31
1 စမိစ့ၭလ့ၩချဲၩ့ဆၧလဖၪယီၩ လၧအံၫစရ့လၭထီးအ လူၬတၭး စံၭဝ့ၫဒၪ, ဆၧလၧမုဆၫလနံၩယီၩ ယၥၭ
2 အီၪအနံၪ့လယၩနံၫဆံၫလီၫ.- ယလ့ၩထၪ့ဒဲဂဲၫနုၬ ကဲၪလၧၩ့အ့ၬ. တၭယဟိဝၩစံၭယၧၩဆ့, နဝ့ၫဒၪနခၫ့
3 ဂၬထံၫယီၫဒၫ့အ့ၬ.- ယဟိဝၩနယွၩမိလ့ၩခၫ့ဂၬလၧန မ့ၬယၫလီၫ. အဝ့ၫဒၪမိမၩဂၭဂီၩ့ခွံၬ ၦဆၨၩလဖၪနီၪ လၧနမ့ၬယၫတၭ, နမိမၩန့အဝ့ၫၥံၪလီၫ. စယီရှုၫအ့ၫ နီၪအဝ့ၫဒၪမိခၫ့ဂၬဆၧလၧနမ့ၬယၫ ဘဲၫယဟိဝၩချဲၩ့
4 ဆၧအၥိၭနီၪလီၫ.- တၭယဟိဝၩမိမၩဝ့ၫဘဲၫအမၩၦ အၫမိၫဖိၪအစဎွၩလဖၪ, စစဲဟၫ့, ဒဲစအီၭ, အထံၫအခး
5 လၧအမၩအီၪယူဝ့ၫ အၥိၭနီၪလီၫ.- တၭယဟိဝၩမိ ဖ့ၪလၫ့ခွံၬအဝ့ၫၥံၪ လၧနၥံၪအမ့ၬယၫ, ဘဲၫၥိၭနၥံၪမိ မၩဘၪဝ့ၫ, ဘဲၫကယဲဆၧမၪလူၬလဖၪ လၧယမၪလူၬ
6 ယူၭနၥံၪအၥိၭနီၪလီၫ.- အီၪက့ၪဆီၪ့နၥၭ ဒဲအီၪလၧန ၥၭဒူၩတၡါဆံၭ, အၪ့ယိၪဆၧလဂ့ၩ, ၥၭမဲၪအဝ့ၫၥံၪလ ဂ့ၩးအဂဲးဘဲၫယီၩ ယဟိဝၩနယွၩမွဲၦလၧအလ့ၩဆၧ လၧနၥိၭလီၫ. အဝ့ၫဒၪမိခွံၬၡိၭနၧၩအ့ၬ, ဒဲမိစဲၪ့ဒၪနၧၩ ဆ့အ့ၬ.
7 စမိစ့ၭကိၭန့ စယီရှုၫအ့ၫတၭ, စံၭအဝ့ၫလၧအံၫစရ့ လၭထီးအလူၬအမ့ၬယၫ, အီၪက့ၪဆီၪ့နဂဲး ဒဲမၩဒူၩ နၥၭဆံၭး အဂဲးဘဲၫယီၩ နမိဘၪလ့ၩလၧၦခမျၧးယီၩ အၥိၭလၧထံၫၥံၪခးၥံၪ လၧယဟိဝၩဆိၪလၩ့အၥၭလၧ အဝ့ၫၥံၪအဖါလဖၪ လၧအမိဖ့ၪလၫ့ဝ့ၫလီၫ. တၭနမိ
8 ဘၪဒုၭမၩန့ၥၫအဝ့ၫၥံၪလၧခးနီၪလီၫ.- တၭယဟိဝၩ နီၪမွဲၦလၧအလ့ၩဆၧလၧနၥံၪအမ့ၬယၫလီၫ. အဝ့ၫဒၪ မိအီၪလၧနၥိၭလီၫ. မွဲအမိခွံၬၡိၭနၧၩအ့ၬး ဒဲစဲၪ့ဒၪနၧၩ ဆ့အ့ၬး ထီးၥၭမဲၪလဂ့ၩး ထီးအၪ့ယိၪဆၧလဂ့ၩ.
9 စမိစ့ၭကွ့ၭဆၧၥီၪ့ဆၧၥၫ့ယီၩတၭ, ဖ့ၪလၫ့ဝ့ၫလၧၦလု ဆၧစလံဝဲၫအဖိၪခွၫၥံၪ လၧအဆိၬယဟိဝၩအဆၧအုၩ့ လၩ့အတလၫ, ဒဲလၧအံၫစရ့လၭအၥုၪ့က့ၭၥၭၡါထီး
10 အလူၬလီၫ.- စမိစ့ၭမၪလူၬဝ့ၫတၭ, စံၭဝ့ၫဒၪ, နွ့ၫနံၪ့အ ထုၬ, ဆၧဖျါခွံၬအနံၪ့အဆၧအီၪကီၪ့အခၫလၧဘိၪ့တဲၩ
11 အဖၧၩ့နီၪ,- ထီးအံၫစရ့လၭထီးအလူၬအ့ၪဂဲၫဒုၭနဲၪ အၥၭလၧယဟိဝၩနယွၩ အမ့ၬယၫထီးအလး လၧအ ရွံန့ဝ့ၫတၭ, နမိဘၪဖီဆၧၥီၪ့ ဆၧၥၫ့ယီၩ လၧအံၫစရ့
12 လၭထီးအလူၬအမ့ၬယၫလၧအနါဖၧၩ့လီၫ.- ဒုၭအီၪ ကိၩ့အီၪကီၪ့ၦခမျၧး, ၦခွၫဒဲၦမုၪ, ဒဲဖိၪဒံၩဖိၪၥၪ, ဒဲၦလ ခီၫဘၩ့မုးဖိၪလၧအအီၪလၧနတရၫ့အဖၧၩ့, ဘဲၫၥိၭအ မိနါဂၧၫ့,ဒဲမိမၩလိၪဆၧ, ဒဲၥၭမဲၪယဟိဝၩနၥံၪအယွၩ တၭ,ဘဲၫၥိၭအမိထီးလၩ့အၥၭ လၧအမိမၩဆၧၥီၪ့ဆၧ
13 ၥၫ့ယီၩအဆၧချဲၩ့ထီးအလူၬ,- ဘဲၫၥိၭအဖိၪလဖၪလၧ အလၥ့ၪယၫဘၪဆၧလဖၪနီၪမိနါဂၧၫ့, ဒဲမၩလိၪဆၧၥၭ မဲၪယဟိဝၩနၥံၪအယွၩ လဆိၩဒၪနၥံၪအၥၭ လၧထံၫ ၥံၪခးၥံၪအဖၧၩ့ လၧနၥံၪလ့ၩခၫ့ဂၬယီၫဒၫ့ဘဲၫၥိၭနၥံၪ မိမၩန့ဝ့ၫလီၫ.
14 တၭယဟိဝၩစံၭစမိစ့ၭ, ယိခွါ,နမုနံၩလၧနမိဘၪၥံၫ နီၪၥုၭဘူၭအၥၭလီၫ. ကိၭန့စယီရှုၫအ့ၫတၭ,ဆၧၫ့ထုၪ့ လၧဆၧအီၪကီၪ့အတဲၩဆံၫ့ဎံၪအဖၧၩ့ ဘဲၫၥိၭယမိမၪ လူၬဝ့ၫနီၪဆံၭ. စမိစ့ၭဒဲစယီရှုၫအ့ၫလ့ၩဆၧဆၧၫ့ထုၪ့
15 လၧဆၧအီၪကီၪ့အတဲၩဆံၫ့ဎံၪအဖၧၩ့လီၫ.- ယဟိဝၩ အီၪဖျီၪထၪ့လၧတဲၩဆံၫ့ဎံၪအဖၧၩ့ လၧဆၧအုၪ့အထုၪ့ အဖၧၩ့တၭ, ဆၧအုၪ့အထုၪ့နီၪဆၧၫ့ထုၪ့လၧတဲၩဆံၫ့ ဎံၪအတရၫ့အဖၫ့ခိၪလီၫ.
16 တၭယဟိဝၩစံၭစမိစ့ၭ, ယိခွါ,နမိဘၪမံၫလၧနဖါလ ဖၪအၥိၭလီၫ. ၦခမျၧးယီၩမိဂဲထုၪ့တၭလ့ၩမၩလဲးမၩ ဘျၪအၥၭဖိၬၦလခီၫဘၩ့မုးဖိၪ လၧထံၫၥံၪခးၥံၪအဖၧၩ့ အယွၩလဖၪအခဲၫ့ ထီးအလး လၧအဝ့ၫၥံၪ လ့ၩအီၪ လၧအကျၩနီၪတၭ, မိခွံၬၡိၭယၧၩ, ဒဲမၩဂၭဂီၩ့ယဆၧ
17 အုၩ့လၩ့လၧယမၩလၧအဝ့ၫၥံၪလီၫ.- လၧမုလနံၩနီၪ ယၥၭထၪ့မိခဲၩထၪ့ဘၪဝ့ၫတၭ, ယမိခွံၬၡိၭ အဝ့ၫၥံၪ တၭ,ယမိအီၪက့ၪၥူၪခွံၬယမ့ၬ လၧအဝ့ၫၥံၪတၭ,ဆၧမိ အၪ့ခွံၬအဝ့ၫၥံၪတၭ, ဆၧအၧၩ့ဆၧၥၫ့ ဒဲဆၧခိဆၧဝီၩ အၪမံၩ့မိဘၪဝ့ၫလီၫ. တၭလၧမုနံၩနီၪ အဝ့ၫၥံၪမိစံၭ ဆၧအၧၩ့ဆၧၥၫ့ယီၩဘၪပၧၩ လၧပယွၩလအီၪဘၪလၧ
18 ပကျၩအကၠီၩ့နီၪမွဲအ့ၬဧၪ.- တၭယမိအီၪက့ၪၥူၪခွံၬတ ၡါယမ့ၬလၧမုလနံၩနီၪလီၫ. အဂဲးဘဲၫယီၩလၧအဆၧ အၧၩ့ဆၧၥၫ့ထီးအလူၬ လၧအမၩဝ့ၫအကၠီၩ့နီၪတၭ, အဝ့ၫၥံၪကၠၪအၥၭ လၧယွၩဂူၫဂၩလဖၪ အအီၪလီၫ.
19 တၭဘိၩ့နဲၪ့ယီၩ, ကွ့ၭဆၧၥံၫကျံၩလၧနၥံၪအဂးတၭ, ၥီၪ့လိၪၦအံၫစရ့လၭဖိၪလၧအဝ့ၫဆံၭ. အီၪက့ၪဝ့ၫလၧ အနိၭဖၧၩ့, ဘဲၫၥိၭဆၧၥံၫကျံၩယီၩမိကဲၪထၪ့ဆၧထိး
20 အၥၭလၧအဂးထၫ့ဒၩၦအံၫစရ့လၭဖိၪနီၪဆံၭ.- အဂဲး ဘဲၫယီၩ ထီးယအ့ၪဒုၭလ့ၩနုၬအဝ့ၫၥံၪ လၧထံၫၥံၪခး ၥံၪအဖၧၩ့လၧယဆိၪလၩ့ယၥၭ လၧအဂဲးလၧအဝ့ၫၥံၪ အဖါလဖၪ, လၧအယွၩလၩ့ဝ့ၫ လၧဆၧနူထံၫဒဲန့ၫစၩ့ တၭ,အဝ့ၫၥံၪမိအၪ့ဝ့ၫဘျဲၩအၪ့, ဒဲဘီၪ့ထၪ့တၭ, မိကၠၪ အၥၭလၧယွၩအဂူၫဂၩလဖၪအအီၪ, ဒဲမၩအဆၧ, ဒဲမၩ
21 ၥၭထၪ့ယၧၩ, ဒဲမၩဂၭဂီၩ့ယဆၧအုၩ့လၩ့လီၫ.- ထီး အဝ့ၫၥံၪဘၪဆၧအၧၩ့ဆၧၥၫ့, ဒဲဆၧခိဆၧဝီၩ အၪမံၩ့ တၭ,ဆၧမိမၩအၥၭလၧဆၧၥံၫကျံၩယီၩ မိထိးအၥၭ ထၫ့ဒၩအဝ့ၫၥံၪ, ဘဲၫၦထိးအၥၭအၥိၭနီၪလီၫ. အဂဲး ဘဲၫယီၩဘၪဆၧၥၭနၪ့ဝ့ၫ လၧအချံၫအၥၪအနိၭအ့ၬ. အဂဲးဘဲၫယီၩ ယၥ့ၪယၫအဆၧဆီၫ့မီၪ့ဆၧလၧမုနံၩလ ဖၪလၧယလချႃၭဒုၭလ့ၩနုၬဒံၭဘၪဝ့ၫ လၧခးဖၧၩ့လၧ ယဆိၪလၩ့ယၥၭလၧအဂဲးလီၫ.
22 မၩအၥၭဘဲၫနီၪတၭ စမိစ့ၭကွ့ၭဆၧၥံၫကျံၩယီၩလၧ
23 မုလနံၩနီၪဒဲၥီၪ့လိၪဝ့ၫလၧၦအံၫစရ့လၭဖိၪလီၫ.- မွဲအ မၪလူၬစနိၫ့အဖိၪခွၫ စယီရှုၫအ့ၫတၭစံၭဝ့ၫ, အီၪက့ၪ ဆီၪ့နဂဲးဒဲမၩဒူၩနၥၭဆံၭ, အဂဲးဘဲၫယီၩနမိဒုၭလ့ၩနုၬ ၦအံၫစရ့လၭဖိၪ လၧခးလဘံၪ့အဖၧၩ့ လၧယဆိၪလၩ့ ယၥၭလၧအဝ့ၫၥံၪလၧအဂဲးတၭ, ယမိအီၪလၧနၥိၭလီၫ.
24 ထီးစမိစ့ၭကွ့ၭဆၧၥီၪ့ဆၧၥၫ့ယီၩအဆၧချဲၩ့လၧလံၬ
25 ဖၧၩ့ထီးအလူၬဂီၩ့တၭ,- ဆၧမၩအၥၭလၧစမိစ့ၭမၪ လူၬၦလံဝဲၫဖိၪလၧအဆိၬ ယဟိဝၩအဆၧအုၩ့လၩ့အ
26 တလၫတၭ, စံၭဝ့ၫဒၪ,- မၩန့လံၬဆၧၥီၪ့ဆၧၥၫ့ယီၩ တၭ,အီၪက့ၪဝ့ၫလၧ ယဟိဝၩနၥံၪအယွၩအဆၧအုၩ့ လၩ့အတလၫဖၧၩ့နီၪ, ဘဲၫၥိၭအမိအီၪထီးနီၪလၧဆၧ
27 ထိးအၥၭထၫ့ဒၩနၧၩအဂးနီၪဆံၭ.- အဂဲးဘဲၫယီၩယ ၥ့ၪယၫလၧနပိၩ့ထၪ့ဆၧ, ဒဲနခိၬဆီၪ့လီၫ. ယိခွါ, လၧ ယမၧၫ့ဒံၭလၧနၥံၪအကျၩအဘိၩ့ဘၭလၧမုဆၫလနံၩ ယီၩတၭ, နၥံၪပိၩ့ထၪ့ယဟိဝၩတၭး ယၥံၫအလးခဲၫ့
28 နီၪ,မိအၪနဲၪ့အနီၪဆံၭအၪလဲၪၬ- ဒုၭအီၪကီၪ့နၥံၪ အဒီၪ့အၥုၪ့က့ၭၥၭၡါလဖၪ ဒဲနၥံၪအၦဒိၪလဖၪလၧယ အီၪ,ဘဲၫၥိၭယမိချဲၩ့ဆၧချဲၩ့ယီၩ လၧအဝ့ၫၥံၪအနါ ဖၧၩ့,ဒဲကိၭထၪ့မူၭခိၪ, ဒဲဂၪ့ခိၪလၧဆၧထိးအၥၭထၫ့
29 ဒၩအဝ့ၫၥံၪလီၫ.- အဂဲးဘဲၫယီၩ ယၥ့ၪယၫလၧယၥံၫ အလးခဲၫ့နီၪ, နၥံၪမိမၩဘၪၥၭလိၪနၥံၪအၥၭဒဲကၠၪပဲၩ ခွံၬလၧဖၧၩ့ၥၭ လၧယမၪလူၬနၥံၪ, ဒဲဆၧအၧၩ့မိဘၪန ၥံၪလၧမုနံၩအလးခဲၫ့လဖၪနီၪလီၫ. အဂဲးဘဲၫယီၩနၥံၪ မိမၩအၧၩ့ဆၧ လၧယဟိဝၩအမ့ၬယၫ ဒဲမိဒုၭၥၭထၪ့ အဝ့ၫလၧနၥံၪမၩဆၧလၧနၥံၪအစူၪအကၠီၩ့လီၫ.
30 စမိစ့ၭချဲၩ့ဆၧလၧအံၫစရ့လၭအဆၧအီၪကီၪ့ထီး အလူၬအနါဖၧၩ့ လၧဆၧၥံၫကျံၩယီၩ အဆၧချဲၩ့ထီး အလူၬလီၫ.