3
1 Kumpi Solomon in, Topa i Biakinn cu Jerusalem khua, a pa kumpi David lakah Topa a langnak Moriah mualbawk humah, sa pan hi. Mah mun cu Jebus mi Araunah in, a cangcilnak khukin, a manmi hi a, David in, a hilhsa khawng zo mi hi.Ref 3:1 Pian 22:2;
2 Solomon kumpi a deh sawng kum li le ha nihnak ten biakinn sak cu pan haw hi.
3 Solomon kumpipa i sakmi Biakinn cu pi sawm kuah sau in, pi sawm thum zal hi.
4 Biakinn maisap cu biakinn tia in, pi sawm thum zalin pi za le sawm liat sang hi. Maisap a pang sunglam cu suikhu luan haw hi.
5 A laizang khan cu sidar thing tuah coih haw in, suikhu luan haw a, tuumkung le thik taicin zuk cuangtik haw hi.
6 Kumpipa in Biakinn cu suang manpha le Parvaim ngam pen leimi sui tuah ceimawi haw hi.
7 Biakinn pangte, innsun, innkuul le kongkate cu suikhu luan haw hi. A pang humah khutzung thiam ten Cherubim zukte cuangtik haw hi.
8 A sungtabel khan cu Mun Thiangthobel a tihmi haw hi a, pi sawm thum sau in, Biakinn tia in, pi sawm thum zal hi. Mun Thiangthobel pangte luannak tukin sui pawng thawng sawm li le thawng nga mang haw hi;Ref 3:8 Suah 26:33-34;
9 tawngkhen a man haw mi cu sui tuah bawlmi hi a, tawngkhen bawlnak tukin sui pawng nga val ngit hi. Humta khan pangte cu sui ngek tuah luan haw hi.
10 Kumpi in, a nadektute cu thik tuah Cherubim zuk pa nih bawltikin, Mun Thiangthobel ah koih hi.Ref 3:10-13 Suah 25:18-20;
11-13 Cherubim zukte cu kongka lam hektikin, a zawkdunin dingtik haw hi. Cherubim pa khatin, ha pa nih nei in, a ha pa khat cu pi salih le lang sau hi; a ha a phalh haw ten a khan laizangah a ha haw cu tawkdunin, langkhat lam a ha haw in, pang khong veve hi; mahten a khan zallam pi sawm thum cu a ha haw in tawngkha khawng hi.
14 Puanzak pa khat bawl haw in, mah puanzak cu nimzang ma neuno tuah tahmi le mepian, sandup le a san tuah buhmi hi; mah puanzak cu Cherubim zukte cuangin coihmi hi.Ref 3:14 Suah 26:31;
Daal Khuam Pa Nih
(1Kum 7:15-22)
15 Kumpipa in pi sawm nga le pi nih a sangmi, daal khuam pa nih bawlin, Biakinn mai ah phut hi. Khuam lubol cu pi salih le lang veve sang hi.
16 Khuamlek cu khi-ngui a pehdunmi le daal tuah bawlmi taleti zuk za khat tuah zomtik hi.
17 Khuam pa nih cu Biakinn tumnak saklam le hanglamah phut haw a, hanglamta cu Jakhinnote 3:17 Jakhin tih cu Amah Pathian in khotik tihnak hi. ti haw in saklamta cu Boaznote 3:17 Boaz tih cu Amah Pathian i ngilnak tihnak hi. ti haw hi.