SAAM LABU 92
Thangphat Pahcoihnak La
1 Topa i nelah
lungdamnak thu son le,
Cungnungbel Pathian,
na minthannak lasak hi a nop dan!
2 Zingsialin, a kho mi na itnak cu
phuangin, khau tuah bawlmi
tum nging awte le
3 phaidaak aw mawi tuah muantak
na hihnak taksial phuan suah hi,
a nop dan!
4 Topa aw, thasiahhuai
na nadehmi in kei lungdamtik ci.
Na thil bawl mite hangin
lungdam lasa ing.
5 Topa aw, na thil bawl mite
a thawmngeng daan!
Na ngaihsutnakte thuk leita!
6 Misil tei theihtheih tukmi
hi kha ma hi;
Huakcum tei ngaihsut bat tuk
hi kha ma hi.
7 Mipha ngawlte cu hampa bangin
po haw tuk hi;
Thil sual a bawltu cu
khangtozet haw tuk hi.
Mahnaven amuhte cu siatsuah
8 Itahim titale Topa nang cu
kumkhua in, Cungnungbel hi ci.
9 Na ngal thi tuk hi tih hei hihen;
Mipha ngawlte cu sung haw tuk a,
thehkeh khawng haw tuk hi,
tih hei hihen thei ung hi.
10 Nangmah in khuicang bangin
caktik ci;
Nunnopnak thupha muicu pia zo ci.
11 Ka ngal tei a sun haw mu ing a,
mipha ngawl tei taunak za zo ing.
12 Mifel cu tuumkung bangin
khang hehu haw tuk hi.
Lebanon a sidar kung bangin
khang haw tuk hi.
13 Amuhte cu Topa i inn sung a,
phutmi thingkung bang haw hi.
A Pathian uh i Biakinn sung pen
khang haw in,
14 a tek ceng sawng haw hei ten
ngah haw hi;
Kumkhua hing dimdemin
khohzet haw hi.
15 Hi miten Topa cu midik hi,
tih le mipha cangkim hi,
tih langtik hi.