CHUNGH 124
Mangso ka Nyah Dius dah Gos
1 Yhensain ngamoq shot pheh ma nyeis nghuot lyis gas,
2 Ngamoq jeswus jens ngamoq lyis zan los uhlyis
Yhensain ngamoq shot pheh ma nyeis nghuot lyis gas,
3 nyamoq ngamoq lyis tyi lha nhaiq gis yo zis yah
ngamoq lyis vdwis nyhau tyamp das.
4 Hauh jeisphauq gas ngamoq lyis nhauq las
jeis gas ngamoq lyis nghop das.
5 Toq dah jeisphauq yah ngamoq lyis nyhop tyamp das.
6 Ngamoq lyis ngamoq dah jeswus yah mhont das zis ma gyo dah Yhensain lhyi
nhaiqshoqlang sang goh.
7 Ngamoq gas, twih khyoq soeu dah twih masyah luiq loh nghoq teh luiq los;
hau twih gas dyet loh las ngamoq luiq los.
8 Ngamoq lyis pangh cho ka maukhung yahge nyeisjvng lyis
gvnkhanh toh dah Yhensain masyah los.