34
1 တၭစမိစ့ၭစဲၪ့ထၪ့ခွံၬ လၧမိအၭအဆၧပျၩ့ဖၧၩ့ထီၩ့ လၧခိၪလီၩ့နံဘိၫလၧပံစဂၫအဒၩ့ခိၪ လၧအအီၪဆဲၫဎၩ့ လၧယ့ၫရခိၫနီၪလီၫ. တၭယဟိဝၩဒုၭနဲၪဝ့ၫခးဂံလအၭ
2 ထၧၫ့ဘံၪ့ယၫဖိးလၧဒၫ့,- ဒဲနၭၥလဲၫထၧၫ့ဘံၪ့ယၫ, ဒဲခး အံဖြံၫ့,ဒဲခးမနၭစ့ၫ, ဒဲခးယုဒၫထၧၫ့ဘံၪ့ယၫဖိးလၧမၫ
3 ဆမံၭအယဲၩ့ထုၬနီၪ,- ဒဲဆၧလၧမုခံၫ့ဒဲယ့ၫရခိၫအခိၪ လီၩ့ဆူၭအဆၧပျၩ့ဖၧၩ့, ဒဲဒိၩ့ၥံၪ့စီၩ့မလီၫ့ဖိးလၧဇိအၫ
4 လီၫ.- တၭယဟိဝၩစံၭအဝ့ၫ, အယီၩမွဲခးလၧယဆိၪ လၩ့ယၥၭလၧအဂဲးလၧစအၫဘြဟၫ့, ဒဲစအံစၭ, ဒဲစ ယၫကူၭတၭ, စံၭ,ယမိဖ့ၪလၫ့နချံၫနၥၪလီၫ. ယဒုၭဒၪ ဘၪယူၭနၧၩ လၧနမ့ၬၥၪယူၭး မွဲလါနၫ့နလ့ၩခၫ့ဂၬ ထီးနီၪအ့ၬ.
5 တၭစမိစ့ၭယဟိဝၩအခ့ၫအၡၩ ၥံၫဝ့ၫထီးနီၪလၧခး မိအၭအဖၧၩ့, ဘဲၫယဟိဝၩအလူအၥိၭနီၪလီၫ. တၭ ဆၧခုၪ့လၩ့ဘၧၩ့ခွံၬဝ့ၫ လၧခိၪလီၩ့ဆူၭဖၧၩ့ လၧခးမိ
6 အၭအဖၧၩ့အီၪဝ့ၫဆဲၫဎၩ့လၧဘ့ၭၥပံအီၫလီၫ.- မွဲလါ နၫ့ထီးမုဆၫလနံၩယီၩ ၦၡၩၥ့ၪယၫအၥွၪခိၪ နးဂၩ အ့ၬ.
7 တၭလၧစမိစ့ၭၥံၫဝ့ၫနီၪ အၥၭၡါယူၭအနံၪ့လယၩ နံၫဆံၫလီၫ. အမ့ၬၥၪခံၭဒံၭအ့ၬ, ဒဲအၥၭဘၪ့အဂဲးအ ဘၭလၩ့ဆါဒံၭအ့ၬ.
8 ၦအံၫစရ့လၭဖိၪဂၪ့ဝ့ၫ လၧစမိစ့ၭအကၠီၩ့လၧမိအၭ အဆၧပျၩ့ဖၧၩ့အနံၩၥၧၫ့ဆံၫလီၫ. တၭမုနံၩလဖၪလၧ အဂၪ့ဝ့ၫ, ဒဲၥုၪ့အုၭၥၭအုၭလၧစမိစ့ၭအကၠီၩ့နီၪလူၬဝ့ၫ
9 လီၫ.- တၭစနိၫ့အဖိၪခွၫစယီရှုၫအ့ၫ ဎွ့ၩဝ့ၫလၧဆၧကိၪ့ ၥ့ၪကိၪ့ဘၪအဂးလီၫ. အဂဲးဘဲၫယီၩ စမိစ့ၭအီၪက့ၪ ယူၭအစူၪလၧအလီၩ့နီၪး တၭၦအံၫစရ့လၭဖိၪခိၭနၪ အဝ့ၫဒၪအလူဒဲမၩဝ့ၫဘဲၫ ယဟိဝၩမၪလူၬစမိစ့ၭအၥိၭ နီၪလီၫ.
10 တၭမီၪလဂၩအီၪထၪ့လၧၩ့လၧအံၫစရ့လၭအကျၩ ဘဲၫစမိစ့ၭအၥိၭနးဂၩအ့ၬး ၦလၧယဟိဝၩယိမ့ၬၥကိၭ
11 မ့ၬတၭ,- ၥ့ၪယၫဝ့ၫလၧကယဲအဆၧမၩနဲၪ့လၩ့လၭ, ဒဲဆၧလၩ့လိလၩ့လၭထီးအလူၬ လၧယဟိဝၩအၪ့မၧၫ့ လၩ့အလ့ၩမၩဝ့ၫလၧခးအံဇံၭအဖၧၩ့, လၧဖၫရိၫအ လီၩ့, ဒဲလၧအခ့ၫအၡၩအလီၩ့ထီးအလူၬ, ဒဲလၧအ
12 ခးထၧၫ့ဘံၪ့ယၫအဖၧၩ့,- ဒဲလၧအဆၧအစူၪဆီၪ့နီၪ ထီးအလူၬ, ဒဲလၧဆၧမၩၥၭမဲၪဖၭဒိၪထီးအလူၬလၧ စမိစ့ၭဒုၭနဲၪအံၫစရ့လၭထီးအလူၬအမ့ၬယၫလီၫ.