EZRA
Laibu
(The Book of Ezra)
Thulamsial
Ezra laibu hi Khangsialnak laibu pehzommi hi. Babilon pen Judah mi khenkhat a pinkik lehnakte Jerusalem a Pathian a biak daan haw le a nunkhuasak dan haw thu hilh hi. Mah thu cu a nuai lam bangin a sasangin hilh hi. (1) Persia ngamuktu Sairas i thupiaknak hangin Judah mi a kik masate Babilon pan a tulnak haw thu; (2) Biakinn lemleh haw in Pathian nelah a ap nung haw ten Pathian biaknakin mangleh haw hi. (3) Mahnung ten Ezra i ho in Judah mite cu Babilon pen Jerusalem ah kik haw in Israel tei hawvang lamah lo le lam co bangin a co haw tukmi zilhnak cu a paihtik haw tuk ngawlnakin Ezra in nase zetin bawmin zilh hi. Ezra cu Pathian i Daan a thiam ngangai mi hi.
1
Sairas In Judah Mi Kiktik
1 Persia kumpi Sairas in kumpinote 1:1 Persia kumpi Sairas hi 539 BC ah Babilon khua la in, ngam buppi i kumpi dek hi a deh kum khatnakin, profet Jeremiah mangin Topa i thuhilhmi kimtik tukin, a ngamsung hempoh tei ngingzet sial tuk thusuahin kuat hi. Topa in, Persia kumpi Sairas lungsungah lainganin, piangtik hi.Ref 1:1 Jer 25:11; 29:10;
2 A thusuahmi sungah hi bangin ngan hi: “Hi thu hi Persia kumpi Sairas i thupiakmi hi. Topa, Van a Pathian in keimah cu leihum buppi uktu tukin bawl zo a, Judah ngam Jerusalem khua ah ama ca in biakinn sa tukin dehvo pia hi.Ref 1:2 Isa 44:28;
3 Pathian cu a mihing na venghawng uh i humah um zal tahen. Judah ngam Jerusalem khua ah kik unna, Jerusalem a, um Pathian, Israel i Topa Pathian biakinn cu saleh un.
4 Topa i mihing sungah hih saltannak pen kik tukin bop kul mite cu a innnel ten bawm ten haw hen. Sui le ngun, an le van puatu ngan le Jerusalem khua pen Pathian lakah a piak tukmi biakpiaknakte vang bawl haw hen,” ti hi.
5 Judah mi le Benjamin mi innkua hotute thiampi le Levi mite le Topa in Jerusalem pen Topa i Biakinn sa tukin a lungmu haw a thawhtikmi hempoh cu hawh tukin tuangtim haw hi.
6 A innnel ten na tampi pia in, a piak haw mi nate cu ngun kuangte, sui, an, thil puatu ngan, adang na manphate le biakinn a, biakpiaknak a man tuk mite hi.
7 Kumpi Nebuchadnezzar in Jerusalem pen la in, a pathian tei biakinn sung a koihmi kuang le khuatte cu kumpi Sairas in, a lak hawah pialeh hi.
8 Hi khuat le kuangte cu Judah uktu bawi Shehbazzar ca tukin kumpi na cingtu upabel Mithredath i bawlmite hi. Sairas in mah khuat le kuangte cu Mithredath lakah pia hi.
9 A piakmite cu a nuailamte cu na hi.
Biakpiaknak ca in sui kuang sawm thum,
Ngun kuang thawng khat,
Ngun kuang dadang sawm nih le kuah,
10 Sui kuang sawm thum,
Ngun kuang neu za li le sawm,
Kuang dadang thawng khatte hi.
11 A venghawngin sui le ngun kuangte, khuat le beel dadang tuah thawng nga le za li hi in, Babilon pen Jerusalem ah a kih haw ten Sheshbazzar in kihpih hi.