SAAM LABU 84
Pathian Inn Ngai Haw
1 Maw Cungnungbel Pathian,
na Biakinn cu
itih zahin him ka deih!
2 Iti zahin him a sung
heng tuk ka nuam!
Topa i Biakinn sung hen tuk cu
nuamzet ing.
Ka thin le lung venghawngin,
a nungmi Pathian nelah
lungdamin lasa ing.
3 Maw Cungnungbel Topa,
ka kumpi le ka Pathian,
kawllit hei in bu nei haw a,
piangpial ten inn nei haw hi.
A canote haw cu
na biaklandawh elah koih haw hi.
4 Na biakinn thiang sung a ummi le
na nelah catngawlin
thangphat la a satute cu izahin
5 Na nel a thazaang a latu le
Zion muallamah
a lungmu a koihtute cu
mi muicu hi haw hi.
6 A ko mi Baka luam sung a,
hawh haw hei in,
tui putnak munin cang hi.
Khuapi nguahin lei kualnak hempoh
tui dimtik khawng hi.
7 Amuh ten a hawhthahin
cak dedeuh haw hi,
pathian hempoh lak pen
Pathian cu Zion ah
8 Maw Topa Pathian,
Cungnungbel.
Ka thungetnak ngai in!
Maw Jakob Pathian, ka aunakte
theihpih zalin hi.
9 Maw Pathian aw, humhimtu
kumpi cu zo in, sathau
na thih sa mi cu mitmai pha tuah
10 Na biakinn sung a ni khat um cu
mundang a ni thawng khat
um sangin pha saw hi.
Mi ngilo tei inn sung a um sangin
ka Pathian i inn kongka bul a din cu
nuam saw ing.
11 Topa cu humhimtu le
a sunglawi kumpipa hi.
Hehpihnak le sunloihnak tuah
muicu pia hi.
Thilpha a bawltu tei nelah
thilpha piak tuk cu phalzet hi.
12 Maw Cungnungbel Pathian,
nangmah a muangtu cu
mi muicu hi haw hi.