18
1 ယဟိဝၩအလူလၩ့ဘၪဒီၭယၧၩတၭ, စံၭဝ့ၫဒၪ,
2 ဖါလဖၪအၪ့စဘံၭၥၪဆဲၪ့တၭ, ဖိၪၥၪၥံၪအမဲၪအၥွၪ ဎံၩ့နီၪ,နၥံၪလၧအချဲၩ့ဒီၩ့လၩ့ဆၧနီၪ, လၧခးအံၫစရ့
3 လၭအဂဲး,မွဲနၥံၪစံၭဘဲၫၥ့ၪလဲၪ.- ယမၧၫ့ယဝ့ၫ,ကဆါ ယဟိဝၩစံၭဝ့ၫဒၪ, နၥံၪချဲၩ့ဒီၩ့လၩ့ဆၧယီၩလၧအံၫစ
4 ရ့လၭအဖၧၩ့,အလးမိအီၪလၧၩ့အ့ၬ.- ယိခွါ,ၦအၥၭ ထီးအလူၬမွဲယဆၧး ဘဲၫဖါအၥၭအၥိၭနီၪ, ဖိၪခွၫနီၪ မွဲယဆၧဘဲၫနီၪၥိၭဆ့လီၫ. ၦအၥၭလၧအမၩဆၧဒဲၩ ဘၭနီၪမိၥံၫဝ့ၫဒၪလီၫ.
5 အ့ၪမွဲၦအ့ၪတီၩအ့ၪလီၩ့ ဒဲမၩဆၧစ့ၩရၫ့ဒဲဆၧတီၩ
6 ဆၧလီၩ့နီၪ,- ဒဲလအၪ့ဘၪဆၧလၧခိၪလီၩ့,ဒဲအ့ၪလစၪ့ ထၪ့ဘၪအမ့ၬ လၧအံၫစရ့လၭအၡၩဂံၪ့ဖိၪအဆၧဂၩ့ အအီၪ, ဒဲအ့ၪလမၩစံၪစၪဘၪၦလၧအနဲၩ့ထံၭအမၫ, ဒဲအ့ၪလၥုၭဘူၭဘၪအၥၭ လၧၦမုၪလၧအထူၫအရူၫ
7 ဘၪဝ့ၫအအီၪ,- ဒဲအ့ၪလမၩအၧၩ့ဘၪၦနးဂၩ, ဒဲအ့ၪ ဖ့ၪထဲၩ့ၦလၧအဒ့ၪအမါအီၪအဆၧပီၩ့လၩ့, ဒဲအ့ၪလ မၩန့ဆီၪ့ဘၪၦဂူၫဂၩအဆၧ, အ့ၪဖ့ၪလၫ့အဆၧအၪ့ လၧၦလၧအၥၭဝံအၥၭ, ဒဲအ့ၪချႃၬဘံၭၦအီၪဘိၪ့လၧ
8 ဖၬဘဲၩ့လဘံၪ့,- တၭအ့ၪလဖ့ၪလၫ့ဘၪဆၧလၧစ့ၩအ အ့ၪအဂး, ဒဲအ့ၪလအၪ့မၩန့ဘၪစ့ၩအအ့ၪနီၪအ့ၪထုၭ ထဲၩ့အစူၪလၧဆၧအၧၩ့, ဒဲအ့ၪစ့ၩရၫ့ဆၧတီၩလၧၦၡၩ
9 ဒဲၦၡၩအဘိၩ့ဆၧၩ့,- တၭအ့ၪလ့ၩဆၧလၧယဆၧမၪ လူၬအဖၧၩ့တၭ, အ့ၪထီးန့ယဆၧစ့ၩရၫ့နီၪ ဘဲၫၥိၭအ မိမၩဆၧအမွဲအတီၩတၭ, အဝ့ၫဒၪမွဲအတီၩအလီၩ့ တၭ,မိမၧၫ့ဝ့ၫတၡါ , ကဆါယဟိဝၩစံၭဝ့ၫဒၪ.
10 အ့ၪမွဲအဝ့ၫဒၪ အ့ၪထၪ့ဖိၪအဖိၪခွၫလဂၩလၧအမွဲ ၦထမျိၭထမျၬ, ၦလူၫလၩ့ဆၧၥွံၪတၭ အ့ၪမၩဆၧဘဲၫ
11 ဆၧနီၪလမံၩ့မံၩ့အၥိၭ,- တၭအ့ၪလထီးန့ဘၪဆၧထီး အလူၬနီၪတၭ, အ့ၪအၪ့ဆၧလၧခိၪလီၩ့အလီၩ့တၭ,အ့ၪ
12 မၩစံၪစၪၦလၧအနဲၩ့ထံၭအမၫ,- အ့ၪမၩအၧၩ့ၦၡၪ့ဖိၪ ယၬဖိၪ,ဒဲၦဘၪၡၪ့ဘၪနၭ, အ့ၪမၩဆီၪ့ၦဂူၫဂၩအဆၧ တၭ,အ့ၪလဖ့ၪထဲၩ့ဘၪဆၧပီၩ့လၩ့, အ့ၪယိထၪ့ဆၧ
13 လၧဆၧဂၩ့အအီၪ, အ့ၪမၩဆၧၥၭလိၪ,- အ့ၪဖ့ၪလၫ့ ဆၧလၧစ့ၩအအ့ၪအဂး, ဒဲမၩန့စ့ၩ အအ့ၪနီၪ,မွဲအမိ မၧၫ့ဝ့ၫဆ့ဧၪ,မၧၫ့ဝ့ၫအ့ၬ. မၩယူၭဆၧၥၭလိၪထီးအ လူၬနီၪယူၭ,မိၥံၫတၡါတၭ,အၥွံၪမိအီၪဝ့ၫလၧအလီၩ့ ဒၪဝ့ၫလီၫ.
14 မွဲလါနၫ့တၭ,ယိခွါ, အဝ့ၫဒၪအ့ၪထၪ့ဖိၪအဖိၪခွၫလ ဂၩလၧအဒၪဘၪအဖါအဆၧဒဲၩဘၭ ထီးအလူၬလၧအ
15 မၩဝ့ၫ,အ့ၪဒၪဘၪဝ့ၫ,ဒဲလမၩဘၪဘဲၫနီၪတၭ,- အ့ၪလ အၪ့ဘၪဆၧလၧခိၪလီၩ့အလီၩ့, အ့ၪလယိထၪ့ဘၪလၧ အံၫစရ့လၭအၡၩဂံၪ့ဖိၪအဆၧဂၩ့အအီၪ, အ့ၪလမၩ
16 စံၪစၪဘၪၦလၧအနဲၩ့ထံၭအမၫတၭ,- အ့ၪလမၩအၧၩ့ ဘၪၦနးဂၩ, အ့ၪလမၩန့ဘၪဆၧပီၩ့လၩ့, အ့ၪလမၩ န့ဆီၪ့ဘၪၦဂူၫဂၩအဆၧ, အ့ၪဖ့ၪလၫ့အဆၧအၪ့လၧၦ ၥၭဝံအၥၭ, အ့ၪချႃၬဘံၭၦအီၪဘိၪ့လၧဖၬဘဲၩ့လဘံၪ့,
17 အ့ၪလအီၪက့ၪဘၪအစူၪ လၧၦၡၪ့ဖိၪယၬဖိၪအလီၩ့, အ့ၪလမၩန့ဘၪစ့ၩအအ့ၪ, ဒဲဆၧအၪထၪ့, အ့ၪမၩယ ဆၧစ့ၩရၫ့, ဒဲလ့ၩဆၧလၧယဆၧမၪလူၬအဖၧၩ့နီၪတၭ, အဝ့ၫဒၪမိၥံၫဘၪ လၧအဖါအဆၧဒဲၩဘၭအကၠီၩ့အ့ၬး
18 မိမၧၫ့တၡါလီၫ.- ဆၧလၧအဖါလဂၩနီၪ,မွဲအမၩအၧၩ့ ဆၧ,အၥၭနီၩ့တၭ, မၩန့ဆီၪ့အထၧၫ့ဖုဝဲအဆၧတၭ, မၩဆၧလၧအလဂ့ၩလဘၪ လၧအၡၩခမျၧးအကျၩ, ယိခွါ,အဝ့ၫဒၪမိၥံၫဝ့ၫ လၧအဆၧဒဲၩဘၭအဖၧၩ့လီၫ.
19 မွဲလါနၫ့နၥံၪစံၭ,မွဲဘၪလဲၪ, ဖိၪခွၫထိးဘၪဖါအဆၧ ဒဲၩဘၭနီၪ,မွဲအ့ၬဧၪ, ထီးဖိၪခွၫအ့ၪမၩဆၧစ့ၩရၫ့ဒဲဆၧ တီၩဆၧလီၩ့, ထီးန့ဝ့ၫလၧယမၪလူၬဆၧထီးအလူၬ,
20 ဒဲမၩဝ့ၫနီၪ, မိမၧၫ့တၡါလီၫ.- ၦၡၩလၧအမၩဆၧဒဲၩ ဘၭနီၪ,အဝ့ၫဒၪမိၥံၫလီၫ. ဖိၪခွၫထိးဘၪဖါအဆၧဒဲၩ ဘၭအ့ၬ.တၭအဖါ ထိးဘၪအဖိၪခွၫအဆၧဒဲၩဘၭဆ့ အ့ၬ.ၦတီၩၦလီၩ့အဆၧတီၩဆၧလီၩ့နီၪ, မိအီၪဝ့ၫလၧ အလီၩ့, ဒဲၦလတီၩလလီၩ့ဘၪ အဆၧလတီၩလလီၩ့
21 ဘၪနီၪ မိအီၪဝ့ၫလၧအလီၩ့ဆ့လီၫ.- ၦလတီၩလလီၩ့ ဘၪအ့ၪကၠၪခွံၬအၥၭ လၧဆၧဒဲၩဘၭထီးအလူၬလၧ အမၩဝ့ၫတၭ, အ့ၪထီးန့ယဆၧမၪလူၬထီးအလူၬနီၪ, ဒဲမၩဆၧစ့ၩရၫ့ဒဲဆၧတီၩဆၧလီၩ့နီၪ, မိမၧၫ့တၡါ,ၥံၫ
22 ဘၪအ့ၬ.- အဆၧမၪလၧအမၩဝ့ၫနီၪ, ဆၧနၪ့ထၪ့ထၫ့ ဒၩဝ့ၫအ့ၬး အဆၧတီၩဆၧလီၩ့လၧအမၩဝ့ၫနီၪမိမၧၫ့
23 ဝ့ၫလၧအဖၧၩ့လီၫ.- ၦလတီၩလလီၩ့ဘၪၥံၫဝ့ၫနီၪ,မွဲ အဘၪယၥၭဆ့ဧၪး ကဆါယဟိဝၩစံၭဝ့ၫဒၪ. လၧအ မိကၠၪခွံၬအၥၭလၧအဖၧၩ့ၥၭတၭ, မၧၫ့ဝ့ၫနီၪ ဘၪယ ၥၭ,မွဲအ့ၬဧၪ.
24 ထီးၦတီၩၦလီၩ့အ့ၪကၠၪခွံၬအၥၭ လၧအဆၧတီၩ ဆၧလီၩ့,ဒဲမၩဆၧဒဲၩဘၭတၭ, မၩကယဲဆၧၥၭလိၪ ဘဲၫၦလတီၩလလီၩ့ဘၪ မၩဝ့ၫအၥိၭနီၪတၭ,မွဲအမိ မၧၫ့ဝ့ၫဆ့ဧၪ. ဆၧနၪ့ထၪ့ထဲၩ့အဆၧတီၩဆၧလီၩ့လၧ အမၩဝ့ၫလၧအဂးနးမံၩ့အ့ၬ. လၧအဆၧမၪလၧအမၩ ဝ့ၫအဖၧၩ့ ဒဲလၧအဆၧဒဲၩဘၭ, လၧအမၩဝ့ၫအဖၧၩ့ နီၪ,မိၥံၫဝ့ၫလၧအဖၧၩ့နီၪလီၫ.
25 မွဲလါနၫ့တၭ,နၥံၪစံၭ, ယဟိဝၩအဖၧၩ့ၥၭနီၪတီၩ အ့ၬ,ဘၪအ့ၬ, အံၫစရ့လၭအၡၩဂံၪ့ဖိၪၥံၪဧ့, ခိၭနၪ ဆံၭ.ယဖၧၩ့ၥၭတီၩအ့ၬဧၪ, ဘၪအ့ၬဧၪ. နၥံၪအဖၧၩ့ၥၭ
26 လဖၪလတီၩလလီၩ့ဘၪနီၪ,မွဲအ့ၬဧၪ.- ထီးၦတီၩၦ လီၩ့ကၠၪခွံၬအၥၭလၧဆၧတီၩဆၧလီၩ့တၭ, မၩဆၧ ဒဲၩဘၭတၭ,ၥံၫဝ့ၫလၧအဖၧၩ့နီၪ, လၧအဆၧဒဲၩဘၭ
27 လၧအမၩဝ့ၫအကၠီၩ့နီၪ မိၥံၫဝ့ၫလီၫ.- ထီးၦလတီၩ လလီၩ့ဘၪအ့ၪကၠၪခွံၬအၥၭ လၧအဆၧလတီၩလလီၩ့ ဘၪလၧအမၩဝ့ၫတၭ, မၩဆၧစ့ၩရၫ့ဒဲဆၧတီၩဆၧလီၩ့
28 တၭ,အၥၭမိမၧၫ့ဝ့ၫလီၫ.- မွဲအယိဆီၫ့မီၪ့တၭ, ကၠၪခွံၬ အၥၭလၧအဆၧမၪ လၧအမၩဝ့ၫနီၪတၭ, မိမၧၫ့တၡါ
29 တၭ,ၥံၫဘၪအ့ၬ.- မွဲလါနၫ့တၭ,အံၫစရ့လၭအၡၩဂံၪ့ ဖိၪစံၭဝ့ၫဒၪ, ယဟိဝၩအဖၧၩ့ၥၭလတီၩလလီၩ့ဘၪ လီၫ.အံၫစရ့လၭအၡၩဂံၪ့ဖိၪၥံၪဧ့, ယဝ့ၫဒၪယဖၧၩ့ ၥၭလဖၪနီၪ,မွဲအတီၩအ့ၬဧၪ. နၥံၪအဖၧၩ့ၥၭလဖၪလ
30 တီၩဘၪနီၪ,မွဲအ့ၬဧၪ.- မၩအၥၭဘဲၫနီၪတၭ,အံၫစရ့ လၭအၡၩဂံၪ့ဖိၪၥံၪဧ့, ယမိစ့ၩရၫ့နၥံၪ လဂၩဘၪလ ဂၩဘဲၫအဖၧၩ့ၥၭဒၪဝ့ၫအၥိၭနီၪဆုၬဆုၬ, ကဆါယဟိ ဝၩစံၭဝ့ၫဒၪ. ကၠၪခွံၬနၥံၪအၥၭ, ကၠၪခွံၬနၥံၪအၥၭလၧ နၥံၪအဆၧမၪထီးအလူၬနီၪဆံၭ. တၭဆၧဒဲၩဘၭကဲၪ ထၪ့နၥံၪအဆၧလၩ့ထံၩဖါအလးအ့ၬ.
31 ခွံၬၡိၭခွံၬနၥံၪအဆၧမၪလၧနၥံၪမၩမၪဝ့ၫထီးအလူၬ တၭ,မၩအီၪထၪ့နၥံၪအၥုၪ့ၥၫ့ၥၭၥၫ့ဆံၭ. အဂဲးဘဲၫ ယီၩအံၫစရ့လၭအၡၩဂံၪ့ဖိၪၥံၪဧ့, နၥံၪမိၥံၫနီၪမွဲဘၪ
32 လဲၪ.- အဂဲးဘဲၫယီၩထီးၦၥံၫတၭ, ၥံၫဝ့ၫနီၪဘၪယၥၭ နးဆံၭအ့ၬ. ကဆါယဟိဝၩစံၭဝ့ၫဒၪ. မၩအၥၭဘဲၫနီၪ တၭ,ကၠၪခွံၬနၥံၪအၥၭတၭ,မၧၫ့နၥံၪဝ့ၫဆံၭ.