1 နဝ့ၫဒၪယီၩ,ဆၧလၧအံၫစရ့လၭ အၦဒိၪဖၭဒိၪလ 2 ဖၪအကၠီၩ့နီၪ, ဂၪ့ဆၧယၧၩ့ဆၧနဝ့ၫဆံၭး- တၭစံၭ, နမိနီၪမွဲဆၧနီၫလဲၪ. မွဲဆၬလၥၧၫ့မိလဒုၩလီၫ. ခိၬလၩ့ လၧဆၬလၥၧၫ့အကျၩ, ဘုၪအၪ့အဖိၪလၧဆၬလၥၧၫ့ 3 အၥၭဘၪ့အကျၩလီၫ.- ဘုၪအၪ့အဖိၪလဒုၩနီၪး ကဲၪထၪ့ဝ့ၫလၧဆၬလၥၧၫ့ဖၫဖျဲၪလဒုၩတၭ, မၩလိၪအၪ့ဂူၬ 4 ဆီၪ့ဆၧ, အၪ့ခွံၬၦၡၩလီၫ.- ၦဆၨၩလဖၪနါဂၧၫ့ဆၧ လၧအဂဲးလီၫ. အဝ့ၫၥံၪဖီၪ့န့ဝ့ၫလၧအဆၧဖၧၩ့, ဒဲမီၩ့ 5 ထၪ့ဝ့ၫလၧၥွ့ၫထၭ လၧခးအံဇံၭအဖၧၩ့လီၫ.- အမိနီၪ ဒၪဘၪဝ့ၫလၧအအီၪခိၭဆၧပျီၩပျီၩတၭ, အဆၧမုလါ အဂးဂၭဂီၩ့ဝ့ၫတၭ, မၩန့အဖိၪ အဂူၫဂၩလဒုၩတၭ, 6 အီၪက့ၪဝ့ၫလၧဆၬလၥၧၫ့ဖၫဖျဲၪလဒုၩလီၫ.- အဆၧစဲၪ့ ဝံၩ့ဝၩ့လၧဆၬလၥၧၫ့အကျၩတၭ, ကဲၪထၪ့ဆၬလၥၧၫ့ ဖၫဖျဲၪလဒုၩတၭ, မၩလိၪအၪ့ဂူၬဆီၪ့ဆၧအၪ့ခွံၬၦၡၩ 7 လီၫ.- အဝ့ၫဒၪၥ့ၪယၫအဝ့ၫၥံၪအၡၩမုၪမဲၫလဖၪဒဲမၩ ဂၭဂီၩ့လူၬခွံၬအဒိၩ့လဖၪ, ဒဲထံၫၥံၪခးၥံၪ,ဒဲအဆၧမၩ ဎွ့ၩဝ့ၫနီၪအီၪယူဝ့ၫလၧအယုၩ့ဆၧအၥီၫ အကၠီၩ့နီၪ 8 လီၫ.- ထီးနီၪလဖၧၫ့ၦဆၨၩလဖၪ အီၪက့ၪအၥၭထၫ့ဒၩ အဝ့ၫအီၪဖီၩ့အခးလဖၪအဖၧၩ့တၭ, ခွံၬအၡၬလၧအ 9 ဖၫ့ခိၪတၭ,ဖီၪ့န့အဝ့ၫလၧအဆၧဖၧၩ့လီၫ- ဒုၭနုၬအဝ့ၫ အီၪလၧၥွ့ၫထၭလၧဆၧအဖၧၩ့တၭ, ဆိၬဝ့ၫထီၩ့လၧ ဘၭဘလၧၫ့အစဎွၩအအီၪတၭ, ဒုၭနုၬဝ့ၫလၧထီၫ့ဖၧၩ့, ဘဲၫၥိၭဆၧထီးနါဂၧၫ့လၧၩ့အလူ လၧအံၫစရ့လၭအခိၪ လီၩ့ထိၩ့ချိၬအကျၩလဂ့ၩလီၫ.

10 နမိမွဲဘဲၫနနၫ့ဆါဒၪနဝ့ၫအၥိၭ, မၩအၥၭဘဲၫစဘံၭမု ၥုၪ့လၩ့အၥၭလၧထံၫနဲၩ့အၥိၭနီၪလီၫ. မွဲထံၫအီၪအၪအ ကၠီၩ့တၭ,ၥၪထၪ့ဝ့ၫတၭ, ဎွ့ၩဝ့ၫလၧအထဲၩ့အဖၫ့လီၫ. 11 အီၪဝ့ၫလၧအနိၪထိၭဘီၩ့ လၧၦလၧအပၧၩ့ဆၧအနိၪ ထိၭစဎွၩအဂးတၭ, အမုထၪ့ဝ့ၫလၧထဲၩ့လဖၪအကျၩ တၭ,အီၪဖျီၪထၪ့ထီၫထီၫလ့ၬ လၧအထဲၩ့အၪထဲၩ့အ 12 ကျၩလီၫ.- မွဲလါနၫ့တၭဆၧထ့ၭထၪ့ခွံၬဝ့ၫလၧဆၧၥၭ ခဲၩထၪ့,ဆၧမၩလၩ့ဒၩအဝ့ၫလၧဂၪ့ခိၪအလီၩ့တၭ,လံၩ ဂဲၫထၪ့လၧမုထၪ့လခီၫ မၩဎဲၫ့ထၪ့ခွံၬအဆၧၥၪ, အနိၪ ထိၭဘီၩ့ခၧၫ့လဖၪခါဝ့ၫတၭ,ဎဲၫ့လၩ့ဝ့ၫနီၪး မ့ၪအၪ့ခွံၬ 13 ဝ့ၫလီၫ.- ဘိၩ့နဲၪ့ယီၩဘၪဆၧၥုၪ့လၩ့ဝ့ၫလၧဂၪ့ခိၪဎဲၫ့, 14 ဒဲဆၧဎဲၫ့ထၬအဖၧၩ့လၧၡါမုနၧၫ့ဖၫအဖၧၩ့လီၫ.- တၭ မ့ၪဂဲၫထၪ့ယူၭလၧအနိၪဘီၩ့လဘီၩ့အဖၧၩ့ လၧအထဲၩ့ ကျၩတၭ,အၪ့ခွံၬယူၭအဆၧၥၪယူၭ. အီၪလၧနိၪထိၭ ခၧၫ့နိၪထိၭစဎွၩလၧအမိပၧၩ့ဆၧအဂးနးဘီၩ့အ့ၬ. အ နီၪမွဲဂၪ့ဆၧယၧၩ့ဆၧတၭ, မိဘၪအီၪဝ့ၫလၧဂၪ့ဆၧ ယၧၩ့ဆၧအဂးဆ့လီၫ.