6
1 ဘၪစဒရဲအၧၭအၥၭတၭ, အီၪက့ၪၦဒိၪဖၭဒိၪလယၩ နံၫဆံၫလၧဘၩ့ၥံၪမုးၥံၪအဖၫ့ခိၪ, ဘဲၫၥိၭအမိအီၪဝ့ၫ
2 လၧအဘၩ့အမုးထၧၫ့ဘံၪ့ယၫအဖၫ့ခိၪလီၫ.- အီၪက့ၪ ၦအခိၪၥၧၫ့ဂၩ လၧအဝ့ၫၥံၪအဖၫ့ခိၪတၭ, စဒၫ့နအ့လၭ မွဲၦလၧအကျၩလဂၩ, ဘဲၫၥိၭၦဒိၪလဖၪနီၪမိဖ့ၪလံၬ
3 လၧအဝ့ၫၥံၪ,ဒဲစဎွၩအဆၧထီးလၩ့မါလဂ့ၩလီၫ.- ထီး နီၪလဖၧၫ့ဆၧအီၪက့ၪစဒၫ့နအ့လၭလဂၩနီၪ လၧၦအ ခိၪလဖၪ, ဒဲၦဒိၪဖၭဒိၪလဖၪအဖၫ့ခိၪလၧအၥၭဂ့ၩလၧ အအီၪဝ့ၫလၧအဖၧၩ့အကၠီၩ့တၭ, စဎွၩမိအီၪက့ၪဝ့ၫ လၧဘၩ့မုးထၧၫ့ဘံၪ့ယၫအဖၫ့ခိၪလီၫ.
4 ထီးနီၪလဖၧၫ့ၦအခိၪလဖၪ, ဒဲၦဒိၪဖၭဒိၪလဖၪအၪ့ ဎၬအလးထၫ့ဒၩ စဒၫ့နအ့လၭ လၧဘၩ့မုးအဂဲးလါနၫ့ တၭ,လဒၪန့ဘၪအလးနးမံၩ့, ဒၪန့ဆၧမၪဆ့အ့ၬ. အ ဂဲးဘဲၫယီၩ ဘဲၫအမၩဝ့ၫတီၩတီၩလီၩ့လီၩ့အၥိၭတၭ, ဆၧမၪမွဲဂ့ၩ, မၩဆၧလတီၩဘၪလမံၩ့မံၩ့မွဲဂ့ၩ, အီၪ
5 လၧအလီၩ့အ့ၬ.- ထီးနီၪလဖၧၫ့ ၦၡၩလဖၪနီၪစံၭဝ့ၫ ဒၪ,အ့ၪလမွဲဘၪလၧဆၧဘၪဆဲၫ့လၧ အယွၩအဆၧၥီၪ့ ဆၧၥၫ့တၭ, ပဒၪန့ဆၧအလးထၫ့ဒၩ စဒၫ့နအ့လၭလ ဂၩယီၩအ့ၬ.
6 ထီးနီၪလဖၧၫ့ ၦအခိၪလဖၪ, ဒဲၦဒိၪဖၭဒိၪလဖၪနီၪ အီၪကိၩ့အီၪကီၪ့လၧစဎွၩအအီၪတၭ, စံၭဝ့ၫဘဲၫယီၩ,
7 စဎွၩဒရဲအၧၭဧ့, မွဲနမၧၫ့လၩ့ဆိၩလၩ့ကၠၪဆံၭ.- ကယဲ ဘၩ့မုးအခိၪ, ဒဲၦဒိၪဖၭဒိၪ, ၦဒိၪၦၡါ, စဎွၩအၡၩဒုၭ ကိၪ့ဆၧ,ဒဲၦပၧၩ့ဆၧထီးအလူၬနီၪ ကိၪ့လိၬအၥၭဘဲၫ ၥိၭဆၧအလူမိလၩ့လၧစဎွၩတၭ, ဆၧၥီၪ့ဆၧၥၫ့မိအီၪ ဂုးခၧၫ့လထံၪယီၩ, အ့ၪလမွဲဘၪလၧနၧၩတၭ, ထီးဒၪၦ လၧအအၪ့ကံၩ့ဆၧလၧယွၩမွဲဂ့ၩ, လၧၦၡၩမွဲဂ့ၩ,အနံၩ ၥၧၫ့ဆံၫအထးဖၧၩ့လဂၩဂၩနီၪ, မိဘၪဆၧခွံၬလၩ့ခွံၬ
8 ဝ့ၫလၧဆၬလၥၧၫ့အဖၧၩ့လီၫ.- ဘိၩ့နဲၪ့ယီၩစဎွၩဧ့, ဒုၭအီၪထၪ့နဆၧမၪလူၬတၭ, ဒုၭကွ့ၭလံၬ,လၧဆၧမၩ ကဒံၩကဒၩဝ့ၫလၥ့ၪဘၪ, ဘဲၫၦမံဒအၫဖိၪဒဲၦပၧၡၫဖိၪ လဖၪအဆၧၥီၪ့ဆၧၥၫ့အၥိၭ လၧအကဒံၩကဒၩလၥ့ၪ
9 ဘၪနီၪဆံၭ.- မၩအၥၭဘဲၫနီၪတၭ, စဎွၩဒရဲအၧၭဒုၭ ကွ့ၭလံၬနီၪတၭ, ဒုၭအီၪထၪ့ဆၧမၪလူၬနီၪလီၫ.
10 ထီးစဒၫ့နအ့လၭၥ့ၪယၫဝ့ၫ လၧဆၧကွ့ၭအၥၭဂီၩ့ တၭ,လ့ၩနုၬလၧအဂံၪ့ဖၧၩ့တၭ, အတရၫ့လံၩၥံၪအီၪဝဲ ထၪ့အၥၭလၧအဒူၭထၪ့ထီၫလဆၫ့ ဖိးထၪ့ဝ့ၫလၧယရု စလံၫ့လခီၫတၭ, အဝ့ၫချံၭလၩ့အခၪ့လနံၩၥၧၫ့ဖၧၫ့တၭ, အၪ့ကံၩ့ဘၩဆိၪဖၪဆၧတၭ, စံၭထၪ့အၪ့အူၭဆၧအခိး အတၩလၧအယွၩအမ့ၬယၫ ဘဲၫအမၩဝ့ၫလၧအခၪ့ ထံၭအၥိၭနီၪလီၫ.
11 ထီးနီၪလဖၧၫ့ ၦလဖၪနီၪအီၪကိၩ့အီၪကီၪ့တၭ,ဒၪန့ စဒၫ့နအ့လၭဘၩဆိၪဖၪဆၧ, ဒဲအၪ့ကံၩ့ဆၧလၧအယွၩ
12 အမ့ၬယၫလီၫ.- ထီးနီၪလဖၧၫ့ အဝ့ၫၥံၪၥုၭဘူၭအၥၭ တၭ,ချဲၩ့ဆၧလၧစဎွၩအမ့ၬယၫ လၧစဎွၩအဆၧမၪလူၬ အဂဲး နကွ့ၭဆၧမၪလူၬနီၪ, အ့ၪလမွဲဘၪလၧနၧၩတၭ, ထီးဒၪၦလၧအအၪ့ကံၩ့ဆၧလၧယွၩ လဂၩဂၩမွဲဂ့ၩ, လၧၦၡၩလဂၩဂၩမွဲဂ့ၩ, လၧအနံၩၥၧၫ့ဆံၫအထး ဖၧၩ့နီၪမိဘၪဆၧခွံၬလၩ့ခွံၬအဝ့ၫ လၧဆၬလၥၧၫ့အ ဖၧၩ့,မွဲအ့ၬဧၪ, စဎွၩဧ့. တၭစဎွၩစံၭဆၧၫ့ဆၧတၭ, စံၭဝ့ၫဒၪ, ဆၧနီၪအီၪဂုးခၧၫ့ယူၭ ဘဲၫၦမံဒအၫဖိၪ, ဒဲၦ ပၧၡၫဖိၪလဖၪအဆၧၥီၪ့ဆၧၥၫ့အၥိၭ လၧအကဒံၩက
13 ဒၩလၥ့ၪဘၪလီၫ.- ထီးနီၪလဖၧၫ့ အဝ့ၫၥံၪစံၭဆၧၫ့ဆၧ တၭ,စံၭဝ့ၫလၧစဎွၩအမ့ၬယၫ, စဒၫ့နအ့လၭလၧအ အီၪဝ့ၫလၧၦယုဒၫဖိၪၥံၪ လၧအကဲၪဎီးအကျၩလဂၩ နီၪ,လဒူၩလယၪ့ဘၪနၧၩ, ဒဲဆၧမၪလူၬလၧနကွ့ၭယူၭ နီၪ,စဎွၩဧ့, မွဲအအၪ့ကံၩ့အၪ့ယၫ ဆၧလၧလနံၩဘၪ လနံၩလနံၩဘၪလနံၩၥၧၫ့ဖၧၫ့လီၫ.
14 ထီးစဎွၩနါဂၧၫ့ဆၧချဲၩ့ၥံၪနီၪတၭ, အၥုၪ့ခိအၥၭဝီၩ လၧအကၠီၩ့တၭ, ၥၭအီၪစဒၫ့နအ့လၭ ဘဲၫၥိၭအမိမၩ ဖီၩ့မၩဖျ့ၭအဝ့ၫတၭ, ကိၪ့ဝ့ၫထီးမုလၩ့နုၬဘဲၫၥိၭအမိ
15 မၩဖီၩ့မၩဖျ့ၭအဝ့ၫလီၫ.- ထီးနီၪလဖၧၫ့ၦလဖၪနီၪအီၪ ကိၩ့အီၪကီၪ့လၧစဎွၩအအီၪတၭ, စံၭစဎွၩ,စဎွၩဧ့,ၥ့ၪ ယၫလၧၦမံဒအၫဖိၪဒဲၦပၧၡၫဖိၪလဖၪ အီၪလၧဆၧၥီၪ့ ဆၧၥၫ့လထံၪ, လၧဆၧမၪလူၬမွဲဂ့ၩဆၧၥီၪ့ဆၧၥၫ့မွဲဂ့ၩ လၧစဎွၩဒုၭအီၪထၪ့ဝ့ၫနီၪ ဆၧမၩကဒံၩကဒၩဘၪဝ့ၫ
16 နးထံၪအ့ၬ.- စဎွၩမၪလူၬဝ့ၫတၭ, ၦဂဲၫဆိၬစဒၫ့နအ့ လၭတၭ, ခွံၬလၩ့ခွံၬအဝ့ၫလၧဆၬလၥၧၫ့အဖၧၩ့လီၫ. စဎွၩချဲၩ့ဆၧတၭ, စံၭစဒၫ့နအ့လၭ, နယွၩလၧနမၩအ ဆၧမၩလထံၪဎးလဘီၩ့ဎးလဂၩနီၪ, အဝ့ၫဒၪမိမၩဖီၩ့
17 မၩဖျ့ၭနၧၩလီၫ.- ၦဂဲၫဆိၬလိးလဖျိၪ့တၭ, အီၪက့ၪဝ့ၫ လၧဆၧဖၧၩ့အခိၪထိၭတၭ, စဎွၩစဲၩနဲၪ့ထၬဝ့ၫလၧအ ဆၧစဲၩနဲၪ့ဝ့ၫ, ဒဲအၦဒိၪဖၭဒိၪလဖၪအဆၧစဲၩနဲၪ့ဘဲၫၥိၭ ဆၧကိၪ့ဝ့ၫလၧစဒၫ့နအ့လၭအဂဲး ထီးကဒံၩကဒၩနး
18 မံၩ့လဂ့ၩလီၫ.- ထီးနီၪလဖၧၫ့စဎွၩလ့ၩဝ့ၫလၧအနီးဖၧၩ့ တၭ, ဒုၪဆၧအၪ့ဆၧအီၩၥၫ့နၩချီၩ့တၭ, ၦလဂဲၫဆိၬ ဘၪအၥံၪမၫလဖၪလၧအအီၪတၭ, မံၫဝ့ၫလန့ဘၪ လီၫ.
19 စဎွၩဂဲထုၪ့ဂီၩဂီၩလ့ၬတၭ, လ့ၩဝ့ၫချဲၫ့ချဲၫ့လ့ၬလၧ
20 ဆၬလၥၧၫ့အဖၧၩ့လီၫ.- တၭထီးအအီၪဘူၭလၧဆၧ ဖၧၩ့တၭ,ကိၭထၪ့ဆၧလၧအလူဖၭဒိၪ လၧစဒၫ့နအ့လၭ အအီၪလီၫ. စဎွၩချဲၩ့ဆၧတၭ, စံၭစဒၫ့နအ့လၭ, ယွၩ လၧအမၧၫ့ဝ့ၫလဂၩ, အခ့ၫအၡၩစဒၫ့နအ့လၭဧ့,နယွၩ လၧနမၩအဆၧလထံၪဎးနီၪ မၩဖီၩ့မၩဖျ့ၭနၧၩလၧဆၬ
21 လၥၧၫ့လဖၪၥ့ၪယူၭဧၪ.- ထီးနီၪလဖၧၫ့စဒၫ့နအ့လၭ,
22 စံၭစဎွၩ,စဎွၩဧ့,မွဲနမၧၫ့လၩ့ဆိၩလၩ့ကၠၪဆံၭ.- ယယွၩ အၪ့မၧၫ့လၩ့အၥီၫ့လဂၩတၭ, မၩဘံၭဆၬလၥၧၫ့အနိၭ တၭ,အဝ့ၫၥံၪမၩအၧၩ့ဘၪယၧၩနးမံၩ့အ့ၬ. အဂဲးဘဲၫ ယီၩဆၧဒဲၩဘၭလအီၪဘၪလၧယလီၩ့ လၧအမ့ၬယၫ တၭ,စဎွၩဧ့, ယမၩဆၧအၧၩ့ လၧနမ့ၬယၫနးမံၩ့ဆ့
23 အ့ၬ.- ထီးနီၪလဖၧၫ့ စဎွၩၥၭထိၬလၧအၥၭခံဖၧၩ့တၭ, မၪလူၬဝ့ၫလၧၦမိထုၭထၪ့န့ထဲၩ့ စဒၫ့နအ့လၭလၧဆၧ ဖၧၩ့လီၫ. မွဲအထုၭထၪ့န့ထဲၩ့စဒၫ့နအ့လၭ လၧဆၧဖၧၩ့ တၭ,ဆၧမၩအၧၩ့အဝ့ၫလအီၪဘၪ လၧအလီၩ့နးမံၩ့, အဂဲးဘဲၫယီၩ မွဲအဒိၭနဲၩ့အၥၭလၧယွၩလီၫ.
24 တၭစဎွၩမၪလူၬဆၧတၭ, အဝ့ၫၥံၪဂဲၫဆိၬၦၡၩလဖၪ လၧအအီၪက့ၪဆၧမၪ လၧစဒၫ့နအ့လၭအလီၩ့တၭ, ခွံၬလၩ့ခွံၬအဝ့ၫၥံၪ လၧဆၬလၥၧၫ့အဖၧၩ့, အဝ့ၫၥံၪ အဖိၪအလံၩ, ဒဲအဖိၪအမၫတၭ, လၧအလချႃၭထီၩ့ လၩ့ဒံၭဘၪလၧဆၧဖၧၩ့အခဲၫ့ဒၭတၭ, ဆၬလၥၧၫ့မၩ နၧၩ့မၩစၪအဝ့ၫၥံၪတၭ, မၩခါလၩ့ဘျ့ၭအဎွံၪအနၧၩ့ ထီးအလူၬလီၫ.
25 ထီးနီၪလဖၧၫ့စဎွၩဒရဲအၧၭ ကွ့ၭန့ကယဲၦခမျၧးလ ဖၪ,ၦဆၨၩလဖၪ, ဒဲၦချဲၩ့ဆၧအလၨကိၭဆၨၩဒ့ၭလၧ အအီၪဝ့ၫလၧဂၪ့ခိၪထၧၫ့ဖျိၪ့ယၫ, မွဲဆၧဘၪလိၬအိၭ
26 လိၬအၪထၪ့လၧနၥံၪအဂးဆံၭ.- ယမၪလူၬဆၧလၧၦ ဘၪဝၭထိၬဝ့ၫ, ဒဲၥၭမဲၪဝ့ၫ လၧစဒၫ့နအ့လၭအယွၩအ မ့ၬယၫလၧကယဲထံၫၥံၪခးၥံၪ လၧယဘၩ့ယမုးအဖၧၩ့ ထီးအလူၬလီၫ. အဂဲးဘဲၫယီၩမွဲယွၩလၧအမၧၫ့ဝ့ၫတၭ, အီၪဝ့ၫလၩ့ဆိၩလၩ့ကၠၪတၭ, အဘၩ့အမုးလထီၩ့ဘၪ
27 လၧဆၧဂၭဂီၩ့တၭ, မိပၧၩ့ဝ့ၫထီးအထုၬလီၫ.- အဝ့ၫနီၪ ထိးထဲၩ့တၩ့ထဲၩ့ဆၧ, ဒဲမၩဖီၩ့မၩဖျ့ၭဆၧ, ဒဲမၩဆၧ နဲၪ့လၩ့လၭ, ဒဲဆၧလၩ့လိလၩ့လၭလၧမူၭခိၪ, ဒဲလၧဂၪ့ ခိၪချိၫ့တၭ, မၩဖီၩ့မၩဖျ့ၭယူၭစဒၫ့နအ့လၭလၧဆၬလ ၥၧၫ့အစီၩ့အမၩ့ယူၭလီၫ.
28 တၭစဒၫ့နအ့လၭလဂၩနီၪ ဘီၪထၪ့ယီၫထၪ့လၧစဒ ရဲအၧၭကဲၪစဎွၩအဘိၩ့ဘၭ, ဒဲလၧၦပၧၡၫဖိၪ စစဲရၧၭ ကဲၪစဎွၩအဘိၩ့ဘၭနီၪလီၫ.
(၇းၥ-ၥ၂းၥ၃)