7
1 Khanhamp laus eq ngos ngah dius Israel lyis gis los nhang lha nyeisgis yap doms lhoq nhang mes lyis, ngos yoh nyvng zis gas, nyamoq dah lhung cho yahge nyamoq kuot dah ma gis cho dvnghuot. Nyamoq dvyuk yah dvyuk mhuihzo. Nyamoq yhenkhau mha thyoq wvng las khauh. Talhoeu mha dius jens lyis thyoq.
2 Ngos zungh yoeuh nyeis ge yvlyis nyamoq ma soh kat. Nyamoq dah yaunos gas nyamoq lyis lhaink toh. Ngos nyamoq dvnganh lyis nyvng.
Hwankti yhen mha Lhaink cho
3 Yhensain taiq, Dius jens gas nyamoq kuot dah lhung cho yah hwankti jens yahge nyah xamchangh jens lyis pyo nhang.
4 Nyamoq dvnganh gas dang ma jings, ma wontang. Nyamoq dah hoeng cho ka, ohlhyoq piq soeu sunghso ma dye nis dvchank nyi ma pau, whomh toh dah nyikhyomp teh nghuot.
5 Hwankti dah pwe kuot nyeih lyis nyamoq gas hwankti yahge nyah xamchangh jens lyis shuk yet nhang lha zvbiq yah vkoh vpaq mus.
6 Nghuot goeus, nyamoq dah khaujeini cho ka nyikhyomp mas nyi soeh ngehnote 7.6 Ngeh ge zis Hebre mas Ni los, ge bos. nyeis. Nyamoq dah nhaiqyo cho ka nyens gonh whomh toh las nvp lyis gas nyilhyam buk thuq los.
7 Nyamoq dah nhaiqyo cho ngeh gywes las nyamoq dah guon bang lyis sat. Nyamoq dah hwankti jens dvyuk thang lhyi dvyuk sat zis xauh goeus. Nghuot laus eq hank eq ngos lyis pangh cho ma dung.
Israel yahge Dius Nyau jens
8 Yhensain taiq, Israel dius jens gas dvshot dvpiq dah ohlhyoq teh nghuot. Nyamoq gas nyamoq vyvm vwi mas dah dius nyau jens lyis nges toh.
9 Hai lvbaus lyis nges cho ka nyamoq dah yom lyis thyoq yoeus loh cho lhyi ma tsain soh kat. Israel jens gas, cam thyoeu dah lokhoq gas nyang kha iq yomnhuk las mang loh goeus zis ma seq teh, nghuot.
10 Israel dius jens dah lhoq lhoq teh kuot cho ka nyamoq yah tyi lha kaiq. Hau dvnganh bweh nyeis goeus laus eq ngos Yhensain, nyamoq dah Mangso jyank pheh ma tauh los.
11 Israel gas koh dah guzoe teh dang lhain nyeis. Cangxeih lyis nyah dius jens gas pangh aq ge Egutu lyis lui lho lha, Asiria mau pheh phang loh.
12 Nghuot laus eq nyamoq loh cho mha ngos nyho thung lha nghoq lyis teh nyhik yoeus das. Nyamoq kuot goeus dah ma gis chonote 7.12 Nyamoq kuot goeus dah ma gis cho, ge zis Hebre mas Nyamoq dah dius phung lhyi taiq kyoh, ge. xiklyis ngos nyamoq lyis joeng das.
13 Nyamoq gas dom goeus. Nyamoq ngos lyis tyamp las ngos lyis gomloeus toq. Nyamoq dyoqbis das. Ngos nyamoq lyis khyuot yoeus mes laus eq nyamoq gas ngah cho dvhwah taiq.
14 Nyamoq ngos lyis ehnyet bos bos ma dung, hauh gungsthaiq Mangso lhyi ma seq bang kuot teh nyang lains las noskyingh ngaus nyeis. Nyamoq jyo yahge zvbiq xiklyis dung lyis Mangso lhyi ma seq bang teh nyamoq nyang gungs lyis vkhyamh khyamh kuot. Nyamoq ngos lyis gomloeus toq bang nghuot.
15 Ngos gas nyamoq lyis pot las yombos nhang soeu nghuot lyis yangh, nyamoq ngos lyis tyi dah khaujeini.
16 Nyamoq gas ngos lyis nungs phuk las yomsoq ma bos dah mangso jyank pheh loh. Nyamoq gas guih dah lyei lyis ma yoh loms teh nghuot. Khasoeh ge lyis nyamoq dah uhshe bang gas lhoq lhoq teh taiq, nyamoq gas sham yah tsain shei das las Egutu jens yis das.note 7.16 Hebre mas ma bvng.