2
Pathian Biak Daan
1 A masabelin ka sonnuammi cu mi hempoh tei ca in Pathian nelah thungenin kuun un, midang tei ca thungen unna, lungdam thu hilh un tihmi hi.
2 Pathian kihcaknak tuah ziaza phano in le lemdaizetno in, a nun theihnak tuk uhin kumpi le ngamsung hotu upa tei ca in Pathian nelah thunget sak un hi.
3 Mahtin na bawl uh ahin pha hi; mahten mi hempohin thutak thei in, nunpatnak ngah haw hen tin a deihtu,
4 nunpantu Pathian a lungdam tuk hi.
5 Itahim titale Pathian pa khat bek umin, mihing le Pathian laklawhah lemnak a bawltu kamtai pa khat bek um hi.
6 Mah kamtaitu cu mi hempoh nunpan tukin a nunnak a piatu Khrih Jesuh hi. Mahtin a nunnak a piakmi cu Pathian in, a hunkim ten mi hempoh nunpan khawng nuam hi tih langtiknak hi.
7 Mah hangin hi upnak thu le thutak phuangtu tukin Gentail mitei lakah zilhtu le kamtai tukin a hahmi hi. Zolthu son mang, thutak son ing.Ref 2:7 2Tim 1:11;
8 Pathian biaknak mun hempoh ah pano ten thungen haw hen, tih deih ing. Pathian nelah pum a piadunmi le thinuknak le thu eldunnak um ngawlno in, pano ten khutzaakin thungen haw hen.
9 Numeite vang cu a zoh mawi in um haw hen na, zoh mawi in paallel haw hen. A sam haw cu a tom haw ten a valin tom haw pahsuh hen; neih le lam, sui, suang manpha le nikcen puansilh manphazet tuah thuam haw mahen.Ref 2:9 1Pet 3:3;
10 Mah sangin biaknak lam pen a zuammi numei ahi haw tale ziaza phatnak tuah thuam saw haw hen.
11 Numeite cu a cungtu hi haw hen na, daiden le niamkhiatnak tuah cung haw hen.
12 Zilhtu a hih haw tuk cu deih mang hi; Pano tei humah vangin thunei li ngawlin mengdenin um haw poh hen.
13 Itahim titale a masabelin bawlmi cu Adam hi; a nungten Evi laih hi.Ref 2:13 Pian 2:7,21-22;
14 Mahnaven zolnak a tawktu cu Adam hi ngawlin Evi hi. Pathian i daan a palcattu vang cu numei hi.Ref 2:14 Pian 3:1-6;
15 Mahnaven numei ten lungnemin, itnak upnak le thianthohnak sungah a khohkhah haw tale ca a neihnak haw i hangina 2:15 Ca a neihnak haw i hangin: tihmi hi ‘Ca a neih haw ten humhim hi haw tuk hi,’ tihvang hi thei. nunpat hi haw tuk hi.