5
1 စဎွၩဘ့လၡၭဇၫ မၩဆၧအၪ့ဆၧအီၩဖၭဒိၪလၧအ ၦဒိၪဖၭဒိၪလထီၫ့အဂးတၭ, အီၩစဘံၭထံၫလၧၦလ
2 ထီၫ့နီၪအမ့ၬယၫလီၫ.- စဘ့လၡၭဇၫအီၩစဘံၭထံၫ အဘိၩ့ဘၭနီၪတၭ မၪလူၬၦဂဲၫဆိၬဖၧၩ့ထီၫ့,ဒဲဖၧၩ့စ့ၩ လၧအဖါစန့ၭဘူၫခၭန့ဇၫဆိၬထၪ့ခွံၬ လၧဆၧလုဂံၪ့ လၧယရုစလံၫ့အဖၧၩ့, ဘဲၫၥိၭစဎွၩ, ဒဲအၦဒိၪဖၭဒိၪ, ဒဲအမၫလဖၪ, ဒဲအၥံၪမၫလဖၪ မိအီၩဆၧလၧအဖၧၩ့
3 လီၫ.- ထီးနီၪလဖၧၫ့အဝ့ၫၥံၪဂဲၫဆိၬဖၧၩ့ထီၫ့လၧၦဆိၬ ထၪ့ခွံၬဝ့ၫလၧယွၩအဆၧလုဂံၪ့ဖၧၩ့ လၧအအီၪဝ့ၫလၧ ယရုစလံၫ့အဖၧၩ့တၭ, စဎွၩ,ဒဲအၦဒိၪဖၭဒိၪလဖၪ, ဒဲအမၫလဖၪ, ဒဲအၥံၪမၫလဖၪ, အီၩဆၧလၧအဖၧၩ့
4 လီၫ.- အဝ့ၫၥံၪအီၩ စဘံၭထံၫတၭ, စံၭထၪ့အၪ့အူၭ ယွၩထီၫ့ၥံၪ, ဒဲစ့ၩၥံၪ, ထီးၥံၪ, ထၭၥံၪ, ၥံၪ့ၥံၪ ဒဲလိးၥံၪ နီၪလီၫ.
5 ၦၡၩအစူၪနိၩ့ ဂဲၫထၪ့ချဲၫ့မၬတၭ, ကွ့ၭဆၧဎၩ့လၧ မ့ၪဒိၩ့လၧစဎွၩအနီးအဒီၪ့ လၧအဂုၪအၥၭအလီၩ့ တၭ,စဎွၩဒၪဘၪဆၧအစူၪ လၧအကွ့ၭဆၧအခံၫထိၭ
6 လီၫ.- ထီးနီၪလဖၧၫ့စဎွၩအမ့ၬလၩ့ၡါ, ဒဲအဆၧဆီၫ့မီၪ့ နီၪမၩခိအၥၭတၭ, အယးဒံၩ့အဆၧၫ့လၩ့ဖျႃၪ, ဒဲအ
7 ခၪ့လုးခိၪဘၪထံၭလိၬအၥၭလီၫ.- တၭစဎွၩကိၭၡၭ ထၪ့ဘဲၫၥိၭၦမိဂဲၫဆိၬ ၦၥ့ၪဆၧအူၪဆၧပီၩ, ၦခၫလဒံ အၫဖိၪၥံၪ,ဒဲၦယိၡၪၥ့ၪၥံၪလီၫ. စဎွၩချဲၩ့ထၪ့ဝ့ၫတၭ, စံၭဘၭဘလၧၫ့ အၡၩကိၪ့ဆၧၥ့ၪလဖၪ, ထီးဒၪၦလၧ အမိဖီဆၧကွ့ၭအၥၭယီၩတၭ, ဒုၭနဲၪယၧၩလၧအခီၫ ပယီၫလဂၩဂၩနီၪ, ယမိဒုၭကီၩ့အဝ့ၫလၧဆၧလုၭဖုၭ တၭ,ဒုၭလံၬၥွ့ၫထီၫ့ လၧအခိၬလဝၫ့လီၫ. တၭမိကဲၪ ထၪ့ၦပၧၩ့ဆၧ လၧယဘၩ့ယမုးအဖၧၩ့ ၥၧၫ့ဂၩလဂၩ
8 လီၫ.- ထီးနီၪလဖၧၫ့စဎွၩအၡၩကိၪ့ဆၧၥ့ၪထီးအလူၬ ဂဲၫဝ့ၫး မွဲလါနၫ့ဘိၩ, ဖီဆၧကွ့ၭအၥၭတၭ, ဒုၭၥ့ၪယၫ
9 စဎွၩလၧအခီၫပယီၫၥ့ၪနးဂၩအ့ၬ.- ထီးနီၪလဖၧၫ့စဎွၩ ဘ့လၡၭဇၫအၥုၪ့ခိအၥၭဝီၩဒိၪမၬတၭ, အမ့ၬလၩ့ၡါ ဝ့ၫတၭ,အၦဒိၪဖၭဒိၪလဖၪ အၥၭထီၫမံၫထီၫမၪဝ့ၫ လီၫ.
10 နးဎွၩမုၪဂဲၫဝ့ၫ လၧဆၧအၪ့ဆၧအီၩအဂံၪ့ဖၧၩ့လၧ စဎွၩဒဲအၦဒိၪဖၭဒိၪၥံၪ အလူအကၠီၩ့လီၫ. နးဎွၩမုၪ ချဲၩ့ဆၧတၭ, စံၭဝ့ၫဒၪ, စဎွၩဧ့, မွဲနမၧၫ့လၩ့ဆိၩလၩ့ ကၠၪဆံၭ. မွဲနဆၧဆီၫ့မီၪ့ၥံၪနီၪထီးမၩခိနၥၭလဂ့ၩ, မွဲန
11 မ့ၬထီးလၩ့ၡါလဂ့ၩ.- လၧနဘၩ့နမုးအဖၧၩ့နီၪၦလၧ ယွၩဆံၫ့ဎံၪလဖၪ အၥၭအီၪ လၧအဖၧၩ့နီၪအီၪဝ့ၫလ ဂၩတၭ, လၧနဖါအမုနံၩလဖၪနီၪဆၧဖၩ့, ဆၧကိၪ့ဆၧ ဆၭ, ဒဲဆၧကိၪ့ၥ့ၪကိၪ့ဘၪ, ဘဲၫယွၩလဖၪအဆၧကိၪ့ ၥ့ၪကိၪ့ဘၪအၥိၭနီၪ အီၪဝ့ၫလၧအဖၧၩ့လီၫ. တၭနဖါ စဎွၩန့ၭဘူၫခၭန့ဇၫ, နဖါဒၪလ့ၬအီၪက့ၪဝ့ၫလၧၦကွ့ၭ လံၬၥံၪ,ၦၥ့ၪဆၧအူၪဆၧပီၩၥံၪ, ၦခၫလဒံအၫဖိၪၥံၪ,
12 ၦယိၡၪၥ့ၪၥံၪအခိၪ,စဎွၩဧ့,- မွဲအၥၭၥ့ၪဆၧဂ့ၩတၭ, ဆၧၥ့ၪယၫ, ဒဲဆၧကိၪ့ဆၧဆၭ ဘဲၫၥိၭအမိဖၭဆၧမံၫ မး,ဒဲဆၧၡီၩ့ၡါ,ဒဲဒုၭနဲၪဆၧချဲၩ့ ကၪအခီၫပယီၫနီၪအီၪ ဝ့ၫလၧစဒၫ့နအ့လၭအဖၧၩ့, လၧစဎွၩဖျိၬအမံၩ့စဘ့ၫ လၭတၡၭဇၫလီၫ. မၩအၥၭဘဲၫနီၪတၭ, ဘိၩ့နဲၪ့ယီၩ, မွဲၦကိၭန့စဒၫ့နအ့လၭဆံၭ. တၭအဝ့ၫဒၪမိဖၭဆၧအ ခီၫပယီၫလီၫ.
13 ထီးနီၪလဖၧၫ့ ၦဂဲၫဆိၬစဒၫ့နအ့လၭလၧစဎွၩအမ့ၬ ယၫလီၫ. စဎွၩချဲၩ့ထၪ့ဆၧတၭ, စံၭစဒၫ့နအ့လၭ,နမွဲ စဒၫ့နအ့လၭလၧၦယုဒၫဖိၪ လၧအကဲၪဎီးလၧယဖါဂဲၫ
14 ဆိၬလၧခးယုဒၫအဖၧၩ့လဖၪအကျၩနီၪဆ့ဧၪ.- ယနါ ဂၧၫ့ဆၧလၧနဂဲးလၧယွၩလဖၪ အၥၭအီၪဝ့ၫလၧနဖၧၩ့ တၭ,ဆၧဖၩ့,ဒဲဆၧကိၪ့ဆၧဆၭ, ဒဲဆၧကိၪ့ၥ့ၪအၪအၪ
15 လ့ၬအီၪဝ့ၫလၧနဖၧၩ့လီၫ.- တၭဘိၩ့နဲၪ့ယီၩၦဂဲၫဆိၬ ၦကိၪ့ဆၧၥ့ၪ, ၦၥ့ၪဆၧအူၪဆၧပီၩလၧယမ့ၬယၫ, ဘဲၫ ၥိၭအမိဖီဆၧကွ့ၭအၥၭယီၩ, ဒဲဒုၭၥ့ၪယၫယၧၩလၧအ ခီၫပယီၫဆ့လီၫ. မွဲလါနၫ့တၭ, ဒုၭနဲၪဆၧလမံၩ့ယီၩ
16 အခီၫပယီၫၥ့ၪအ့ၬ.- ယနါဂၧၫ့လၧနဂဲးလၧနဖၭန့ဆၧ ၥ့ၪ,ဒဲဒုၭနဲၪဆၧချဲၩ့ကၪ အခီၫပယီၫၥ့ၪလီၫ. ဘိၩ့နဲၪ့ ယီၩနဖီဆၧကွ့ၭအၥၭယီၩတၭ, ဒုၭၥ့ၪယၫယၧၩလၧ အခီၫပယီၫအၪၥ့ၪတၭ, ယမိဒုၭကီၩ့ဒုၭၥိၭနၧၩလၧ ဆၧလုၭဖုၭတၭ, ဒုၭလံၬၥွ့ၫထီၫ့လၧနခိၬနးဝၫ့တၭ, နမိ ကဲၪထၪ့ၦပၧၩ့ဆၧလၧယဘၩ့ယမုးအဖၧၩ့ ၥၧၫ့ဂၩလ ဂၩလီၫ.
17 ထီးနီၪလဖၧၫ့စဒၫ့နအ့လၭ စံၭဆၧၫ့ဆၧတၭ,စံၭဆၧ လၧစဎွၩအမ့ၬယၫ, မွဲနဆၧဖ့ၪလၫ့လဖၪအီၪဝ့ၫလၧနနၫ့ ဆါဒၪနဝ့ၫဆံၭ. တၭမွဲနဖ့ၪလၫ့နလံၩ့နလဲၫလဖၪလၧၦ ဂူၫဂၩဆံၭ. မွဲလါနၫ့တၭ, ယမိဖီဘၪဒဲဖ့ၪနဲၪစဎွၩလၧ ဆၧကွ့ၭအၥၭတၭ, မိဒုၭၥ့ၪယၫဝ့ၫလၧအခီၫပယီၫဆ့
18 လီၫ.- နဝ့ၫဒၪယီၩစဎွၩဧ့, ယွၩအထီၫထုၬဖ့ၪလၫ့နဖါ စန့ၭဘူၫခၭန့ဇၫ လၧဘၩ့ၥံၪမုးၥံၪ, လၧဆၧအဒိၪအ
19 ထီၫဒဲဆၧလၩဖၩ့, လၧဆၧအကယးကဖးလီၫ.- လၧ ဆၧကယးကဖး လၧဆၧဖ့ၪလၫ့အဝ့ၫအကၠီၩ့နီၪတၭ, ကယဲၦခမျၧးၦဆၨၩလဖၪ, ဒဲၦချဲၩ့ဆၧအလၨကိၭ ဆၨၩဒ့ၭထီးအလူၬနီၪဝၭထိၬဝ့ၫတၭ, ၥၭမဲၪဆၧလၧ အမ့ၬယၫလီၫ. ထီးဒၪအၥၭတၭ, မၩၥံၫၦလဂၩဂၩ တၭ,ထီးဒၪအၥၭတၭ, ဒုၭမၧၫ့ၦလဂၩဂၩ, ထီးဒၪအ ၥၭတၭ,အီၪက့ၪထၪ့ထီၫၦလဂၩဂၩတၭ, ထီးဒၪအ
20 ၥၭတၭဆၪ့လၩ့ၦလဂၩဂၩလီၫ.- အ့ၪမွဲထီးအအီၪက့ၪ ထၪ့ထီၫအၥၭတၭ, အၥၭနီၩ့လၧအအီၪက့ၪဖိၪလိၫအ ၥၭအကၠီၩ့တၭ, ဆၧခွံၬလၩ့ခွံၬဝ့ၫ လၧအစဎွၩအလး
21 ဆီၩ့ဆီတၭ, ဆၧထုၭထၪ့ခွံၬအလၩအဖၩ့,- တၭဆၧ နၫ့ထၪ့ခွံၬအဝ့ၫလၧၦၡၩအကျၩတၭ, ဆၧဒုၭကဲၪထၪ့ အၥၭဘဲၫဆၧဖိၪဆၧဎါအၥိၭ, အအီၪအလးအီၪဝ့ၫလၧ ကၥ့ၪယီၩ့အမံၩ့အကျၩလီၫ. တၭၦဒုၭအၪ့အဝ့ၫလၧ နၪ့ၥံၪမံၩ့ၥံၪဘဲၫချီအၥိၭတၭ, ဘၪစီၪဝ့ၫလၧမူၭခိၪအ ဆၩ့ထံၫအကျၩထီးအၥ့ၪယၫ လၧယွၩဆၧထီၫထုၬလ ဂၩပၧၩ့ဆၧလၧၦၡၩအဘၩ့အမုးအဖၫ့ခိၪ ဒဲအီၪက့ၪ ဝ့ၫလၧအဖၫ့ခိၪ ထီးဒၪၦလၧအဘၪအၥၭ လဂၩဂၩ
22 လီၫ.- နဝ့ၫဒၪအဖိၪခွၫစဘ့လၡၭဇၫဧ့, နၥ့ၪယၫဆၧ
23 ယီၩထီးအလူၬလါနၫ့တၭ, နဆၪ့လၩ့နၥၭအ့ၬ.- အ့ၪမွဲ နအီၪက့ၪထၪ့ထီၫနၥၭ လၧမူၭခိၪအယွၩအဖၫ့ခိၪတၭ, ၦဂဲၫဆိၬအဂံၪ့အဆၧဖၧၩ့လဖၪ လၧနမ့ၬယၫတၭ,နဝ့ၫ ဒၪ,ဒဲနၦဒိၪလဖၪ, နမၫလဖၪ,ဒဲနၥံၪမၫလဖၪနီၪအီၩ စဘံၭထံၫလၧအဖၧၩ့တၭ, နစံၭထၪ့အၪ့အူၭယွၩစ့ၩ ၥံၪ,ထီၫ့ၥံၪ,ထီးၥံၪ, ထၭၥံၪ, ၥံၪ့ၥံၪ ဒဲလိးၥံၪ, လၧအ လဒၪဘၪဆၧ, ဒဲလနါဂၧၫ့ဘၪဆၧ, ဒဲအလၥ့ၪယၫဘၪ ဆၧလီၫ. အ့ၪမွဲယွၩလၧနၥၪအီၪဝ့ၫ လၧအစူၪဖၧၩ့တၭ, နဖၧၩ့ၥၭထီးအလူၬအီၪဝ့ၫလၧအဝ့ၫလဂၩနီၪ နမၩလၩ ဖၩ့အဝ့ၫအ့ၬ.
24 မၩအၥၭဘဲၫနီၪတၭ, ဆၧအၪ့မၧၫ့လၩ့စူၪလခီၫအ
25 ခံၫထိၭနီၪတၭ, ဆၧကွ့ၭအၥၭယီၩ,- တၭအယီၩမွဲဆၧ ကွ့ၭလၧအကွ့ၭအၥၭ,
26 မံၫန့ၫ, မံၫန့ၫ, တက့လၭ, အူဖၫစံၫ့, အယီၩမွဲဆၧအခီၫပယီၫ.
မံၫန့ၫ, ဘဲၫၦစံၭဆၧအၥိၭ, ယွၩနီၪဝံထၪ့နၬထၪ့ယူၭ နဘၩ့နမုးတၭမၩလူၬခွံၬဝ့ၫလီၫ.
27 တက့လၭ, ဘဲၫၦစံၭဆၧအၥိၭ, ဆၧခံၫ့နၧၩ လၧခံၫ့ ဖၧၩ့တၭ, နလလၧၫ့လဎွ့ၩဘၪလီၫ.
28 ပံၫရံၫ, ဘဲၫၦစံၭဆၧအၥိၭ, နဘၩ့နမုးလၩ့ဖၭလိၬ အၥၭတၭ, ဆၧဖ့ၪလၫ့အဝ့ၫလၧၦမံဒအၫဖိၪ, ဒဲၦပၧၡၫ ဖိၪလီၫ.
29 ထီးနီၪလဖၧၫ့ စဘ့လၡၭဇၫ မၪလူၬဆၧတၭ,ၦဒုၭ ကီၩ့ဒုၭၥိၭ စဒၫ့နအ့လၭလၧဆၧလုၭဖုၭတၭ, ဒုၭလံၬ ၥွ့ၫထီၫ့လၧအခိၬလဝၫ့တၭ, ၦကိၭထၪ့ဝ့ၫလၧအဂဲး လၧအမိကဲၪထၪ့ၦပၧၩ့ဆၧၥၧၫ့ဂၩလဂၩ လၧဘၩ့မုး အဖၧၩ့လီၫ.
30 ဆၧလၧမုလနၩနီၪ ဆၧမၩၥံၫၦခၫလဒံအၫဖိၪၥံၪအ
31 စဎွၩဘ့လၡၭဇၫလီၫ.- တၭၦမံဒအၫဖိၪစဒရဲအၧၭအ ၥၭၡါအနံၪ့ဎူၫဆံၫနံၫနံၪ့တၭ, မၩန့ဘၩ့ၥံၪမုးၥံၪလီၫ.