SAAM LABU 93
Pathian Cu Kumpi Hi
1 Topa cu kumpi hi.
Thawm ngengnak huham tuah
thuamin, tha ngilnak tuah dim hi.
Leipi cu khoh zetin koih zo ci;
hin theih hi lehma toh hi.
2 Topa aw, na kumpi khunnak cu
a pat pepan khozet zo hi.
Huncan a umlaih ngawlin
nang cu um zo ci.
3 Topa aw,
a thukmi tuipi thuanthum ten,
aw suahin au haw hi.
A aw haw suahin, a hawkin
hawk khu khum haw hi.
4 Topa cu vancungah
uktu bawibel hi.
Tuipi thuanthum tei thumte sangin
nase saw in,
Tuipi i tui hualpite sang hei in,
ngil saw hi.
5 Topa aw, na daan thukham cu
kumkhua in kho hi.
Na biakinn cu kumkhua in
thiangtho leleng hi.