9
1 အဂဲးဘဲၫယီၩ ဆၧလဖၪယီၩထီးအလူၬယဆီၫ့မီၪ့ လၧယၥၭခံဖၧၩ့, ဘဲၫၥိၭယမိလီၩဖျီၪထၪ့ကိၭအမံၩ့ ဒ့ၭ,လၧၦတီၩၦလီၩ့, ဒဲၦကိၪ့ဆၧၥ့ၪလဖၪ, ဒဲအဝ့ၫၥံၪ အဆၧမၩလဖၪ အီၪဝ့ၫလၧယွၩအစူၪဖၧၩ့လီၫ. ဒဲဆၧ အဲၪမွဲဂ့ၩ, ဆၧၥၭဂဲၫ့မွဲဂ့ၩ, လၧဆၧအီၪလၧအမ့ၬယၫ ထီးအလူၬအကၠီၩ့နီၪ, ၦၥ့ၪယၫအဂဲးအကၠီၪ့ၥ့ၪနးဂၩ
2 အ့ၬ.- ဆၧထီးအလူၬဘၪၦကိၭဂၩဒ့ၭမီၪ့ဎီၩ့တၭး ဆၧ လမံၩ့ဎးနီၪဘၪၦတီၩၦလီၩ့ၥံၪ, ဒဲၦလတီၩလလီၩ့ဘၪ ဆ့း ဘၪၦဂ့ၩ, ဒဲၦဆံၫ့, ဒဲၦလဆံၫ့ဘၪဆ့း ဘၪၦလၧ အလုထၪ့ဆၧ, ဒဲၦလၧအလလုထၪ့ဘၪနီၪဆ့း ဘဲၫၦ ဂ့ၩအီၪဝ့ၫအၥိၭ, ၦဆၧဒဲၩဘၭဖိၪအီၪဝ့ၫဘဲၫနီၪၥိၭဆ့း ၦလၧအဆိၪလၩ့အၥၭ, မွဲဘဲၫၦလၧအၥၭမဲၪဆၧဆိၪ
3 လၩ့အၥၭအၥိၭနီၪလီၫ.- ဆၧလမံၩ့ဎးနီၪဘၪၦကိၭဂၩ ဒ့ၭ,မွဲဆၧအၧၩ့လၧဆၧကဲၪထၪ့ လၧမုအဖၫ့လၬထီးအ လူၬအကျၩနီၪလီၫ. မွဲမၬ, ၦၡၩၥံၪအၥၭလၧၫ့ဎွ့ၩလၧ ဆၧအၧၩ့ဆၧၥၫ့ဆ့, ဒဲလၧအမၧၫ့ဝ့ၫအဘိၩ့ဘၭတၭ, ဆၧဖျႃအီၪဝ့ၫလၧအၥၭခံဖၧၩ့, ဒဲအလီၩ့ဆီးဆၧလမံၩ့
4 နီၪဖိးလၧဆၧၥံၫလီၫ.- အဂဲးဘဲၫယီၩမွဲပလၫဘၪဆၧ ရွံန့ခွံၬဝ့ၫလဂၩလဲၪၬ ကယဲၦလၧအမၧၫ့ဝ့ၫအဂးနီၪ, ဆၧယိလါအီၪဝ့ၫ အဂဲးဘဲၫယီၩထွံၪအမၧၫ့လဒုၩနီၪ,
5 ဂ့ၩနဲၪ့ဒံၭဆၬလၥၧၫ့အၥံၫလဒုၩလီၫ.- အဂဲးဘဲၫယီၩ ၦလၧအမၧၫ့ဝ့ၫနီၪ, မိဘၪၥံၫတၡါၥ့ၪယၫဝ့ၫး အ့ၪမွဲၦ လၧအၥံၫထလၧၫ့ခွံၬနီၪၥ့ၪယၫဆၧနးမံၩ့အ့ၬ, ဒဲန့လၧၩ့ အဘိၪ့နးမံၩ့ဆ့အ့ၬး အဂဲးဘဲၫယီၩ အဝ့ၫၥံၪအဆၧနၪ့
6 ထၪ့ထဲၩ့နီၪ, ၦၥၭနၪ့ခွံၬဝ့ၫလီၫ.- ဒဲအဝ့ၫၥံၪအဆၧအဲၪ ဆၧကွံၩ, ဒဲအဆၧၥုၪ့ထၪ့ၥၭဂဲၫ့, ဒဲအဆၧၥုၪ့ခ့ၬၥၭခ့ၬ လဖၪနီၪဘၪဆၧဂၭဂီၩ့ဝ့ၫဒၪဆ့လီၫ. ဒဲလၧကယဲဆၧ မၩလမံၩ့လါလါ လၧအကဲၪထၪ့လၧမုအဖၫ့လၬယီၩ, အဝ့ၫၥံၪအဂးအီၪလၧၩ့နးမံၩ့အ့ၬ.
7 လ့ၩလၧနဖၧၩ့ၥၭဒၪနဝ့ၫဘီၪ, အၪ့နကိၪလၧဆၧၥၭ ထိၬ,ဒဲအီၩနစဘံၭထံၫလၧနၥၭဎွံၫနီၪဘီၪး အဂဲးဘဲၫ
8 ယီၩယွၩထိးဆၧၫ့နဆၧမၩလဖၪနီၪလီၫ.- နကီၩ့နၥိၭ နီၪမွဲအအီၪဘွၩဝ့ၫ လထံၪဎးဘီၩ့ဎးဆံၭ ဒဲနခိၪဎွံၪ
9 နီၪ,ၥိၪလအီၪဘၪ, ထီးအီၪလဂ့ၩ.- မုၬလၩနၥၭလၧန မၫလၧနအဲၪဝ့ၫအၥိၭလၧနမုနံၩပျီၩပျီၩ ထီးအလူၬအ ထးဖၧၩ့, လၧယွၩဖ့ၪလၫ့နၧၩလၧမုအဖၫ့လၬ, လၧနမု နံၩပျီၩပျီၩအထးဖၧၩ့ ထီးအလူၬဆံၭ. အဂဲးဘဲၫယီၩ အနီၪမွဲလၧနမၧၫ့အဘိၩ့ဘၭယီၩအဂး, ဒဲလၧနမၩဆၧ
10 အဖၧၩ့,လၧနမၩလၧမုအဖၫ့လၬယီၩလီၫ.- ထီးဒၪဆၧ လမံၩ့လါလါလၧနစူၪဒၪဘၪလၧအမိမၩဝ့ၫနီၪ, မၩနဝ့ၫ လၧနဂဲးနဘၭထီးအလူၬနီၪဘီၪး အဂဲးဘဲၫယီၩလၧဖျႃ ဖၧၩ့နလ့ၩဆၧအလးနီၪ, ဆၧမၩမွဲဂ့ၩ, ဆၧကိၪ့မွဲဂ့ၩ, ဆၧၥ့ၪယၫမွဲဂ့ၩ, ဆၧကိၪ့ဘၪကိၪ့ၥ့ၪမွဲဂ့ၩ, အီၪဝ့ၫနး မံၩ့အ့ၬ.
11 ယကၠၪယၥၭတၭ, လၧမုအဖၫ့လၬယဒၪဘၪ,လၧၦ စဲၪ့ပၧၩ့ချဲၫ့နီၪ ထီၩ့ဆိၫဝ့ၫအ့ၬး ၦဒုၭဆၧဆီၪ့နီၪနၧၩ့ ဘၪဆ့အ့ၬး ၦကိၪ့ဆၧၥ့ၪ လါနၫ့န့ဘၪဆၧအၪ့ဆ့အ့ၬး ၦၥုၪ့ဖၭၥၭဖၭလါနၫ့ န့ဘၪဆၧအဎၧၩ့အဎီဆ့အ့ၬး ၦ စူၪၥ့ၪလါနၫ့န့ဘၪဆၧအခိးဆ့အ့ၬး ဆၧအဆၧၫ့အထီ,
12 ဒဲဆၧမၩဒၪအၥၭနီၪ ဘၪၦၡၩကိၭဂၩဒ့ၭလီၫ.- အဂဲး ဘဲၫယီၩအဆၧၫ့အထီဒၪဝ့ၫ ၦၡၩၥ့ၪယၫအ့ၬး ဘဲၫယၪ ၥံၪလၧအဘၪၡၬအၧၩ့အၥိၭ, ဒဲဘဲၫထိၪၥံၪလံၪၥံၪလၧ အဘၪဖျံၩခွၩ့အၥိၭး ဘဲၫနီၪၥိၭဆ့ ၦၡၩၥံၪန့ဖျံၩခွၩ့ လၧအဆၧၫ့အထီအၧၩ့နီၪ, ထီးအလၩ့ဘၪၡုၭအဝ့ၫ ၥံၪလီၫ.
13 ယဒၪဘၪဆၧဘဲၫယီၩဆ့ ဆၧကိၪ့ၥ့ၪလၧမုအဖၫ့လၬ ဒၪလ့ၬတၭ, မၩအၥၭဘဲၫဆၧဖၭဒိၪလၧယမ့ၬယၫလီၫ.
14 ဒိၩ့ဆံၭအီၪဒဲၦၡၩလၧအဖၧၩ့ၡၩခိၬဂၩတၭး စဎွၩဖၭ ဒိၪဂဲၫထၫ့ဒုၪဒၩဝ့ၫနီၪ, ဝၩ့ထၬဝ့ၫတၭ, မၩထၪ့ထိၬဖၭ
15 ဒိၪၥံၪထၫ့ဒုၪဒၩဝ့ၫလီၫ.- ဆၧဒၪဘၪၦၡၪ့ဖိၪယၬဖိၪလ ဂၩလၧအကိၪ့ဆၧၥ့ၪလၧအဖၧၩ့တၭ, အဝ့ၫဒၪလၧအ ကိၪ့ဆၧၥ့ၪအကၠီၩ့နီၪ, မၩဖီၩ့မၩဖျ့ၭဒိၩ့နီၪတၭး မွဲလါ နၫ့ဘိၩၦၡၪ့ဖိၪယၬဖိၪလဂၩနီၪ, ၦနၪ့ထၪ့ထဲၩ့ဝ့ၫနးဂၩ
16 ဆ့အ့ၬ.- ထီးနီၪလဖၧၫ့ယစံၭဆၧကိၪ့ဘၪကိၪ့ၥ့ၪနီၪ,ဂ့ၩ နဲၪ့ဒံၭဆၧဂဲးဆၧဘၭး မွဲလါနၫ့ဘဲၫနီၪတၭ, ၦၡၪ့ဖိၪအ ဆၧကိၪ့ဘၪကိၪ့ၥ့ၪနီၪ, ဆၧမၩကြၩ့ထမးဝ့ၫ, ဒဲအဆၧ ချဲၩ့ၥံၪဆၧခိၭနၪဝ့ၫဆ့အ့ၬ.
17 ၦကိၪ့ဆၧၥ့ၪအဆၧချဲၩ့ၥံၪ လၧၦနါဂၧၫ့ဘၪလၧဆၧ အီၪလၩ့မါပံၭအဖၧၩ့နီၪ, ဂ့ၩနဲၪ့ဒံၭၦဒိၪၥံၪပၧၩ့ဆၧလၧ
18 ၦအဂီၩ့အကျၩအဆၧကိၭၡၭထၪ့နီၪလီၫ.- ဆၧကိၪ့ဘၪ ကိၪ့ၥ့ၪနီၪ, ဂ့ၩနဲၪ့ဒံၭဆၧဒုၭၥုၭအစူၪဝဲၩၥံၪး အ့ၪမွဲ ၦဆၧဒဲၩဘၭဖိၪလဂၩနီၪ မၩဂၭဂီၩ့ဆၧဂ့ၩ အၪအၪ လ့ၬလီၫ.