SAAM LABU 87
Jerusalem Pahcoihnak
1 Pathian in mual thiangtho humah
a khuapi toh hi.
2 Israel ngam mundang hempoh sangin
Jerusalem khuapi cu deihbel hi.
3 Pathian khuapi aw,
a pahcoih hawdan hi!
Ngai tehin!
4 “Keima thu a ngaitu ngam tei
min ka khum ten
Izipt le Babilon ngam
telhcih tung hi.
Filistin, Taiya le Ethiopia cu
Jerusalem sungah tel haw,
ti tung,” ti hi.
5 Zion cu mi hempoh piannak Nu hi,
Cungnungbel Pathian in
mah mual cu khotik tuk hi,
tin ti haw tuk hi.
6 Topa in mi hempoh
cazin bawlin,
mah cazin a telmi hempoh cu
Jerusalem khua mi in
koih khawng tuk hi.
7 Mahlai a um ten laam le lasa thahin,
“Nang cu thupha namkim luannak
tuinak hi ci,” tin ti haw hi.