SAAM LABU 85
Ngam Ca Thungetnak
1 Topa aw, na ngam ca
hehpihnak nei zo ci.
Israel cu neinung zetin
umlehtik zo ci.
2 Na mihing tei sualnak cu zahin,
A khelhnak haw hempoh
vawksak ci.
3 Amu hum a na thinuknak cu
damtik ci.
Na thinuk pulhannakte daitik ci.
4 Maw Pathian aw, pantu kikleh inna,
kohtei humah lungdam ngawlin
umleh toh pahsun.
5 Kumkhua in kohtei humah
thinuk tuk cim?
Na thinuk pulhangnak cu
phaleh thei tukma toh maw?
6 Ka thazaang uh cak lehtikin,
na mihing ten thangphat
pahcawi tuk ung hi.
7 Maw Topa na itnak cu
langtikin kohte hi panin hi.
8 Topa Pathian i hilhmi cu ngai ing.
Kohten silnak lampi cu
ka zamsan thei uh tale
lemdaihnak thupha pia tung
tin thutiam hi.
9 Amah a upattute pan suak tukin
mansa lelengin um hi.
A umpihnak cu ohtei ngamah
10 Itnak le muantak hihnak cu
tawkdun haw tuk hi;
Dikcangnak le lemdaihnak cu
kawidun haw tuk hi.
11 Mihing tei muantak hihnak cu
lei pen vanah heng tuk hi.
Pathian i dikcangnakin van pen
zosuk tuk hi.
12 Topa in mihau in
bawl tuk a,
a ngam uhah an tampi suak tuk hi.
13 Topa i mai ah
dikcangnak cu hawhin
ama ca in lampi sial tuk hi.