SAAM LABU 8
Pathian Sunloihnak le Mihing Thupinak
1 Topa aw, Ka Topa uh,
Leihum buppi a na min a thandan hi!
Nang a thangphatnak haw
van khong hi;
2 Naupang le naumom ten
la in sa haw hi:
Na ngalte le nang a dodaltute
kham tukin, kulhtian cu
nangmah in, a kho zetin tiang zo ci.Ref 8:2 Mt 21:16;
3 Na khut i bawlmi van cu zo ing.
A umnak tek haw ah na koihmi
hade le aksite ka muh ten,
4 mihingte na mahelh tak tukin
icaung haw kaw?
Mihing thongpoh cu ihi cuang haw kaw,
na ngaihsak lih?Ref 8:4 Job 7:17-18; Saam 144:3; Heb 2:6-8;
5 Mihing cu nangmah sangin
niam saw deuhin bawl ci,
Sunloihnak, upatnak cu
lukhu bangin khutik ci.
6 Na semsuahmi hempoh humah
uktu hitik ci,
Ihempoh a ke nuai ah koih ci.Ref 8:6 1Kor 15:27; Efe 1:22; Heb 2:8
7 Tuu le khui hampa lak a ngamsate,
8 Vano le tuisung um ngasa le
Tuisung a nungmi hempoh
9 Topa aw, ka Topa uh,
Lei buppi a, na min a thandan hi,
ngengzet si!