2
1 တၭလၧစန့ၭဘူၫခၭန့ဇၫကဲၪစဎွၩ အနံၪ့နံၫနံၪ့လနံၪ့ နီၪစန့ၭဘူၫခၭန့ဇၫမံၫမးဆၧမံၫမးလဖၪတၭ, အၥၭ
2 ခိထၪ့တၭမံၫလန့ဘၪလီၫ.- တၭစဎွၩမၪလူၬဆၧလၧ ၦဘၪကိၭၦကွ့ၭလံၬဒဲၦၥ့ၪဆၧအူၪဆၧပီၩ, ဒဲၦမၩက ဒၩၦမ့ၬ, ဒဲၦခၫလဒံအၫဖိၪၥံၪဘဲၫၥိၭအမိဒုၭနဲၪစဎွၩ လၧအဆၧမံၫမးလဖၪလီၫ. အဝ့ၫၥံၪဂဲၫဝ့ၫတၭ, ဆၧၫ့
3 ထုၪ့လၧစဎွၩအမ့ၬယၫလီၫ.- တၭစဎွၩစံၭအဝ့ၫၥံၪ, ယမံၫမးဆၧမံၫမးတၭ, ယၥၭခိထၪ့ဘဲၫၥိၭယမိၥ့ၪယၫ ဆၧမံၫမးလီၫ.
4 ထီးနီၪလဖၧၫ့ ၦခၫလဒံအၫဖိၪၥံၪစံၭစဎွၩလၧၦအ မံနအၫဖိၪအလၨ, မွဲစဎွၩမၧၫ့ဝ့ၫလၩ့ဆိၩလၩ့ကၠၪဆံၭ. လီၩဘၪနခ့ၫနၡၩ လၧဆၧမံၫမးနီၪဘီၪး တၭပမိဖၭန့ အခီၫပယီၫလီၫ.
5 စဎွၩစံၭဆၧၫ့ဆၧတၭ, စံၭၦခၫလဒံအၫဖိၪၥံၪ, ဆၧ ချဲၩ့ထၪ့ဖျ့ၭယူၭလၧယနိၭယူၭ, နၥံၪအ့ၪလဒုၭၥ့ၪယၫ ဘၪယၧၩလၧဆၧမံၫမး, ဒဲအခီၫပယီၫတၭ, ဆၧမိဒၪ့ထ့ၬ ခွံၬနၥံၪလကုၭလကုၭတၭ, နၥံၪအဂံၪ့မိကဲၪထၪ့ဆၧအ့ၪ
6 အလးလီၫ.- အ့ၪမွဲနၥံၪအ့ၪဒုၭၥ့ၪယၫယၧၩလၧဆၧမံၫ မးဒဲအခီၫပယီၫတၭ, နၥံၪမိန့ဘၪလၬဆီၪ့လဖၪ,ဒဲဆၧ ဖ့ၪလၫ့လဖၪ ဒဲဆၧလၩဖၩ့ဖၭဒိၪလၧယၧၩလီၫ. မၩ အၥၭဘဲၫနီၪတၭ, ဒုၭနဲၪယၧၩလၧဆၧမံၫမးနီၪဒဲအခီၫ ပယီၫဆ့ဆံၭ.
7 အဝ့ၫၥံၪစံၭဆၧၫ့ဒီၭတၭ,စံၭဝ့ၫ, မွဲစဎွၩလီၩဘၪ အခ့ၫအၡၩလၧဆၧမံၫမးနီၪဆံၭ. တၭပမိဒုၭနဲၪအခီၫ ပယီၫနီၪလီၫ.
8 စဎွၩစံၭဆၧၫ့ဆၧတၭစံၭဝ့ၫဒၪ, ယၥ့ၪယၫလၩ့ထံး လၩ့ဆ့ၭလၧနၥံၪမိၥုၭနံၩၥုၭၥၫ့, အဂဲးဘဲၫယီၩ နၥံၪ
9 နါဂၧၫ့ယူၭဆၧချဲၩ့ထၪ့ဖျ့ၭယူၭ လၧယနိၭယူၭ.- နၥံၪ အ့ၪလဒုၭၥ့ၪယၫဘၪယၧၩ လၧဆၧမံၫမးနီၪတၭ,မွဲနၥံၪ ကိၪ့ဆၧလမံၩ့, နၥံၪအုၩ့လၩ့လိၬနၥံၪအၥၭလၧနၥံၪမိ ချဲၩ့ဆၧချဲၩ့အဘျံၭအဘျၪတၭ, အၪ့လီၫန့ဆၧလၧယ မ့ၬယၫထီးအဆၧၫ့အထီဖီၩ့ခွံၬဝ့ၫလီၫ. မၩအၥၭဘဲၫ နီၪတၭ,လီၩဘၪယၧၩလၧဆၧမံၫမးနီၪဆံၭ, တၭယမိ ၥ့ၪယၫလၧနၥံၪဖၭအခီၫပယီၫၥ့ၪလီၫ.
10 ၦခၫလဒံအၫဖိၪၥံၪစံၭဆၧၫ့ဆၧလၧ စဎွၩအမ့ၬယၫ တၭ,စံၭဝ့ၫဒၪ, ၦလၧအမိစံၭဆၧၫ့စဎွၩအဆၧလမံၩ့ နီၪအီၪလၧဂၪ့ခိၪချိၫ့ယီၩနးဂၩအ့ၬ. မၩအၥၭဘဲၫနီၪ တၭ,စဎွၩအဒိၪအထီၫ, လၧအစီၩ့ဒိၪအမၩ့ထီၫအၪ့ ကံၩ့ဆၧလမံၩ့ ဘဲၫနီၪအၥိၭလၧၦကွ့ၭလံၬ, ၦၥ့ၪဆၧ
11 အူၪဆၧပီၩ,ၦခၫလဒံအၫဖိၪၥံၪနးဂၩအ့ၬ.- တၭဆၧ လၧစဎွၩအၪ့ကံၩ့ဝ့ၫလမံၩ့နီၪ, မွဲဆၧကၪလမံၩ့လီၫ. အ့ၪလမွဲဘၪကဆါလဖၪ လၧအလအီၪဘၪလၧဆၧ ဖံၭဆၧယၪအဖၧၩ့တၭ, ဆၧဒုၭနဲၪလၧစဎွၩအမ့ၬယၫ ၥ့ၪအီၪနးဂၩအ့ၬ.
12 မၩအၥၭဘဲၫနီၪတၭ, စဎွၩၥၭထၪ့ဒဲၥၭခဲၩထၪ့တၭ, မၪလူၬဝ့ၫလၧၦမိဘၪမၩၥံၫ ကယဲၦကိၪ့ၥ့ၪလၧဘၭဘ
13 လၧၫ့အဖၧၩ့ထီးအလူၬလီၫ.- တၭဆၧအလူလၩ့လၧၦ မိဘၪမၩၥံၫၦကိၪ့ဆၧၥ့ၪလီၫ. တၭၦအၪ့ဎၬစဒၫ့နအ့ လၭဒဲအၥိၭလဖၪဘဲၫၥိၭအမိမၩၥံၫဝ့ၫလီၫ.
14 ထီးနီၪလဖၧၫ့ စဒၫ့နအ့လၭအီၪလၧဆၧကိၪ့ဆၧဆၭ, ဒဲဆၧကိၪ့ၥ့ၪကိၪ့ဘၪစံၭဆၧၫ့စဎွၩ အၡၩမၩၥံၫဆၧအ ခိၪစအၫရအီၭ လၧအလ့ၩထၪ့ဝ့ၫဘဲၫၥိၭအမိမၩၥံၫ
15 ဘၭဘလၧၫ့ အၡၩကိၪ့ဆၧၥ့ၪလဖၪ,- အဝ့ၫဒၪစံၭ ဆၧၫ့ဆၧတၭ, စံၭစဎွၩအၦဒိၪစအၫရအီၭနီၪး မွဲဘၪ နီၫလၫလၧစဎွၩအဆၧမၪလူၬ အီၪထၪ့ချဲၫ့ဖိၭဘိၭယီၩ လဲၪ. တၭစအၫရအီၭဒုၭၥ့ၪယၫစဒၫ့နအ့လၭလၧဆၧ
16 နီၪလမံၩ့လီၫ.- စဒၫ့နအ့လၭလ့ၩနုၬ လၧစဎွၩအအီၪ တၭ,အၪ့ကံၩ့စဎွၩဖ့ၪလၫ့ဝ့ၫ လၧအဆၧၫ့အထီဘဲၫၥိၭ အမိဖၭန့အခီၫပယီၫလၧစဎွၩအမ့ၬယၫလီၫ.
17 ထီးနီၪလဖၧၫ့ စဒၫ့နအ့လၭ လ့ၩဝ့ၫလၧအဂံၪ့ဖၧၩ့ တၭး ဒုၭၥ့ၪယၫအၥိၭလဖၪ, စဟၫ့အနဲအၫ,စမၡ့ၫအ့
18 လၭ,ဒဲစအၭဇရဲအၫ,- ဘဲၫၥိၭအဝ့ၫၥံၪမိအၪ့ကံၩ့မူၭ ခိၪအယွၩအဆၧယၫ့ၥၭ လၧဆၧအီၪၥူၪလမံၩ့ယီၩအ ဂဲး,ဘဲၫၥိၭၦထီးမၩဂၭဂီၩ့ စဒၫ့နအ့လၭ ဒဲအၥိၭအီၪ လၧဘၭဘလၧၫ့အၡၩကိၪ့ဆၧၥ့ၪ အဂူၫဂၩလဖၪအ ၥိၭလဂ့ၩလီၫ.
19 ထီးနီၪလဖၧၫ့ဆၧနဲၪဖျီၪထၪ့ စဒၫ့နအ့လၭလၧဆၧ အီၪၥူၪလမံၩ့နီၪ, လၧဆၧဒၪဆၧလၧယၫအဖၧၩ့လၧမု နၩလခီၫတၭး စဒၫ့နအ့လၭစံၭထၪ့အၪ့အူၭမူၭခိၪအ ယွၩလီၫ.
20 စဒၫ့နအ့လၭချဲၩ့ဆၧတၭ, စံၭဝ့ၫဒၪ, မွဲယွၩဘၪဆၧ ဆိၪဂ့ၩအဆိၩဆိၩအကၠၪကၠၪဆံၭ. အဂဲးဘဲၫယီၩဆၧ ကိၪ့ၥ့ၪကိၪ့ဘၪဒဲဆၧအစီၩ့အမၩ့အီၪလၧအဝ့ၫလီၫ.
21 အဝ့ၫဒၪမွဲၦလၧအအၪ့လဲၩဆၧအဆၧၫ့အထီ, ဒဲအမု အလၩတၭး အီၪက့ၪလၩ့ခွံၬစဎွၩလဖၪ, ဒဲအီၪက့ၪ ထၪ့စဎွၩလဖၪ, ဖ့ၪလၫ့ဆၧကိၪ့ၥ့ၪ လၧၦကိၪ့ဆၧၥ့ၪ,
22 ဒဲဆၧၥ့ၪယၫနီၪလၧၦအၥုၪ့ဆၭအၥၭဆၭလီၫ.- အဝ့ၫ ဒၪနဲၪဖျီၪဆၧအယိၬဒဲဆၧအီၪၥူၪလီၫ. ၥ့ၪယၫဆၧအီၪ ဝ့ၫလၧဆၧခံၭကျၩတၭ, ဆၧဖၩ့အီၪဝ့ၫလၧအၥိၭလီၫ.
23 တၭယစံၭထၪ့အၪ့အူၭနခိးနတၩ, ယဖါလဖၪအယွၩ ဧ့,ယစံၭထၪ့အၪ့အူၭနၧၩလီၫ. အဂဲးဘဲၫယီၩနဖ့ၪလၫ့ ယၧၩလၧဆၧကိၪ့ၥ့ၪကိၪ့ဘၪ, ဒဲဆၧအစီၩ့အမၩ့တၭ, ဘိၩ့နဲၪ့ယီၩနဒုၭၥ့ၪယၫယူၭယၧၩ ဆၧလၧပအၪ့ကံၩ့ လၧနၧၩလီၫ. အဂဲးဘဲၫယီၩ နဒုၭၥ့ၪယၫပၧၩလၧစဎွၩ အဆၧလမံၩ့နီၪလီၫ.
24 မၩအၥၭဘဲၫနီၪတၭ, စဒၫ့နအ့လၭလ့ၩနုၬလၧစအၫ ရအီၭအအီၪလၧစဎွၩအီၪက့ၪလၩ့ဝ့ၫ လၧအမိမၩဂၭ ဂီၩ့ဘၭဘလၧၫ့အၡၩကိၪ့ဆၧၥ့ၪလီၫ. လ့ၩနုၬဝ့ၫတၭ, စံၭအဝ့ၫဘဲၫယီၩ, ထီးမၩဂၭဂီၩ့ ဘၭဘလၧၫ့ အၡၩ ကိၪ့ဆၧၥ့ၪလဂ့ၩး ၥိၫ့ယၧၩ လၧစဎွၩ အမ့ၬယၫတၭ,
25 ယမိဖၭအခီၫပယီၫလၧစဎွၩအမ့ၬယၫလီၫ.- ထီးနီၪ လဖၧၫ့စအၫရအီၭၥိၫ့ထၪ့စဒၫ့နအ့လၭ လၧစဎွၩအမ့ၬ ယၫချဲၫ့ချဲၫ့တၭ, စံၭအဝ့ၫဘဲၫယီၩ, ယဒၪန့ၦလၧၦယု ဒၫဖိၪၥံၪကဲၪဎီးအကျၩလဂၩ လၧအမိလီၩဘၪစဎွၩလၧ အခီၫပယီၫနီၪလီၫ.
26 စဎွၩချဲၩ့ထၪ့ဆၧတၭစံၭစဒၫ့နအ့လၭ လၧအမံၩ့မွဲ ဘ့ၫလၭတၡၭဇၫနီၪ, နဒုၭၥ့ၪယၫယၧၩလၧဆၧမံၫမး လၧယဒၪဘၪတၭ, ဖၭန့အခီၫပယီၫနီၪဘၪမိၥ့ၪဧၪ.
27 စဒၫ့နအ့လၭ စံၭဆၧၫ့ဆၧလၧစဎွၩအမ့ၬယၫတၭ, စံၭဝ့ၫဒၪ, ဆၧအီၪၥူၪလမံၩ့လၧစဎွၩအၪ့ကံၩ့ဝ့ၫနီၪ,ၦ ကိၪ့ဆၧၥ့ၪ, ၦၥ့ၪဆၧအူၪဆၧပီၩ, ၦကွ့ၭလံၬ, ၦယိၡၪ
28 ၥံၪၥ့ၪနီၪ, ဒုၭနဲၪစဎွၩၥ့ၪနးဂၩအ့ၬ.- မွဲလါနၫ့ဘိၩယွၩ အီၪဝ့ၫလၧမူၭခိၪလဂၩ, လၧအနဲၪဖျီၪဆၧအီၪၥူၪလ ဖၪတၭ,အဝ့ၫဒၪဒုၭၥ့ၪယၫ စဎွၩန့ၭဘူၫခၭန့ဇၫလၧ ဆၧလၧအမိမၩအၥၭ လၧမုနံၩလဖၪလၧယၫနီၪလီၫ. နဆၧမံၫမး, ဒဲနမ့ၬၥၪဒၪဆၧလၧယၫလခီၫလၧနလးမံၫ
29 အဖၧၩ့နီၪမွဲအယီၩ,- နဝ့ၫဒၪစဎွၩဧ့, နဆၧဆီၫ့မီၪ့ထၪ့ လၧနလးမံၫအဖၧၩ့ လၧဆၧလၧအမိမၩအၥၭလၧခဲၫ့ လၧယၫအဂဲးလီၫ. တၭၦလၧအနဲၪဖျီၪဆၧအီၪၥူၪနီၪ ဒုၭၥ့ၪယၫနၧၩလၧ ဆၧလၧအမိမၩအၥၭလၧနၧၩလီၫ.
30 တၭဆၧလၧယၧၩယီၩ, ဆၧအီၪၥူၪလမံၩ့ယီၩဖျီၪထၪ့ လၧယမ့ၬယၫမွဲလၧဆၧကိၪ့ၥ့ၪကိၪ့ဘၪ အီၪလၧယၧၩ ဒိၪနဲၪ့ဒံၭကယဲဆၧၥၭမၧၫ့နီၪမွဲအ့ၬ. မွဲဘဲၫၥိၭဆၧမိ ဒုၭၥ့ၪယၫစဎွၩလၧဆၧအခီၫပယီၫနီၪ, ဒဲဘဲၫၥိၭနမိၥ့ၪ ယၫနၥၭအဆၧဆီၫ့မီၪ့လီၫ.
31 နဝ့ၫဒၪစဎွၩဧ့,နယိဆၧတၭ, ယိခွါ,ဆၧဂၩ့ဖၭဒိၪ တၭ,မွဲအဒိၪအထီၫတၭ, ယုၩ့ယဲဒိၪမၬနီၪ,ဆၧၫ့ထုၪ့ လၧနမ့ၬယၫတၭ, အခံးအဂၩ့အီၪဝ့ၫလၧအကယးအ
32 ကဖးဒိၪလီၫ.- ဆၧအဂၩ့နီၪမွဲဘဲၫယီၩ, အခိၪဎွံၪမွဲထီၫ့ ဆံၫ့,အၥၭနၫဒဲအစူၪမွဲစ့ၩ, အဂူၭဖိၫ့ဒဲအကံၪထံၭနီၪမွဲ
33 ထီးဘၩ့,- အခၪ့ဒူၪမွဲထၭ, အခၪ့ယၫၥၭမွဲထၭလကုၭ
34 ဒဲဖံၬလကုၭလီၫ.- နယိဒံၭဆၧတၭ, ထီးအစူၪလအီၪ ဘၪနီၪ,ဆၧဖျၭန့ခွံၬလိးလဖျိၪ့ လၧအဘၪတီၩ့ဘၪထံၭ ဆၧဂၩ့အခၪ့လၧအမွဲထၭဒဲဖံၬနီၪတၭ, မၩလၩ့ဘျ့ၭဝ့ၫ
35 လီၫ.- ထီးနီၪလဖၧၫ့,ထၭ, ဖံၬ,ထီးဘၩ့, စ့ၩဒဲထီၫ့ လဖၪနီၪလၩ့ဎီးဝ့ၫစီၪ့ဎးတၭ, ကဲၪထၪ့ဆၧဘဲၫဖ့ၫလၧ ဆၧခိအထီအခရဲးဖၧၩ့အၥိၭနီၪတၭ, လံၩအူၪဒံၩခွံၬ ဝ့ၫတၭ,အလးအီၪလၧအဂးနးစီၪ့အ့ၬ. တၭလိးလၧအ ဘၪတီၩ့ဘၪထံၭဆၧဂၩ့နီၪ ကဲၪထၪ့ခိၪလီၩ့ဖၭဒိၪလ
36 ဖျိၪ့တၭ,မၩဎွ့ၩဂၪ့ခိၪထၧၫ့ဖျိၪ့ယၫလီၫ.- အနီၪမွဲဆၧ မံၫမးနီၪတၭ, ပမိဖၭန့အခီၫပယီၫလၧစဎွၩအမ့ၬယၫ လီၫ.
37 နဝ့ၫဒၪစဎွၩဧ့, နမွဲစဎွၩလဖၪအစဎွၩး အဂဲးဘဲၫ ယီၩမူၭခိၪအယွၩဖ့ၪလၫ့နၧၩ လၧဆၧအဘၩ့အမုး, ဒဲဆၧအစီၩ့အမၩ့, ဒဲဆၧအဂဲးအဘၭ, ဒဲဆၧလၩဖၩ့
38 လီၫ.- တၭထီးဒၪၦၡၩၥံၪအီၪဝ့ၫလစီၪ့လါလါနီၪ, အ ဝ့ၫဒၪဖ့ၪလၫ့ဆၧဖိၪဆၧဎါ လၧမံၩ့လၬကျၩ, ဒဲထိၪဖိၪ လံၪဖိၪလၧမူၭဖိၭဖၫ့လဖၪ လၧနစူၪဖၧၩ့တၭ,အီၪက့ၪ နၧၩလၧဆၧထီးအလူၬနီၪအခိၪလီၫ. နဝ့ၫဒၪယီၩ,နမွဲ
39 ဆၧခိၪဎွံၪထီၫ့လီၫ.- လၧနလးခဲၫ့နီၪဘၩ့မုးအဂူၫဂၩ ဆံၭနဲၪ့ဒံၭနၧၩ လဘၩ့မုးမိအီၪထၪ့တၭ, ဘၩ့မုးထီး ဘၩ့မွဲဘၩ့မုးအဂူၫဂၩ ၥၧၫ့ဘၩ့မုးလဘၩ့မုးလၧအမိ
40 စ့ၩရၫ့ဂၪ့ခိၪထၧၫ့ဖျိၪ့ယၫမိအီၪထၪ့လီၫ.- အဘၩ့အမုး လံဘၩ့မုးလဘၩ့မုးနီၪ မိဆီၪ့ဝ့ၫ ဘဲၫထၭအၥိၭလီၫ. ဘဲၫထၭမၩခါခွံၬဒဲမၩလၩ့ဘျ့ၭခွံၬ ကယဲဆၧလမံၩ့လါ လါအၥိၭတၭ ဘဲၫထၭမၩလၩ့ဘျ့ၭဆၧလဖၪအၥိၭနီၪ မိမၩလၩ့ဘျ့ၭဝ့ၫတၭ, မၩလၩ့ဎဲးလၩ့မုၬလၩ့မၫ့ထီး
41 အလူၬနီၪလီၫ.- မွဲနဒၪဘၪအခၪ့ယၫၥၭဒဲအခၪ့နိၩ့လ ဖၪလၧအမွဲဖံၬလနၩ့ဒဲထၭလနၩ့တၭ, ဘၩ့မုးမိလၩ့မု လၩ့ဖၭလါနၫ့တၭ, ထၭအဂဲးအဘၭဘဲၫထၭအၥိၭမိ အီၪဝ့ၫလၧအဖၧၩ့, အဂဲးဘဲၫယီၩနဒၪဘၪထၭအီၪဎုၬ
42 လၧဖံၬလီၫ.- ခၪ့နိၩ့လဖၪမွဲထၭလနၩ့ဒဲဖံၬလနၩ့တၭ,
43 ဘၩ့မုးမိဆီၪ့လနၩ့, ဒဲမိဘူၪလနၩ့လီၫ.- မွဲနဒၪဘၪထၭ အီၪဎုၬလၧဖံၬတၭ, မိမၩဎုၬအၥၭလၧၦၡၩအချံၫအၥၪ လါနၩ့တၭ, လမိဘုၭထၬလိၬဘၪအၥၭလဂၩဒဲလဂၩ, ယိခွါ,ဘဲၫထၭလအီၪဎုၬဘၪ လၧဖံၬအၥိၭနီၪလီၫ.
44 ဆၧလၧစဎွၩလဖၪနီၪ အမုနံၩအထးဖၧၩ့တၭ, မူၭခိၪ အယွၩမိအီၪက့ၪလၩ့ဘၩ့မုးနးဘၩ့မုး လၧအလမိဂၭ ဂီၩ့ဘၪလၩ့ဆိၩလၩ့ကၠၪလီၫ. တၭဘၩ့မုးနီၪအီၪလၩ့ ထးဘၪဝ့ၫလၧၦဂူၫဂၩ လဆၨၩအဂးအ့ၬ. မိမၩလၩ့ ဘျ့ၭခွံၬအဝ့ၫၥံၪတၭ, မိမၩလူၬခွံၬဘၩ့မုးလဖၪနီၪထီး အလူၬ,အ့ၪမွဲအဝ့ၫနီၪ မိအီၪဂုးခၧၫ့ဝ့ၫ လၩ့ဆိၩလၩ့
45 ကၠၪလီၫ.- မွဲနဒၪဆၧလၧအစူၪလအီၪဘၪတၭ, ဆၧ ဖျၭန့ခွံၬလိးလဖျိၪ့လၧခိၪလီၩ့အလီၩ့တၭ, အဆၧနီၪ မၩလၩ့ဘျ့ၭထၭ, ထီးဘၩ့,ဖံၬ, စ့ၩဒဲထီၫ့နီၪလီၫ. ယွၩ ဖၭဒိၪဒုၭၥ့ၪယၫစဎွၩ လၧဆၧလၧအမိမၩအၥၭလၧ ခဲၫ့လၧယၫလီၫ. တၭဆၧမံၫမးနီၪမွဲအခၧၫ့တၭ, ဆၧ ဖၭန့အခီၫပယီၫနီၪမွဲအမွဲဆၧတီၩလီၫ.
46 ထီးနီၪလဖၧၫ့စဎွၩန့ၭဘူၫခၭန့ဇၫ ထွံၩလၩ့ၡီၫ့လၩ့ အၥၭတၭ, မၪလူၬဝ့ၫလၧၦမိလုထၪ့စဒၫ့နအ့လၭလၧ ဆၧလုဒဲဆၧနၧၫ့မၧၫ့လီၫ.
47 တၭစဎွၩစံၭဆၧၫ့စဒၫ့နအ့လၭတၭ, စံၭဝ့ၫဒၪ,မွဲမၬ, နၥံၪအယွၩနီၪမွဲကဆါလဖၪအယွၩး ဒဲစဎွၩလဖၪအ ကဆါတၭ, မွဲနနဲၪဖျီၪဆၧအီၪၥူၪလမံၩ့ယီၩၥ့ၪတၭ, မွဲဝ့ၫဆၧနဲၪဖျီၪဆၧအီၪၥူၪလဖၪနီၪၥ့ၪလီၫ.
48 ထီးနီၪလဖၧၫ့စဎွၩအီၪက့ၪစဒၫ့နအ့လၭ လၧၦအခိၪ တၭ,ဖ့ၪလၫ့ဝ့ၫလၧလၬဆီၪ့အဒိၪအအၪတၭ, အီၪက့ၪ ဝ့ၫလၧခးဘၭဘလၧၫ့ ထၧၫ့ဘံၪ့ယၫအဖၫ့ခိၪ, ဒဲဘၭ ဘလၧၫ့အၡၩကိၪ့ဆၧၥ့ၪအခိၪလဖၪ အဒိၪထုၬလီၫ.
49 စဒၫ့နအ့လၭ အၪ့ကံၩ့ဆၧလၧစဎွၩတၭ, မွဲအအီၪက့ၪ လၩ့စၡၫဒၭ, စမံၡ့ၭ, ဒဲစအဘ့ၫဒန့ဂိၫ လၧဆၧလၧခး ဘၭဘလၧၫ့အဖၧၩ့လဖၪအဖၫ့ခိၪလီၫ. အ့ၪမွဲစဒၫ့နအ့ လၭဆၧၫ့နၩ့ဝ့ၫလၧစဎွၩအတရၫ့ဖၧၩ့နီၪလီၫ.