24
1 လၧခွံၫနံၪ့လနံၪ့, လၩဆံၫဘံၪ့လဘံၪ့,လၩထၪ့ဆံၫ နံၩလနံၩနီၪ, ယဟိဝၩအလူလၩ့ဘၪဒီၭယၧၩတၭ, စံၭ
2 ဝ့ၫဒၪ,- ၦၡၩအဖိၪခွၫဧ့, ကွ့ၭလၧနဂးမုလနံၩအမံၩ့, မွဲလနံၩယီၩဒၪလ့ၬဆံၭ. ဘၭဘလၧၫ့အစဎွၩအီၪက့ၪ လၩ့အၥၭထၫ့ဒၩယရုစလံၫ့လၧမုလနံၩယီၩလနံၩဎး
3 လီၫ.- ချဲၩ့ဒီၩ့လၩ့ဆၧလၧၦဂံၪ့ဖိၪ အပိၩ့ထၪ့ဒၪဆၧ တၭ,စံၭအဝ့ၫၥံၪ, ကဆါယဟိဝၩစံၭဘဲၫယီၩ, ဒီၩ့ ထၪ့ဖၧၩ့တၭ, ဒီၩ့ထၪ့ဝ့ၫဒဲဂါလၩ့ထံၫလၧအဖၧၩ့ဆံၭ,
4 အၪ့ထုၫ့ကီၪ့တၭ, ဒုၭနုၬဆၧအလီၪ့လဖၪလၧအဖၧၩ့, ကယဲဆၧအလီၪ့လၧအဂ့ၩဒၪလ့ၬ, ကံၪဒူၪဒဲခိၬထံၭခိၪ, မၩဎွ့ၩအဝ့ၫ လၧဆၧအဎွံၪအနၧၩ့ လၧအဂ့ၩအဘၪ
5 ဆံၭ.- တၭမၩန့ဆၧအဂ့ၩထုၬလၧၥိၪ ဒဲဘ့ၪအကျၩ တၭ,မၩဆၧလပိၩ့လၧအဖၫ့လၬ လၧဆၧအဎွံၪအနၧၩ့ အဂး,ဒုၭလၬထၪ့ဝ့ၫအ့ၪဂ့ၩ,အၪ့ဎွံဆၧဎွံၪလဖၪလၧ အဖၧၩ့ဆံၭ.
6 မၩအၥၭဘဲၫနီၪတၭ, ကဆါယဟိဝၩစံၭဘဲၫယီၩ, ဒိၩ့အီၪလၧဆၧၥွံၪး ဖၧၩ့လၧအအ့ၪအီၪဝ့ၫလၧအဖၧၩ့, အအ့ၪလစဲၪ့ထၪ့ခွံၬဘၪလၧအအီၪနီၪ, ဘၪအၡၪ့လီၫ. ဂဲၫဆိၬထၪ့ဝ့ၫ လလီၪ့ဘၪလလီၪ့ဆံၭ. မွဲၦထီးဖၭလၧ
7 အဂးလဂ့ၩ.- အဂဲးဘဲၫယီၩ ဆၧအၥွံၪအီၪဝ့ၫလၧအ ၥၭကျၩတၭ, ဆၧဂါလၩ့ဝ့ၫလၧလိးၥံၪလဲၫ့ၥံၪ အဖၫ့ ခိၪလီၫ.ဂါလၩ့ဝ့ၫလၧဂၪ့ခိၪအလီၩ့ ဘဲၫၥိၭအမိလၩ့
8 ဘၧၩ့ဝ့ၫလၧဂၪ့ခိၪမုၬနီၪမွဲအ့ၬ.- ဘဲၫၥိၭဆၧအၥၭမိခဲၩ ထၪ့ဒဲမိမၩဆၧၫ့ဆၧအၧၩ့တၭ, ယအီၪက့ၪလၩ့ဆၧ အၥွံၪလၧအဂါလၩ့ဝ့ၫ လၧလဲၫ့ခိၪ ဘဲၫၥိၭအထီးလၩ့
9 ဘၧၩ့လဂ့ၩ.- မၩအၥၭဘဲၫနီၪတၭ,ကဆါယဟိဝၩ စံၭဘဲၫယီၩ, ဒိၩ့အီၪလၧဆၧၥွံၪနီၪဘၪအၡၪ့လီၫ. ယ
10 မၩဆၧပိၩ့လၧမ့ၪအဂး ဖၭဒိၪလပိၩ့လီၫ.- ဖျႃၭလၩ့ ၥံၪ့မုအၪ,မၩခဲၩထၪ့မ့ၪ, အၪ့ဎွံမံၫ့ဆၧယၪ, ဒုၭနုၬဆၧ
11 ဂဲၪတၭ,ဆူၭထၪ့ခွံၬဆၧဎွံၪဆံၭ.- ထီးနီၪလဖၧၫ့အီၪ က့ၩဖၧၩ့အီၪခီၫဝ့ၫနီၪလၧမ့ၪအၧၩ့ဖၭအဖၫ့ခိၪ, ဘဲၫၥိၭ အထီးဘၩ့မိခိထၪ့တၭ, မိဆူၭထၪ့ခွံၬအဆၧဘၪၥၭ လိၪမိဖံၪထၪ့ဝ့ၫလၧအဖၧၩ့, ဒဲအအ့ၪမိလူၬဝ့ၫနီၪဆံၭ.
12 အဝ့ၫနီၪမၩပွံၭယၥၭ လၧဆၧမၩလါနၫ့တၭ, အအ့ၪ အၪနီၪစဲၪ့ထၪ့လၧအဖၧၩ့အ့ၬ. အအ့ၪအီၪဒၪဆၧလၧ
13 မ့ၪကျၩလီၫ.- ဆၧလဲးဆၧဘျၪအီၪဝ့ၫလၧနဆၧလဆံၫ့ ဘၪအဖၧၩ့လီၫ. အဂဲးဘဲၫယီၩ ထီးယမၩဆံၫ့နၧၩ တၭ,နဆံၫ့ထၪ့အ့ၬ. ဆၧလၥူၫဝၭလၧၩ့ဘၪဆၧစံၪစၪ လၧနလီၩ့ထီးယမၪလူၬယၥၭခဲၩထၪ့အီၪဒၪဆၧလၧန
14 လီၩ့လီၫ.- ယၧၩ,ယဟိဝၩယီၩ,ယချဲၩ့ယူၭဆၧယူၭ, ဆၧမိမၩအၥၭတၭ,ယမိမၩယဝ့ၫလီၫ. ယကၠၪခွံၬယ ၥၭအ့ၬး တၭယလီၫ့ကီၩ့အ့ၬး ယနီၫ့ယါလၩ့ထဲၩ့ယ ၥၭအ့ၬ,ဘဲၫနဖၧၩ့ၥၭအၥိၭနီၪ, ဒဲဘဲၫနမၩဆၧအၥိၭ နီၪ,ပမိစ့ၩရၫ့နၧၩ,ကဆါယဟိဝၩစံၭဝ့ၫဒၪ.
15 ယဟိဝၩအလူလၩ့ဘၪဆ့ယၧၩတၭ, စံၭဝ့ၫဒၪ,
16 ၦၡၩအဖိၪခွၫဧ့,ယိခွါ, ယမၩန့ထၪ့ခွံၬဆၧလၧအဘၪ နမ့ၬၥၪၥံၪလၧဆၧထးလဘျၩ့လီၫ. မွဲလါနၫ့တၭ,နဂၪ့
17 နယၧၩ့ဘၪအ့ၬ. ဒဲနမ့ၬထံၫမိလၩ့ယွၩဘၪဆ့အ့ၬ.- ဂၪ့ အုၩဂၪ့ထိၬလဂ့ၩ. ဂၪ့လၧၦၥံၫအကၠီၩ့လဂ့ၩ.ဖုၪ့ထၪ့ နခိၪဖုၪ့လၧနခိၪဎွံၪ, ဖျၪ့ထၪ့နခၪ့ဖံၭလၧနခၪ့တၭ, ကၭ
18 ဘံၭနနိၭလဂ့ၩ. အၪ့ၦၡၩအဆၧအၪ့လဂ့ၩ.- ယချဲၩ့ ယူၭဆၧလၧၦခမျၧးလၧမုဂီၩတၭ, လၧမုဂၪလၩ့နီၪယ မၫၥံၫဝ့ၫလီၫ. တၭမုဆဲၪ့ထၪ့နီၪယမၩဆၧဘဲၫဆၧမၪ လူၬယၧၩအၥိၭနီၪလီၫ.
19 တၭၦခမျၧးစံၭယၧၩ, ဆၧလဖၪလၧနမၩဘၪဆဲၫ့
20 လၧပၧၩဘဲၫၥ့ၪလဲၪနီၪ,မွဲနလီၩဘၪပၧၩအ့ၬဧၪ.- ယ စံၭအဝ့ၫၥံၪ, ယဟိဝၩအလူလၩ့ဘၪယၧၩတၭ,စံၭဝ့ၫ
21 ဒၪ,- စံၭအံၫစရ့လၭအၡၩဂံၪ့ဖိၪ, ကဆါယဟိဝၩစံၭ ဘဲၫယီၩ,ယိခွါ, ယမိမၩဘၪၥၭလိၪ ယလးဆံၫ့ဎံၪ, နၥံၪဒိၭနဲၩ့နၥံၪအၥၭအလး လၧနၥံၪအီၪက့ၪဖိၫလိၫ နၥံၪအၥၭလၧအကၠီၩ့, ဆၧလၧအဘၪနၥံၪအမ့ၬၥၪၥံၪ ဒဲဆၧလၧနၥံၪလီၫ့ကီၩ့ဝ့ၫလီၫ. နၥံၪအဖိၪခွၫၥံၪ,ဒဲနၥံၪ အဖိၪမုၪၥံၪလၧအအီၪလၩ့ထး လၧနၥံၪအၥိၭနီၪမိလၩ့
22 ထံၩဖါလၧနၭၥံၪဖၩ့ၥံၪလီၫ.- နၥံၪမၩဆၧဘဲၫယမၩ အၥိၭနီၪလီၫ. နၥံၪကၭဘံၭနၥံၪအနိၭအ့ၬ, ဒဲအၪ့ၦၡၩ
23 အဆၧအၪ့အ့ၬ.- နၥံၪအခိၪဖုၪ့မိအီၪလၧနၥံၪအခိၪဎွံၪ တၭ,နၥံၪအခၪ့ဖံၭမိအီၪလၧနၥံၪအခၪ့လီၩ့လီၫ. နၥံၪ မိဂၪ့မိယၧၩ့အ့ၬ, နၥံၪမိဎွ့လၩ့ခွံၬ လၧနၥံၪအဆၧဒဲၩ ဘၭအဖၧၩ့တၭ, နၥံၪမိဂၪ့အုၩဂၪ့ထိၬလဂၩ ဒဲလဂၩ
24 လီၫ.- တၭစအဇံၫခအ့လၭ မိကဲၪထၪ့ဆၧမၩနဲၪ့လ မံၩ့လၧနၥံၪအဂးလီၫ. ဘဲၫအဝ့ၫဒၪမၩယူၭဆၧထီးအ လူၬအၥိၭနီၪ, နၥံၪမိမၩဒီၭနၥံၪဝ့ၫလီၫ. ထီးဆၧနီၪမၩ အၥၭတၭ,နၥံၪမိၥ့ၪယၫလၧယမွဲကဆါယဟိဝၩလီၫ.
25 နဝ့ၫဒၪယီၩၦၡၩအဖိၪခွၫဧ့, မုလနံၩလၧယမၩန့ထၪ့ ထဲၩ့အဂဲးအဘၭ,အလၩအဖၩ့, အၥုၪ့ဎွံၫၥၭယီၫ ဆၧ လၧအဘၪအမ့ၬၥၪၥံၪ, ဒဲဆၧလၧအလီၫ့ကီၩ့ဝ့ၫအဖိၪ
26 ခွၫၥံၪ,ဒဲအဖိၪမုၪၥံၪနီၪတၭ,- ဆၧလၧမုလနံၩနီၪ, ၦ လၧအဖီၩ့ဖျ့ၭလဂၩ မိဂဲၫလၧနအီၪ ဘဲၫၥိၭအမိဒုၭနါ
27 ဂၧၫ့နၧၩလၧဆၧလၧနနါဖၧၩ့လီၫ.- ဆၧလၧမုလနံၩနီၪ နနိၭမိအၩ့ထၪ့အၥၭ လၧၦလၧအဖီၩ့ဖျ့ၭဆၧအဂး,န မိချဲၩ့ဆၧတၭ,အီၪအုၭအၭလၧၩ့အ့ၬ. နမိကဲၪထၪ့ဆၧ မၩနဲၪ့လမံၩ့လၧအဝ့ၫၥံၪအဂးတၭ, အဝ့ၫၥံၪမိၥ့ၪယၫ လၧယမွဲယဟိဝၩလီၫ.