5
David Cu Israel le Judah Kumpi In Cang
(1Khang 11:1-9; 14:1-7)
1 Israel miphun hempoh cu Hebron a David lakah hungin, “Kohte cu na thi le nase ung hi.
2 Masa laih a, Saul a kumpi uh lai in, Israel mite cu ngaldonakah pui in Amah Pathian loli in, a mihingte puitu tukin le uktu tukin nangmah cu thutiam zo hi” tin ti haw hi.
3 Mah hangin Israel mi hotu hempoh cu Hebron khua David lakah hung haw hi. Pathian mai ah David in amuhte tuah thutepnak bawlin, Israel kumpi David cu sathau thih haw hi.
4 David cu kumpi a can ten kum sawm thum hi. Kum sawm li sung kumpi dek hi.Ref 5:4-5 1Kum 2:11; 1Khang 3:4; 29:27;
5 Hebron pen Judah ngam cu kum salih le lang uk hi. Jerusalem pen Israel le Judah ngam venghawngin kum sawm thum le kum thum uk hi.
6 Mah hunin David Kumpi le a ngalkapte cu Jerusalem khua sim tukin hawh haw hi. Mah khua a um Jebus miten David in oh neh awng tukma tin ngaisungin, “Tum thong thei tukma ci; mitcaw le kebai mite hei in hawlvawk thei haw tuk hi,” tin ti haw hi.Ref 5:6 Josh 15:63; Thuk 1:21;
7 Mahnaven David in Zion khua a ngal tei panmun laknakte cu la khawngin, Zion khua cu David khuapi in suakta hi.
8 Mah ni-in, David in, a mihing tei lakah, “Jebus mite ka huat zahin hua boktu um uh cim? A that khawng uh ahin tawk ti uh cim? Tui luannak luamah hawh unna, mitcaw le kebai tianin that khawng un,” ti hi. (Mah hangin “mitcaw le kebai mite cu Topa i innah tum thei haw tukma hi,” tin, a tihnak haw hi.)
9 Mahceng ten ngalpannak tukin a sak haw mi inn a lak nungten David cu mahlai ah umin, “David khuapi,” tin minsa hi. Millo a tih haw mi mun pen panin ngalpannak sa pepelin mah khua kiimin sa khawng hi.
10 Humtabel Topa Pathian cu a lakah a um hangin, David cu ni khat nung ni khat cak dedeuh hi.
11 Taiar kumpi Hiram in, a ngam haw ai-awhin, David lakah palai hah a, David i inn saknak tukin sidar thingte kuat hi. Inn satu tukin lettamate le suanginn sa thiamte vang kuat hi.
12 Mah hangin Israel kumpi tukin Topa Pathian in khotik zo hi tih le a mihing Israel tei hangin a uknak cu khangtotik hi tih cu David in thei ciang hi.
13 Hebron pen Jerusalem ah a thawn nungten David in Jerusalem pen zipi le zineu tam dedeuh la in, canu le capa tampi nei hi.
14 Jerusalem pen a hin mi cate cu Shammua, Shobab, Nathan, Solomon,
15 Ibhar, Elishua, Nefeg, Jofia,
16 Elishama, Eliada, le Elifelet hi.
Filistin Neh Haw
(1Khang 14:8-17)
17 David cu Israel kumpi hi zo hi tih Filistin ten a theih haw ten a ngalkap venghawng tuah tulin David man tukin hawh haw hi. David in mah thu a zak ten ngalpannak innah hawh hi.
18 Filistin ngalkapte cu Refaim Munlawnnote 5:18 Refaim Munlawn tih hi Tammi munlawn tihvang sam haw hi. tihmi mun hengin mah mun cu luahtum haw hi.
19 David in, “Filistin mite hi do nang maw? Ka do a hin neh nang maw?” tin Topa dong hi.
Topa in, “Hawh inna, do in hi. Nehnak pia tung,” ti hi.
20 Mah hangin David cu Baal Perazim ah hawhin, Filistin mite cu neh hi. “Tuilun bangin Topa in ka ngalte cu sulet khawng hi,” tin David in ti hi. Mah hangin mahlai mun cu Baal Perazim tin ti haw hi.
21 Filistin ten a milim a taisan khawng haw hangin David le a ngalkap ten la khawng haw hi.
22 Filistin ngalkapte cu Refaim Munlawnah kikin, luahtumleh haw hi.
23 David in Topa lakah dong lehin, Topa in “Hilai pen do pahsun. Pial inna, nunglam balsam thingkungnote 5:23 Balsam thingkung tihmi cu Ngah nei, namtui, sathau vang suah thei in, si in bawl haw hi. umnak mun pen namin hi.
24 Thingkung lek hum pen mi ke hawh nging na zak ten thakhatin namin hi. Itahim titale Filistin ngalkapte neh tukin na mai ah Keimah hawh zo ing hi, tihnak hi,” tin ti hi.
25 David in Topa i hilh bangin bawlin Filistin ngalkapte cu Geba Gezer tian hil hi.