CHUNGH 53
Dius dah Lhung Cho
(Chd 14)
1 Koh bang gas nyamoq nhaiqlom mas,Ref 53.1-3: Rom 3.10-12
Mangso ma bos, ge taiq.
Nyamoq gas yonh tyamp las, gyukphoh cho tsain kuot.
Jus dah muh kuot soeu hank eq ma bos.
2 Joeui bos bang, Mangso lhyi paiq bang bos ma bos yoeuh das zis,
Mangso ka maukhung mhayah cangsoeu lo jens lyis yoeuh kat.
3 Yuk khanghmuh nungs doms loh goeus,
nyamoq dvnganh dvyhangteh ma gis.
Jus zis hank ma kuot, dvyuk yangh ma kuot.
4 Nyamoq gas ngah dius jens lyis thyoq zo zis yah kang dwis las ngos lyis khanhamp eq shvmanh ma dung.
Haih ma gis muh kuot bang pvlhyahlyoeus kuot zis nyamoq ma seq lhyeh ge, Mangso nyei.
5 Mangso ka nyah dius jens dah jeswus jens
shohyau lyis sanh tyamp das yvmvyah
nyamoq svsoh gyuk nyeis, xikpheh housoeh teh ma gyuk ku.
Mangso ka nyamoq lyis peq tyamp las,
Israel jens gas nyamoq lyis dvnganh yoh ung.
6 Israel xiklyis Zion mhayah ung cho
thuq los bas jungh oen shvmanh dung.
Mangso ka Israel jens lyis nyeisgis yap doms lhoq nhang lhyi
nyamoq kha iq pyo das lah!Ref 54 Dangjyung: 1Sa 23.19, 26.1