၦၡၩဂဲၫလၧအယဲၩ့, နၥံၪ အၪ့မၧၫ့လၩ့အၥီၫ့လဖၪ လ့ၩလၧအအီၪတၭ, ယိခွါ, ဂဲၫဝ့ၫလီၫ. နၥူၫဝၭဆံၫ့နၥၭလၧအဂး, နဂုၪနမ့ၬဒဲနက
41 ယၧၩ့ကယီၫနၥၭ,- နဆၧၫ့နၩ့လၧဆၧအလးမံၫအဎံၫ အလၩ,ဒဲတဲၩ့ဝဲၩစပွဲလၧအမ့ၬယၫတၭ, နအီၪက့ၪယ
42 ဆၧနၧၫ့မၧၫ့ဒဲယၥိၪထီးနီၪလီၫ.- ၦၡၩခမျၧးအီၪမုၬအ ၥီၫအီၪဝ့ၫလၧအဝ့ၫလစီၪ့ဎးတၭ, ၦဂဲၫဆိၬၦအီၩလၨၪ ဆၧလၧၡါမုနၧၫ့ဖၫလၧအၥိၭလၧအစူၪလၧထဲၫ့ဎွံၪ ဒဲချႃၬ အခိၪလူၬအဎံၫအလၩ အီၪလၧအခိၪဎွံၪအလီၩ့လီၫ.
43 ထီးနီၪလဖၧၫ့ယစံၭလၧအၥၭၡါယူၭ လၧဆၧအဲၪ ဘိၩ့မၫအဲၪဘိၩ့ဝၩအဖၧၩ့လဂၩအဂဲး, ဘိၩ့နဲၪ့ယီၩမွဲ အဝ့ၫၥံၪမိမၩ ဆၧလဲးဆၧဘျၪ လၧအဝ့ၫလၧအနၫ့ဆါ
44 ဒၪလ့ၬဆ့ဧၪ.- အဝ့ၫၥံၪလ့ၩနုၬလၧအအီၪ, ဘဲၫၦလ့ၩ နုၬလၧမဲၩဎွဲၩမုၪ အအီၪအၥိၭနီၪလီၫ. တၭလ့ၩနုၬ လၧၦမုၪလၧအၥၭလဲးၥၭဘျၪနးအဟိလၫ, ဒဲနးအဟိ လဘၫအအီၪဘဲၫနီၪၥိၭလီၫ.
45 ၦၡၩအတီၩအလီၩ့လဖၪနီၪ, ၦမိစ့ၩရၫ့ဘဲၫၦအဲၪဘိၩ့ ဝၩဘၪဆၧစ့ၩရၫ့အၥိၭ, ဘဲၫၦမုၪလၧအဂါလၩ့ဆၧၥွံၪ ဘၪဆၧစ့ၩရၫ့အၥိၭလီၫ. အဂဲးဘဲၫယီၩမွဲၦအဲၪဘိၩ့
46 ဝၩတၭ,ဆၧၥွံၪအီၪလၧအစူၪဖၧၩ့လီၫ.- အဂဲးဘဲၫ ယီၩ,ကဆါယဟိဝၩစံၭဘဲၫယီၩ, ယမိဒုၭဂဲၫထၫ့ဒၩ အဝ့ၫၥံၪလၧၦလဒီၪ့ဖၭဒိၪတၭ, ယမိဖ့ၪလၫ့ခွံၬဝ့ၫလၧ
47 ၦမၩခိမၩဝီၩဝ့ၫ, ဒဲအၪ့ဂူၬဆီၪ့အဆၧလီၫ.- ၦလဒီၪ့ နီၪမိခွံၬဝ့ၫလၧလိး ဒဲဒၪ့ထ့ၬခွံၬဝ့ၫလၧနၭတၭ, မိမၩ ၥံၫအဖိၪခွၫၥံၪဒဲအဖိၪမုၪၥံၪ, ဒဲဆူၭခွံၬအဂံၪ့ၥံၪလၧမ့ၪ
48 လီၫ.- ယမိဒုၭထုၬဆၧၥၭလဲးၥၭဘျၪလၧခးဖၧၩ့, ဘဲၫ ၥိၭၦမုၪထီးအလူၬမိထီးလၩ့အၥၭ, ဘဲၫၥိၭအထီးမၩ
49 ဖိၬအဝ့ၫၥံၪအၥၭလဲးၥၭဘျၪအခဲၫ့လဂ့ၩလီၫ.- အဝ့ၫ ၥံၪမိဖ့ၪထဲၩ့နၥံၪအၥၭလဲးၥၭဘျၪ လၧနၥံၪအလီၩ့တၭ, နၥံၪမိဘၪထိးနၥံၪအဆၧဂၩ့လဖၪ အဆၧဒဲၩဘၭတၭ, နၥံၪမိၥ့ၪယၫလၧယမွဲကဆါယဟိဝၩလီၫ.