SAAM LABU 91
Eimuhte Huptu Pathian
1 Cungnungbel Pathian nelah
beltum tukin a zuantu hei in hihen,
Cungnungbel i hupmi le cinkhawinak
a cotu hei in hihen,
2 Topa nelah,
“Nang cu ka buknak le
ka kulhtian hi ci.
Ka Pathian hi ci, amah muangzet ing,”
tin ti thei tuk hi.
3 Muh theih ngawlmi siatsuahnak pen
hupin, a thitik thei mi nat siasuak
a phunkim sung pen luattik tuk hi.
4 A ha tuah uapin, a cinkhawinak
sungah him tuk ci.
Muantak a hihnak cu na lumphol le
na ngalnam hi tuk hi.
5 Zanlam a tawh theihmi
thinsuk launakte hei lau tukma ci.
Sunlam in, a heng thei mi
haksatnakte hei lau tukma ci.
6 Khuathim lak a vak kawkawi thei mi
pulhnat le sun ni cangcai a,
mithat mang siatsuahtute hei hihen
7 Na elah mi thawng khat,
na piam le pamah mi thawng sawm
lum haw tuk hi.
Mahnaven nang cu liamsuah
kha haw tukma hi.
8 Mipha ngawl tei a thuak dan haw cu
zo in mu tuk ci.
9 Topa cu panpihtu in,
na bawl hangin le
Cungnungbel cu humtu in,
na man hangin hi.
10 Siatsuahnak imah tawk tukma ci.
Na inn elah thisan luannak
heng tukma hi.
11 Na hawhnak hempoh ah
nangmah humhimtu tukin le
a cingtu tukin Pathian in,
a vancungmite koih zo hi.Ref 91:11 Mt 4:6; Lk 4:10;
12 A khutin cawi haw tuk a,
na ke cu suang tuah
kheng kha tukma hi.Ref 91:12 Mt 4:6; Lk 4:11;
13 Kiosa le ngulte tanpek tuk ci a,
a lauhuaimi Kiosa le
a ngu nei ngulte cu cilpek tuk ci.Ref 91:13 Lk 10:19;
14 Pathian, in, “Keimah a ittute cu
pan tung a, ka min a theitute cu
humhim tung hi.
15 A sam haw ten don tung,
haksatnak a tawh haw ten
amu lakah umpih tung;
luattik tung a, minphatnak
pia tung hi.
16 Nunkhua saunak laksawng pia tung a,
nunpan hihim tung,” ti hi.