CHUNGH 123
Nhaiqnyen das xiklyis Dung
1 Yhensain eh, ngos nvng guon nyeis dah
maukhung mha nghank yoeuh.
2 Jyeidwis gas nyah svra lyis nges teh,
jyeidwis nyelo eq nyah zaunyih lyis nges teh,
Yhensain, ngamoq dah Mangso eh,
nvng ngamoq lyis nhaiqnyen los shoq ngamoq nvng lyis yoeuh nyeis das.
3 Nhaiqnyen aq, Yhensain eh, ngamoq lyis nhaiqnyen aq,
ngamoq gas ma phauh gis kuot zis xauh nyeis.
4 Dis bang jwangh, khwank dah zaiq bang
whahkhoeuh nyeis zis nyo nyangh goeus.