SAAM LABU 98
Pathian Lei Buppi Uktu
1 Topa i lakah la thak sa un!
A lamdang nate bawl zo hi.
A huham le a zaangtha ngilnak
thiangtho in
ngalte neh khawng zo hi.
2 Topa in, a ngal nehnak
thu cu than hi;
Mi a patsuah theihnak huham cu,
miphun le nam hempoh tei lakah
theihtik khawng hi zo hi.
3 Topa cu ama itnak le
a muantaknak hangin
Israel tei lak a thutepmi kimtik hi.
Vanhaang nuai mihing hempohin,
ohtei Pathian i ngal nehnak cu
4 Maw leihum mihing hempoh,
Topa i lakah lungdamnak lasa un;
Amah pahcoihnak lasa unna,
lungdamin au un!
5 Pahcoihnak lasa in
Pathian cu thangphat un;
Phaidaakte tumin thangphat
pahcawi un!
6 Pengkul le pheveu tuah kumpi
a Pathian i mai ah,
lungdam thatui in au un!
7 Maw tuipi le tui sung um
nganhing hempoh, nging zetin au un!
Maw leipi le a sungum
a nungmi hempoh ten lasa un.
8 Maw tuipi thuanthumte baibeng un!
Maw mualte, Topa i mai ah
lungdam thatho zetin lasa ten un!
9 Itahim titale lei buppi uk tukin
Topa cu hung hi.
Aman lei buppi i mihing hempoh cu
dikcangnak le
thuman tuah uk tuk hi.