32
1 ခိၭနၪ, မူၭခိၪၥံၪဧ့, တၭယမိချဲၩ့ဆၧ, ဂၪ့ခိၪၥံၪဧ့, ခိၭနၪယနိၭအဆၧချဲၩ့ဆံၭ.
2 ယဆၧၥီၪ့ဆၧၥၫ့ မိဂဲၫလၩ့ ဘဲၫဆၧဂဲၫဆၧၩ့အၥိၭ, ယလူမိလၩ့ဘဲၫဆၩ့ထံၫအၥိၭ, ဘဲၫဆၧဆၧၩ့လၩ့ပြံၩပၩ လၧဆၧမဲၪထၪ့ၥၫ့ အဖၫ့ခိၪ အၥိၭ, တၭဘဲၫဆၩ့ထံၫအဖျိၪ့လဖၪ လၧနၪ့ၥံၪမံၩ့ၥံၪအဖၫ့ခိၪ အၥိၭ,
3 မွဲယမိဒုၭဂၧၫ့ထၪ့ၥၩလၩ့ယဟိဝၩအမံၩ့တၭ, အီၪက့ၪဆၧဒိၪလၧပယွၩဆံၭ.
4 မွဲဝ့ၫလၧလဲၫ့လဖျိၪ့, အမၩဆၧလၧၫ့ဎွ့ၩဝ့ၫ, အဖၧၩ့ၥၭထီးအလူၬ မွဲဆၧစ့ၩရၫ့အဂဲးလီၫ. မွဲဆၧမွဲဆၧတီၩအယွၩ, ဒဲဆၧအၧၩ့လအီၪဘၪလၧအ ဝ့ၫ, ဆၧတီၩဒဲဆၧလီၩ့မွဲအဝ့ၫဒၪလီၫ.
5 အဝ့ၫၥံၪမၩၥၭလိၪအနၫ့ဆါဒၪဝ့ၫတၭ, လမွဲဘၪယွၩ အဖိၪ, မွဲဆၧအမဲၪ, မွဲၦလဆိၩလၧအၥၭကဲၪ့, ဒဲအၪ့လီၫဆၧလီၫ.
6 နၥံၪမၩထဲၩ့ယဟိဝၩဘဲၫနီၪၥိၭဆ့ဧၪ, ၦဂၭဂီၩ့ဖိၪ, ဒဲကိၪ့ဆၧလၥ့ၪဘၪၦခမျၧးၥံၪဧ့, ၦလၧအဎွ့ၩန့ထဲၩ့နၧၩမွဲနဖါနီၪအ့ၬဧၪ. အဝ့ၫဒၪမၩကဲၪထၪ့နၧၩ, ဒဲဒုၭအီၪခၧၫ့နၧၩမွဲအ့ၬဧၪ.
7 နၪ့ထၪ့ထဲၩ့မုနံၩလဖၪလၧဖျိၩ့, အီၪက့ၪနၥၭ လၧလဆိၩဘၪလဆိၩအနံၪ့လဖၪနီၪ, အၪ့စၪ့နဖါတၭ, မိဒုၭနဲၪနၧၩ, နၡၩၥုၪ့က့ၭၥၭၡါၥံၪတၭ, မိလီၩဘၪနၧၩ,
8 ထီးဆၧထီၫထုၬ အၪ့နၩ့ဖၭ ၦဆၨၩ အဆၧန့ၥၫအ ဆၧၫ့, ထီးအမၩလၩ့မုလၩ့ဖၭၦၡၩဖိၪလဖၪ, အီၪက့ၪၦခမျၧးအနဲၩ့လဖၪ, ဘဲၫၦအံၫစရ့လၭဖိၪအဆၧဝံထၪ့နၬထၪ့အၥိၭ.
9 အဂဲးဘဲၫယီၩယဟိဝၩအဂးနီၪမွဲအၡၩခမျၧး, တၭ အဆၧန့ၥၫအဂးနီၪမွဲစယၫကူၭ,
10 မွဲအဒၪန့ဝ့ၫလၧခးၡါမုနၧၫ့ဖၫလဘံၪ့အဖၧၩ့, ဒဲလၧ ၡါမုနၧၫ့ဖၫလၧအအီၪယူဝ့ၫ, ဒဲဆၧအိၩ့ယိၩ့ဝ့ၫတၭ, ၥိၫ့ဝံၩ့ဝၩ့ဝ့ၫ, ဒဲၥီၪ့ထဲၩ့ၥၫ့ထဲၩ့ဝ့ၫ, ယိထဲၩ့ဝ့ၫဘဲၫအမ့ၬၡၩအၥိၭလီၫ.
11 ဘဲၫလံၬကျီၫ့ကျီၪ့ထိၪဂဲၩအၥွံၫဂုၪအဖိၪ, ယၩ့ထၪ့အဒံၭမၩန့ဝ့ၫ, ဆိၬထၪ့ဝ့ၫလၧအဒံၭအဖၫ့ခိၪအၥိၭ,
12 ယဟိဝၩလဂၩဎးၥိၫ့အဝ့ၫ, ၦလခီၫဘၩ့မုးဖိၪအယွၩအီၪလၧအဝ့ၫအ့ၬ.
13 မွဲအဒုၭထူၬဝ့ၫလၧဂၪ့ခိၪအလးထၪ့ထီၫလဖၪ, ဘဲၫၥိၭအမိအၪ့ဘၪဆံၬၥံၪနၩၥံၪ အဆၧအၪထၪ့, မွဲအဒုၭအၪ့ဆူၭဝ့ၫန့ၫစၩ့ လၧလိးဖၧၩ့, ဒဲၥိၪလၧလိး မ့ၪဖၧၩ့,
14 ချီအနူထံၫလၩ့ဒၭ, ဒဲၥိၪအနူထံၫ, အီၪလၧၥိၪဖိၪအၥိၪ, ဒဲဘၫၡၫ့အၥိၪဖၫ, ဒဲဘ့ၪ, အီၪလၧဘုၪကၠိၩ့အလ့အၥိၪ, ဒဲနအီၩစဘံၭၥၪအၥွံၪ, စဘံၭထံၫလီၫ.
15 တၭယ့ၭၡရၧၫ့ဘီၪ့ထၪ့, ဒဲထၧၫ့ထၪ့ဆၧ, နဘီၪ့ထၪ့ယူၭ, နတၪ့ယူၭ, နဘီၪ့ထၪ့ယူၭလၧၥိၪထၧၫ့ ဂၩယၫယူၭ. ထီးနီၪလဖၧၫ့မွဲအစဲၪ့ဒၪယွၩ လၧအမၩကဲၪထၪ့ဝ့ၫ,ဒဲမၩ ကြၩ့ထမးအဆၧထိးထဲၩ့တၩ့ထဲၩ့အလိးလဖျိၪ့လီၫ.
16 အဝ့ၫၥံၪဒုၭကဲၪထၪ့အၥၭ လၧၦလခီၫဘၩ့မုးဖိၪအ ဆၧ,မၩၥၭထၪ့ဝ့ၫလၧဆၧဘၪၥၭလိၪလဖၪ,
17 အဝ့ၫၥံၪလုထၪ့ဆၧလၧဆၧဂၩ့, မွဲလၧယွၩအ့ၬး ယွၩလဖၪလၧအလၥ့ၪယၫဘၪဝ့ၫ, လၧဆၧၥၫ့လၧအဂဲၫထၪ့ၥၫ့, လၧနၥံၪအဖါလဖၪလၥၭမဲၪဘၪဝ့ၫ,
18 လဲၫ့လၧအထၪ့ဖိၪနၧၩလဖျိၪ့နီၪ နလဒူၩယၪ့ဘၪ,တၭ နၥၭနၪ့ယူၭယွၩလၧအတဲၩ့လၩ့နၧၩယူၭ.
19 ထီးယဟိဝၩဒၪဘၪဝ့ၫတၭ, ၥၭထၪ့ဝ့ၫ,လၧအဖိၪမုၪ ဒဲအဖိၪခွၫၥံၪမၩထံၬထၬဆၧအကၠီၩ့,
20 တၭမွဲအစံၭဝ့ၫ, ယမိအီၪက့ၪၥူၪယမ့ၬ လၧအဝ့ၫၥံၪ, တၭအထုၬမိမၩအၥၭ ဘဲၫၥ့ၪလဲၪဘဲၫၥ့ၪလဲၪနီၪ ယမိ ယိဝ့ၫ, အဂဲးဘဲၫယီၩမွဲၦလဆိၩလၧအမၩကဲၪ့အၥၭ, ဒဲဖိၪၥၪ လၧအဆၧမွဲဆၧတီၩလအီၪး
21 အဝ့ၫၥံၪဒုၭကဲၪ့ယၥၭ လၧဆၧလၧအလမွဲဘၪယွၩ, မၩၥၭထၪ့ယၧၩလၧအဆၧပျီၩပျီၩ, ယမိဒုၭၥၭကဲၪ့အဝ့ၫၥံၪ လၧအလမွဲဘၪၦလဆၨၩ, ယမိမၩၥၭထၪ့အဝ့ၫၥံၪ လၧၦဂၭဂီၩ့ဖိၪလဆၨၩ.
22 အဂဲးဘဲၫယီၩ မ့ၪဆူၭခဲၩထၪ့အၥၭ လၧယဆၧၥၭ ထၪ့အဖၧၩ့, လၧအမိအၪ့ဆၧဖိးလၧဖျႃဖၧၩ့အခဲၫ့ဒၭ, တၭမိအၪ့ခွံၬဂၪ့ခိၪဒဲအဆၧအၪထၪ့, တၭမိဆူၭထၪ့ခွံၬ အခိၪလီၩ့ ထိၩ့ချိၬ အခၪ့ထံၭလဖၪ လီၫ.
23 ယမိအီၪက့ၪကီၪ့ဆၧအၧၩ့လဖၪ လၧအဝ့ၫၥံၪအဖၫ့ ခိၪ, ယမိမၩလူၬယဖျါၥံၪလၧအလီၩ့လီၫ.
24 ဆၧမိလူၬအဝ့ၫၥံၪလၧဆၧၥၭဝံလၩ့ဒိၩ, ဒဲလၧဆၧၥံၫချဲၩ့အမ့ၪ, ဒဲဆၧမၩဂၭဂီၩ့နၭနၭလ့ၬ, တၭယမိအၪ့မၧၫ့လၩ့ ဆၧဖိၪဆၧဎါအမဲၪၥံၪအၥွၫၥံၪ လၧအအီၪ, ဒဲဆၧစွၩလၧဂၪ့ခိၪအမုၬအကျၩလဖၪအ ဆၧစုၪလီၫ.
25 နၭၥံၪဖၩ့ၥံၪလၧခီၫ့, ဒဲဆၧၥၭမဲၪၥၭဖျဲၩ့လၧအဖၧၩ့, မိမၩဂၭဂီၩ့ၦဖိၪၥၪခွၫဒဲၦမုၪနၩ့, ဒဲဖိၪၥၪအၪ့နူထံၫဒဲၦခိၪဘွၩ,
26 ယစံၭယမိအူၪပြံၩပၩဝ့ၫ, ယမိဒုၭထုၬဆၧနၪ့ထၪ့ထဲၩ့ဝ့ၫ လၧၦၡၩအကျၩ, အ့ၪ လမွဲဘၪ,
27 ယအၪ့ယိၪဆၧလၧဆၧအဒုၪအဒၩ မိအီၪက့ၪအၥၭ ထၪ့ထီၫ, တၭယမိမၩလီၫ. ၦထၫ့ဒၩဝ့ၫလဖၪမိမၩလၩ့လၭဘၪခိၬအၥၭ, မိစံၭဘၪခိၬ, ပစူၪအီၪထၪ့ထီၫ, တၭယဟိဝၩမၩဆၧထီးအလူၬယီၩအ့ၬ.
28 မွဲၦလဆၨၩလၧဆၧကိၪ့လိၬလအီၪ, ဒဲဆၧၥုၪ့ဆၭၥၭဆၭလအီၪဘၪလၧအဖၧၩ့လီၫ.
29 မွဲအအီၪလါလၧအၥၭကိၪ့ဆၧၥ့ၪဘီၪး ဒဲလၧအနၪဆၧယီၫမိၥ့ၪ, ဒဲလၧအမိဆီၫ့မီၪ့ဆၧဘၪဆဲၫ့လၧယၫလခီၫနီၪဘီၪၬ
30 အလဲၫ့လဖျိၪ့အ့ၪလအၪ့ဆၫခွံၬဘၪအဝ့ၫၥံၪ, ဒဲယဟိဝၩအ့ၪလကၭဘံၭထၬအခဲၫ့တၭ, ၦလဂၩမိလ့ၩနၫ့ထၪ့ခွံၬၦလထီၫ့, ဒဲၦနံၫဂၩမိဒုၭစဲၪ့ထၪ့ခွံၬၦလလၬ, ဘဲၫၥ့ၪလဲၪၬ
31 အဂဲးဘဲၫယီၩပဒုၪပဒၩ အနၫ့ဆါဒၪဝ့ၫလါနၫ့အ့ၪစ့ၩ ရၫ့ဆၧတၭ,အဝ့ၫၥံၪအလဲၫ့လဖျိၪ့မီၪ့ဎီၩ့လၧပလဲၫ့အ့ၬ.
32 အဂဲးဘဲၫယီၩအဝ့ၫၥံၪအစဘံၭမုမွဲစီဒၧၫ့အစဘံၭမု, ဒဲလၧဂမိရၫအစဘံၭမုအလးလီၫ. အဝ့ၫၥံၪအစဘံၭၥၪမွဲစဘံၭၥၪအစုၪ, အဆူၬလဖၪခၪဝ့ၫ,
33 အဝ့ၫၥံၪအစဘံၭထံၫမွဲၡီၩ့အစုၪ, ဒဲဂူၥၫ့အစုၪအၧၩ့လီၫ.
34 ဆၧယီၩအီၪက့ၪကီၪ့လၧယၧၩ, ဘၪဆၧစဲၩနဲၪ့ထၬ လၧယဆၧလူဒိၪဎွ့ၩဒိၪအဖၧၩ့မွဲ အ့ၬဧၪ.
35 ဆၧဖ့ၪထဲၩ့ဆၧအၧၩ့အီၪလၧယၧၩ, ဒဲဆၧမိဖ့ၪထဲၩ့ ဆၧ,လၧအထီနီၪအခၪ့မိဖျၭလီၫ. အဂဲးဘဲၫယီၩ အဆၧနၭဆၧၡၪ့ အမုလနံၩလၩ့ဘူၭ ယူၭတၭ, ဆၧလၧအအီၪတဲၩ့ဝဲၩအၥၭ လၧအဂးနီၪဂဲၫ ချဲၫ့လီၫ.
36 ဘၪဝ့ၫလါနၫ့ထီးအဒၪ လၧအစီၩ့အမၩ့လအီၪလၧၩ့ ဘၪ,ဒဲဆၧအီၪကၭဘံၭထၬအခဲၫ့တၭ, ၦအီၪလၩ့ထး လအီၪဘၪနီၪ, ယဟိဝၩမိစ့ၩရၫ့အၡၩခမျၧး, ဒဲနၪ့ထၪ့နီၫ့ယါလၩ့ထဲၩ့အၥၭလၧအခ့ၫအၡၩအကၠီၩ့,
37 ထီးနီၪလဖၧၫ့မွဲအမိစံၭအယွၩလဖၪအီၪခီၫခီၫလဲၪ, လဲၫ့လဖျိၪ့လၧအဒိၭနဲၩ့အၥၭလၧအဖၧၩ့,
38 လၧအအၪ့အဆၧလုအၥိၪ, လၧအအီၩ အဆၧလုအီၩ အစဘံၭထံၫနီၪ အီၪခီၫခီၫ လဲၪ. မွဲအဝ့ၫၥံၪဂဲထုၪ့ဒၪဝ့ၫတၭ, မၩဆၧၩ့နၥံၪဆံၭ. မွဲအကဲၪထၪ့ဒၪဝ့ၫလၧအဆၧယိထဲၩ့နၥံၪဆံၭ.
39 ယိခွါဘိၩ့နဲၪ့ယီၩ, လၧယၧၩဒၪလ့ၬ, မွဲအဝ့ၫဒၪတၭ, ယွၩအီၪလၧယၥိၭနးဂၩအ့ၬ. ယမၩၥံၫဆၧယဝ့ၫ, ဒဲယမၩမၧၫ့ဆၧယဝ့ၫ, ယမၩဆၫဆၧယဝ့ၫ, ဒဲယမၩဘျၪထဲၩ့ဆၧယဝ့ၫ, တၭဆၧမၩဖီၩ့ဖျ့ၭခွံၬလၧယစူၪဖၧၩ့အီၪအ့ၬ.
40 အဂဲးဘဲၫယီၩယယူၬထၪ့ယစူၪလၧမူၭခိၪ, တၭယစံၭ, ယမၧၫ့ယဝ့ၫလၩ့ဆိၩလၩ့ကၠၪလီၫ.
41 ယအ့ၪကျဲၩ့ထၪ့ယနၭယုၩ့ယဲလဘံၪ့, ဒဲယစူၪဖီၪ့ထၬဆၧစ့ၩရၫ့တၭ, ယမိဖ့ၪထဲၩ့ယဒုၪယဒၩ လၧဆၧမၩဆၧၫ့ဆၧအၧၩ့, တၭယမိမၩဆၧၫ့ဆၧလၧၦအၥၭဂဲၫ့ယၧၩ,
42 ယမိဒုၭအီၩမၧၩ့ယဖျါလၧဆၧၥွံၪ, ဒဲယနၭမိအၪ့ဆၧယၪ, လၧၦဘၪဆၧမၩၥံၫ, ဒဲလၧၦဘၪဆၧအၪ့မၧၫ့ဎီးဝ့ၫအ ၥွံၪ, လၧဆၧအဒုၪအဒၩအၦဒိၪလဖၪအခိၪလီၫ.
43 ၥုၪ့ဎွံၫၥၭယီၫၦဆၨၩလဖၪအၡၩခမျၧးၥံၪဧ့, အဂဲးဘဲၫယီၩအဝ့ၫဒၪမိမၩအၧၩ့ဆၧၫ့လၧအခ့ၫအၡၩ အၥွံၪအကၠီၩ့, ဒဲမိဖ့ၪထဲၩ့ဆၧမၩဆၧၩ့လၧၦအထၫ့ဒၩအဝ့ၫ, ဒဲမိမၩဖီၩ့ဖျ့ၭဆၧလၧအခး, အၡၩခမျၧးအဂးလီၫ.
44 တၭစမိစ့ၭဂဲၫချဲၩ့ လံၬၥံၫကျံၩယီၩအဆၧချဲၩ့ထီးအ လူၬလၧၦခမျၧးအနါဖၧၩ့အဝ့ၫဒၪ, ဒဲစနိၫ့အဖိၪခွၫစယီ ရှုၫအ့ၫလီၫ.
45 တၭစမိစ့ၭချဲၩ့ကယဲဆၧချဲၩ့ယီၩလၧအံၫစရ့လၭ
46 ထီးအလူၬနီၪဂီၩ့တၭ,- စံၭဝ့ၫ, အီၪက့ၪနၥံၪအၥၭလၧ ကယဲဆၧချဲၩ့လၧယထိးယၥၭ လၧမုဆၫလနံၩယီၩ, လၧနၥံၪမိဘၪမၪလူၬနၥံၪအဖိၪအလံၩ လၧအမိဘၪ ထီးလၩ့အၥၭဘဲၫၥိၭအမိထီးန့ ဆၧၥီၪ့ဆၧၥၫ့ယီၩအ
47 ဆၧချဲၩ့ထီးအလူၬနီၪဆံၭ.- အဂဲးဘဲၫယီၩ မွဲဆၧပျီၩ ပျီၩလၧနၥံၪအဂးအ့ၬ, မွဲနၥံၪအဆၧမၧၫ့လီၫ. တၭနၥံၪ မိမၩအၪထၪ့ နၥံၪအနံၩအၥၫ့လၧခးဖၧၩ့ လၧနၥံၪခၫ့ဂၬ ယီၫဒၫ့ဘဲၫၥိၭနၥံၪမိမၩန့ဝ့ၫ လၧဆၧနီၪအကၠီၩ့လီၫ.
48 ယဟိဝၩချဲၩ့ဆၧလၧစမိစ့ၭ လၧမုလနံၩဎးနီၪတၭ,
49 စံၭဝ့ၫဒၪ,- လ့ၩထၪ့ဘၭ ခိၪလီၩ့အၭဘရံၫ့ယီၩ, ခိၪ လီၩ့နံဘိၫ, လၧအအီၪလၧမိအၭအခးဖၧၩ့ဆဲၫဎၩ့လၧ ယ့ၫရခိၫတၭ, ယိခးကၫနအၫ့လၧယဖ့ၪလၫ့ၦအံၫစရ့
50 လၭဖိၪလၧဆၧန့ၥၫ အဂးနီၪဘီၪ.- ဒဲၥံၫလၧခိၪလီၩ့ ထီးနလ့ၩထၪ့ဘၭ, ဒဲဘၪဆၧအီၪက့ၪကီၪ့နၧၩ လၧန ၡၩခမျၧး, ဘဲၫနထၧၫ့ဖုဝဲစအၫရၧၫ့ၥံၫဝ့ၫ လၧခိၪလီၩ့ ဟီၫအလီၩ့တၭ, ဘၪဆၧအီၪက့ၪကီၪ့အဝ့ၫလၧအၡၩ ခမျၧးအၥိၭနီၪဆံၭ.
51 အဂဲးဘဲၫယီၩ နၥံၪမၩမၪဘၪယၧၩ လၧၦအံၫစရ့ လၭဖိၪအကျၩ ထီးထံၫမ့ရဘၫကၫဒ့ၭလၧၡါမုနၧၫ့ဖၫ ဇံၫ့နီၪလီၫ. အဂဲးဘဲၫယီၩ နၥံၪအီၪက့ၪဆံၫ့ဎံၪယၧၩ
52 လၧၦအံၫစရ့လၭဖိၪအကျၩအ့ၬ.- မွဲလါနၫ့နမိဒၪဘၪ ထံၫၥံၪခးၥံၪနီၪလၧနမ့ၬယၫလီၫ. အ့ၪမွဲလၧထံၫၥံၪခး ၥံၪလၧယဖ့ၪလၫ့ၦအံၫစရ့လၭဖိၪ နလ့ၩနုၬဘၪထီးနီၪ အ့ၬ.