SAAM LABU 94
Mi Hempoh Thukhentu Pathian
1 Maw Topa nang cu
phuba latu Pathian hi ci;
Na thinuknak langtikin hi.
2 Nang cu mi hempoh tei
thukhentu hi ci;
Tho in mi pualthau tei sual thaman
pia in hi.
3 Itik tian kaw mi ngilote
a lung a dam hih haw tuk?
Topa aw, itik can
ngei tuk lai him?
4 Thilsual a bawltu ten ituk tian kaw
tuangkhawng zetin le
pualthau zetin, a sualnak haw
5 Topa aw, na mihingte
sikpek cih haw in,
Nangma mihingte bawlsia haw hi.
6 Meivong le nu le pa nei ngawl
ca-ngahte that haw in,
a ngamsung uh a, mikhualte
that haw hi.
7 Amuh ten, “ Topa in
mu ma poh;
Israel tei Pathian in
zo kha ma poh,” ti haw hi.
8 Maw ka mihingte,
ita hitih lawlawmin
lungmu dawm le misil hi uh cim?
I tuk ten kaw na beng uh a vak tuk?
9 A beng uh a bawltu Pathian in,
thei ngawlin maw a um tuk?
A mit uh bawltu Pathian in
mu ngawlin maw a um tuk?
10 Miphun hempoh puitu in,
nun zilh tukma maw?
Mi hempoh a zilhtu in
thei khawng tukma maw?
11 Topa in mihing tei lungmu cu
mu khawng hi.
A ngaihsut mite imah
a hih ngawllam vang thei khawng hi. Ref 94:11 1Kor 3:20;
12 Maw Topa aw,
nangmah hilhhawl a cotu le
nangma thukham zilh a cotute cu
mi muicu hi haw hi.
13 Mi ngilo tei ca tukin khukcawh
a celh haw ngawl lai sung zong
cimkhamnak sung pen luat hihtik ci.
14 Topa in, a mihingte cu
nunghek tukma hi;
Ama mihingte cu zamsan tukma hi.
15 Thukhennak munah man le
dikcang zetin thukhennak
umleh tuk hi,
Midikcang hempoh ten
mah dikcangnak tuah
thukhennak cu lungkim pih
haw tuk hi.
16 Mi ngilote do tukin akua kaw
ka ca a ding tuk?
Kei a langpangtute do tukin
akua kaw ka lamah a tang tuk?
17 Topa in, a bawm ngawl ahin,
manlang zetin meng diudeu munah
heng tuk toh ing.
18 “Lumthong zo ing,” ka tih ten,
Maw Topa na itnak tuah
phong ci.
19 Thinkham lungkhamin ka um ten,
nangmah in nemin ka lungdamtik ci.
20 Nang cu nawhthuh la in thukhentute,
thu man ngawlpi man hi a titute,
21 Midik miphate that tukin a sawmtute le
a khelhnak a nei ngawlte
thihnak daan a piatu
tuah phialdun awng ma uh ci.
22 Mahnaven ka Topa in
keimah hup hi,
Ka Pathian cu ka belhnak
suangpi hi.
23 A siasuak man haw cu
Pathian in daan pia tuk hi.
A sualman haw cu siatsuah khawng
hi haw tuk hi.
Topa a Pathian uhin
bawlsia tuk hi.