36
Judah Kumpi Joahaz
(2Kum 23:20-35)
1 Judah miten Josiah capa Joahaz cu kumpi in teng haw a, Jerusalem khua ah sathau thih haw hi.
2 Joahaz cu Judah kumpi a deh ten kum sawm nih le kum thum hi, Jerusalem pen ha thum sung uk hi.
3 Izipt kumpi Neko in manin, thawngah khia hi; Judah miten Neko cu ngun pawng za salih le sawm nga le sui pawng sawm salih le pawng nga siahin pia haw hi.
4 Neko in Joahaz i unau Eliakim cu Judah kumpi dektikin, a min cu Jehoiakim tin theksak hi. Joahaz cu Neko in Izipt ngamah pui hi.Ref 36:4 Jer 22:11-12;
Judah Kumpi Jehoiakim
(2Kum 23:36-24:7)
5 Jehoiakim cu Judah kumpi a deh ten kum sawm nih le kum nga hi, Jerusalem pen kum sawm le kum khat sung uk. Topa a Pathian mai ah thilpha ngawl bawl hi.Ref 36:5 Jer 22:18-19; 26:1-6; 35:1-19;
6 Babilon kumpi Nebuchadnezzar in, Judah ngam a sim hangin Jehoiakim cu manin, thik taicin tuah khih haw a, Babilon ah pui haw hi.Ref 36:6 Jer 25:1-38; 36:1-32; 45:1-5; Dan 1:1-2;
7 Nebuchadnezzar in Topa i Biakinn na manpha khenkhatte la in, Babilon a, kumpi innah koih hi.
8 Jehoiakim i bawlmi hempoh ningdelhhuai na a bawlmite cu a sualnakte tianin, Israel le Judah Kumpi Tangthu Laibu sungah ngan haw hi. A capa Jehoiakhin in kumpi dek hi.
Judah Kumpi Jehoiakhin
(2Kum 24:8-17)
9 Jehoiakhin cu Judah kumpi a deh ten kum sawm le kum liat hi, Jerusalem pen ha thum le ni sawm uk. Amah vang Topa i mai ah sual hi.
10 Phalbi hun bo in, khuakhal hun a hen ten kumpi Nebuchadnezzar in man a, Babilon ah pui hi. Topa i Biakinn na manphate pua khawng hi. Nebuchadnezzar in Jehoiakhin i unau Zedekiah cu Judah le Jerusalem kumpi in bawl hi.Ref 36:10 Jer 22:24-30; 24:1-10; 29:1-2; 37:1; Jer 37:1; Ezk 17:12-13;
Judah Kumpi Zedekiah
(2Kum 24:18-20; Jer 52:1-3)
11 Zedekiah cu Judah kumpi a deh ten kum sawm nih le kum khat hi, Jerusalem pen kum sawm le kum khat sung uk.Ref 36:11 Jer 27:1-22; 28:1-17;
12 Topa i mai ah sualnak bawlin, Topa i thu a phuangtu profet Jeremiah i thuhilhmi ngai ma hi.
Jerusalem Khuapi Caksuknak
(2Kum 25:1-21; Jer 52:3-11)
13 Zedekiah cu kumpi Nebuchadnezzar do tukin ngaltho hi. Nebuchadnezzar in, a khutnuai ah um tukin Pathian min salin thutiamtik hi. Zedekiah in Topa Israel Pathian nelah sualsikin, Pathian nelah hekkik tum hihim ma hi.Ref 36:13 Ezk 17:15;
14 Mah hum pen Judah mi hotute, thiampi le mipite vangin, a elkim haw a um miphun tei sualnak ke ngiah zui in, uire haw hi. Topa amah hihimin, a thianthohtikmi Biakinn cu nawngkaitik khawng haw hi.
15 Topa, a pu le pa tei Pathian in, a mihingte le a Biakinn cu a khawih nuam hangin a lak hawah ngallinnak pia tukin catngawlin profet hah hi.
16 Pathian i hahmi palai le profet cu zawnsakin, nuihsan thongin, imah simsial haw ma. A tawpnak ten a hum hawah Topa i thinuknak cu nase leita in, a luat theihnak haw tuk lampi umleh ma toh hi.
17 Topa in Babilon kumpi hahin, Judah khangnote cu Biakinn sung hei pen that haw, akua bang hum hei ah hehpihnak nei haw ma, khangno hihen, upa hihen, numei pano ti ngawlin, a nami le a damte vang a venghawng haw in, a khut sungah Topa in pia khawng hi.Ref 36:17 Jer 21:1-10; 34:1-5;
18 Babilon kumpi in, Topa i Biakinn simin, nate sum le saw, kumpi le a khutnuai bawite, na manpha hempoh la in, Babilon ah pua khawng hi.
19 Jerusalem khuapi le Topa i Biakinn, kumpi innpi le a sung a nate vang mei in halkang khawng hi.Ref 36:19 1Kum 9:8;
20 Ngalnam tuah thah ngah ngawlmi, a tanglaih mite cu Babilon ah pui khawngin, mahlai ah, Persia uknak a hen laklawh, Babilon kumpi le a casuan tei sal hi haw hi.
21 Profet Jeremiah mangin Topa i hilhmi, “A can haw ngawlmi Sabbath colhnaknote 36:21 Sabbath colhnak tihmi cu kum salih a kim sialin, a ngam haw cu bung ngawlin colhtik tuk tihmi daan a limlaknak hi. * kimtik tukin a ngam haw cu kum sawm salih sung ngamkhing hi tuk hi,” a tihmi thu cu kim hi.Ref 36:21 Jer 25:11; 29:10;
Sairas In Judah Mi Kiktik
(Ezr 1:1-4)
22 Persia kumpinote 36:22 Persia Kumpi Sairas in Babilon khua cu 539 BC ah nehin, Babilon ngam buppi kumpi dekin BC 530 tian dek hi. Sairas in kumpi a deh kum khatnakin, Topa i hilhmi bangin lai nganin, a uk sung khua tihkimah ngingzet sial tukin kuat hi. Himi cu profet Jeremiah mangin, Topa i thuhilhmi a kimnak hi. A thusuahmi cu ngan hi.
23 “Hite cu Persia kumpi Sairas thusuahmi hi. Topa, Vancung Pathian in leihum buppi uktu bawlin Judah ngam Jerusalem khua ah ama ca in, Biakinn sa tukin dehvo pia hi. Mah hangin noh Pathian mihing hempoh mahlai ah hawh khawng un, Topa na Pathian uh cu na lak uhah um zal hen,” tin ngan hi.Ref 36:23 Isa 44:28;