8
1 မွဲပလၫလၩ့ဂၬၦကိၪ့ၥ့ၪလဂၩလဲၪ. မွဲပလၫၥ့ၪယၫ ဒုၭဖျီၪထၪ့ဆၧ အဂဲးအကၠီၪ့လဂၩလဲၪ. ၦၡၩအဆၧ ကိၪ့ဘၪကိၪ့ၥ့ၪနီၪ မၩဖၩ့ထၪ့အမ့ၬတၭး ဆၧမၩဒူၩ အမ့ၬနီၪမိဘၪဆၧအၪ့လဲၩခွံၬဝ့ၫလီၫ.
2 လၧဆၧဆိၪလၩ့ၥၭဘၪဆဲၫ့လၧယွၩအကၠီၩ့နီၪ,ယ
3 ထီးန့စဎွၩ အဆၧမၪလူၬလဖၪလီၫ.- ထီးစဲၪ့ထၪ့ခွံၬ လၧအမ့ၬယၫချဲၫ့ချဲၫ့လဂ့ၩး လၧဆၧအၧၩ့အဖၧၩ့နီၪ, ထီးဆၧၫ့ထုၪ့လဂ့ၩး အဂဲးဘဲၫယီၩအဝ့ၫဒၪမၩထီးဒၪ အၥၭလၧဆၧထီးအလူၬအဖၧၩ့လီၫ.
4 ထီးဒၪအလးလၧစဎွၩအလူအီၪဝ့ၫလစီၪ့နီၪ, ဆၧအ စီၩ့အမၩ့အီၪဝ့ၫထီးနီၪလီၫ. နမၩနီၫလဲၪနီၪ, မွဲပလၫ
5 စံၭအဝ့ၫမိၥ့ၪလဂၩလဲၪ.- ၦလဂၩဂၩလၧအထီးန့ဆၧ မၪလူၬနီၪ, မိဘၪဆၧအၧၩ့နးမံၩ့အ့ၬးတၭၦကိၪ့ဆၧၥ့ၪ လဂၩအၥၭနီၪ, ၥ့ၪယၫဆၧအဆၧၫ့အထီ ဒဲဆၧစ့ၩရၫ့
6 နံၫမံၩ့လူၬလီၫ.- အဂဲးဘဲၫယီၩလၧၦၡၩအဆၧအၧၩ့ ဆၧၥၫ့ဖၭဒိၪအီၪလၧအလီၩ့အကၠီၩ့နီၪ, ကယဲဆၧကိၪ့ ဆၧဖၭလမံၩ့လါလါ, ဆၧအဆၧၫ့အထီ ဒဲဆၧစ့ၩရၫ့
7 အီၪဝ့ၫလၧအဂးလီၫ.- အဂဲးဘဲၫယီၩဆၧမိမၩအၥၭ လၧယၫနီၪအဝ့ၫလဂၩ ၥ့ၪယၫနးမံၩ့အ့ၬး အဂဲးဘဲၫ ယီၩမိကဲၪထၪ့ဝ့ၫအဆၧၫ့အထီဘဲၫအံၩဘဲၫအိၩ, မွဲပ လၫဒုၭၥ့ၪယၫဝ့ၫမိၥ့ၪလဂၩလဲၪ.
8 ၦအီၪလၧအစီၩ့အမၩ့ လၧၥၭအဖၫ့ခိၪဘဲၫၥိၭၥၭနီၪ မိစဲၪ့ထၪ့ခွံၬလဂ့ၩး အီၪဝ့ၫနးဂၩအ့ၬး လၧဆၧၥံၫအမု နံၩနီၪအစီၩ့အမၩ့အီၪဆ့အ့ၬ. ဆၧဖျါခွံၬၦၡၩလၧ ဆၧဒုၭၥုၭယီၩအ့ၬ. ဒဲဆၧလတီၩလလီၩ့ဘၪနီၪမၩဖီၩ့ မၩဖျ့ၭၦလၧအမၩဝ့ၫနီၪၥ့ၪအ့ၬ.
9 ဆၧယီၩလဖၪထီးအလူၬ ယဒၪဘၪယူၭ,ဒဲအီၪက့ၪ ယၥၭလၧကယဲဆၧမၩလမံၩ့လါလါ လၧဆၧမၩကဲၪ ထၪ့လၧမုအဖၫ့လၬယီၩ ကိၭအမံၩ့ဒ့ၭလီၫ. အဆၧၫ့ အထီအီၪထီးၦလဂၩ ပၧၩ့ၦဂူၫဂၩလဂၩ လၧအဆၧ
10 အၧၩ့ဒၪဝ့ၫအဂးလီၫ.- တၭယဒၪဘၪၦလတီၩလလီၩ့ ဘၪဘၪဆၧခုၪ့လၩ့ဘၧၩ့ခွံၬဝ့ၫနီၪး အဝ့ၫၥံၪထဲၩ့ထဲၩ့ တၭ,စဲၪ့ထၪ့လၧဆၧအလးဆံၫ့ဎံၪဒၪလ့ၬတၭ, ဘၪ ဆၧၥၭနၪ့ခွံၬဝ့ၫ လၧဒိၩ့ဖၧၩ့ လၧအမၩဆၧအလးနီၪ လီၫ.အယီၩမွဲဆၧပျီၩပျီၩဆ့လီၫ.
11 လၧဆၧစ့ၩရၫ့စၪလလၩ့ဘၪ ဒဲလဘၪဘၪဆၧနးမံၩ့ လၧအဆိၫအချဲၫ့ လၧအဆၧမၩအၧၩ့နီၪ အကၠီၩ့တၭ, အခိးမွဲၦၡၩၥံၪအၥၭ လၧၫ့ဎွ့ၩလၧအမိမၩဆၧအၧၩ့
12 လီၫ.- တၭၦဆၧဒဲၩဘၭဖိၪမၩအၧၩ့ဆၧအဘျၩ့လယၩ နီၪ,ဒဲအမုနံၩၥံၪအၪထၪ့လါနၫ့တၭး ယၥ့ၪယၫတၡါ လၧဆၧဂ့ၩ မိအီၪလၧၦၥၭမဲၪယွၩအဂး, ၦလၧအၥၭ
13 မဲၪဆၧလၧအမ့ၬယၫအဂးလီၫ.- အ့ၪမွဲလၧၦလတီၩ လလီၩ့ဘၪအဂးနီၪဆၧဂ့ၩအီၪအ့ၬး တၭအဝ့ၫဒၪအမုနံၩ ၥံၪမွဲဘဲၫဆၧလၩၡုၪအၥိၭတၭ, မၩအၪထၪ့ဝ့ၫၥ့ၪဆ့ အ့ၬးအဂဲးဘဲၫယီၩ အဝ့ၫနီၪၥၭမဲၪဆၧလၧယွၩအမ့ၬ ယၫနးမံၩ့အ့ၬ.
14 ဆၧပျီၩပျီၩလမံၩ့ မၩအၥၭလၧဂၪ့ခိၪချိၫ့ယီၩတၭး ၦတီၩၦလီၩ့လၧအဘၪ ဆၧဘဲၫၦလတီၩလလီၩ့ဘၪ အဆၧမၩအၥိၭနီၪအီၪဝ့ၫတၭး မၩဒီၭးၦလတီၩလလီၩ့ ဘၪလၧအဘၪ ဆၧဘဲၫၦတီၩၦလီၩ့ အဆၧမၩအၥိၭ နီၪအီၪဝ့ၫဆ့လီၫ. အယီၩလမံၩ့ယစံၭမွဲဆၧပျီၩပျီၩ
15 ဆ့လီၫ.- ထီးနီၪလဖၧၫ့ယအၪ့အူၭဆၧမုၬလၩၥံၪ, အ ဂဲးဘဲၫယီၩ လၧမုအဖၫ့လၬယီၩ, ဆၧဂ့ၩနဲၪ့ဒံၭလၧၦ အၪ့ဆၧအီၩဆၧ, ဒဲၥုၪ့ဎွံၫၥၭယီၫနီၪ, အီၪဝ့ၫနးမံၩ့အ့ၬ. အဂဲးဘဲၫယီၩအနီၪ မိအီၪဝ့ၫလၧအမၩဆၧအဂး, လၧ အၥၭမၧၫ့ဝ့ၫမုနံၩၥံၪ လၧယွၩဖ့ၪလၫ့ဝ့ၫလၧမုအဖၫ့လၬ အဘိၩ့ဘၭနီၪလီၫ.
16 ထီးယအီၪက့ၪယၥၭ လၧယမိၥ့ၪယၫဆၧကိၪ့ၥ့ၪနီၪ, ဒဲဆၧမၩကၩလၧအကဲၪထၪ့ လၧဂၪ့ခိၪချိၫ့ယီၩ,(အဂဲး
17 ဘဲၫယီၩလၧမုဆၫမွဲဂ့ၩ, မုနၩမွဲဂ့ၩ ၦမံၫန့အ့ၬ.)- ထီး နီၪလဖၧၫ့ ယဒၪဘၪယွၩအဆၧမၩထီးအလူၬနီၪး လၧ ၦၡၩအၪ့ဎူၫအၪ့ဎၬဆၧမၩလၧအကဲၪထၪ့ လၧမုအဖၫ့ လၬယီၩဒၪဘၪဝ့ၫၥ့ၪအ့ၬး အဂဲးဘဲၫယီၩၦၡၩဂဲၩလိၬ အၪ့ဎၬဒၪဘၪလါနၫ့နီၪတၭ, ဒၪဘၪအဖျီၪထၪ့နးစီၪ့အ့ၬ. မွဲမၬ,လၧယၫဒံၭး ၦကိၪ့ဆၧၥ့ၪလဂၩ ဆီၫ့မီၪ့လၧအၥ့ၪ ယၫဝ့ၫလါနၫ့ဘိၩ, ဒၪဘၪဝ့ၫအဂဲးအကၠီၪ့ၥ့ၪအ့ၬ.