3
Khristian Ziaza
1 Uktu bawi le thuneitu upa tei nuai ah niamkhiat unna, a thu haw ngai un hi. Mahten thilpha bawl tukin tuangtimsa lelengin um un, tin na mihingte hilhin hi.
2 A kuakua hei hihen sonsia pahsuh un, mengdenin le lemdunno in phialdun duaduam poh unna, mi hempoh humah lungnemnak lungmu le awnkam langtik leleng un tin hilhin hi.
3 Itahim titale eimuh hei nidang laihin misilzet le thu ngai ngawlmi hi hung a, khialzet hung hi. Tisa deihnak le nopnak a phunkim i sal hi hung hi. Mi nautatnak le mi cinnakin, a hun le can uhte mang hung hi. Miten hua in, eimuhte vangin hua bok hung hi.
4 Mahnaven nunpantu Pathian i hehpihnak le itnak a lang ten ohte cu suakca tuk hung hi.
5 Oh ten na pha a bawl uh hang hi saw ngawlin ama hehpihnak hangin nunpatmi hung hi. Hawvang Thiangtho i somciangnak hangin hinthaknak le nunnak thak ngah hung hi.
6 Nunpantu Jesuh Khrih sung pen Hawvang Thiangtho cu eimu humah cangkim zetin Pathian in leih hi.
7 Mahmi cu a hehpihnak, hangin Pathian tuah a lemdun theihnak tuk uh le a muansan uhmi kumkhua nunnak cu eimuta a hih theihnak tukin hi.
8 Himi cu thuman hi. Hi thu hi thupi hi tin, a cuangin, na ngaihsut tuk deih ing.
Itahim titale Pathian a umtu ten na pha bawlnakah a hun le can haw khi aman haw tukmi hi. Mahmi cu mi hempoh ca in, a phami le muantakmi hi haw hi.
9 Mahnaven silhah zetmi thu eldunnak, pupa min cazin eldunnak, hauhdunnak le Daan thu eldunnak cu pialin hi. Mah mite cu nemcuamnak le man theihnak imah umma hi.
10 Khen kheknak a suaktiktu khi a masabelin ngallinnak vei nih pia in; mahceng ten hawlvawkin hi.
11 Mahtibang mihing cu misual le mi nawmtam hi tih thei in, a sualnakin, a khialhlam cu langtik hi.
Thukhupnak le Nuksatnak
12 Na lakah Artemas, ahimata Taikhikas ka hah bek ten Nikopolis ah manlang zetin keimah tawkin hi. Itahim titale mahlai ah khawsik hun sung um tung.Ref 3:12 Nung 20:4; Efe 6:21-22; Kol 4:7-8; 2Tim 4:12;
13 Sihni Zenas le Apollos tei khual a zin pat haw tuk ten bawm inna, a kulnak hempoh ngaihsut sakin hi.Ref 3:13 Nung 18:24; 1Kor 16:1
14 A mihing uhte cu na pha bawlnakah a hun le can haw mang haw hen; mahtin a bawl haw tale, a kulnakah mi bawm thei haw tuk hi. Muantak ngawlin umthong tukmi kha ma hi.
15 Ka lakah a umtu ten nangmah nuksat haw hi. Upnak sung a, ka unau, nuksat ung hi.
Pathian hehpihnak thupha cu na venghawng uh humah um tahen.