CHUNGH 54
Jeswus masyah Gos Dyei aq
1 Mangso eh, nah yomsoq yah Ngos lyis khyuot yoeus aq.
Nah yom yah ngos lyis soetuon dyei aq.
2 Mangso eh, ngos shvmanh dung dang lyis gyo yoeus dyei aq.
Ngah nhuot mas dang lyis kamp gyo dyei aq.
3 Khwank bang ngos lyis los zan,
lhoeng bang ngos lyis sat das ge xo:
nyamoq gas Mangso lhyi chaxwe ma nhang. (Selah)
4 Mangso ka ngos lyis pangh soeu nghuot.
Yhensain ka ngos lyis gos toh dyei soeu nghuot.
5 Mangso ka ngah jeswus lyis nyamoq dah ma gis zis yah phauh shangh bas jungh.
Nyang gas wontang yvmvyah nyamoq lyis mhont das.
6 Yhensain eh ngos nvng lyis gausyis zis yah phudyei das,
nvng gas gis yvmvyah ngos nhaiqshoqlang sang das.
7 Nvng ngos lyis ngah chiqjyen cho dvnganh masyah khyuot kat las
ngos ngah jeswus jens somh loh zis nyvng.