7
1 ဆၧအမံၩ့အၥၪဂ့ၩနီၪ, ဂ့ၩနဲၪ့ဒံၭၥိၪနၧၫ့မၧၫ့လၧအ လူဒိၪဎွ့ၩဒိၪး ဒဲၦၥံၫဝ့ၫအမုနံၩနီၪဂ့ၩနဲၪ့ဒံၭအီၪဖျဲၪဝ့ၫ
2 အမုနံၩနီၪလီၫ.- ၦလ့ၩလၧဆၧၥုၪ့အုၭၥၭအုၭအဂံၪ့ နီၪ,ဂ့ၩနဲၪ့ဒံၭ လ့ၩဆၧလၧဆၧမၩဘိၪ့မၩထးအဂံၪ့လီၫ. အဂဲးဘဲၫယီၩ အနီၪမွဲကယဲၦၡၩ ထီးအလူၬ အထုၬတၭး ၦအမၧၫ့ၥံၪမိဆီၫ့မီၪ့ဝ့ၫအဂဲးအကၠီၪ့ လၧအၥၭခံ
3 ဖၧၩ့လီၫ.- ဆၧၥုၪ့အုၭၥၭအုၭဂ့ၩနဲၪ့ဒံၭဆၧနံဆၧကွ့ၩ, အဂဲးဘဲၫယီၩ လၧမ့ၬလၩ့ၡါအကၠီၩ့နီၪ, ၥၭဂ့ၩထၪ့လ
4 ခီၫလီၫ.- ၦကိၪ့ဆၧၥ့ၪအၥၭအီၪ လၧဆၧၥုၪ့အုၭၥၭအုၭ အဂံၪ့ဖၧၩ့ အ့ၪမွဲၦအဂီၩ့အၥၭအီၪ လၧဆၧနံဆၧကွ့ၩ အဂံၪ့ဖၧၩ့လီၫ.
5 ၦခိၭနၪၦကိၪ့ဆၧၥ့ၪအဆၧအၪ့ၥီၪ့နီၪ, ဂ့ၩနဲၪ့ဒံၭခိၭ
6 နၪၦအဂီၩ့အဆၧၥံၫကျံၩနီၪလီၫ.- အဂဲးဘဲၫယီၩဘဲၫ ဆၧဆူၪၥံၪအၥီၫ လၧဖၧၩ့အဖၫ့လၬနီၪ ၦအဂီၩ့နံဝ့ၫမွဲ ဘဲၫနီၪၥိၭဆ့လီၫ. အယီၩမွဲဆၧပျီၩပျီၩဆ့လီၫ.
7 မွဲမၬ, ဆၧမၩအၧၩ့မၩနၭနီၪဒုၭဖျႃထၪ့ၦကိၪ့ဆၧၥ့ၪ
8 တၭးလၬဆီၪ့နီၪမၩဂၭဂီၩ့ ၦၥုၪ့ၦၥၭလီၫ.- ဆၧအထုၬ နီၪဂ့ၩနဲၪ့ဒံၭဆၧအခၪ့ထံၭတၭး ၦလၧအအွံၪၥၭဆၧၩ့
9 ဆၧနီၪ,ဂ့ၩနဲၪ့ဒံၭၦအီၪက့ၪထၪ့ထီၫအၥၭလီၫ.- ထီး မၩချဲၫ့လၧနၥၭဖၧၩ့ ဘဲၫနမိၥၭထၪ့ဆၧအၥိၭနီၪလဂ့ၩး အဂဲးဘဲၫယီၩ ဆၧၥၭထၪ့နီၪအီၪပွံၭဝ့ၫလၧၦအဂီၩ့အ ၥၭနၫဖၧၩ့နီၪလီၫ.
10 မုနံၩၥံၪလၧဖျိၩ့နီၪ ဂ့ၩနဲၪ့ဒံၭဘိၩ့နဲၪ့ယီၩ, မွဲအဂဲး ဘဲၫၥ့ၪလဲၪ,ထီးစံၭနဝ့ၫလဂ့ၩး အဂဲးဘဲၫယီၩနအၪ့စၪ့ ဆၧအဂဲးအကၠီၪ့နီၪ, မွဲဆၧကိၪ့ဘၪကိၪ့ၥ့ၪအ့ၬ.
11 ဆၧကိၪ့ဘၪကိၪ့ၥ့ၪဂ့ၩဝ့ၫ လၧဆၧန့ၥၫအၥိၭတၭ, ၦလၧအဒၪဘၪမုၥံၪလၩၥံၪနီၪ, န့ကၩဆၧလၧအဝ့ၫၥံၪ
12 အဂးလီၫ.- အဂဲးဘဲၫယီၩဆၧကိၪ့ဘၪကိၪ့ၥ့ၪနီၪမွဲထိၬ ပဒၩ့ဆၧတၭ,စ့ၩနီၪမွဲထိၬပဒၩ့ဆၧဆ့း အ့ၪမွဲအဆၧၥ့ၪ ယၫအဆၧဂ့ၩထုၬနီၪမွဲအယီၩ, ဆၧကိၪ့ဘၪကိၪ့ၥ့ၪဒုၭ အီၪထၪ့ဆၧမၧၫ့လၧၦလၧအန့ဘၪဝ့ၫအဂးလီၫ.
13 ယိဆီၫ့မီၪ့ယွၩအဆၧဖံၭဆၧမၩ အဂဲးအကၠီၪ့နီၪဆံၭ. အဂဲးဘဲၫယီၩ ဆၧလၧအဝ့ၫဒၪမၩကဲၪ့နီၪ, မွဲပလၫမၩ
14 လီၩ့ထၪ့ထဲၩ့ၥ့ၪလဂၩလဲၪ.- လၧဆၧဘီၪထၪ့ယီၫထၪ့ အမုနံၩနီၪ, ၥုၪ့ထိၬၥၭထိၬဆံၭး အ့ၪမွဲလၧဆၧၡၪ့ဆၧ နၭအမုနံၩနီၪ, ယိဆီၫ့မီၪ့လၩ့နၥၭဆံၭ. ယွၩအီၪက့ၪ လမံၩ့ဆဲၫဎၩ့လၧအနီၪလမံၩ့, ဘဲၫၥိၭဆၧမိမၩအၥၭ လၧယၫအဂဲးအကၠီၪ့နီၪ, ၦၡၩမိဒၪဘၪဝ့ၫနးမံၩ့အ့ၬ.
15 ကယဲဆၧထီးအလူၬယီၩ ယဒၪဘၪလၧယမုနံၩ ပျီၩပျီၩအဖၧၩ့နီၪလီၫ. ၦအတီၩအလီၩ့လၧအဂၭဂီၩ့လၧ အဆၧတီၩဆၧလီၩ့ အဖၧၩ့နီၪအီၪဝ့ၫး ဒဲၦလတီၩလ လီၩ့ဘၪ လၧအမၩအၪထၪ့အမုနံၩလဖၪလၧအဆၧလ
16 တီၩလလီၩ့ဘၪအဖၧၩ့နီၪအီၪဝ့ၫဒၪဆ့လီၫ.- ထီးမၩ တီၩမၩလီၩ့နၥၭ အၪလၨၪလဂ့ၩး ဒဲထီးမၩနၥၭကိၪ့ ဘၪကိၪ့ၥ့ၪအၪလၨၪလဂ့ၩး နမိမၩဂၭဂီၩ့နၥၭဒၪနဝ့ၫ
17 နီၪ,မွဲအဂဲးဘဲၫၥ့ၪလဲၪ.- ထီးမၩနၥၭလၧဆၧအၧၩ့ဆၧ ၥၫ့အဖၧၩ့အၪလၨၪလဂ့ၩ, ထီးမၩဂီၩ့နၥၭဆ့လဂ့ၩး အဂဲးဘဲၫယီၩနမိၥံၫလၧအဆၧၫ့အထီ လချႃၭဘၪနီၪမွဲ
18 အဂဲးဘဲၫၥ့ၪလဲၪ.- ဂ့ၩလၧနဖီၪ့ထၬဆၧယီၩလမံၩ့း မွဲ မၬ,ထီးထုၭထဲၩ့နစူၪ လၧဆၧနီၪလမံၩ့လဂ့ၩ. အဂဲး ဘဲၫယီၩ ၦလၧအၥၭမဲၪယွၩနီၪ မိဖီၩ့ဖျ့ၭအဝ့ၫၥံၪထီး အလူၬလီၫ.
19 ဆၧကိၪ့ဘၪကိၪ့ၥ့ၪနီၪ ဒုၭဆီၪ့ထၪ့ၦကိၪ့ၥ့ၪအၪနဲၪ့ ၦၡၩဆီၪ့ဆံၫဂၩလၧအအီၪဝ့ၫ လၧဒိၩ့ဖၧၩ့နီၪလီၫ.-
20 အ ဂဲးဘဲၫယီၩ ၦအတီၩလၧဂၪ့ခိၪချိၫ့ယီၩ လၧအမၩဆၧ ဂ့ၩတၭ,လမၩဒဲၩဘၭဆၧနီၪအီၪဝ့ၫနးဂၩအ့ၬ.
21 ကယဲဆၧချဲၩ့ၥံၪ လၧၦချဲၩ့ဝ့ၫထီးအလူၬလဖၪနီၪ, ထီးဒိၭနနါလဂ့ၩး နမိနါဂၧၫ့ဘၪခိၬနခ့ၫနၡၩဆိၪအၧၩ့
22 နၧၩနီၪလီၫ.- အဂဲးဘဲၫယီၩနၥၭဒၪနဝ့ၫၥ့ၪယၫလၧနနၫ့ ဆါဒၪနဝ့ၫဆိၪအၧၩ့ဂူၫဂၩ ဘဲၫနီၪၥိၭဆိၫဆိဆိၫဆိဆ့ လီၫ.
23 ဆၧထီးအလူၬယီၩ ယမၩဖျီၪထၪ့လၧဆၧကိၪ့ၥ့ၪ တၭးယစံၭ,ယမိအီၪလၧဆၧကိၪ့ဘၪကိၪ့ၥ့ၪလါနၫ့
24 တၭးအီၪယဲၩ့ထၪ့လၧယၧၩလီၫ.- ဆၧလၧအအီၪယဲၩ့, ဒဲအီၪယိၬယိၬလ့ၬနီၪ, မွဲပလၫဒၪန့ဝ့ၫမိၥ့ၪလဂၩလဲၪ.
25 ယအီၪက့ၪယၥၭလၧယမိၥ့ၪယၫ, ဒဲအၪ့ဎူၫအၪ့ဎၬ,ဒဲ ဒုၭဖျီၪထၪ့ဆၧကိၪ့ဘၪကိၪ့ၥ့ၪနီၪ, ဒဲဆၧအီၪဝ့ၫနီၪအ ဂဲးအကၠီၪ့, ဒဲၥ့ၪယၫဆၧဂီၩ့အဆၧအၧၩ့ဆၧၥၫ့, ဆၧ
26 ဖျႃအဆၧဂီၩ့နီၪဒၪလ့ၬတၭး- ၦမုၪလဂၩလၧအၥၭမွဲ ဖျံၩခွၩ့ဒဲၡၬၥံၪ, လၧအစူၪၥံၪမွဲဆၧဘဲၩ့ထၬဆၧ,ယဒၪ ဘၪအဝ့ၫခၪနဲၪ့ဒံၭဆၧၥံၫတၭး ၦလဂၩဂၩ အ့ၪလီၩ့ ယွၩအၥၭ မိဖီၩ့ဖျ့ၭၦမုၪနီၪး အ့ၪမွဲၦဒဲၩဘၭဖိၪ မိဘၪ
27 ဆၧဖီၪ့ထၬလၧအဝ့ၫဒၪလီၫ.- ယိခွါ,ၦလီၩလၩ့လၬ လၩ့ဆၧလဂၩနီၪစံၭဝ့ၫ,ယမၩလမံၩ့ဘၪလမံၩ့ဘဲၫၥိၭ ယမိၥ့ၪယၫတၭ, ယဒၪဘၪယူၭအယီၩလမံၩ့ယူၭး
28 ဆၧလၧယၥၭအၪ့ဎူၫအၪ့ဎၬလါနၫ့တၭ, ယလဒၪဘၪ နီၪ,မွဲအယီၩး ၦခွၫလၧၦလထီၫ့အကျၩနီၪ ယဒၪဘၪ လဂၩးအ့ၪမွဲၦမုၪလၧၦထီးအလူၬနီၪ အကျၩယဒၪ
29 ဘၪနးဂၩအ့ၬ.- ယိခွါ,ယဒၪဘၪယူၭန့ၫဆၧလမံၩ့ယီၩ, ယွၩမၩကဲၪထၪ့ၦၡၩ လၧအတီၩအလီၩ့ လါနၫ့တၭး အဝ့ၫၥံၪအၪ့ဎူၫအၪ့ဎၬ မၩကဲၪထၪ့ဆၧအၪမံၩ့လီၫ.