6
Thutiam Kuang Jerusalem Ah Hawhpih
(1Khang 13:1-14, 15:25-16:6, 43)
1 David in Israel ngalkap lak pen a ngal phabelte hulawmin thawng sawm thum kim haw hi.
2 Cherubnote 6:2 Cherub tihmi cu ha nei ngamsa lem hi in, Thutiam Kuang humah koih haw hi. Cherub pa nih laklawh cu “Pathian lainatnak mun” a tih haw mekmi hi. pa nih laklawh a kumpi khunnak humah a khung Ihempoh tithei Topa i min a puttik haw mi, Thutiam Kuang la tukin mah ngalkapte cu pui in, Judah ngam Baalah khua ah hawh haw hi.Ref 6:2 Suah 25:22;
3 Thutiam Kuang cu khuileng humah koihin, mualhum Abinadab i inn pen tulpih haw hi. Abinadab i capa Uzzah le Ahio in Thukam kuang a puatu khuileng cu cingthah pepel haw hi.Ref 6:3 1Sam 7:1-2;
4 Khuileng mai ah Ahio cu hawh hi.
5 Topa i mai ah lungdamnak lasa in, tingtang, lemlawi, khuang, pengkul, le daakkopte tumin, David le Israel mite cu a laam theih zah haw in lam haw hi.
6 Nakon i cangcilnak mun a hen haw ten lengkaitu khuicangte a bah haw hangin Uzzah in, a khut tuah dawhin, Thutiam Kuang cu man ngah hi.
7 Topa Pathian cu Uzzah humah a thinukin, mah bangin upatnak a neih ngawl hangin Uzzah cu Thutiam Kuang elah thitik hi.
8 Topa cu a thinuk hangin Uzzah that hi, tih David in, a zak ten a thinukin, mah mun cu Perez Uzzah,note 6:8 Perez Uzzah tih cu Uzza bawlsiatnak mun tihnak hi. tin sam hi. Tuni tianin mah tin sam vawk haw hi.
9 David in Topa cu lau in, “Itin in kaw Thutiam Kuang cu atu-in ka hawhpih ngam tuk?” tin ti hi.
10 Mah hangin ama khua Jerusalem ah hawhpih tuk ngawlin ngaisung hi. Gath khua um Obed Edon innah hawhpih hi.
11 Mahlai ah Thutiam Kuang cu ha thum umin, Topa in Obed Edom le a innkuate cu muicu pia hi.Ref 6:11 1Khang 26:4-5;
12 Thutiam Kuang a inn hawah a um hangin Obed Edom, a innkuate le a neihmi hempoh cu Topa in muicu pia hi tih David in, a zak ten Thutiam Kuang cu Jerusalem ah hawhpih tukin lungdam thatui zetin Obed i innpi pen la hi.
13 Thutiam Kuang a puatute kalauk a hawh haw ten David in Topa i lakah khuicang pa khat le a thaumi tuuno pa khat cu biakpiaknakin pia hi.
14 David in puan nemno pa khat bek a tai ah vialin, Topa thangphatnakin laam theih zahin laam hi.
15 David le Israel miten au thah le pengkul tumthahin Thutiam Kuang cu Jerusalem khua henpih haw hi.
16 Thutiam Kuang Jerusalem khua sung a hen ten Saul i canu Mikhal in tukvelh pan khua zo in, David cu Topa i mai ah a lam le a dawk lih amuh ten David humah mitkemzet hi.
17 David i saksa buk sungah Thutiam Kuang cu hunpihin koih haw hi. David in halkang biakpiaknak le pawlkom biakpiaknak Topa i lakah pia hi.
18 Biakpiaknak a bawl ceng ten Israel mite cu Cungnungbel Topa i minin muicu pia hi.
19 Numei hihen, pano hihen, cangho zawl khat ten, a ko a kio mi, cik tel khat ten le kotik mi sabit ngah dawm ten sem hi. Mahnung ten mipi cu a innah pin ten haw hi.Ref 6:19-20 1Khang 16:43;
20 Amah David vang a innkuate tawk tukin pin bok a, Saul i canu, a zi Mikhal in muakin, “Tuni Israel kumpipa cu a minthangzet si! A nadek tuk khanglai tei mai ah misil bangin zahcak hei thei ngawlin a laam lih khi,” ti hi.
21 David in, “A mihing Israel mite puitu tukin kei bawlin, na pa le a innkua pihte kalin keimah saw a tengtu Topa Pathian sunloihnakin laam ing. Topa sunloihnakin lam li tuk poh ing hi,
22 mualpho dedeuh kha tung. Nangmah in imah simsial kha tukma ci, mahnaven na sonmi khanglai ten keimah pahcawi haw tuk,” ti hi.
23 Saul i canu Mikhal cu ca nei ma hi.