30
1 ထီးဆၧနီၪလဖၪ ထီးအလူၬနီၪ မိဘၪနၧၩတၭ,ဆၧ ဆိၪဂ့ၩ, ဒဲဆၧဆိၪအၧၩ့, လၧယအီၪက့ၪလၩ့ယူၭလၧ နၥံၪအမ့ၬယၫတၭ, နၥံၪမိနၪ့ထၪ့ထဲၩ့ဝ့ၫလၧၦဆၨၩလ ဖၪထီးအလူၬအကျၩ လၧယဟိဝၩ နယွၩနၫ့ထၪ့ခွံၬ
2 နၧၩ,- နမိဂဲၫထဲၩ့ကဒၩထဲၩ့ လၧယဟိဝၩနယွၩတၭ,မိ ခိၭနၪအလူလၧနၥၭထၧၫ့ဖျိၪ့ယၫ, ဒဲလၧနၥၭၡီၩ့ထီးအ လူၬ ဘဲၫကယဲဆၧလၧယမၪလူၬနၧၩ လၧမုဆၫလနံၩ
3 ယီၩအၥိၭနီၪ, နဝ့ၫဒၪဒဲနဖိၪနလံၩလဖၪနီၪ,- ထီးနီၪလ ဖၧၫ့ဆၧမိမၩအၥၭ လၧယဟိဝၩ နယွၩမိဒုၭထဲၩ့ထဲၩ့ ဆၧလၧနကဲၪဎီး, ဒဲအၥၭမိအီၪနၧၩတၭ, မိဂဲၫထဲၩ့,ဒဲမၩ န့ထဲၩ့နၧၩ, လၧကယဲၦဆၨၩလဖၪအကျၩ, လၧယဟိ
4 ဝၩနယွၩမၩလၩ့ပြံၩလၩ့ပၩယူၭနၧၩလီၫ.- တၭၦဘၪ ဆဲၫ့လၧနၧၩ အ့ၪဘၪဆၧနၫ့ထၪ့ခွံၬဝ့ၫဖိးလၧမူၭခိၪအ ထုၬတၭ, ယဟိဝၩနယွၩမိအၪ့ထုၫ့ထဲၩ့နၧၩ ထီးနီၪ,
5 ဒဲမၩန့ဂဲၫထဲၩ့ဆိၬနၧၩလၧအလးထီးနီၪလီၫ.- တၭယ ဟိဝၩနယွၩမိဒုၭထဲၩ့နုၬထဲၩ့နၧၩလၧ ထံၫၥံၪခးၥံၪအ ဖၧၩ့လၧနဖါလဖၪမၩန့ထဲၩ့ဝ့ၫတၭ, အဝ့ၫဒၪမိမၩဂ့ၩ နၧၩ, ဒဲဒုၭအၪထၪ့နၧၩ လၧနဖါလဖၪအဖၫ့ခိၪလီၫ.
6 တၭယဟိဝၩနယွၩမိကူၭတရံၭနၥၭ, ဒဲနချံၫနၥၪအၥၭ, ဘဲၫၥိၭနမိအဲၪယဟိဝၩနယွၩ လၧနၥၭထၧၫ့ဖျိၪ့ယၫဒဲ
7 နၥၭၡီၩ့ထီးအလူၬဘဲၫၥိၭနမိမၧၫ့လီၫ.- တၭယဟိဝၩ နယွၩမိအီၪက့ၪလၩ့ ဆၧဆိၪအၧၩ့လဖၪယီၩ ထီးအ လူၬလၧနဒုၪနဒၩအလီၩ့, ဒဲလၧၦလၧအမ့ၬလဲၩနၧၩ, ဒဲ
8 လၧအမၩအၧၩ့မၩၥၫ့နၧၩအလီၩ့လီၫ.- တၭနမိဂဲၫ ထဲၩ့ဒဲခိၭနၪယဟိဝၩနယွၩအလူ ဒဲထီးန့အဆၧမၪလူၬ လဖၪထီးအလူၬ လၧယမၪလူၬနၧၩ လၧမုဆၫလနံၩ
9 ယီၩလီၫ.- တၭယဟိဝၩနယွၩမိမၩအၪထၪ့နၧၩလၧ ကယဲနမၩဆၧလၧနစူၪ, လၧနဒၧၩ့လးအဆၧၥၪ,ဒဲလၧ နဆၧဖိၪဆၧဎါအဆၧၥၪ ဒဲလၧနဂၪ့ခိၪအဆၧၥၪလၧ ဆၧဂ့ၩအဂးလီၫ. အဂဲးဘဲၫယီၩယဟိဝၩမိၥၭထိၬဒီၭ လၧနဖၫ့ခိၪလၧဆၧဂ့ၩအဂး, ဘဲၫအၥၭထိၬလၧနဖါလ
10 ဖၪအဖၫ့ခိၪအၥိၭနီၪလီၫ.- နအ့ၪခိၭနၪယဟိဝၩနယွၩ အလူဘဲၫၥိၭနမိထီးန့အဆၧမၪလူၬ, ဒဲအဆၧၥီၪ့ဆၧ ၥၫ့လၧအဘၪဆၧကွ့ၭဝ့ၫ လၧလံၬဆၧၥီၪ့ဆၧၥၫ့အဖၧၩ့ ယီၩတၭ, နအ့ၪကၠၪလီၩ့နၥၭ လၧယဟိဝၩနယွၩအ အီၪလၧနၥၭထၧၫ့ဖျိၪ့ယၫ ဒဲလၧနၥၭၡီၩ့ ထီးအလူၬ တၭ,ဆၧမိမၩအၥၭဘဲၫနီၪလီၫ.
11 အဂဲးဘဲၫယီၩဆၧမၪလူၬယီၩ လၧယမၪလူၬနၧၩလၧ မုဆၫလနံၩယီၩ အီၪဘံၭလၧနၧၩအ့ၬ. ဒဲအီၪလၧအ
12 ယဲၩ့ဆ့အ့ၬး- အီၪလၧမူၭခိၪလၧနမိစံၭ, မွဲၦမိလ့ၩထၪ့ လၧမူၭခိၪတၭ, ဂဲၫလၩ့ဆိၬဝ့ၫလၧပအီၪဘဲၫၥိၭပမိနါ
13 ဂၧၫ့,ဒဲထီးန့ဝ့ၫလဂၩလဲၪနီၪအ့ၬ.- တၭအီၪလၧမၫ ဆၧမံၭဝါလခီၫလၧနမိစံၭ, မွဲၦမိလ့ၩခၫ့ဂၬ မၫဆၧမံၭ လၧပဂး, ဒဲဂဲၫထဲၩ့ဆိၬဝ့ၫလၧပအီၪဘဲၫၥိၭပမိနါဂၧၫ့,
14 ဒဲထီးန့လဂၩနီၪလဲၪ, မွဲဆ့အ့ၬ.- အ့ၪမွဲဆၧချဲၩ့နီၪအီၪ ဘူၭလၧနၧၩ, လၧနနိၭဖၧၩ့ဒဲလၧနၥၭခံဖၧၩ့, ဘဲၫၥိၭန မိထီးန့ဝ့ၫလီၫ.
15 ယိခွါ, ဆၧလၧမုဆၫလနံၩယီၩ, ယအီၪက့ၪလၩ့ ဆၧမၧၫ့ ဒဲဆၧဂ့ၩ, ဆၧၥံၫ ဒဲဆၧအၧၩ့ လၧနမ့ၬယၫ
16 လီၫ.- အဂဲးဘဲၫယီၩ ယမၪလူၬနၧၩ လၧမုဆၫလနံၩ ယီၩ,လၧနမိဘၪအဲၪယဟိဝၩနယွၩ, လၧနမိဘၪဖိၬအ ဖၧၩ့ၥၭလဖၪ, ဒဲထီးန့အဆၧမၪလူၬလဖၪ, ဒဲအၥနိၫလ ဖၪ,ဒဲအဆၧစ့ၩရၫ့လဖၪ, ဘဲၫၥိၭနမိမၧၫ့, ဒဲအၪထၪ့ဝ့ၫ လီၫ. တၭယဟိဝၩနယွၩမိဆိၪဂ့ၩနၧၩ လၧခးဖၧၩ့ထီး
17 နလ့ၩမၩန့ဝ့ၫလီၫ.- အ့ၪမွဲနၥၭအ့ၪကၠၪခွံၬအၥၭ, ဒဲန လခိၭနၪဘၪ, ဒဲဆၧအၪ့လံၬန့နၧၩတၭ, နဘၩထၪ့ယွၩ
18 အဂူၫဂၩလဖၪ, ဒဲမၩအဆၧတၭ,- ယဒုၭနဲၪနၥံၪလၧ မုဆၫလနံၩယီၩ, လၧနၥံၪမိဂၭဂီၩ့တၡါ, လၧခးဖၧၩ့ ထီးနလ့ၩခၫ့ဂၬထံၫယီၫဒၫ့ ဘဲၫၥိၭနၥံၪမိမၩန့ဝ့ၫနီၪန
19 ၥံၪမိအီၪကိၩ့အီၪခိၭဘၪအ့ၬ.- ဆၧလၧမုဆၫလနံၩ ယီၩယကိၭထၪ့မူၭခိၪ, ဒဲဂၪ့ခိၪလၧဆၧထိးအၥၭလၧ နၥံၪအဂဲး, လၧယအီၪက့ၪလၩ့ယူၭဆၧမၧၫ့ဒဲဆၧၥံၫ, ဆၧဆိၪဂ့ၩဒဲဆၧဆိၪအၧၩ့ လၧနၥံၪအမ့ၬယၫယူၭ,မၩ အၥၭဘဲၫနီၪတၭ, ရွံန့ဆၧမၧၫ့ဘီၪ, မွဲဘဲၫၥိၭနဝ့ၫဒၪဒဲ
20 နချံၫနၥၪမိမၧၫ့ဘၪ,- ဒဲဘဲၫၥိၭနမိအဲၪ ယဟိဝၩနယွၩ, ဘဲၫၥိၭနမိခိၭနၪအလူ, ဘဲၫၥိၭနမိဖီၪ့ထၬအဝ့ၫ, အဂဲး ဘဲၫယီၩအဝ့ၫဒၪမွဲနဆၧမၧၫ့, ဒဲနၥုၪ့ကိၩ့နၥၭကိၩ့လီၫ. ဘဲၫၥိၭနမိအီၪလၧခးဖၧၩ့ လၧယဟိဝၩဆိၪလၩ့အၥၭ လၧနဖါလဖၪ, ဒဲစအၫဘြဟၫ့ ဒဲစအံစၭ, ဒဲစယၫကူၭ လၧအမိဖ့ၪလၫ့ဝ့ၫ လၧအဝ့ၫၥံၪ အစူၪဖၧၩ့လီၫ.