SAAM LABU 95
Thangphat Pahcoihnak La
1 Hung un, Topa cu
thangphat pahcawi nung hi!
Eimuh huptu le pantu pa i nelah
A lungdamnak uh
la in sa tuk hung hi;
2 Lungdamnak tuah a mai ah hawh nung;
thangphat pahcoihnak la cu
thatui zetin sa tuk hung hi.
3 Itahim titale Topa cu
a Cungnungbel Pathian hi,
pathianno hempoh tei humah
Cungnungbel kumpi hi.
4 Lei buppi hi ama khut sungah um hi.
A thukbel pen pan a sangbel
muallek tianin aman uk khawng hi.
5 Ama bawlmi tuipi cu ukin,
a semsuah mi leipi vang uk hi.
6 Hung un, a lu uh kunin
amah cu bia nung;
Topa, a bawltu i mai ah
a khuk uh din nung;
7 Amah cu ohtei Pathian hi.Ref 95:7-8 Heb 3:15; 4:7;
Ohte cu a cingkhawi mi
a mihingte hung hi;
A cinmi tuuhonte hi hung hi.
Tuni in, a thuhilhte ngai hem un.Ref 95:7-11 Heb 3:7-11;
8 “Meribah ah a hengmi
na pu le pa uhte bangin!
Lungmu ngeng pahsuh un.
Massah phillawnah a hengmi
na pu le pate bangin
lungmu ngeng pahsuh un.Ref 95:8-9 Suah 17:1-7; Mipum 20:2-13;
9 Amu ca in ka bawlmi hempoh
mu leng haw naven
khingkhai in langpang leng haw hi.
10 Kum sawm li sung pikpek hi
mihing tei nundan
ciat dimdem zo ing.
I tizah muantak ngawl mihingte
hi uh cim?
Ka thukham pa khatno hei
na zui uh ngawl hi! ti ing.
11 Ka thinukzet hangin,
colhdamnak nangmuh pia tung,
tin ka tiamsa mi ngamah
heng hihim tukma uh ci,”
ti hi.Ref 95:11 Mipum 14:20-23; Daan 1:34-36; 12:9-10; Heb 4:3,5;