24
Thiampi Tei Nadeh
1 Aaron i casuante cu a nuailam bangin khen haw hi. Aaron in capa pa li nei in: Nadab, Abihu, Eleazar le Ithamar haw hi.
2 Nadab le Abihu cu a pa haw i thih laihngawlin thi haw, canau a neih haw ngawl hangin a unau haw Eleazar le Ithamar ten thiampi dek haw hi.Ref 24:2 Thiam 10:1-2;
3 David in Aaron i casuante cu a nadeh haw bangin khen hi. Hi nadeh khenmi ah David cu Eleazar i casuan Zadok le Ithamar casuan Ahimelek ten bawm haw hi.
4 Eleazar casuante cu khen sawm le khen lukin khen haw a, Ithamar i casuante cu khen hupin khen haw hi. Eleazar casuan sung pen pano, innkua lubel a tam deuh haw hangin khen tam deuhin, a khennak haw hi.
5 Eleazar le Ithamar casuan sung pen biakinn upa le hawvang lamah hotu um tek haw a hih hangin, nadek tuk a khen haw ten a sasangin aisan haw hi.
6 Eleazar casuan le Ithamar casuan ten a sasangin aisannak bawl haw hi. Mahti bangin a bawl haw ten Levi mi cazi Nathanel i capa Shemaiah in laibu sungah khum hi. Kumpipa, a khutnuai bawite, thiampi Zadok, Abiathar capa Ahimelek, thiampi innkua pen a lubel tek le Levi mi innkua lubelte cu theihpihtu haw hi.
7 Pa khatnak Jehoiarib
Pa nihnak Jedaiah
8 Pa thumnak Harim
Pa linak Seorim,
9 Pa nganak Malkhijah,
Pa luknak Mijamin,
10 Pa salihnak Hakkoz,
Liatnak Abiah,
11 Kuahnak Jeshua,
Sawmnak Shekaniah,
12 Sawm le pa khatnak Eliashib,
Sawm le pa nihnak Jakim
13 Sawm le pa thumnak Huppah,
Sawm le pa linak Jeshebeab,
14 Sawm le pa nganak Bilgah,
Sawm le pa luknak Immer,
15 Sawm le pa salihnak Hezir,
Sawm le pa liatnak Happizzez,
16 Sawm le pa kuahnak Pethahiah,
Sawm nihnak Jehezkel,
17 Sawm nih le pa khatnak Jakhin,
Sawm nih le pa nihnak Gamul,
18 Sawm nih le pa thumnak Delaiah,
Sawm le pa linak Maaziah.
19 Hi cu Topa Israel Pathian thupiaknak bangin le a pu le pa ten Aaron daan koihmi bangin, Topa i biakinn a nadektu tukin khenkhuai mite hi.
Levi Mite
20 Levi casuante, a hinnam haw tek pen a lupi haw cu na hi haw hi.
Shebuel, hinnam pen Amram casuan Jehdeiah;
21 Rehabiah casuan Isshiah;
22 Shelomith hinnam pen Izhar casuan Jahath;
23 Hebron hinnam pen a sasangin Jeriah, Amariah, Jehaziel le Jekameam,
24 Mikah sung pen Uzziel casuan,
25 Mikah i unau Isshiah sung pen Uzziel casuan Zekhariah,
26 Merari casuante: Mahli, Mushi le Jaaziah.
27 Jaaziah in capa pa thum nei hi: Shoham, Zakkur, le Ibri haw hi.
28-29 Mahli in capa pa nih Eleazar le Kish nei hi. Eleazar cu capa nei ma hi; Kish in capa pa khat Jerahmeel nei hi.
30 Mushi in capa pa thum, Mahli, Eder le Jerimoth nei hi. Hi cu Levi mitei hinnam zui in, a casuante haw hi.
31 A innkua haw cu Aaron i casuan thiampi tei a bawl zo haw bangin a nadeh haw mi tennakin, a innkua haw a, lubel le a nau lak pen mi pa khatin aisannak dok tek haw hi. David Kumpi, Zadok, Ahimelek, thiampi innkua pih pen a lubel le Levi mi innkua pen a lubelte cu a mutu tetti hi haw hi.