SAAM LABU 7
Dikcangnak Tuk Thungetnak
1 Maw Topa ka Pathian,
nangmah cu ka belhnak hi ci.
Kei a hiltu tei lak pepan inna,
hupin hi.
2 Mahti ngawlin kuamah in,
a pat theihleh haw ngawlnak munah,
kiosa bangin thiak haw tuk a,
mahlai ah botbal khawng haw tuk hi.
3 Maw Topa ka Pathian,
mi pa kha khat humah
thil ka bawl sual tale,
4 ka lam a tangte a siatnak
haw tuk vaisiamin,
A um thawthong ka ngalte
ka liamsuah ahi tale,
5 Ka ngal ten hilin kei hu man hen;
Saatin that haw hen,
ka luang cu mualpho in
6 Topa aw, na thinukin tho to in;
ka ngal tei thinuknak do tukin dingin hi.
Khanglo inna, kei hu bawmin,
itahim titale diknak cu na deihmi hi.
7 Na elkimah mi hempoh samkhawm inna,
humlam pen ukin hi.
8 Topa aw, Nang cu
mi hempoh tei thukhentu hi ci,
Mah hangin ka diknak le
ka phatnak bangin, ka thu khenin hi.
9 Nang cu a dikmi Pathian ci,
ka ngaihsutnak uh le
ka deihnak uhte thu khen ci.
Mipha ngawl tei phat ngawlnak cu
botik inna, miphate laksawng pia in hi.Ref 7:9 Mang 2:23;
10 Pathian cu ka ngal phaw hi a,
kei huptu hi.
Ama deihnak a zuitute huptu hi.
11 Pathian cu a dikmi thukhentu hi;
Mipha ngawlte cu lawl leleng hi.
12 Mihingte a sikleh haw ma tale
Pathian in, a ngalnam tattik hi.
A thal kau in kap tukin li leng zo hi.
13 A mi thahnak hiamnamte la in,
a alh limi a thal cu el hi.
14 Zo hem un, mipha ngawl tei
thu ngaihsut mi cu siatnak bek hi.
Siatsuahnak bek ngaisung haw in,
mi zolnak tuah bekin khuasa haw hi.
15 Lei ah khuk thuk zetin kuat haw hi.
Mah a kuat haw mi khuk sungah
amuh lala caak haw hi.
16 Phat ngawlnak a bawl haw mi cu
a lak hawah heng kiklehin,
Mi thisan a suahnak haw cu
a luhum hawah heng kikleh hi.
17 Topa cu a diknak hangin,
lungdam thu hilh tung hi.
Cungnungbel Topa i lakah
thangphatnak lasa tung.