3
1 စဎွၩန့ၭဘူၫခၭန့ဇၫမၩကဲၪထၪ့ဆၧဂၩ့ထီၫ့ လၧအ ထၪ့ထီၫအဖျါဎူၫဆံၫ, ဒဲအဒၪ့ဎၩ့ဎူၫဖျါလီၫ. အီၪက့ၪ ဝ့ၫလၧဆၧပျၩ့ဒုရၫအဖၧၩ့ လၧခးဘၭဘလၧၫ့အဖၧၩ့ လီၫ.
2 တၭစဎွၩန့ၭဘူၫခၭန့ဇၫအၪ့မၧၫ့ ၦလ့ၩဒုၭအီၪကိၩ့ အီၪကီၪ့ၦဒိၪဖၭဒိၪ, ၦဒိၪၦၡါၥံၪ, ၦပၧၩ့ဆၧဖိၪၥံၪ, ၦ စ့ၩရၫ့ခွးၥံၪ, ၦပၧၩ့စ့ၩၥံၪ, ၦၥ့ၪဆၧၥီၪ့ဆၧၥၫ့ၥံၪ, ၦၥ့ၪ ဆၧမၪလူၬၥံၪ, ဒဲၦပၧၩ့ဆၧလၧခးဖိၪအဖၧၩ့ထီးအလူၬ ဘဲၫၥိၭအမိဂဲၫမၩဘိၪ့ဖလါဆၧဂၩ့ လၧစဎွၩန့ၭဘူၫခၭ န့ဇၫအီၪက့ၪထၪ့ဝ့ၫနီၪလီၫ.
3 ထီးနီၪလဖၧၫ့, ၦဒိၪၦၡါၥံၪ, ၦပၧၩ့ဆၧၥံၪ,ၦစ့ၩရၫ့ ခွးၥံၪ,ၦပၧၩ့စ့ၩၥံၪ, ၦၥ့ၪဆၧၥီၪ့ဆၧၥၫ့ၥံၪ, ၦၥ့ၪဆၧမၪ လူၬၥံၪဒဲၦပၧၩ့ဆၧလၧခးဖိၪအဖၧၩ့ ထီးအလူၬနီၪအီၪ ကိၩ့အီၪကီၪ့ဘဲၫၥိၭ အမိမၩဘိၪ့ဖလါဆၧဂၩ့လၧစဎွၩ န့ၭဘူၫခၭန့ဇၫအီၪက့ၪထၪ့ဝ့ၫတၭ, အဝ့ၫၥံၪဆၧၫ့ထုၪ့ ဝ့ၫလၧဆၧဂၩ့လၧစဎွၩန့ၭဘူၫခၭန့ဇၫအီၪက့ၪထၪ့ဝ့ၫ နီၪအမ့ၬယၫလီၫ.
4 တၭၦကိၭဆၧလဂၩနီၪကိၭၡၭထၪ့ဆၧ, ၦခမျၧးလ ဖၪ,ၦဆၨၩလဖၪ, ဒဲၦချဲၩ့ဆၧအလၨကိၭဆၨၩဒ့ၭၥံၪ
5 ဧ့,ဆၧမၪလူၬနၥံၪ,- ထီးအထီလၧနၥံၪနါဂၧၫ့ခွ့ၩ,ပံၩ, နါဒံၩ့,ခနၭ,ၥၫ့ထီး, ဖီးနံၫဘီၩ့လမံၩ့, ဒဲကယဲဆၧၥံၫ ကျံၩအၥီၫတၭ, နၥံၪမိဘၪထွံၩလၩ့ နၥံၪအၥၭတၭ, ဘၩထၪ့ဆၧဂၩ့ထီၫ့ လၧစဎွၩန့ၭဘူၫခၭန့ဇၫအီၪက့ၪ
6 ထၪ့ဝ့ၫလီၫ.- ထီးဒၪၦလၧအလထွံၩလၩ့ဘၪအၥၭတၭ, လဘၩဘၪဝ့ၫလဂၩလါလါနီၪ, ဆၧမိခွံၬလၩ့ခွံၬဝ့ၫ
7 လၧမ့ၪခဲၩထၪ့အဖံၫ့ချၪဖၧၩ့နီၪချဲၫ့မၬလီၫ.- မၩအၥၭ ဘဲၫနီၪတၭ, ထီးအထီလၧၦကိၭဆၨၩဒ့ၭ နါဂၧၫ့ခွ့ၩ, ပံၩ,နါဒံၩ့,ခနၭ, ၥၫ့ထီး,ဒဲကယဲဆၧၥံၫကျံၩအၥီၫတၭ, ၦခမျၧးလဖၪ, ၦဆၨၩလဖၪ, ဒဲၦချဲၩ့ဆၧအလၨကိၭ ဆၨၩဒ့ၭထီးအလူၬနီၪ ထွံၩလၩ့အၥၭတၭ, ဘၩထၪ့ ဆၧဂၩ့ထီၫ့လၧစဎွၩ န့ၭဘူၫခၭန့ဇၫ အီၪက့ၪထၪ့ဝ့ၫ နီၪလီၫ.
8 မၩအၥၭဘဲၫနီၪတၭ, ၦၡၩ,ၦခၫလဒံအၫဖိၪၥံၪလ နၩ့ၥုၭဘူၭအၥၭတၭ, အီၪက့ၪဆၧမၪလၧၦယုဒၫဖိၪၥံၪ
9 အလီၩ့လီၫ.- အဝ့ၫၥံၪချဲၩ့ဆၧလၧစဎွၩန့ၭဘူၫခၭန့ဇၫ
10 တၭ,စံၭဝ့ၫ,မွဲစဎွၩမၧၫ့ဝ့ၫလၩ့ဆိၩလၩ့ကၠၪဆံၭ.- နဝ့ၫ ဒၪစဎွၩဧ့, နလူလၩ့လၧကယဲၦၡၩလၧအနါဂၧၫ့ခွ့ၩ,ပံၩ, နါဒံၩ့,ခနၭ,ၥၫ့ထီး, ဖီးနံၫဘီၩ့လမံၩ့, ဒဲကယဲဆၧၥံၫ ကျံၩအၥီၫလဂၩလါလါနီၪ မိဘၪထွံၩလၩ့အၥၭတၭ,
11 ဘၩထၪ့ဆၧဂၩ့ထီၫ့,- တၭထီးဒၪၦလၧအလထွံၩလၩ့ ဘၪအၥၭတၭ, လဘၩထၪ့ဘၪလဂၩဂၩနီၪ, ဆၧမိဘၪ
12 ခွံၬလၩ့ခွံၬအဝ့ၫလၧမ့ၪခဲၩအဖံၫ့ချၪဖၧၩ့နီၪလီၫ.- ၦၡၩ ၦယုဒၫဖိၪၥံၪလနၩ့ လၧနအီၪက့ၪလၩ့ လၧခးဘၭဘ လၧၫ့အဆၧမၩအဖၫ့ခိၪ, စၡၫဒၭ,စမံၡ့ၭ, ဒဲစအဘ့ၫ ဒန့ဂိၫလဖၪနီၪအီၪဝ့ၫလီၫ. စဎွၩဧ့, အဝ့ၫၥံၪဒူၩယၪ့ နၧၩအ့ၬ,လမၩဘၪနကဆါလဖၪအဆၧတၭ, ဘၩဆၧ ဂၩ့ထီၫ့လၧနအီၪက့ၪထၪ့ဝ့ၫနီၪဆ့အ့ၬ.
13 တၭစန့ၭဘူၫခၭန့ဇၫ မၪလူၬဝ့ၫလၧအၥၭထၪ့ဒဲအ ၥၭခဲၩထၪ့ဘဲၫၥိၭၦမိဂဲၫဆိၬ စၡၫဒၭ, စမံၡ့ၭ, ဒဲစအ ဘ့ၫဒန့ဂိၫတၭ, အဝ့ၫၥံၪဂဲၫဆိၬၦလဖၪနီၪလၧစဎွၩအ
14 မ့ၬယၫလီၫ.- တၭစန့ၭဘူၫခၭန့ဇၫ ချဲၩ့ဆၧလၧအဝ့ၫ ၥံၪတၭစံၭဝ့ၫ, စၡၫဒၭ,စမံၡ့ၭ ဒဲစအဘ့ၫဒန့ဂိၫၥံၪဧ့, မွဲနၥံၪအီၪက့ၪနၥံၪအၥၭ လၧနၥံၪလမၩဘၪယယွၩလ ဖၪအဆၧ, နၥံၪလဘၩထၪ့ဘၪဆၧဂၩ့ထီၫ့လၧယအီၪ
15 က့ၪထၪ့ဝ့ၫနီၪဆ့ဧၪ.- ဘိၩ့နဲၪ့ယီၩ, ထီးအထီလၧနၥံၪ နါဂၧၫ့ခွ့ၩ, ပံၩ,နါဒံၩ့, ခနၭ,ၥၫ့ထီး, ဖီးနံၫဘီၩ့လမံၩ့, ဒဲကယဲဆၧၥံၫကျံၩအၥီၫနီၪ နၥံၪအ့ၪတဲၩ့ဝဲၩနၥံၪအၥၭ တၭ,နၥံၪအ့ၪထွံၩလၩ့နၥံၪအၥၭ ဒဲဘၩဆၧဂၩ့လၧယ မၩကဲၪထၪ့ဝ့ၫနီၪတၭ, ဂ့ၩယူၭ, အ့ၪမွဲနၥံၪအ့ၪလဘၩ ထၪ့ဘၪတၭ, နၥံၪမိဘၪဆၧခွံၬလၩ့ခွံၬနၥံၪလၧမ့ၪခဲၩ အဖံၫ့ချၪဖၧၩ့လၧနၩရံၩနီၪလီၫ. တၭယွၩလၧအမိမၩ ဖီၩ့ဖျ့ၭနၥံၪလၧယစူၪဖၧၩ့နီၪ, မွဲပလၫလဂၩလဲၪ.
16 စၡၫဒၭ, စမံၡ့ၭ,ဒဲစအဘ့ၫဒန့ဂိၫနီၪ စံၭဆၧၫ့စ ဎွၩန့ၭဘူၫခၭန့ဇၫတၭ စံၭဝ့ၫဒၪ, ပစံၭဆၧၫ့ဆၧလၧဆၧ
17 လမံၩ့ယီၩအဂဲးနီၪအလးအီၪအ့ၬ.- ယိခွါ,ပယွၩလၧ ပမၩအဆၧလဂၩနီၪ, မၩဖီၩ့မၩဖျ့ၭပၧၩလၧမ့ၪခဲၩအ ဖံၫ့ချၪဖၧၩ့ၥ့ၪတၭ, မွဲအမိမၩဖီၩ့မၩဖျ့ၭပၧၩ လၧနစူၪ
18 ဖၧၩ့ဆ့,စဎွၩဧ့,- အ့ၪလမွဲဘၪဘဲၫနီၪတၭ, စဎွၩဧ့,လၧ ပလမၩဘၪနယွၩလဖၪအဆၧ, ပလဘၩထၪ့ဘၪနဆၧ ဂၩ့ထီၫ့လၧနအီၪက့ၪထၪ့နီၪ, ၥ့ၪယၫနဝ့ၫဒၪဆံၭ.
19 ထီးနီၪလဖၧၫ့ စန့ၭဘူၫခၭန့ဇၫ အၥၭထၪ့ဎွ့ၩတံၭ တၭ,အမ့ၬအခံးအဂၩ့လၩ့မဲၩဒၪဆၧထၫ့ဒၩစၡၫဒၭ, စမံၡ့ၭ,ဒဲစအဘ့ၫဒန့ဂိၫလီၫ. တၭမၪလူၬဝ့ၫ လၧၦမိ
20 ဘၪမၩဖံၫ့ချၪဖၧၩ့နီၪခိနဲၪ့အလးနွ့ၫဘျၩ့လီၫ.- တၭမၪ လူၬၦအဂဲးဆီၪ့အဘၭဆီၪ့ လၧၦၥုၭမုအကျၩလဖၪ, ဘဲၫၥိၭအမိစၧၩ့ထၬစၡၫဒၭ, စမံၡ့ၭ,ဒဲစအဘ့ၫဒန့ဂိၫ တၭ,ခွံၬလၩ့ခွံၬအဝ့ၫၥံၪ လၧမ့ၪခဲၩအဖံၫ့ချၪဖၧၩ့လီၫ.
21 ထီးနီၪလဖၧၫ့ၦစၧၩ့ထၬအဝ့ၫၥံၪနီၪ အီၪလၧအဆၧဖျၪ့ ခဲၫ့,ဒဲအဆဲၫ့, ဒဲအဖၬဘဲၩ့,ဒဲအဆၧကီၩ့ဆၧၥိၭအဂူၫ ဂၩတၭ,ခွံၬလၩ့ခွံၬဝ့ၫလၧမ့ၪခဲၩအဖံၫ့ချၪဖၧၩ့ အၥၭ
22 ကျၩလီၫ.- မၩအၥၭဘဲၫနီၪတၭ, စဎွၩအဆၧမၪလူၬ ဆီၪ့ဝ့ၫ,ဒဲဖံၫ့ချၪဖၧၩ့နီၪခိနၭနၭလ့ၬအကၠီၩ့တၭ, မ့ၪလၪ ဖျဲၩ့စိၩအၪ့ၥံၫၦၡၩလၧအဆိၬထၪ့စၡၫဒၭ, စမံၡ့ၭ,ဒဲ
23 စအဘ့ၫဒန့ဂိၫလီၫ.- တၭစၡၫဒၭ, စမံၡ့ၭ,ဒဲစအဘ့ၫဒ န့ဂိၫၥၧၫ့ဂၩနီၪလၩ့ထ့ၬစၧၩ့ထၬအၥၭ လၧမ့ၪခဲၩအဖံၫ့ ချၪဖၧၩ့အၥၭကျၩလီၫ.
24 ထီးနီၪလဖၧၫ့စဎွၩန့ၭဘူၫခၭန့ဇၫနီၪ မၩထၪ့အၥၭ ထီၫမံၫထီၫမၪတၭ, ဂဲထုၪ့ချဲၫ့ချဲၫ့တၭချဲၩ့ဆၧတၭ,စံၭ အၡၩကိၪ့လိၬအၥၭလဖၪနီၪ, ပခွံၬလၩ့ခွံၬၦဘၪစၧၩ့ ထၬဝ့ၫၥၧၫ့ဂၩလၧမ့ၪအကျၩနီၪမွဲအ့ၬဧၪ. အဝ့ၫၥံၪစံၭ
25 ဆၧၫ့ဆၧလၧစဎွၩတၭ, စံၭဝ့ၫ,မွဲယူၭ,စဎွၩဧ့,- အဝ့ၫ နီၪစံၭဆၧၫ့ဝ့ၫဒၪတၭ, စံၭဝ့ၫ,ယိခွါ, ယဒၪဘၪၦအီၪ ပျီၩဖျ့ၭဝ့ၫလံဂၩ, လ့ၩဆၧလၧမ့ၪအကျၩတၭ, ဘၪဆၧ အၧၩ့နးမံၩ့အ့ၬ. တၭအဝ့ၫၥံၪလံဂၩလဂၩနီၪ,အခံးအ ဂၩ့မၩအၥၭဘဲၫယွၩအဖိၪခွၫလဂၩအၥိၭနီၪလီၫ.
26 ထီးနီၪလဖၧၫ့စန့ၭဘူၫခၭန့ဇၫၥုၭဘူၭအၥၭလၧမ့ၪ ဖံၫ့ချၪအခိၪထိၭလီၫ. ချဲၩ့ဆၧတၭ, စံၭဝ့ၫဒၪ, ယွၩအ ထီၫထုၬအခ့ၫအၡၩ, စၡၫဒၭ,စမံၡ့ၭ, ဒဲစအဘ့ၫဒန့ဂိၫ ၥံၪဧ့,စဲၪ့ထၪ့ခွံၬတၭ, ဂဲၫထၪ့ဘီၪ. ထီးနီၪလဖၧၫ့စၡၫ ဒၭ,စမံၡ့ၭ, ဒဲစအဘ့ၫဒန့ဂိၫစဲၪ့ထၪ့ခွံၬဝ့ၫလၧမ့ၪကျၩ လီၫ.
27 တၭၦဒိၪဖၭဒိၪၥံၪ, ၦဒိၪၦၡါၥံၪ, ၦပၧၩ့ဆၧၥံၪ, ဒဲ စဎွၩအၡၩကိၪ့လိၬအၥၭလဖၪ အီၪကိၩ့အီၪကီၪ့ဝ့ၫ တၭ,ယိၦလဖၪယီၩတၭ, မ့ၪအၧၩ့အစီၩ့အမၩ့လအီၪ ဘၪလၧအမိၡါအလီၩ့နးမံၩ့, ဒဲအခိၪၥူၫလခိဂိၬဘၪနး ဘီၩ့,ဒဲအဆၧဖျၪ့ခဲၫ့အီၪဒၪအဆၧတၭ, မ့ၪအနၧၫ့ဎိၪ ဘၪအဝ့ၫၥံၪအ့ၬ.
28 ထီးနီၪလဖၧၫ့စန့ၭဘူၫခၭန့ဇၫ, ချဲၩ့ဆၧတၭ, စံၭဝ့ၫ ဒၪ,စၡၫဒၭ,စမံၡ့ၭ, ဒဲစအဘ့ၫဒန့ဂိၫလဖၪအယွၩလၧ အအၪ့မၧၫ့လၩ့အၥီၫ့လဂၩတၭ, မၩဖီၩ့မၩဖျ့ၭအခ့ၫ အၡၩလၧအဒိၭနဲၩ့အၥၭလၧအဝ့ၫတၭ, လၨခၫ့ဖၬ စဎွၩအဆၧမၪလူၬတၭ, ဖ့ၪလၫ့ခွံၬအနၫ့ဆါဘဲၫၥိၭ, အ့ၪလမွဲဘၪအယွၩဒၪဝ့ၫလဂၩ, အထီးမၩယွၩဂူၫဂၩ အဆၧ,အထီးဘၩဝ့ၫလဂ့ၩလဂၩနီၪ, မွဲအဘၪဆၧ ဆိၪဂ့ၩဝ့ၫဆံၭ.
29 မၩအၥၭဘဲၫနီၪတၭ, ယလူလၩ့လၧကယဲၦခမျၧး, ၦဆၨၩလဖၪ, ဒဲၦချဲၩ့ဆၧအလၨကိၭဆၨၩဒ့ၭလၧအ ချဲၩ့မၪဘၪစၡၫဒၭ, စမံၡ့ၭ, ဒဲစအဘ့ၫဒန့ဂိၫလဖၪအ ယွၩလဂၩလါလါနီၪ, ဆၧမိဒၪ့ထ့ၬခွံၬဝ့ၫ လကုၭလ ကုၭတၭ, အဂံၪ့မိကဲၪထၪ့ဆၧအ့ၪအလးလီၫ. အဂဲး ဘဲၫယီၩယွၩအဂူၫဂၩ လၧအမၩဖီၩ့မၩဖျ့ၭဆၧဘဲၫယီၩ အၥိၭအီၪနးဂၩအ့ၬ.
30 ထီးနီၪလဖၧၫ့စဎွၩဒုၭဘီၪထၪ့ယီၫထၪ့ စၡၫဒၭ, စမံၡ့ၭ, ဒဲစအဘ့ၫဒန့ဂိၫ လၧခးဘၭဘလၧၫ့အဖၧၩ့ လီၫ.