လံၬ စ ယီ ရှုၫ အ့ၫ.
1
1 ယဟိဝၩအခ့ၫအၡၩစမိစ့ၭ ၥံၫဝ့ၫအလးခဲၫ့နီၪ,ဆၧ မၩအၥၭလၧယဟိဝၩ ချဲၩ့ဆၧလၧစမိစ့ၭအခ့ၫအၡၩ
2 စနိၫ့အဖိၪခွၫစယီရှုၫအ့ၫတၭ, စံၭဝ့ၫဒၪ,- ယခ့ၫယၡၩ စမိစ့ၭၥံၫယူၭဝ့ၫယူၭတၭ, ဘိၩ့နဲၪ့ယီၩ ဂဲထုၪ့လ့ၩခၫ့ ဂၬယီၫဒၫ့ယီၩ, နဝ့ၫဒၪ, ဒဲၦခမျၧးထီးအလူၬယီၩထီၩ့ လၧခးလၧယဖ့ၪလၫ့လဘံၪ့ လၧၦအံၫစရ့လၭဖိၪနီၪ
3 ဆံၭ.- ကယဲဆၧအလးလၧနၥံၪအခၪ့ယၫၥၭယဲးလၩ့ ဝ့ၫလစီၪ့လါလါနီၪ ယဖ့ၪလၫ့ယူၭနၥံၪ, ဘဲၫယစံၭစမိ
4 စ့ၭအၥိၭနီၪလီၫ.- လၧၡါမုနၧၫ့ဖၫ ဒဲလ့ၭဘနၧၫ့ယီၩ ထီၩ့လၧထံၫမိၡါဖၭဒိၪ ယုၫဖ့တံၫ, ၦဟံၥၭဖိၪအခး ထၧၫ့ဘံၪ့ယၫဒဲထီၩ့လၧမၫဆမံၭဖၭဒိၪ လၧမုနုၬလခီၫ
5 မိကဲၪထၪ့နၥံၪအခးအနဲၩ့ထံၭလဖၪနီၪလီၫ.- လဆိၩ ဒၪနၧၩ,ၦဆၧၫ့ထုၪ့လၧနမ့ၬယၫၥ့ၪ အီၪနးဂၩအ့ၬး ဘဲၫ ယအီၪလၧစမိစ့ၭအၥိၭနီၪ ယမိအီၪလၧနၥိၭလီၫ. ယ
6 လၩ့ဆါလၧနဂးအ့ၬး ယစဲၪ့ဒၪနၧၩဆ့အ့ၬ.- အီၪက့ၪ ဆီၪ့နဂဲးနဘၭဒဲမၩဒူၩနၥၭဘီၪး အဂဲးဘဲၫယီၩနမိအၪ့ နၩ့ဖၭထံၫၥံၪခးၥံၪ လၧယဆိၪလၩ့ယၥၭ လၧအဝ့ၫၥံၪ အဖါလဖၪ လၧယမိဖ့ၪလၫ့ဝ့ၫလၧ ၦခမျၧးယီၩအန့ၥၫ ဆၧအဂးလီၫ.
7 မွဲလါနၫ့အီၪက့ၪဆီၪ့နဂဲးနဘၭ ဒဲမၩဒူၩနၥၭအ့ၪဆီၪ့ ဘီၪ. ဘဲၫၥိၭနမိထီးလၩ့နၥၭ, ဒဲမၩဘဲၫကယဲဆၧၥီၪ့ ဆၧၥၫ့လၧယခ့ၫယၡၩစမိစ့ၭ မၪလူၬနၧၩနီၪဆံၭ. လၧ နစူၪထွ့ၪလခီၫမွဲဂ့ၩ, လၧနစူၪစ့ၪလခီၫမွဲဂ့ၩ, ထီးကၠၪ ပဲၩနၥၭလဂ့ၩ, ဘဲၫၥိၭထီးနလ့ၩဆၧလစီၪ့လါလါနီၪ,
8 နမိဘီၪထၪ့ယီၫထၪ့အဂဲးလီၫ.- လံၬဆၧၥီၪ့ဆၧၥၫ့ယီၩ မိစဲၪ့ထၪ့ခွံၬလၧနနိၭအ့ၬ. အ့ၪမွဲနဘၪဆီၫ့မီၪ့ဆၧလၧ အဖၧၩ့လၧမုဆၫဆၫ, ဒဲလၧမုနၩနၩ, ဘဲၫၥိၭနမိထီးလၩ့ နၥၭ, ဒဲမၩဆၧဘဲၫကယဲဆၧကွ့ၭအၥၭလၧအဖၧၩ့ထီး အလူၬလီၫ. အဂဲးဘဲၫယီၩ ထီးနီၪလဖၧၫ့ နမိဒုၭဘီၪ ထၪ့ယီၫထၪ့နဖၧၩ့ၥၭ ဒဲထီးနီၪလဖၧၫ့ နမိမၩဆၧကိၪ့
9 ၥ့ၪလီၫ.- ယမၪလူၬနၧၩယူၭမွဲအ့ၬဧၪ, အီၪက့ၪဆီၪ့နဂဲး နဘၭဒဲမၩဒူၩနၥၭဘီၪး ထီးၥၭမဲၪဆၧလဂ့ၩ, ဒဲထီးမၩ ဂၭဂီၩ့နၥၭလဂ့ၩ, အဂဲးဘဲၫယီၩ ထီးဒၪနလ့ၩဆၧလ စီၪ့လါလါနီၪ, ယဟိဝၩနယွၩအီၪလၧနၥိၭကိၭစီၪ့ဒ့ၭ လီၫ.
10 ထီးနီၪလဖၧၫ့ စယီရှုၫအ့ၫမၪလူၬၦခမျၧးအၦဒိၪလ
11 ဖၪတၭ, စံၭဝ့ၫဒၪ,- လ့ၩခၫ့ဂၬၦၥုၪ့တဲၩအလး, ဒဲမၪ လူၬၦခမျၧးတၭ, စံၭ,တဲၩ့ဝဲၩနၥံၪအဆၧအၪ့ဆၧအီၩ ဆံၭ,အဂဲးဘဲၫယီၩ လၧၥၧၫ့နံၩအထးဖၧၩ့နီၪနၥံၪမိခၫ့ ဂၬထံၫယီၫဒၫ့ယီၩ, ဘဲၫၥိၭနၥံၪမိလ့ၩနုၬမၩန့ထံၫၥံၪ ခးၥံၪလၧယဟိဝၩ နၥံၪအယွၩဖ့ၪလၫ့နၥံၪ လၧနၥံၪမိ မၩန့ဝ့ၫလီၫ.
12 စယီရှုၫအ့ၫချဲၩ့ဆၧလၧၦရုဘံၫ့ဖိၪ, ဒဲၦဂၭဖိၪ, ဒဲၦ
13 မနၭစ့ၫဖိၪလခီၫဒီၪ့တၭ, စံၭဝ့ၫဒၪ,- နၪ့ထၪ့ထဲၩ့ဆၧချဲၩ့ လၧယဟိဝၩအခ့ၫအၡၩ စမိစ့ၭမၪလူၬနၥံၪး တၭစံၭ ဝ့ၫ,ယဟိဝၩနၥံၪအယွၩ ဖ့ၪလၫ့နၥံၪလၧဆၧအီၪပွံၭ,
14 ဒဲဖ့ၪလၫ့နၥံၪလၧအခးလဘံၪ့ယီၩလီၫ.- နၥံၪအမိအ ဖါ,နၥံၪအဖိၪအလံၩ, ဒဲနၥံၪအဆၧဖိၪဆၧဎါအဒိၩ့လ ဖၪနီၪ, မိအီၪလၩ့ထးလၧခးလဘံၪ့အဖၧၩ့ လၧစမိစ့ၭ ဖ့ၪလၫ့နၥံၪ လၧယီၫဒၫ့အယီၩလခီၫလီၫ. အ့ၪမွဲနၥံၪ ဝ့ၫယီၩနၥံၪမိဘၪ လ့ၩခၫ့ဂၬ ဆၧလၧနၥံၪအထၧၫ့ဖုဝဲ အမ့ၬယၫအီၪလၧနၥံၪအစူၪဝဲၩ, ကယဲၦၥုၭဖိၪ, ၦအ
15 ဆီၪ့ထီးအလူၬ ဒဲမၩဆၧၩ့အဝ့ၫၥံၪး- ထီၩ့လၩ့လၧယ ဟိဝၩ ဖ့ၪလၫ့နၥံၪအထၧၫ့ဖုဝဲအဆၧအီၪပွံၭ ဘဲၫနၥံၪ ဝ့ၫဒၪအၥိၭနီၪ, ဒဲအဝ့ၫၥံၪမၩန့ဆ့ခးလဘံၪ့လၧယဟိ ဝၩနယွၩဖ့ၪလၫ့ဝ့ၫနီၪဆံၭ. ထီးနီၪလဖၧၫ့ နၥံၪမိထဲၩ့ ထဲၩ့လၧနၥံၪအခးလၧနၥံၪမၩန့ဝ့ၫလဘံၪ့တၭ, နၥံၪမိ အီၪမုၬလၩလၧအဖၧၩ့, လၧယဟိဝၩအခ့ၫအၡၩ စမိ စ့ၭဖ့ၪလၫ့နၥံၪလၧယီၫဒၫ့မုထၪ့အယီၩလခီၫလီၫ.
16 အဝ့ၫၥံၪစံၭဆၧၫ့စယီရှုၫအ့ၫတၭ, စံၭဝ့ၫဒၪ, ကယဲ ဆၧလၧနမၪလူၬပၧၩထီးအလူၬနီၪပမိမၩတၭ, ထီးဒၪ နအၪ့မၧၫ့လၩ့ပၧၩနီၪ, ပမိလ့ၩလစီၪ့လါလါကိၭစီၪ့ဒ့ၭ
17 လီၫ.- ဘဲၫပခိၭနၪစမိစ့ၭအလူ လၧဆၧကိၭမံၩ့ဒ့ၭအ ၥိၭနီၪ,ပမိခိၭနၪနလူဘဲၫနီၪၥိၭလီၫ. မွဲန့ၫလၧယဟိဝၩ နယွၩမိအီၪလါလၧနၥိၭ ဘဲၫအအီၪလၧစမိစ့ၭအၥိၭ
18 နီၪဆံၭ.- ကယဲၦလၧအပိၩ့ထၪ့နဆၧမၪလူၬတၭ, လ ခိၭနၪဘၪနလူ လၧနမၪလူၬ ဆၧထီးအလူၬနီၪ, မွဲအမိ ဘၪဆၧမၩၥံၫဝ့ၫ ကိၭဂၩဒ့ၭလီၫ. မွဲန့ၫအီၪက့ၪလါန ဂဲးနဘၭအ့ၪဆီၪ့, ဒဲမၩဒူၩနၥၭဘီၪ.