3
Pawlpi Lamhuaitu
1 Mi pa khatin pawlpi lamhuaitu tuk a nuam tale nadeh pha a dek nuamtu hi tih cu ciangzet hi.
2 Pawlpi lamhuaitu cu khelhnak nei ngawlmi tuk hi. Zi pa khat bek neitu, zu a in ngawlmi, mah le mah ukdun thei mi, zohlemin, a nungmi, mikhual zothiamtu le mi a zilhthiamtu hih kul hi.Ref 3:2-7 Tit 1:6-9;
3 Zukham misil hi tukma, thinsup thei ngawlmi, midang tuah a haudun theimi, mi ngilo, iksiknak neimi le phuciak theimi hi ma hen, mahnaven lungnemmi le lemdaihnak a deihtu hi tuk hi. Sum deih leitatu hi tukma hi.
4 A innkua komzetno in, a kelen theitu hi tuk a, a ca ten a thu ngai in, a upat haw mi hi tuk hi.
5 Ama innkua hei phano in, a cingkhawi thei masa ngawltu in itin kaw Pathian i pawlpite a cinkhawi theih tuk?
6 Upnak lamah papi muantak hi tuk hi. Thinthek semmi hi tukma, mah ngawl cu ultung sual tuk a, Dawihmangpa khi vawk a tawh bangin amah vang vawk co kha sual bok tuk hi.
7 Pathian thu zui ngawl mipite hei i upatmi hi tuk hi, mahtibang bek ahimata mitei sonsiat tawkin, Dawihmangpa i thangah awk tuk hi.
Pawlpi Upa
8 Pawlpi upa cu ziaza pha neimi le lungmu manmi hihen, zu a in ngawlmi le tangka lamah hampum leita mi hi haw ma hen.
9 Pathian i phuanmi thutak khi a sia le pha khen theihnak lungmu thiangtho in, a len khimtute hi haw hen.
10 Upa nadek nuamtute cu khingkhai masak hi haw tuk a, sonsiatnak a umma tale dek thei haw tuk hi.
11 A zite haw vangc 3:11 A zite haw vang: tihmi hi ‘Numei Khristian upa,’ tihvang hi thei. ziaza pha mi hi tuk a, mi sonsia in kamtam mi hi haw pahsuh hen, zu a in ngawlmi hi haw tuk a, ihempoh ah mi ngeikhei zetmi hi haw hen.
12 Pawlpi upa cu zi pa khat bek neimi hi tuk a, a innkua le a cate phano in, a uk theitu hihen.
13 Nadeh ciangkaino in, a dek theitu upa cu upatnak co in, Khrih Jesuh a upnak haw khi ngalpha zetin phuang ngam haw hi.
Thu-ip Ngengpi
14 Nangma lakah hi laikuat ka ngat laihin, a ngeican um ngawlin nangmah tawk pal tukin ngaisung ing.
15 Mahnaven ngei ka um kha sual tale Pathian i innkua a pawlpi sung uhah iti bangin kaw a umdan tuk uh, hi ka laikuatmi in hilh tuk hi. Pathian i innkua cu kumkhua in, a nungmi Pathian i pawlpi hi a, mah pawlpi cu thutak i zungmutnak le a dingkhotiktu khuam hi.
16 A biaknak sung uh a, thu-ip cu ngeng ngangai hi, tih cu kuamah in el thei haw tukma hi.
Amah cu mihing bangin langto a,
a diknak thu cu
Hawvangin langtikin,
vancungmite vangin mu haw hi.
A thu le la cu mi hempoh tei
lakah phuan hi a,
leihum khua hempoh ten
um haw in,
vancungah lato haw hi.