1 လၧနံၪ့နွ့ၫနံၪ့လနံၪ့လၩယဲဘံၪ့လဘံၪ့, လၩထၪ့ဆံၫ နံၩလနံၩနီၪ ဆၧမၩအၥၭ လၧအံၫစရ့လၭ အၥုၪ့က့ၭ ၥၭၡါလနၩ့ ဂဲၫအၪ့စၪ့ယဟိဝၩတၭ, ဆၧၫ့နၩ့ဝ့ၫလၧ 2 ယမ့ၬယၫလီၫ.- ထီးနီၪလဖၧၫ့ယဟိဝၩအလူလၩ့ဘၪ 3 ယၧၩတၭ,စံၭဝ့ၫဒၪ,- ၦၡၩအဖိၪခွၫဧ့,ချဲၩ့ဆၧလၧအံၫ စရ့လၭအၥုၪ့က့ၭၥၭၡါတၭ, စံၭအဝ့ၫၥံၪကဆါယဟိ ဝၩစံၭဘဲၫယီၩ,နၥံၪဂဲၫအၪ့စၪ့ယၧၩဆ့ဧၪ. ယမၧၫ့ယ ဝ့ၫကဆါယဟိဝၩစံၭဝ့ၫဒၪ, ယဒိၭဆၧအၪ့စၪ့လၧနၥံၪ 4 အ့ၬ.- နမိစ့ၩရၫ့အဝ့ၫၥံၪဆ့ဧၪ, ၦၡၩအဖိၪခွၫဧ့,နမိစ့ၩ ရၫ့အဝ့ၫၥံၪဆ့ဧၪ, ဒုၭၥ့ၪယၫအဝ့ၫၥံၪလၧအဖါလဖၪ 5 အဆၧၥၭလိၪဆံၭ.- စံၭအဝ့ၫၥံၪ, ကဆါယဟိဝၩစံၭ ဘဲၫယီၩ,မုလနံၩလၧယရွံန့အံၫစရ့လၭ, ဒဲယူၬထၪ့ ယစူၪလၧစယၫကူၭအၡၩဂံၪ့ဖိၪအချံၫအၥၪ,ဒဲနဲၪဖျီၪ ထၪ့အၥၭလၧအဝ့ၫၥံၪအမ့ၬယၫ လၧခးအံဇံၭအဖၧၩ့, ဒဲယယူၬထၪ့ယစူၪလၧအအီၪတၭ, စံၭ,ယမွဲယဟိဝၩ နၥံၪအယွၩလီၫ. 6 မုလနံၩနီၪယယူၬထၪ့ယစူၪလၧအအီၪတၭ,ယဆိၪ လၩ့ယၥၭလၧယမိဒုၭစဲၪ့ထၪ့ခွံၬအဝ့ၫၥံၪလၧ ခးအံဇံၭ အဖၧၩ့ လ့ၩနုၬလၧခးလဘံၪ့ လၧယအၪ့ဎၬယူၭလၧ အဂးလၧအယွၩဝ့ၫလၧဆၧနူထံၫ ဒဲန့ၫစၩ့လၧအမွဲခး 7 ကိၭဘံၪ့ဒ့ၭၥံၪအဎံၫအလၩလီၫ.- တၭယစံၭအဝ့ၫၥံၪ, လဂၩဘၪလဂၩအမ့ၬၥၪအဆၧၥၭလိၪနီၪ,မွဲအခွံၬၡိၭ ခွံၬကိၭဂၩဒ့ၭဆုၬဆုၬဆံၭ.မၩဘၪၥၭလိၪနၥံၪအၥၭ လၧအံဇံၭအဆၧဂၩ့ဆၧဖၪ့လဂ့ၩ, ယဝ့ၫဒၪယီၩယမွဲ 8 ယဟိဝၩနၥံၪအယွၩလီၫ.- မွဲလါနၫ့တၭ,အဝ့ၫၥံၪပိၩ့ ထၪ့ယၧၩခိၭနၪယလူအ့ၬ. ခွံၬၡိၭလဂၩဘၪလဂၩအ မ့ၬၥၪအဆၧၥၭလိၪဆုၬဆုၬအ့ၬ. တၭစဲၪ့ဒၪအံဇံၭအ ဆၧဂၩ့ဆၧဖၪ့ဆ့အ့ၬ. ထီးနီၪလဖၧၫ့ယစံၭ, ယမိဂါ လၩ့ယၥၭခဲၩထၪ့လၧအလီၩ့,ဘဲၫၥိၭယမိမၩလူၬခွံၬ ယၥၭထၪ့လၧအဖၩ့ခိၪ လၧခးအံဇံၭအၥၭကျၩလီၫ. 9 မွဲလါနၫ့တၭယမၩဆၧလၧယမံၩ့အကၠီၩ့ဘဲၫၥိၭအထီး ဘၪၥၭလိၪ ဆၧလၧၦဆၨၩလဖၪအမ့ၬယၫ လၧအဝ့ၫ ၥံၪအီၪဝ့ၫလၧအကျၩလဂ့ၩနီၪ,ဒဲလၧယဒုၭစဲၪ့ထၪ့အ ဝ့ၫၥံၪလၧခးအံဇံၭအဖၧၩ့တၭ, ယနဲၪဖျီၪထၪ့ယၥၭ လၧအဝ့ၫၥံၪအမ့ၬယၫလီၫ.

10 ယဒုၭစဲၪ့ထၪ့အဝ့ၫၥံၪလၧခးအံဇံၭအဖၧၩ့တၭ, ၥိၫ့ဝ့ၫ 11 လၧၡါမုနၧၫ့ဖၫလီၫ.- ယဖ့ၪလၫ့အဝ့ၫၥံၪလၧယဆၧမၪ လူၬလဖၪတၭ, ယဒုၭၥ့ၪယၫအဝ့ၫၥံၪ လၧယဆၧစ့ၩ ရၫ့လၧၦအ့ၪထီးန့ဝ့ၫတၭ, မိမၧၫ့ဝ့ၫလၧအဖၧၩ့လီၫ. 12 ယဖ့ၪလၫ့ဆ့အဝ့ၫၥံၪလၧယမးၥံၫအနံၩလဖၪလၧအ ကဲၪထၪ့ဆၧမၩနဲၪ့လၧယၧၩ ဒဲအဝ့ၫၥံၪအဘိၩ့ဆၧၩ့, ဘဲၫၥိၭအမိၥ့ၪယၫလၧယၧၩ ယဟိဝၩယီၩယအီၪက့ၪ 13 ဆံၫ့ဎံၪအဝ့ၫၥံၪလီၫ.- မွဲလါနၫ့ဘိၩအံၫစရ့လၭအၡၩ ဂံၪ့ဖိၪပိၩ့ထၪ့ယၧၩလၧၡါမုနၧၫ့ဖၫလီၫ. အဝ့ၫၥံၪလ့ၩ လၧယဆၧမၪလူၬအဖၧၩ့အ့ၬ. လဒူၩလယၪ့ဘၪယဆၧ စ့ၩရၫ့လၧၦအ့ၪထီးန့ဝ့ၫမိမၧၫ့လၧအဖၧၩ့, ဒဲမၩဘၪၥၭ လိၪယမးၥံၫအနံၩလဖၪနၭမၬလီၫ. ထီးနီၪလဖၧၫ့ယ စံၭ,ယမိဂါလၩ့ယၥၭခဲၩထၪ့လၧအလီၩ့ လၧၡါမုနၧၫ့ 14 ဖၫဘဲၫၥိၭယမိမၩလူၬခွံၬဝ့ၫအဂဲးလီၫ.- မွဲလါနၫ့ဘိၩ လၧၦဆၨၩၥံၪလၧယဒုၭစဲၪ့ထၪ့ခွံၬ ၦၡၩလၧအမ့ၬယၫ နီၪ,ယမၩဆၧလၧယမံၩ့အကၠီၩ့, ဘဲၫၥိၭအထီးဘၪၥၭ 15 လိၪလၧအကျၩလဂ့ၩလီၫ.- ယယူၬထၪ့ယစူၪလၧအ အီၪလၧၡါမုနၧၫ့ဖၫတၭ, ယဆိၪလၩ့ယၥၭလၧယမိ ဒုၭဂဲၫနုၬအဝ့ၫၥံၪလၧခးဖၧၩ့ လၧယဖ့ၪလၫ့ယူၭအဝ့ၫ ၥံၪလၧအလၩ့ယွၩဝ့ၫလၧဆၧနူထံၫဒဲန့ၫစၩ့ လၧအမွဲခး 16 ကိၭဘံၪ့ဒ့ၭၥံၪအဆၧဎံၫဆၧလၩလီၫ.- အဂဲးဘဲၫယီၩ အဝ့ၫၥံၪလဒူၩလယၪ့ဘၪ ယဆၧစ့ၩရၫ့လဖၪတၭ,လ့ၩ လၧယဆၧမၪလူၬလဖၪအဖၧၩ့အ့ၬ. အ့ၪမွဲမၩဘၪၥၭ လိၪယမးၥံၫအနံၩလဖၪလီၫ. အဂဲးဘဲၫယီၩအၥၭလ့ၩ 17 ဖိၬအဆၧဂၩ့လဖၪအခဲၫ့လီၫ.- မွဲလါနၫ့ဘဲၫနီၪယမ့ၬၥၪ ၥံၪလီၫ့ကီၩ့အဝ့ၫၥံၪ, ယလမၩဂၭဂီၩ့ဘၪအဝ့ၫၥံၪ,ဒဲ 18 ယလမၩလူၬခွံၬဘၪအဝ့ၫၥံၪလၧၡါမုနၧၫ့ဖၫလီၫ.- အ့ၪ မွဲယစံၭအဝ့ၫၥံၪအဖိၪအလံၩလၧၡါမုနၧၫ့ဖၫနီၪ, ထီး လ့ၩဆၧလၧနၥံၪအဖါၥံၪ အထူၫအရူၫအဖၧၩ့လဂ့ၩ, ဒဲထီးန့အဝ့ၫၥံၪအဆၧစ့ၩရၫ့လဂ့ၩး ဒဲနၥံၪထီးမၩဘၪ ၥၭလိၪနၥံၪအၥၭလၧအဝ့ၫၥံၪအဆၧဂၩ့ဆၧဖၪ့လဂ့ၩ. 19 ယဝ့ၫဒၪယီၩယမွဲယဟိဝၩနၥံၪအယွၩတၭ, လ့ၩလၧ ယဆၧမၪလူၬအဖၧၩ့တၭ, ထီးန့ယဆၧစ့ၩရၫ့လဖၪဒဲ 20 မၩဝ့ၫဆံၭ.- အီၪက့ၪဆံၫ့ဎံၪယမးၥံၫအနံၩလဖၪဆံၭ. ဆၧမိကဲၪထၪ့ဆၧမၩနဲၪ့လၧယၧၩ ဒဲနၥံၪအဘိၩ့ဆၧၩ့ ဘဲၫၥိၭနၥံၪမိၥ့ၪယၫ လၧယမွဲယဟိဝၩနၥံၪအယွၩ 21 လီၫ.- မွဲလါနၫ့တၭအဖိၪအလံၩပိၩ့ထၪ့ယၧၩဒဲလလ့ၩ ဘၪလၧယဆၧမၪလူၬလဖၪအဖၧၩ့, ဒဲလထီးန့ဘၪယ ဆၧစ့ၩရၫ့လဖၪ ဘဲၫၥိၭအမိမၩဝ့ၫအဂး,လၧၦအ့ၪမၩ ဝ့ၫတၭ,မိမၧၫ့ဝ့ၫလၧအဖၧၩ့နီၪး တၭအဝ့ၫၥံၪမၩဘၪ ၥၭလိၪယမးၥံၫအနံၩလဖၪလီၫ. ထီးနီၪလဖၧၫ့ယစံၭ, ယမိဂါလၩ့ယၥၭခဲၩထၪ့လၧအလီၩ့ ဘဲၫၥိၭယမိမၩ 22 လူၬခွံၬယၥၭထၪ့အဝ့ၫၥံၪလၧၡါမုနၧၫ့ဖၫလီၫ.- မွဲလါ နၫ့တၭ,ယထုၭထဲၩ့ယစူၪ, ဒဲမၩဆၧလၧယမံၩ့အကၠီၩ့, ဘဲၫၥိၭအထီးဘၪၥၭလိၪ လၧၦဆၨၩလဖၪအမ့ၬယၫ 23 လၧယဒုၭစဲၪ့ထၪ့ခွံၬအဝ့ၫၥံၪလၧအမ့ၬယၫလီၫ.- ယ ယၩ့ထၪ့ဆ့ယစူၪလၧအအီၪလၧၡါမုနၧၫ့ဖၫ, ဒဲယဆိၪ လၩ့ယၥၭလၧယမိမၩပြံၩပၩအဝ့ၫၥံၪ လၧၦဆၨၩလ ဖၪအကျၩ, ဒဲမၩလၩ့မုလၩ့ဖၭဝ့ၫလၧခးလဖၪအဖၧၩ့ 24 လီၫ.- အဂဲးဘဲၫယီၩအဝ့ၫၥံၪလမၩဘၪယဆၧစ့ၩရၫ့, ဒဲလဒူၩလယၪ့ဘၪ ယဆၧမၪလူၬလဖၪ, ဒဲမၩဘၪၥၭ လိၪယမးၥံၫအနံၩလဖၪတၭ, အမ့ၬၥၪလဖၪယိထွ့ၫ 25 အဖါၥံၪအဆၧဂၩ့ဆၧဖၪ့အခဲၫ့လီၫ.- မၩအၥၭဘဲၫနီၪ တၭ,ယဖ့ၪလၫ့ဆ့အဝ့ၫၥံၪ လၧဆၧအထူၫအရူၫလၧ အလဂ့ၩဘၪ,ဒဲဆၧစ့ၩရၫ့လၧအလမၧၫ့ဘၪဝ့ၫလၧအ 26 ဖၧၩ့,- ဒဲယမၩဘၪၥၭလိၪအဝ့ၫၥံၪလၧအဆၧမၩဘိၪ့ ဒၪဝ့ၫအဖၧၩ့, လၧအဒုၭခၫ့ဂၬကယဲၦအဖိၪဝဲၡါလၧမ့ၪ ဖၧၩ့အကၠီၩ့, ဘဲၫၥိၭယမိမၩဂၭဂီၩ့အဝ့ၫၥံၪ, လၧအမိ ၥ့ၪယၫလၧယမွဲယဟိဝၩအဂဲးလီၫ.

27 မၩအၥၭဘဲၫနီၪတၭ, ၦၡၩအဖိၪခွၫဧ့,ချဲၩ့ဆၧလၧ အံၫစရ့လၭအၡၩဂံၪ့ဖိၪတၭ, စံၭအဝ့ၫၥံၪ, ကဆါယ ဟိဝၩစံၭဘဲၫယီၩ, လါနၫ့လၧဆၧယီၩအဖၧၩ့နၥံၪအ 28 ဖါလဖၪဒုၪဒွ့ၪယၧၩ, ဒဲမၩမၪဘၪယၧၩလီၫ.- အဂဲး ဘဲၫယီၩထီးယဂဲၫဒုၭနုၬ အဝ့ၫၥံၪလၧခးဖၧၩ့ လၧယ ယူၬထၪ့ယစူၪ, ဒဲဆိၪလၩ့ယၥၭလၧယမိဖ့ၪလၫ့အဝ့ၫ ၥံၪတၭ, အဝ့ၫၥံၪဒၪဘၪဝ့ၫ လၧဆၧစီၩ့ခိၪထီၫ ထီးအ လူၬ,ဒဲၥံၪ့အတၪ့ထီးအလူၬတၭ, လုထၪ့အဆၧလုထီး နီၪ,ဒဲမၩဘိၪ့ဆၧလၧအထိၪဂဲၩဆၧၥၭထၪ့, ဒဲမၩဘိၪ့ အဆၧနၧၫ့မၧၫ့မုၬထီးနီၪ, ဒဲလူၫလၩ့အဆၧလုအီၩထီး 29 နီၪလီၫ.- ထီးနီၪလဖၧၫ့ယစံၭအဝ့ၫၥံၪ, ဆၧအလးထၪ့ ထီၫထီးနၥံၪလ့ၩဆၧနီၪ, မွဲဘဲၫၥ့ၪလဲၪ. လါနၫ့တၭ, အမံၩ့မွဲဆၧအလးထၪ့ထီၫ ထီးမုဆၫလနံၩယီၩလီၫ. 30 မၩအၥၭဘဲၫနီၪတၭ, စံၭအံၫစရ့လၭအၡၩဂံၪ့ဖိၪ, က ဆါယဟိဝၩစံၭဘဲၫယီၩ, နၥံၪဘၪၥၭလိၪဘဲၫနၥံၪအ ဖါအၥိၭ,ဒဲနၥံၪမၩဆၧလဲးဆၧဘျၪ ဖိၬအဆၧဘၪၥၭ 31 လိၪအခဲၫ့အ့ၬဧၪ.- ထီးနၥံၪမၩဘိၪ့နၥံၪအဆၧ ဒဲထီး နၥံၪဒုၭခၫ့ဂၬနၥံၪအဖိၪခွၫၥံၪလၧမ့ၪဖၧၩ့တၭ, နၥံၪမၩ ဘၪၥၭလိၪနၥံၪအၥၭ လၧနၥံၪအဆၧဂၩ့ဆၧဖၪ့ ထီး လၧမုဆၫလနံၩယီၩတၭး ယမိဒိၭဆၧအၪ့စၪ့လၧနၥံၪ ဆ့ဧၪ. အံၫစရ့လၭအၡၩဂံၪ့ဖိၪၥံၪဧ့, ယမၧၫ့ယဝ့ၫ, ကဆါယဟိဝၩ စံၭဝ့ၫဒၪ, ယဒိၭဆၧအၪ့စၪ့လၧနၥံၪ 32 အ့ၬ.- ဆၧဂဲၫထၪ့လၧနၥံၪအၥၭဖၧၩ့, ထီးနၥံၪစံၭ,ပမိ မၩဘဲၫၦဆၨၩလဖၪအၥိၭ, ဘဲၫထံၫၥံၪခးၥံၪအဂံၪ့ဒီၪ့ လဖၪလၧအမၩၥံၪ့ၥံၪဝၪၥံၪ, ဒဲလိးၥံၪလဲၫ့ၥံၪအဆၧမၩ အၥိၭနီၪကဲၪထၪ့ဆၧအ့ၬ.

33 ယမၧၫ့ယဝ့ၫကဆါယဟိဝၩစံၭဝ့ၫဒၪ,မွဲမၬ, ယမိ ပၧၩ့နၥံၪလၧယစူၪဆီၪ့, ဒဲယစူၪဒူၪယၩ့ထၪ့အၥၭ,ဒဲ 34 လၧယၥၭခဲၩထၪ့ဂါလၩ့အၥၭလီၫ.- ယမိဒုၭစဲၪ့ထၪ့ ခွံၬနၥံၪလၧၦဆၨၩလဖၪအကျၩတၭ, ယမိအၪ့ထုၫ့ ကီၪ့နၥံၪလၧခးလဖၪအဖၧၩ့ ထီးနၥံၪအီၪပြံၩပၩလၧ အဖၧၩ့လၧယစူၪဆီၪ့ဒဲယစူၪဒူၪယၩ့ထၪ့အၥၭး ဒဲလၧ 35 ယၥၭခဲၩထၪ့ဂါလၩ့အၥၭလီၫ.- ယမိဒုၭဂဲၫနၥံၪလၧ ၦဆၨၩလဖၪအၡါမုနၧၫ့ဖၫတၭ, ယချဲၩ့ခွးယိမ့ၬခီၫမ့ၬ 36 လၧနၥံၪထီးနီၪလီၫ.- ဘဲၫယစ့ၩရၫ့နၥံၪအဖါ လၧခး အံဇံၭအၡါမုနၧၫ့ဖၫအၥိၭနီၪ, ယမိစ့ၩရၫ့နၥံၪ ဘဲၫနီၪ 37 ၥိၭ,ကဆါယဟိဝၩစံၭဝ့ၫဒၪ.- ယမိဒုၭခၫ့ဂၬနၥံၪလၧ နိၪထးအဖၫ့လၬတၭ, ယမိဒုၭဂဲၫနုၬနၥံၪလၧဆၧအုၩ့ 38 လၩ့အဆၧစၧၩ့ထၬအဖၧၩ့လီၫ.- ယမိဒုၭစဲၪ့ထၪ့ခွံၬ ၦပိၩ့ထၪ့ဆၧ,ဒဲၦလၧအမၩမၪဘၪယၧၩ လၧနၥံၪအ ကျၩတၭ, ယမိဒုၭစဲၪ့ထၪ့အဝ့ၫၥံၪ လၧခးဖၧၩ့ထီးအ အီၪဝ့ၫလၧအဖၧၩ့တၭ, လ့ၩနုၬဘၪလၧခးအံၫစရ့လၭ အဖၧၩ့အ့ၬ. တၭနၥံၪမိၥ့ၪယၫလၧယမွဲယဟိဝၩလီၫ. 39 ဆၧလၧနၥံၪဝ့ၫယီၩ, အံၫစရ့လၭအၡၩဂံၪ့ဖိၪၥံၪဧ့,က ဆါယဟိဝၩစံၭဘဲၫယီၩ, နၥံၪအ့ၪလခိၭနၪဘၪယလူ တၭ,လ့ၩဘီၪ, မၩနၥံၪဝ့ၫ လၧဆၧဂၩ့ဆၧဖၪ့အဆၧ လၧယၫကိၭဂၩဒ့ၭဆုၬဆုၬဆံၭ. မွဲလါနၫ့တၭ,မၩဘၪ ၥၭလိၪလၧၩ့ယမံၩ့ဆံၫ့ဎံၪလၧနၥံၪအဆၧမၩဘိၪ့, ဒဲန 40 ၥံၪအဆၧဂၩ့နီၪလဂ့ၩ.- အဂဲးဘဲၫယီၩလၧယခိၪလီၩ့ ဆံၫ့ဎံၪအလီၩ့ လၧအံၫစရ့လၭအခိၪလီၩ့ထီၫအလီၩ့ နီၪအံၫစရ့လၭအၡၩဂံၪ့ဖိၪထီးအလူၬ, ဒဲကယဲၦလၧ အအီၪလၧခးဖၧၩ့ ထီးအလူၬနီၪ မိမၩယဆၧထီးနီၪ လီၫ.ယမိထိးဆၧၫ့အဝ့ၫၥံၪထီးနီၪတၭ, ယမိအၪ့ကံၩ့ နၥံၪအဆၧမၩဘိၪ့, ဒဲနၥံၪအဆၧမၩဘိၪ့အဆၧၥၪဆိၫ, 41 ဒဲဆၧလၧနၥံၪအီၪက့ၪဆံၫ့ဎံၪထီးအလူၬနီၪလီၫ.- ထီး ယအ့ၪဒုၭစဲၪ့ထၪ့ခွံၬ နၥံၪလၧၦဆၨၩလဖၪအကျၩ, ဒဲ အၪ့ထုၫ့ကီၪ့နၥံၪလၧကယဲခးလၧနၥံၪအီၪပြံၩပၩလၧ အဖၧၩ့တၭ, ယမိထိးဆၧၫ့နၥံၪဘဲၫဆၧနၧၫ့မၧၫ့အၥိၭ လီၫ.တၭဆၧမိအီၪက့ၪဆံၫ့ဎံၪယၧၩလၧနၥံၪအကၠီၩ့ 42 လၧၦဆၨၩလဖၪအမ့ၬယၫလီၫ.- ထီးယဒုၭဂဲၫနုၬနၥံၪ လၧခးအံၫစရ့လၭအဖၧၩ့ လၧယယူၬထၪ့ယစူၪဒဲဆိၪ လၩ့ယၥၭလၧယမိဖ့ၪလၫ့ဝ့ၫ လၧနၥံၪအဖါလဖၪတၭ, 43 နၥံၪမိၥ့ၪယၫလၧယမွဲယဟိဝၩလီၫ.- ထီးနီၪနၥံၪမိနၪ့ ထၪ့ထဲၩ့နၥံၪအဖၧၩ့ၥုၪ့ဖၧၩ့ၥၭ ဒဲနၥံၪမၩဆၧထီးအ လူၬလၧနၥံၪဘၪၥၭလိၪ လၧအဖၧၩ့တၭ,နၥံၪမိၥၭဂဲၫ့ လၩ့နၥံၪအၥၭလၧကယဲနၥံၪမၩဆၧအၧၩ့ လၧနၥံၪမၩ 44 ဝ့ၫအကၠီၩ့လီၫ.- ထီးယမၩဆၧလၧနၥံၪ လၧယမံၩ့အ ကၠီၩ့လမွဲဘၪဘဲၫနၥံၪအဖၧၩ့ၥၭအၧၩ့အၥိၭ, ဒဲလမွဲဘၪ ဘဲၫနၥံၪမၩဆၧဘၪၥၭလိၪအၥိၭတၭ, နၥံၪမိၥ့ၪယၫ လၧယမွဲယဟိဝၩ, အံၫစရ့လၭအၡၩဂံၪ့ဖိၪၥံၪဧ့, က ဆါယဟိဝၩစံၭဝ့ၫဒၪ.

45 လၧနီၪအမ့ၬယၫ ယဟိဝၩအလူလၩ့ဘၪယၧၩတၭ, 46 စံၭဝ့ၫဒၪ,- ၦၡၩအဖိၪခွၫဧ့, ဒိၭနမ့ၬ လၧမုခံၫ့လခီၫ ဆံၭ.ဒုၭလၩ့ဆၩ့နဆၧချဲၩ့လၧမုခံၫ့တၭ, ချဲၩ့ဆၧလၧ မီၪအချိၬထၫ့ဒၩၥံၪ့လဒီၪ့ လၧမံၩ့လၬကျၩ လၧမုခံၫ့လ 47 ခီၫနီၪဆံၭ.- တၭစံၭၥံၪ့လဒီၪ့လၧမုခံၫ့လခီၫ, ခိၭနၪယ ဟိဝၩအလူဆံၭ. ကဆါယဟိဝၩစံၭဘဲၫယီၩ, ယိခွါ, ယမိဆူၭခဲၩထၪ့မ့ၪလၧနကျၩ လၧအမိအၪ့ခွံၬကယဲၥံၪ့ ၥံၫ့ဆ့ၬဒဲကယဲၥံၪ့ဎဲၫ့လထုၪ့ လါလါလၧနကျၩလီၫ. မ့ၪလၪလၩ့ဖံၭဘၪအ့ၬး မိအၪ့ခွံၬ ကယဲၦမ့ၬၥံၪလၧမု 48 ခံၫ့ဖိးလၧမုဖၩနီၪထီးအလူၬး- ကယဲဆၧဖံၭဆၧယၪ မိဒၪဘၪဝ့ၫလၧယၧၩ, ယဟိဝၩယီၩ ယဆူၭခဲၩခွံၬအ 49 ဝ့ၫၥံၪတၭ, လၩ့ဖံၭဘၪအ့ၬ.- ထီးနီၪလဖၧၫ့ ယစံၭ, အၩလါ,ကဆါယဟိဝၩဧ့ၬၦစံၭလၧအဂဲးနီၪ, အဝ့ၫ ဒၪချဲၩ့ဆၧချဲၩ့အဒီၩ့မွဲအ့ၬဧၪ.