17
1-2 ၦၡၩ အဖိၪခွၫဧ့, ၡီၩ့ၡါဆၧ ဒဲချဲၩ့ဒီၩ့လၩ့ဆၧ လၧအံၫစရ့
3 လၭအၡၩဂံၪ့ဖိၪဘီၪ.- စံၭ,ကဆါယဟိဝၩစံၭဘဲၫယီၩ, လံၬကျီၫ့ကျီၫ့ဖၭဒိၪလဘံၪ့အီၪလၧအဒံၭဖၭလဲ, ဒဲအ ဒံၭဖၭထီၫ, ဒဲဎွ့ၩဝ့ၫလၧဆီၪ့ၥံၪလၧအကံၪကဲၩ့ဂဲၫထီၩ့ လၧလ့ၭဘနၧၫ့တၭ, မၩန့ၥံၪ့ၡိၫအ့ရ့ၭ အထဲၩ့လထဲၩ့
4 လၧအထီၫထုၬလီၫ.- အၪ့ဒ့ၭဝ့ၫလၧအထဲၩ့ဖိၪၥံၪအထိၭ နၫတၭ,ဆိၬဝ့ၫလၧၦမၩဖနံၬဖိၪအခးဖၧၩ့တၭ, အီၪ
5 က့ၪလၩ့ဝ့ၫလၧၦမၩဖနံၬအဒိၩ့ဖၧၩ့လီၫ.- မၩန့ခးအချံၫ အၥၪဆ့တၭ,ၥုၪ့ဝ့ၫလၧဂၪ့ခိၪအဝၩ့ လၧအဒုၭၥၪထၪ့ ဝ့ၫလီၫ.ၥုၪ့လၩ့ဝ့ၫ လၧထံၫဖၭဒိၪအနဲၩ့, အီၪက့ၪဝ့ၫ
6 ဘဲၫၥံၪ့ဖံစလီၫ့အၥိၭနီၪလီၫ.- ဒိၪထၪ့လဲထၪ့ဝ့ၫတၭ, ကဲၪထၪ့စဘံၭမုအဖၨၪတၭး အထဲၩ့လဖၪကၠၪအၥၭ လၧအအီၪတၭ, အဝံလဖၪအီၪဝ့ၫ လၧအဖၫ့လၬလီၫ. ကဲၪထၪ့ဝ့ၫလၧစဘံၭမုလမုတၭ, ထဲၩ့ဖၫ့ထၪ့တၭ,ဒိၪ
7 ထၪ့ဝ့ၫဒၪလီၫ.- လံၬကျီၫ့ကျီၫ့ဖၭဒိၪအဂူၫဂၩလဘံၪ့ အီၪဝ့ၫလၧအဒံၭဖၭလဲ, ဒဲလၧအဆီၪ့အၪအၪလ့ၬလီၫ. တၭယိခွါ, စဘံၭမုလမုနီၪဆဲၩလၩ့စိၩအဝံလၧအအီၪ, ဆဲၩလၩ့စိၩအထဲၩ့လၧအအီၪ ဘဲၫၥိၭအဆၧမိအၪ့ထုၫ့ ကီၪ့ထံၫလၧအဝ့ၫလၧထံၫချိၬ ထီးဆၧအလးလၧအၥုၪ့
8 လၩ့အၥၭလၧအဖၧၩ့နီၪလီၫ.- ဘၪဆၧၥုၪ့လၩ့အၥၭ လၧဂၪ့ခိၪဂ့ၩလဝၩ့အဖၧၩ့ လၧထံၫဖၭဒိၪအနဲၩ့ ဘဲၫ ၥိၭအမိထဲၩ့ဖၫ့ထၪ့,ဒဲၥၪထၪ့တၭ, ကဲၪထၪ့စဘံၭမုလမု
9 လၧအဎံၫအလၩလီၫ.- စံၭနဝ့ၫ, ကဆါယဟိဝၩစံၭ ဘဲၫယီၩ, မိဘီၪထၪ့ယီၫထၪ့ဆ့ဧၪ.ဆၧမိထ့ၭထၪ့ခွံၬ အဝံလဖၪ,ဒဲမိဒၪ့ထ့ၬခွံၬအၥၪ, ဘဲၫၥိၭအမိလၩ့ယံၭ နီၪ,မွဲအ့ၬဧၪ. အထဲၩ့ဖၫ့ထၪ့အဒိၭအလၪ ထီးအလူၬ မိလၩ့ယံၭဝ့ၫလီၫ. မွဲလါနၫ့ဆၧအစီၩ့အမၩ့လအီၪဘၪ, ဒဲၦၡၩခမျၧးအၪဂၩ လအီၪဘၪတၭ,မိထ့ၭထၪ့ခွံၬအ
10 ဝ့ၫလၧအဝံလီၫ.- မွဲမၬ,ယိခွါ,ဘၪဆၧၥုၪ့လၩ့ယူၭအ ၥၭယူၭလါနၫ့တၭ,မိဘီၪထၪ့ယီၫထၪ့ဆ့ဧၪ. ထီးလံၩ လၧမုထၪ့လခီၫ ဘၪအဝ့ၫတၭ,မိလၩ့ယံၭထၧၫ့မုယၫ မွဲအ့ၬဧၪ. မိလၩ့ယံၭလၧဆၧအကၠီၪ့အဖၧၩ့ထီးအလး လၧအမဲၪထၪ့ဝ့ၫလီၫ.
11-12 စံၭ ၦဂံၪ့ဖိၪလၧအပိၩ့ထၪ့ဆၧ, ဆၧနီၪလဖၪမွဲဘဲၫၥ့ၪလဲၪ နီၪ,နၥံၪၥ့ၪယၫအ့ၬဧၪ. စံၭ, ယိခွါ, ဘၭဘလၧၫ့အ စဎွၩဂဲၫဝ့ၫလၧယရုစလံၫ့တၭ, မၩန့အစဎွၩဒဲအၦဒိၪ ဖၭဒိၪလဖၪတၭ, ဆိၬထၪ့ဝ့ၫလၧအနၫ့ဆါဒၪဝ့ၫအၥိၭ
13 ထီၩ့လၧဘၭဘလၧၫ့,- တၭမၩန့ၦလၧစဎွၩအချံၫအ ၥၪအကျၩလဂၩတၭ, အုၩ့လၩ့ဆၧလၧအဝ့ၫ,ဒဲဒုၭဆိၪ
14 လၩ့အၥၭဒဲမၩန့ထၪ့ခွံၬၦအဆီၪ့လၧခးဖၧၩ့,- ဘဲၫၥိၭ အမိဒုၭဆၪ့လၩ့ဘၩ့မုးအၥၭ, လၧအဆၧထီးအီၪက့ၪ ထၪ့ထီၫအၥၭလဂ့ၩ. ဘဲၫၥိၭအမိထီးန့ ဆၧအုၩ့လၩ့
15 တၭ,အဆၧမိအီၪဂုးအီၪခၧၫ့လီၫ.- မွဲလါနၫ့တၭ,အဝ့ၫ ဒၪအၪ့မၧၫ့လၩ့အၥီၫ့လဖၪ လၧခးအံဇံၭ,ဘဲၫၥိၭအဝ့ၫ ၥံၪမိဖ့ၪလၫ့အဝ့ၫလၧကၥ့ၪ, ဒဲၦခမျၧးအၪဂၩအကၠီၩ့ တၭ,ပိၩ့ထၪ့ဝ့ၫလီၫ. မွဲအမိဘီၪထၪ့ယီၫထၪ့ဆ့ဧၪ.တၭ ၦလၧအမၩဆၧဘဲၫနီၪမိဖျ့ၭဆ့ဧၪ. အ့ၪမိမၩဂၭဂီၩ့ဆၧ
16 အုၩ့လၩ့နီၪ,မွဲအမိဖီၩ့ဖျ့ၭဆ့ဧၪ.- ယမၧၫ့ယဝ့ၫ,ကဆါ ယဟိဝၩစံၭဝ့ၫဒၪ,မွဲမၬ, ထီးစဎွၩအီၪဝ့ၫအလးလဂၩ လၧအအီၪက့ၪအဝ့ၫလၧစဎွၩ, ၦလၧအလဒူၩလယၪ့ ဘၪအဆၧဆိၪလၩ့အၥၭ, ဒဲမၩဂၭဂီၩ့အဆၧအုၩ့လၩ့ နီၪမိၥံၫဝ့ၫလၧအဝ့ၫအၥိၭဒၪလ့ၬ, လၧဘၭဘလၧၫ့အ
17 ၥၭကျၩလီၫ.- ထီးအမၩစီၩ့ထၪ့ဆၧ,ဒဲမၩထၪ့ထိၬၥံၪ ဘဲၫၥိၭအမိဒၪ့ထ့ၬခွံၬ ၦအၪဂၩတၭ, ဖၫရိၫဒဲအၥုၭမု ခမျၧးဒဲၦခမျၧးဖၭဒိၪနီၪ မၩဘၪလၧအဂးလၧဆၧဒုၭ
18 ၥုၭအဖၧၩ့နးမံၩ့အ့ၬ.- မွဲအလဒူၩလယၪ့ဘၪအဆၧ ဆိၪလၩ့အၥၭတၭ,မၩဂၭဂီၩ့ဆၧအုၩ့လၩ့လီၫ. ယိခွါ, ဖ့ၪလၫ့ယူၭအစူၪလါနၫ့တၭ, မၩဆၧထီးအလူၬနီၪတၭ
19 ဖီၩ့ဖျ့ၭဘၪဝ့ၫအ့ၬ.- မၩအၥၭဘဲၫနီၪတၭ,ကဆါယဟိ ဝၩစံၭဘဲၫယီၩ, ယမၧၫ့ယဝ့ၫ,မွဲမၬ, ယဆၧဆိၪလၩ့ ယၥၭလၧအလဒူၩလယၪ့ဘၪဝ့ၫ, ဒဲယဆၧအုၩ့လၩ့ လၧအမၩဂၭဂီၩ့ဝ့ၫအကၠီၩ့နီၪ, ယမိဖ့ၪထဲၩ့ဆၧလၧအ
20 ဝ့ၫလၧအခိၪဎွံၪဒၪဝ့ၫအဖၫ့ခိၪနီၪလီၫ.- ယမိခွံၬယၡၬ လၧအဖၫ့ခိၪတၭ, အဝ့ၫမိဘၪယဖျံၩခွၩ့တၭ,ယမိဆိၬ ထၪ့အဝ့ၫ ထီၩ့လၧဘၭဘလၧၫ့တၭ, ယမိချဲၩ့ခွးလၧ အဝ့ၫထီးနီၪလၧအဆၧမၪ လၧအမၩမၪဘၪယၧၩအ
21 ကၠီၩ့နီၪလီၫ.- အၡၩလၧအစဲၪ့ဆၧဒဲအၥုၭမုထီးအလူၬ နီၪမိလၩ့ထံၩဖါလၧနၭၥံၪဖၩ့ၥံၪ, ဒဲၦအီၪလၩ့ထးလဖၪ နီၪမိလၩ့ပြံၩလၩ့ပၩ လၧလံၩကိၭခီၫဒ့ၭအကျၩလီၫ. တၭနၥံၪမိၥ့ၪယၫလၧယၧၩ, ယဟိဝၩယီၩယချဲၩ့ဆၧ လီၫ.
22 ကဆါယဟိဝၩစံၭဘဲၫယီၩ, ယမိမၩန့ၥံၪ့ၡိၫအ့ရ့ၭ ထီၫနီၪ အထဲၩ့ထီၫထုၬ လထဲၩ့တၭ,ယမိၥုၪ့လၩ့ဝ့ၫ တၭ,ယမိအၪ့မၩန့ခွံၬဆၧအဒိၭ လၧအထဲၩ့ထီၫထုၬ အခံၫတၭ, ယမိၥုၪ့လၩ့ဝ့ၫလၧခိၪလီၩ့ထၪ့ထီၫဒဲဖၭထီၫ
23 လၩ့မဲၩဒၪဆၧလဖျိၪ့အလီၩ့လီၫ.- လၧအံၫစရ့လၭအ ခိၪလီၩ့ထၪ့ထီၫအလီၩ့နီၪ ယမိၥုၪ့လၩ့အဝ့ၫတၭ, ၥၪ ထၪ့ဒဲကဲၪထၪ့ၥံၪ့ၡိၫအ့ရ့ၭအဂ့ၩလထုၪ့တၭ, ထိၪၥံၪ လံၪၥံၪကိၭအမံၩ့ဒ့ၭ မိအီၪလၧအဖၫ့လၬ, ဒဲလၧအထဲၩ့
24 လဖၪလၧအလၩဒုၩအကျၩနီၪ,မိအီၪဝ့ၫလီၫ.- ကယဲ ၥံၪ့လၧမံၩ့လၬကျၩ ထီးအလူၬနီၪမိၥ့ၪယၫဝ့ၫဆၧလၧ ယၧၩယဟိဝၩယီၩ, ယမၩလၩ့ဖၨၪၥံၪ့အထီၫ, ဒဲအီၪ က့ၪထီၫၥံၪ့အဖၨၪ, ဒဲယဒုၭဎဲၫ့ထၪ့ခွံၬၥံၪ့အၥံၫ့ဆ့ၬ, ဒဲ ယဒုၭဒိၭထၪ့ထဲၩ့ၥံၪ့ဎဲၫ့နီၪလီၫ. ဆၧလၧယၧၩယဟိ ဝၩယီၩ,ယချဲၩ့ဆၧတၭ,ယမၩယဝ့ၫလီၫ.