4
1 တၭစဎွၩန့ၭဘူၫခၭန့ဇၫ စံၭကယဲၦခမျၧး,ၦဆၨၩ လဖၪ,ဒဲၦချဲၩ့ဆၧအလၨကိၭဆၨၩဒ့ၭထီးအလူၬလၧ အအီၪဝ့ၫလၧဂၪ့ခိၪထၧၫ့ဖျိၪ့ယၫ, မွဲဆၧဘၪလိၬအိၭ
2 လိၬအၪထၪ့လၧနၥံၪဆံၭ.- ဘၪယၥၭလၧယမိဒုၭနဲၪ ဆၧနဲၪ့လၩ့လၭ, ဒဲဆၧလၩ့လိလၩ့လၭလၧယွၩအထီၫ
3 ထုၬလဂၩမၩယၧၩလီၫ.- အဆၧနဲၪ့လၩ့လၭနီၪဆံၭ ဒိၪလဲၪၬ အလၩ့လိလၩ့လၭနီၪ ဆံၭဒိၪဆံၭအၪလဲၪၬ အဘၩ့အမုးနီၪ မွဲဘၩ့မုးအဆိၩအကၠၪတၭ, အပၧၩ့ ဆၧအလးနီၪအီၪဝ့ၫအဆိၩဆိၩအကၠၪကၠၪလီၫ.
4 ယဝ့ၫဒၪစန့ၭဘူၫခၭန့ဇၫယီၩ, ယအီၪပွံၭလၧယဂံၪ့
5 ဖၧၩ့တၭ,ယဘီၪထၪ့ယီၫထၪ့လၧယနီးဖၧၩ့လီၫ.- ယ ဒၪဘၪဆၧမံၫမးလၧအမၩၥၭမဲၪယၧၩတၭ, ယဆီၫ့မီၪ့ ဆၧလဖၪလၧယလးမံၫအဖၧၩ့, ဒဲယဒၪဆၧလၧယၫ
6 လဖၪနီၪမၩခိယၥၭလီၫ.- တၭယလူလၩ့ဘဲၫၥိၭၦမိဂဲၫ ဆိၬကယဲဘၭဘလၧၫ့အၡၩကိၪ့ဆၧၥ့ၪ လၧယမ့ၬယၫ ဘဲၫၥိၭအမိဒုၭၥ့ၪယၫယၧၩ လၧဆၧမံၫမးနီၪ အခီၫပ
7 ယီၫလီၫ.- ထီးနီၪလဖၧၫ့ၦကွ့ၭလံၬၥံၪၦၥ့ၪဆၧအူၪဆၧ ပီၩၥံၪ,ၦခၫလဒံအၫဖိၪၥံၪ, ဒဲၦယိၡၪၥ့ၪလဖၪ, ယလီၩ ထဲၩ့ဆၧမံၫမးနီၪလၧအဝ့ၫၥံၪအမ့ၬယၫလီၫ. မွဲလါနၫ့ တၭ,အဝ့ၫၥံၪဒုၭၥ့ၪယၫယၧၩ လၧအခီၫပယီၫအ့ၬ.
8 တၭလၧခဲၫ့ထုၬနီၪ စဒၫ့နအ့လၭဂဲၫနုၬ လၧယမ့ၬယၫ (အမံၩ့မွဲဘ့ၫလၭတၡၭဇၫဘၪလၩ့ဎိၭ လၧယယွၩအ မံၩ့နီၪယွၩဆံၫ့ဎံၪလဖၪ အၥၭအီၪဝ့ၫလၧအဖၧၩ့တၭ,) ယလီၩထဲၩ့ဆၧမံၫမးနီၪလၧအမ့ၬယၫလီၫ.
9 ၦကွ့ၭလံၬအၦဒိၪအခိၪ စဘ့ၫလၭတၡၭဇၫဧ့,မွဲ ယၥ့ၪယၫလၧယွၩဆံၫ့ဎံၪလဖၪ အၥၭအီၪဝ့ၫလၧနဖၧၩ့ တၭ,ဆၧအီၪၥူၪဝ့ၫနီၪ လမၩခိမၩဝီၩဘၪနၧၩနးမံၩ့, တၭဆၧလၧယဒၪဘၪလၧယၫလခီၫ, ဒဲအခီၫပယီၫနီၪ
10 လီၩဘၪယၧၩနးထံၪဘီၪ.- ဆၧလၧယခိၪဎွံၪအဒၪဆၧ လၧယၫလခီၫ လၧယလးမံၫအဖၧၩ့မွဲအယီၩ, ယယိ ဆၧတၭ,ယိခွါ, ၥံၪ့လထံၭအီၪဝ့ၫလၧဂၪ့ခိၪအၥၭကျၩ
11 တၭ,ထၪ့ထီၫဝ့ၫထီၫထီၫလ့ၬလီၫ.- ၥံၪ့နီၪဒိၪထၪ့ဝ့ၫ ဆီၪ့ထၪ့ဝ့ၫတၭ, အထၪ့ထီၫနီၪထၪ့ဘၭလၧမူၭခိၪတၭ,
12 ဖျီၪဝ့ၫလၧဂၪ့ခိၪထၧၫ့ဖျိၪ့ယၫအထုၬလီၫ.- အဒိၭအလၪ နီၪအီၪဝ့ၫလၧအဎံၫအလၩတၭ, အၥၪအီၪအၪအၪလ့ၬ တၭ,ဆၧအၪ့လၧဆၧထီးအလူၬအဂးနီၪ အီၪဝ့ၫလၧ အလီၩ့လီၫ. ဆၧဖိၪဆၧဎါလၧမံၩ့လၬကျၩ အီၪကဒုၩ လၧအဖၫ့လၬတၭ, ထိၪလၧဆၧဖိၭဖၫ့လဖၪအီၪဝ့ၫလၧ အထဲၩ့အကျၩတၭ, ကယဲဆၧယၪ ထီးအလူၬၥံၪအၪ့
13 ဆၧလၧအဝ့ၫလီၫ.- ယယိဆၧလၧယခိၪဎွံၪအဒၪဆၧ လၧယၫလခီၫလၧယလးမံၫဖၧၩ့တၭ, ယိခွါ,ၦခိၭဆၧ,
14 ၦဆံၫ့ဎံၪလဂၩဂဲၫလၩ့လၧမူၭခိၪလီၫ.- အဝ့ၫဒၪကိၭၡၭ ထၪ့တၭ,စံၭဝ့ၫဘဲၫယီၩ, ခူၬလၩ့ခွံၬၥံၪ့လထံၭနီၪတၭ, ဖ့ၬထ့ၬခွံၬအထဲၩ့အဖၫ့, ဒိၪလၩ့ခွံၬအဒိၭအလၪတၭ, မၩလၩ့ပြံၩလၩ့ပၩအၥၪလဖၪဆံၭ. မွဲဆၧဖိၪဆၧဎါ စဲၪ့ထၪ့ခွံၬလၧအဖၫ့လၬ, ဒဲထိၪၥံၪလံၪၥံၪလၧအထဲၩ့
15 အကျၩဆံၭ.- မွဲလါနၫ့ဒုၭအီၪလၩ့ထးအခိၪဆုၪ့လၧဂၪ့ ခိၪဖၧၩ့, အီၪဝ့ၫလၧၥွ့ၫထၭဒဲၥွ့ၫထီး, လၧမံၩ့လၬကျၩ အနၪ့ၥံၪမံၩ့ၥံၪအကျၩဆံၭ. မိဘၪစီၪလၧမူၭခိၪအဆၩ့ ထံၫအဖၧၩ့တၭ, အဂးမိအီၪဝ့ၫလၧဆၧဖိၪဆၧဎါအၥိၭ
16 လၧဂၪ့ခိၪအနၪ့ၥံၪမံၩ့ၥံၪအကျၩလီၫ.- အၥၭလကဲၪ လၧၩ့ဘၪၦၡၩအၥၭတၭ, ဆၧမိဖ့ၪလၫ့အဝ့ၫလၧဆၧ ဖိၪဆၧဎါအၥၭတၭ, ဆၧမိဆၧၫ့ထဲၩ့အလးနွ့ၫဘျၩ့လၧ
17 အဖၫ့ခိၪလီၫ.- ဆၧလမံၩ့ယီၩ, မွဲလၧၦခိၭဆၧလဖၪစ့ၩ ရၫ့ဆၧတၭ, ဆၧအလူလၩ့, ဒဲဆၧဆံၫ့ဎံၪလဖၪအဆၧ မၪလူၬလထံၪမွဲဆၧအၪ့ကံၩ့ဝ့ၫ ဘဲၫၥိၭၦလၧအမၧၫ့ဝ့ၫ လဖၪမိၥ့ၪယၫလၧဆၧထီၫထုၬလဂၩပၧၩ့ဆၧလၧၦၡၩ အဘၩ့အမုးအဖၧၩ့တၭ, ဖ့ၪလၫ့ဝ့ၫလၧထီးဒၪၦလၧအ ဘၪအၥၭလဂၩဂၩတၭ, အီၪက့ၪၦၡၪ့ထုၬလၧအဖၫ့ခိၪ
18 လီၫ.- အနီၪမွဲဆၧမံၫမးလၧယၧၩစဎွၩန့ၭဘူၫခၭန့ဇၫ ဒၪဘၪဝ့ၫလီၫ. ဘိၩ့နဲၪ့ယီၩနဝ့ၫဒၪဘ့ၫလၭတၡၭဇၫ ဧ့,ဖၭန့အခီၫပယီၫဆံၭ. အဂဲးဘဲၫယီၩ ၦကိၪ့ဆၧၥ့ၪ လၧယဘၩ့ယမုးအဖၧၩ့ထီးအလူၬနီၪ ဒုၭၥ့ၪယၫယၧၩ လၧအခီၫပယီၫၥ့ၪနးဂၩအ့ၬ. အ့ၪမွဲနဝ့ၫဒၪယီၩနၥ့ၪ လီၫ. အဂဲးဘဲၫယီၩ ယွၩဆံၫ့ဎံၪလဖၪ အၥၭအီၪဝ့ၫလၧ နဖၧၩ့လီၫ.
19 ထီးနီၪလဖၧၫ့ စဒၫ့နအ့လၭလၧအမံၩ့မွဲစဘ့ၫလၭ တၡၭဇၫအၥၭထီၫမံၫထီၫမၪဝ့ၫလဆိဖိၪတၭ, အဆၧဆီၫ့ မီၪ့မၩခိအၥၭလီၫ. စဎွၩချဲၩ့ဆၧၫ့ဆၧတၭ, စံၭဝ့ၫဒၪ, စဘ့ၫလၭတၡၭဇၫဧ့, မွဲဆၧမံၫမးဒဲအခီၫပယီၫနီၪထီး မၩခိမၩဝီၩနၥၭလဂ့ၩ. စဘ့ၫလၭတၡၭဇၫ စံၭဆၧၫ့ ဆၧတၭ,စံၭဝ့ၫဒၪ, ယကဆါဧ့, မွဲနဆၧမံၫမးနီၪဘၪ ၦလၧအမ့ၬလဲၩနၧၩတၭ, အခီၫပယီၫဘၪနဒုၪနဒၩၥံၪ
20 ဆံၭ.- ၥံၪ့လၧနဒၪဘၪဝ့ၫလထံၭလၧအဒိၪထၪ့, ဒဲဆီၪ့ ထၪ့တၭ,ထီၫဝ့ၫထၪ့ဘၭလၧမူၭခိၪတၭ, ဖျီၪဝ့ၫလၧဂၪ့
21 ခိၪထၧၫ့ဖျိၪ့ယၫ,- တၭအဒိၭအလၪနီၪအီၪလၧအဎံၫ အလၩတၭ, အၥၪအီၪဝ့ၫအၪအၪလ့ၬတၭ, ဆၧအၪ့ လၧဆၧထီးအလူၬအဂးအီၪဝ့ၫလၧအလီၩ့တၭ, ဆၧ ဖိၪဆၧဎါလၧမံၩ့လၬကျၩ အီၪဝ့ၫလၧအဖၫ့လၬတၭ, ထိၪၥံၪလံၪၥံၪလၧမူၭဖိၭဖၫ့နီၪ အီၪဝ့ၫအလးလၧအထဲၩ့
22 ကျၩတၭ,- မွဲနၧၩစဎွၩဧ့, နဒိၪထၪ့,ဒဲနဆီၪ့ထၪ့တၭ, နဆၧဒိၪနီၪဒိၪထၪ့, ထၪ့ဘၭလၧမူၭခိၪတၭ, နဘၩ့နမုး
23 နီၪထီၩ့လၧဂၪ့ခိၪအထုၬလီၫ.- တၭစဎွၩဒၪဘၪၦခိၭ ဆၧနီၪ,ၦဆံၫ့ဎံၪလဂၩဂဲၫလၩ့လၧမူၭခိၪ လၧအစံၭဝ့ၫ, ခူၬလၩ့ခွံၬၥံၪ့လထံၭနီၪတၭ, မၩဂၭဂီၩ့အဝ့ၫဆံၭး မွဲ လါနၫ့တၭ,ဒုၭအီၪလၩ့ထးအခိၪဆုၪ့ လၧဂၪ့ခိၪအဖၧၩ့, အီၪလၧၥွ့ၫထၭ, ဒဲၥွ့ၫထီးလၧမံၩ့လၬကျၩအနၪ့ၥံၪမံၩ့ ၥံၪအကျၩဆံၭ. တၭမိဘၪစီၪ လၧမူၭခိၪ အဆၩ့ထံၫ တၭ,အဂးမိအီၪဝ့ၫလၧဆၧဖိၪဆၧဎါ လၧမံၩ့လၬကျၩ အၥိၭထီးဆၧမိဆၧၫ့ထဲၩ့အလး နွ့ၫဘျၩ့လၧအဖၫ့ခိၪ
24 လီၫ.- အယီၩမွဲအခီၫပယီၫ, စဎွၩဧ့, မွဲဆၧထီၫထုၬ လဂၩအဆၧစ့ၩရၫ့ လၧအဘၪယကဆါ စဎွၩလီၫ.
25 တၭဆၧမိနၫ့ထၪ့ခွံၬနၧၩ လၧၦၡၩအကျၩတၭ, နအီၪ နလးမိအီၪဘၪလၧဆၧဖိၪဆၧဎါၥံၪ လၧမံၩ့လၬကျၩ အၥိၭတၭ, မိဒုၭအၪ့နၧၩ လၧနၪ့ၥံၪမံၩ့ၥံၪ ဘဲၫချီအၥိၭ တၭ,နလီၩ့မိဘၪစီၪလၧမူၭခိၪ အဆၩ့ထံၫအကျၩတၭ, ဆၧမိဆၧၫ့ထဲၩ့အလးနွ့ၫဘျၩ့ လၧနဖၫ့ခိၪထီးနၥ့ၪယၫ လၧဆၧထီၫထုၬလဂၩ ပၧၩ့ဆၧလၧၦၡၩ အဘၩ့အမုး အဖၫ့ခိၪတၭ, ဖ့ၪလၫ့ဝ့ၫလၧထီးဒၪၦလၧအဘၪအၥၭ
26 လဂၩဂၩလီၫ.- မွဲဆၧမၪလူၬဝ့ၫ ဒုၭအီၪလၩ့ထးၥံၪ့ခိၪ ဆုၪ့တၭ,ထီးနမိၥ့ၪယၫ မူၭခိၪပၧၩ့ဆၧအလးခဲၫ့နီၪန
27 ဘၩ့နမုးမိအီၪဂုးခၧၫ့လၧနစူၪဖၧၩ့လီၫ.- မၩအၥၭဘဲၫ နီၪတၭ,စဎွၩဧ့, ယဆၧဒုၭကိၪ့မွဲအဘၪနၥၭဆံၭ. မၩ ဆၧတီၩဆၧလီၩ့တၭ, မၩထ့ၬခွံၬ နဆၧဒဲၩဘၭတၭ, နၥုၪ့မိယီၫၥၭမိယီၫ ၦၡၪ့ဖိၪယၬဖိၪတၭ, မၩထ့ၬခွံၬ နဆၧအမၪဆံၭ. ဘၪလဘၪဆၧမိဒုၭယံၬထၪ့နဆၧအီၪ မုၬအီၪဎၩ့လီၫ.
28 ဆၧထီးအလူၬနီၪ လၩ့ဘၪစဎွၩန့ၭဘူၫခၭန့ဇၫ
29 လီၫ.- လၩလဆံၫနံၫဘံၪ့အထုၬနီၪ စဎွၩစဲၪ့လဲးလီၩ့ဝ့ၫ
30 လၧဘၭဘလၧၫ့ဘၩ့မုးအနီးဖၫ့ခိၪလီၫ.- စဎွၩချဲၩ့ဆၧ တၭ,စံၭဝ့ၫဒၪ, အယီၩမွဲဘၭဘလၧၫ့ဖၭဒိၪလၧယမၩ ကဲၪထၪ့ယဝ့ၫလၧယစီၩ့ဒိၪယမၩ့ထီၫ, ဒဲလၧယကယး ကဖးအလၩအဖၩ့အဂး, လၧဘၩ့ၥံၪမုးၥံၪအဂံၪ့အဂး မွဲအ့ၬဧၪ.
31 ဆၧချဲၩ့လထံၪနီၪ အီၪဒံၭလၧစဎွၩအနိၭအဘိၩ့ဘၭ တၭ,ဆၧအလူၥီၫလၩ့လၧမူၭခိၪစံၭဝ့ၫ, စဎွၩန့ၭဘူၫခၭ န့ဇၫဧ့, ဆၧစံၭနၧၩ, ဘၩ့ၥံၪမုးၥံၪနီၪ စဲၪ့ထၪ့ခွံၬလၧ
32 နအီၪလီၫ.- တၭဆၧမိနၫ့ထၪ့ခွံၬနၧၩ လၧၦၡၩအကျၩ တၭ,နအီၪအလးနီၪမိအီၪဝ့ၫ လၧဆၧဖိၪဆၧဎါလၧမံၩ့ လၬကျၩအၥိၭလီၫ. ဆၧမိဒုၭအၪ့နၧၩလၧနၪ့ၥံၪမံၩ့ၥံၪ ဘဲၫချီအၥိၭတၭ, ဆၧမိဆၧၫ့ထဲၩ့အလး နွ့ၫဘျၩ့လၧ နဖၫ့ခိၪထီးနၥ့ၪယၫ လၧဆၧထီၫထုၬပၧၩ့ဆၧလၧၦၡၩ အဘၩ့အမုးအဖၫ့ခိၪတၭ, ဖ့ၪလၫ့ဝ့ၫလၧထီးဒၪၦလၧ အဘၪအၥၭလဂၩဂၩလီၫ.
33 ဆၧချဲၩ့ဘၪဆဲၫ့လၧစန့ၭဘူၫခၭန့ဇၫနီၪ လၧၫ့ထၪ့ ဎွ့ၩထၪ့ချဲၫ့မၬတၭ, ဆၧနၫ့ထၪ့ခွံၬအဝ့ၫ လၧၦၡၩအ ကျၩတၭ,အၪ့နၪ့ၥံၪမံၩ့ၥံၪဘဲၫချီအၥိၭတၭ, ဘၪစီၪဝ့ၫ လၧမူၭခိၪအဆၩ့ထံၫအကျၩထီးအဆီၪ့ဂဲၫထၪ့ဝ့ၫဘဲၫ လံၬအၥိၭတၭ, အစူၪမံၪခၪ့မံၪထၪ့ဝ့ၫဘဲၫထိၪၥံၪလံၪ ၥံၪအၥိၭနီၪလီၫ.
34 ဆၧလၧမုနံၩလဖၪအထုၬနီၪ, ယဝ့ၫဒၪ,စန့ၭဘူၫခၭ န့ဇၫ,ယစၪ့ထၪ့ယမ့ၬ လၧမူၭခိၪတၭ, ယၥၭဂဲၫထဲၩ့ ထဲၩ့လၧယဖၧၩ့တၭ, ယဆိၪဂ့ၩ ဆၧထီၫထုၬလဂၩ တၭ,ယစံၭထၪ့အၪ့အူၭတၭ, ယမၩလၩဖၩ့ၦလၧအ မၧၫ့ဝ့ၫလၩ့ဆိၩလၩ့ကၠၪလဂၩနီၪလီၫ. အဂဲးဘဲၫယီၩ အပၧၩ့ဆၧအလးနီၪ အီၪဝ့ၫလၩ့ဆိၩလၩ့ကၠၪတၭ, အ
35 ဘၩ့အမုးအီၪဝ့ၫ အဆိၩဆိၩအကၠၪကၠၪလီၫ.- အဝ့ၫ အီၪက့ၪကယဲၦဂၪ့ခိၪဖိၪ ထီးအလူၬနီၪ လၧလမွဲဘၪ ဆၧနးမံၩ့တၭ, မၩဝ့ၫထီးဒၪအၥၭ လၧမူၭခိၪအၥုၭမု ခမျၧးအကျၩ,ဒဲလၧၦဂၪ့ခိၪဖိၪအကျၩတၭ, ၦပဒၩ့ထၬ အစူၪမွဲဂ့ၩ,ၦစံၭအဝ့ၫ, နမၩဘဲၫၥ့ၪလဲၪနီၪမွဲဂ့ၩ,ၥ့ၪနး ဂၩအ့ၬ.
36 ယၥၭနီၪဂဲၫထဲၩ့ထဲၩ့လၧယဖၧၩ့ ချဲၫ့မၬတၭ,ယဘၩ့ မုးအလၩအဖၩ့ ဒဲယကယးကဖး, ဒဲယဎံၫယလၩဂဲၫ ထဲၩ့ထဲၩ့လၧယအီၪတၭ, ယၡၩကိၪ့လိၬအၥၭ, ဒဲယၦ ဒိၪဖၭဒိၪလဖၪနီၪ အၪ့ဎၬထဲၩ့ယၧၩတၭ, ဆၧဒုၭအီၪ ထၪ့ယၧၩလၧယဘၩ့ယမုးအဖၫ့ခိၪတၭ, ဆၧအီၪက့ၪ အၪထၪ့ယကယးကဖးလီၫ.
37 ဘိၩ့နဲၪ့ယီၩယဝ့ၫဒၪ, စန့ၭဘူၫခၭန့ဇၫယီၩ,ယစံၭ ထၪ့အၪ့အူၭ, ဒဲအီၪက့ၪဒိၪအီၪက့ၪထီၫ, ဒဲမၩလၩဖၩ့ မူၭခိၪအစဎွၩလီၫ. အဆၧမၩထီးအလူၬနီၪ မွဲဆၧမွဲ ဆၧတီၩတၭ, အဖၧၩ့ၥၭလဖၪနီၪမွဲဆၧစ့ၩရၫ့တီၩတၭ, ၦလၧအအီၪက့ၪထၪ့ထီၫအၥၭလဖၪနီၪ, မွဲအဆၪ့လၩ့ အဝ့ၫၥံၪၥ့ၪလီၫ.