SAAM LABU 89
Haksat Hun Sung Sakmi Lanote 89 Thulu 1Kum 4:31;
1 Topa aw, na itnak cu
la in sa leleng tung hi.
Muantak na hihnak cu
kumkhua in phuang tung hi.
2 Na itnak cu kumkhua khimin
muantak na hihnak cu
van bangin kho tuk hi,
tih thei ing.
3 Nangmah in, “Ka ten mi pa tuah
thutepnak bawl zo ing;
Ka sila David nelah thutiam zo ing.
4 ‘Na casuan ten catngawlin,
kumpi dek leleng haw tuk hi;
Na uknak cu kumkhua in
khotik tung,’ ” tin ti ci.Ref 89.4 2Sam 7:12-16; 1Khang 17:11-14; Saam 132:11; Nung 2:30;
5 Na lamdang na bawlmi vancung a,
mi thiangtho ten la in sa haw tuk hi.
Maw Topa muantak na hihnak cu
mi thiangtho ten la in sa haw hi.
6 Topa aw, vancungah
nangmah bang kuamah
um haw ma hi.
Ilai vancungmi in nangmah
7 Mi thiangtho ten pumkhawmnak ah
nangmah cu upat haw in,
Na elkim a ummi ten
nangmah kihca haw hi.
8 Maw Topa Pathian,
Cungnungbel,
Nangmah bang a ngilmi
kuamah umma hi.
Topa aw, ihempoh ah
nang cu muantak hi ci.
9 Huham a nei zetmi tuipi cu ukin,
tuihualpi cu daitik ci.
10 A lauhuai ngamsa Rahab cu that ci.
Na ngal cu na ngilnak tuah
neh khawng ci.
11 Leipi hi nangmata hi;
Van vang nangmata leleng hi.
Lei buppi le a sung ummi hempoh vang
semsuah ci.
12 Hanglam le saklam vang
nangma bawlmi hi.
Tabor mual le Hermon mual ten
lungdamin, na nelah lasa haw hi.
13 Huham na neihzia hi!
Na zaangtha ngil daan hi!
14 Na ngam uknak cu diknak le
thu mannak humah khung hi;
Na bawlmi na hempoh ten
na itnak le muantak na hihnak
15 Lasa in nangmah a biatu,
na hehpih vaknak sung a
a ngamta mi muicu hi uh ci.
Lasa in nangmah a biatu le;
na hehpih vaknak sung a ummi cu
mi muicu hi haw hi.
16 Itahim titale nangmuhte hangin
sun nilui a nunnop haw hi;
Na phatnak hangin nangmah cu
thangphat pahcawi haw hi.
17 Ngalnehnak nase zetin pia ci;
Hehpihin nehtu hitik ci.
18 Itahim titale huptu tuk cu,
Topa nangma ten mi hi.
Israel tei a thiangtho Pathian
nangmah in ka kumpi uh pia ci.
David Nelah Pathian Thutep
19 Nidang laih cawngin muhnak tuah
na sila tei nelah thu phuangin,
Ngalkap minthangzet tei humah,
kumpi lukhu koih zo ing.
A miphun sung pen tenmi pai lakah
kumpi khunnak pia zo ing.
20 Ka sila David cu tengin,
nangmuh tei kumpi tukin
sathau thih zo ing.Ref 89.20 1Sam 13:14; Nung 13:22; 1Sam 16:12;
21 Ka ngilnak cu ama lakah
um lelengin, ka huhamin
mi ngilzetah cangtik tuk hi.
22 A ngal ten neh haw tukma hi.
Mipha ngawlte vangin
ti ngam haw tukma hi.
23 A ngalte cu cilpek tung a,
amah a huatute cu that tung hi.
24 Amah cu it leleng tung a,
ama ca in muantak
hi leleng tung hi.
Ngal neh lelengtu in bawl tung.
25 A uknak ngam cu
Mediterranean tuipi pepan
Eufrates tuipi tian zaltik tung.
26 Aman, ‘Nang cu ka pa le
ka Pathian hi ci;
Belhnak suangpi le pantu hi ci,’
tituk hi.
27 Amah cu ka ca upabelin bawl tung a,
kumpi lak pen kumpi ngengbelin
bawl tung hi.Ref 89.27 Mang 1:5;
28 Ama nel a ka thutepmi cu
kimtik tung a,
amah tuah thutep ka bawlmi cu
kumkhua in kho tuk hi.
29 A caleh ten kumpi in
bawl leleng haw tuk a,
a uknak cu van bangin kho tuk hi.
30 Mahnaven a caleh ten
ka daante zui haw ngawlin
ka thukham bangin
a ngamta haw ma tale,
31 ka thupiakmite imah sialkha ngawlin,
ka thukhamte a zui haw ma tale,
32 amuh tei sualnak hangin
dantat tung.
Amuh tei khelhnak hangin vat tung.
33 Mahnaven David cu it ngawlin
um thei tuk mang hi.
Ama lakah ka thutepmite vang
kimtik ngawlin um tuk mang hi.
34 Amah tuah ka thutepmi cu
siatsuahleh tuk mang hi.
Ama lak a, ka tepsami cu
pa khatno hei la kikleh tuk mang hi.
35 “Ama lakah ka min thiangtho in
kumkhua phaat thutepnak
bawl zo ing.
David lakah zolthu son tuk mang.
36 Catngawlin casuante nei tuk a,
ni a umlaih sung zong
a ngam uknak cu komno in zo tung.
37 A ngam cu van a um thu theihpihtu
hade bangin kumkhua in
kho tuk,” ti hi.
Ngal Sun Hang Kahnak La
38 Mahnaven na tenmi
kumpi humah na thinuk ci;
Amah cu taisan zo ci a lawl zo ci.
39 Na sila amah tuah thutep
na bawlmi cu phiat khawng zo ci,
a kumpi lukhu cu lei ah vawksak ci.
40 Khuapi upnak kulhtiante cu
cimtik khawng ci.
Ngalvilnak mun hempoh vang
siatsuah khawng ci.
41 Vaksuk vakto ten a van haw
nguksakin, a innnel ten
cekpan bawlnakin mang haw hi.
42 Ngal nehtu a langpangtu tei nelah
pia in, a lung haw
damtik khawng ci.
43 A naam haw mawltik khawngin,
ngaldonakah sungtik ci.
44 A kumpi khut cawi ceipi longleh ci,
a kumpi khunnak cu
lei ah nawmvawk ci.
45 Amah cu tek hun laih ngawlin
tektik ci, zahcak mualphonak tuah
dimtik ci.
Luatnak Ca Thungetnak
46 Topa aw, itik tian
buleng tuk nge cim?
Kumkhua tian maw?
I can tian kaw na thinuknak
mei bangin a alh tuk?
47 Maw Topa mihing nunnak
a comdan hi phawkngil pahsun.
Mi hempoh thi tukin na bawl hi
phawk ngil pahsun.
48 Thi ngawlin a nung lelengtu
akua um him?
Khanmual heng ngawlin
a luat thei tuk akua um him?
49 Topa aw, ni dang laih a,
na ihdan na langtik mite khi
ilai ah him?
David lak na tepsa mi
na thutepnakte
atu ilai ah um haw him?
50 Kei na sila mi zotsak ka hihlam
phawkngil pahsun.
Lawki mitei nautat dan le
a simsial ngawl haw dan hi!
51 Maw Topa na ngal ten
na tensa mi kumpi cu
zawnsak leita haw si!
A hawhnak hempoh ah
52 Topa cu kumkhua in
thangphat un!
Amen! Amen!