CHUNGH 122
Yerusalem lyis Chungh
1 Nyamoq ngos lyis, Yhensain yhen mha loh goh, ge lyis
ngos gaus.
2 Gvshih ngamoq heimha
Yerusalem khyam khomh khau pheh yap joq.
3 Yerusalem gas yungh yungh gis gis
goeng shoq kuot toh dah wus nghuot.
4 Heika Yhensain dah tyingtoh dang yah dvyhangteh,
nyang lyis nhaiqshoqlang chungh das xiklyis vnyau jens,
Yhensain lhyi chungh paiq dah vnyau jens los das joqyos nghuot.
5 Heimha Israel hwankti jens tsung lha
nyamoq dah dius jens lyis soetuon.
6 Nvng lyis jyetdap bang nyeisgis yaplhoq las
Yerusalem nyenstap das xiklyis shvmanh tsain dung.
7 Nyenstap zis gas nah ciank khau mha,
sam cho ka nah hwankti yhen jens mas joq bas jungh.
8 Ngos ngah vmang vnoeuh moq yahge buisnoms jens xiklyis,
namoq mas nyenstap cho joq bas jungh, oen Yerusalem lyis sang.
9 Yhensain, ngamoq dah Mangso yhen xiklyis,
nah nyeisgis yaplhoq das cho lhyi ngos shvmanh dung.