SAAM LABU 88
Bop Tuk Ngetnak
1 Maw Topa ka Pathian
kei pantu, sun nilui
nangmah sam ing;
zanah na mai ah hung ing.
2 Ka thungetnakte ngai in,
bopnak ngenin ka au ten
theihpih zalin hi.
3 Haksatnak tampi ten
ka nungzui in, mithi khua ah
heng awndiak toh ing.
4 Mithi kuan bang ing hi;
Ka tha bo khawng zo hi.
5 Mithi tei lak a zammi hi ing.
Thah tukin khanah a koihmi haw le
na phawhngilh zo mi,
bop tak hei in, na ngaihsut batleh
ngawl tohmi bang ing.
6 Khanah nangmah in vawk zo ci;
A thimnakbel le a thukbel
khuk sungah khia ci.
7 Ka hum a na thinuknak cu ngit zetin,
na thinuk tuihual pi in delh hi.
8 Nangma sosuahnak hangin,
ka ngualcam ten zamsanin,
a theitu ten sit haw hi.
Khahkhup mi ka hih ten
suak thei ma zo ing.
9 Haksat ka thuak leita hangin
ka mitthim hi.
Topa aw, nisialin
nangmah sam ing.
Ka khutzakin, na nelah
10 Mithi tei ca tukin nalamdang
bawl awng cim?
Mithi tho lehin thangphat pahcawi
awng haw maw?
11 A khel awng ngawl mi na itnak
thu cu khaan sung pen
son awng haw maw?
Muantak na hihnak cu
lalthongnak munah hilh awng
haw maw?
12 Nalamdang na bawl mite
khuathimnak mun pen
mu haw maw?
Na phatnakte phawhngilhnak ngam pen
13 Topa aw, bopnak ngenin
sam ing.
Zingsialin, na nelah thungen ing.
14 Topa aw, ita kei lawl cim?
Ita ka nel pen ngelh cim?
15 Ka khanno lai pen pan
thi awndiakin thuak leleng ing,
Daan na tat hangin
thim khawng zo ing.
16 Mei bangin a alhmi na thinuknakin
keimah khuhin,
a lauhuaimi na naa ten
keimah siatsuah hi.
17 Tuilun khang bangin sun nilui
kilcih haw hi;
Ilai banglai pen neek tutuh haw hi.
18 Keimah a ittute le
ka ngualcam phabelte hei
taitik khawng ci.
Ka ngualcam neihcalam cu
khuathim hi.