22
1 လၧနီၪအမ့ၬယၫ, ယဟိဝၩအလူလၩ့ဘၪယၧၩတၭ,
2 စံၭဝ့ၫဒၪ,- နဝ့ၫဒၪယီၩၦၡၩအဖိၪခွၫဧ့,နမိစ့ၩရၫ့ဒိၩ့ အီၪလၧဆၧၥွံၪနီၪဧၪ. မွဲမၬ,ဒုၭၥ့ၪယၫအဝ့ၫလၧအ
3 ဆၧဘၪၥၭလိၪထီးအလူၬနီၪဆံၭ.- တၭစံၭ,ကဆါယ ဟိဝၩစံၭဘဲၫယီၩ, ဒိၩ့လၧအဂါလၩ့ဆၧၥွံၪလၧအၥၭ ကျၩဘဲၫၥိၭအဆၧၫ့အထီမိဘၪ, ဒဲတဲၩ့အဆၧဂၩ့ဘဲၫ
4 ၥိၭအမိဘၪၥၭလိၪအၥၭလဖျိၪ့ဧ့,- နဘၪဆၧဒဲၩဘၭ လၧဆၧၥွံၪလၧနဂါလၩ့ဝ့ၫအကၠီၩ့, ဒဲမၩဘၪၥၭလိၪန ၥၭလၧနဆၧဂၩ့ လၧနတဲၩ့ဝ့ၫအကၠီၩ့, နဒုၭဂဲၫဘူၭနမု နံၩလဖၪတၭ, နဒုၭဘၪနနံၪ့နလၩလီၫ. မၩအၥၭဘဲၫ နီၪတၭ,ယအီၪက့ၪနၧၩ လၧဆၧဒုၪဒွ့ၪအလး လၧၦ ဆၨၩလဖၪအကျၩ, ဒဲဆၧမၩကြၩ့ထမးအလးလၧခး
5 ထီးအလူၬအဖၧၩ့လီၫ.- ၦအီၪဘူၭ, ဒဲၦအီၪယဲၩ့လၧ နၧၩ,မိမၩကြၩ့ထမးနၧၩ, ဘဲၫၦလၧအမံၩ့ဘၪၥၭလိၪ,
6 ၦဘၪဆၧခိဆၧဝီၩအၪအၪလ့ၬအၥိၭနီၪလီၫ.- ယိခွါ, အံၫစရ့လၭအၦဒိၪဖၭဒိၪလဖၪနီၪ အီၪဝ့ၫလၧနဖၧၩ့, လဂၩဘၪလဂၩ ဘဲၫအစီၩ့အမၩ့အီၪဝ့ၫအၥိၭနီၪ, အ
7 စူၪအီၪလၧအမိဂါလၩ့ဆၧၥွံၪဆုၬဆုၬလီၫ.- ၦမၩကြၩ့ ထမးအမိဒဲအဖါလၧနဖၧၩ့နီၪ, ၦမၩၡၪ့မၩနၭၦလခီၫ ဘၩ့မုးဖိၪလၧနဖၧၩ့နီၪ, ဒဲၦမၩအၧၩ့ၦဖိၪဎွ့ၪဒဲၦမုၪမဲၫ
8 လၧနဖၧၩ့နီၪဆ့လီၫ.- နလဒူၩယယၪ့ဘၪယဆၧဆံၫ့ ဎံၪလဖၪတၭ, နမၩဘၪၥၭလိၪ ယမးၥံၫအနံၩ လဖၪ
9 လီၫ.- ၦလ့ၩချဲၩ့ခဲၪဆၧဘဲၫၥိၭအမိဂါလၩ့ဆၧၥွံၪအီၪ ဝ့ၫလၧနဖၧၩ့လီၫ. ၦအၪ့ဆၧလၧခိၪလီၩ့အလီၩ့ လၧန
10 ဖၧၩ့တၭး ၦမၩဆၧလဲးဆၧဘျၪလၧနဖၧၩ့လီၫ.- ၦနဲၪ ဖျီၪအဖါအဆၧအီၪဘိၪ့လၧနဖၧၩ့လီၫ. ၦဆၪ့လၩ့ၦ မုၪလၧအလဆံၫ့ဘၪ လၧအအီၪလၧဆၧလၩ့ဖၭအဖၧၩ့
11 လီၫ.- ၦလဂၩမၩဆၧဘၪၥၭလိၪလၧၦအီၪလၧအနဲၩ့ ထံၭအမၫ, ဒဲအလဂၩဒၪနီၪမၩစံၪစၪအဒဲၪလၧအၥၭ လဲးၥၭဘျၪတၭ, ၦအဂူၫဂၩလဂၩဆၪ့လၩ့အထၧၫ့ဖုဝဲ
12 မုၪ,လၧအမွဲအဖါအဖိၪမုၪလၧနဖၧၩ့လီၫ.- ၦမၩန့လၬ ဆီၪ့လၧနဖၧၩ့ဘဲၫၥိၭအမိဂါလၩ့ဆၧၥွံၪလီၫ. တၭနမၩ န့စ့ၩအအ့ၪ,ဒဲဆၧအၪထၪ့တၭ, လၧနအၪ့ဘျံၭအၪ့ဘျၪ ၦလၧနနဲၩ့ထံၭအဆၧအကၠီၩ့နီၪ, နမၩအၪထၪ့နဆၧ တၭ,နၥၭနၪ့ယၧၩ, ကဆါယဟိဝၩစံၭဝ့ၫဒၪ.
13 မၩအၥၭဘဲၫနီၪတၭ, ယိခွါ,ယဒဲၩယစူၪလၧနအၪ့ ဘျံၭအၪ့ဘျၪဆၧလၧနန့ဝ့ၫအလီၩ့, ဒဲလၧၦအၥွံၪလၧ
14 အဂါလၩ့အၥၭလၧနၥၭကျၩအလီၩ့လီၫ.- မုလနံၩလၧ ယမိမၩနၧၩနီၪမွဲနထိးမိကဲၪဧၪ. နစူၪမိဆီၪ့ဆ့ဧၪ.ဆၧ လၧယၧၩယဟိဝၩယီၩ, ယချဲၩ့ဆၧတၭ,ယမိမၩလီၫ.
15 ယမိမၩလၩ့ပြံၩလၩ့ပၩနၧၩ လၧၦဆၨၩလဖၪအကျၩ ဒဲမၩလၩ့မုလၩ့ဖၭနၧၩလၧခးလဖၪအဖၧၩ့တၭ, ယမိ
16 မၩလူၬခွံၬနဆၧအၧၩ့လၧနဖၧၩ့လီၫ.- နမိမၩၥၭလိၪ လၩ့နၥၭလၧၦဆၨၩလဖၪအမ့ၬယၫတၭ, နမိၥ့ၪယၫ လၧယမွဲယဟိဝၩလီၫ.
17-18 ၦၡၩ အဖိၪခွၫဧ့, အံၫစရ့လၭအၡၩဂံၪ့ဖိၪကဲၪထၪ့လၧဆၧအ အ့ၪလၧယဂးလီၫ. အဝ့ၫၥံၪထီးအလူၬမွဲထီးဒဲၡၬ,ထၭ ဒဲၡၬၥၧၫ့လၧမ့ၪဖံၫ့ချၪအဖၧၩ့နီၪတၭး မွဲစ့ၩအအ့ၪလီၫ.
19 မၩအၥၭဘဲၫနီၪတၭ, ကဆါယဟိဝၩစံၭဘဲၫယီၩ,မွဲန ၥံၪထီးအလူၬကဲၪထၪ့ဆၧအအ့ၪတၭ, မၩအၥၭဘဲၫနီၪ တၭ,ယိခွါ,ယမိဒုၭအီၪကီၪ့နၥံၪ လၧယရုစလံၫ့အၥၭ
20 ကျၩလီၫ.- ဘဲၫၦအီၪက့ၪကီၪ့စ့ၩ,ဒဲထီၫ့,ဒဲထၭ, ဒဲၡၬ ၥၧၫ့,ဒဲၡၬလၧမ့ၪဖံၫ့ချၪအၥၭကျၩ ဘဲၫၥိၭအမိအူၪဘၪ မ့ၪလၧအဖၫ့ခိၪ, ဒဲမၩဖံၪထၪ့ဝ့ၫအၥိၭ, ယမိအီၪက့ၪ ကီၪ့နၥံၪလၧယၥၭထၪ့ ဒဲလၧယၥၭခဲၩထၪ့အဖၧၩ့တၭ, ယမိအီၪက့ၪလၩ့နၥံၪထီးနီၪတၭ, မၩဖံၪထၪ့နၥံၪဘဲၫ
21 နီၪၥိၭလီၫ.- မွဲမၬ,ယမိအီၪက့ၪကီၪ့နၥံၪတၭ, ယမိအူၪ ဘၪနၥံၪလၧယၥၭခဲၩထၪ့အမ့ၪတၭ, နၥံၪမိဖံၪထၪ့လၧ
22 အကျၩလီၫ.- ဘဲၫစ့ၩဖံၪထၪ့လၧမ့ၪဖံၫ့ချၪအကျၩအၥိၭ နီၪ,နၥံၪမိဖံၪထၪ့လၧအကျၩဘဲၫနီၪၥိၭတၭ, နၥံၪမိၥ့ၪ ယၫလၧယၧၩ, ယဟိဝၩယီၩ, ယဂါလၩ့ယၥၭခဲၩထၪ့ လၧနၥံၪအလီၩ့လီၫ.
23-24 ၦၡၩ အဖိၪခွၫဧ့, စံၭအဝ့ၫ,နမွဲခးလဘံၪ့လၧဆၧလမၩဆံၫ့ ဘၪတၭ, ဆၧဂဲၫဆၧၩ့လၩ့လၧအဖၫ့ခိၪလၧယၥၭခဲၩ
25 ထၪ့အမုလနံၩအဖၧၩ့အ့ၬ.- မီၪလဖၪအဆၧအုၩ့လၩ့ အအၧၩ့အီၪဝ့ၫလၧအဖၧၩ့လီၫ. ဘဲၫဆၬလၥၧၫ့လၧအ ယုၩ့ဆၧတၭ, အဲၪ့ၡၫ့ဆၧလၧအအၪ့ဂူၬန့ဝ့ၫအၥိၭနီၪး အဝ့ၫၥံၪအၪ့ခွံၬၦအၥၭၡီၩ့တၭ, အဝ့ၫၥံၪမၩန့ဆၧအီၪ က့ၪကီၪ့အၥၭဒဲအဆၧလူဒိၪဎွ့ၩဒိၪနီၪ, ဒဲအဝ့ၫၥံၪဒုၭ
26 ကဲၪထၪ့ၦမုၪမဲၫအၪဂၩလၧအကျၩလီၫ.- အၡၩလုဆၧ လဖၪနီၪလုခၫ့ဖၬယဆၧၥီၪ့ဆၧၥၫ့တၭ, မၩဘၪၥၭလိၪ ယဆၧဆံၫ့ဎံၪလဖၪ, ဒဲဒုၭနဲၪဆၧအဆံၫ့ ဒဲဆၧလဆံၫ့ ဘၪအဆၧၫ့နးစီၪ့အ့ၬ. အီၪက့ၪကဒုၩအမ့ၬၥၪလၧယ မးၥံၫအနံၩလဖၪတၭ, မၩဘၪၥၭလိၪယၧၩလၧအကျၩ
27 လီၫ.- အၦဒိၪဖၭဒိၪလၧအဖၧၩ့နီၪ မၩအၥၭဘဲၫထွံၪ မံၩ့အဲၪ့ၡၫ့ဆၧလၧအအၪ့ဂူၬန့ဝ့ၫအၥိၭနီၪလီၫ. ဂါလၩ့ ဆၧၥွံၪ,ဒဲမၩဂၭဂီၩ့ၦအၥၭၡီၩ့, ဘဲၫၥိၭအမိန့အၪထၪ့
28 အဆၧလတီၩဘၪလီၫ.- အမီၪလဖၪ ဂုၪဆၧလၧအၩ့ ကထၨလဘုၭဘၪဒၪဘၪဆၧပျီၩပျီၩ, ဒဲအၪ့ဖၩ့ဆၧ အဘျံၭအဘျၪလၧအဝ့ၫၥံၪအဂးတၭ, စံၭ, ကဆါယ
29 ဟိဝၩစံၭဘဲၫယီၩတၭ,ယဟိဝၩချဲၩ့ဆၧအ့ၬ.- ထံၫၥံၪ ခးၥံၪအၡၩခမျၧးမၩအၧၩ့ဆၧ, ဒဲအၪ့ဂူၬဆီၪ့ဆၧတၭ, နၥံၪမိမၩခိမၩဝီၩ ၦၡၪ့ဖိၪယၬဖိၪ, ဒဲၦဘၪၡၪ့ဘၪနၭ တၭ,မွဲမၬ,မၩအၧၩ့ၦလခီၫဘၩ့မုးဖိၪတၭ, ဆၧစ့ၩရၫ့
30 အီၪအ့ၬ.- ယအၪ့ဎၬယူၭၦလၧအကျၩလဂၩလၧအမိ ဝၩ့ထၬဝ့ၫ, ဒဲဆၧၫ့ထုၪ့လၧဆၧဘုၪ့ဖိးအလးလၧယမ့ၬ ယၫလၧခးအဂး, ဘဲၫၥိၭယထီးမၩဂၭဂီၩ့အဝ့ၫလဂ့ၩ,
31 လါနၫ့တၭ,ယဒၪန့နးမံၩ့အ့ၬ.- မၩအၥၭဘဲၫနီၪတၭ, ယဂါလၩ့ယူၭ ယၥၭဆီၪ့လၧအဖၫ့ခိၪ ယမၩလူၬခွံၬ ယူၭအဝ့ၫၥံၪလၧယၥၭခဲၩထၪ့အမ့ၪယူၭလီၫ. ယဖ့ၪ ဆၧၫ့ထဲၩ့ယူၭ အဝ့ၫၥံၪအဖၧၩ့ၥၭဒၪဝ့ၫ လၧအခိၪဎွံၪ လဖၪအလီၩ့, ကဆါယဟိဝၩစံၭဝ့ၫဒၪ.